ਭਾਰਤ ਦੇ ਨਿਰਯਾਤ ਪਾਬੰਦੀ ਕਾਰਨ ਕਣਕ ਦੁਨੀਆ ਭਰ 'ਚ ਹੋਈ ਮਹਿੰਗੀ
ਨਵੀਂ ਦਿੱਲੀ: ਕਣਕ ਦੀ ਬਰਾਮਦ 'ਤੇ ਪਾਬੰਦੀ ਦੇ ਭਾਰਤ ਦੇ ਐਲਾਨ ਅਤੇ ਉਤਪਾਦਨ ਵਿਚ ਕਮੀ ਦੇ ਡਰ ਕਾਰਨ ਅੰਤਰਰਾਸ਼ਟਰੀ ਬਾਜ਼ਾਰਾਂ ਵਿਚ ਕਣਕ ਦੀਆਂ ਕੀਮਤਾਂ ਵਿਚ ਉਛਾਲ ਆਇਆ ਹੈ। ਸੰਯੁਕਤ ਰਾਸ਼ਟਰ ਦੀ ਖੁਰਾਕ ਏਜੰਸੀ ਨੇ ਇਹ ਜਾਣਕਾਰੀ ਦਿੱਤੀ। ਫੂਡ ਐਂਡ ਐਗਰੀਕਲਚਰ ਆਰਗੇਨਾਈਜ਼ੇਸ਼ਨ ਦਾ ਮੁੱਲ ਸੂਚਕ ਅੰਕ ਮਈ 2022 ਵਿੱਚ ਔਸਤਨ 157.4 ਅੰਕ ਰਿਹਾ, ਜੋ ਅਪ੍ਰੈਲ ਨਾਲੋਂ 0.6 ਪ੍ਰਤੀਸ਼ਤ ਘੱਟ ਹੈ। ਹਾਲਾਂਕਿ, ਮਈ 2021 ਦੇ ਮੁਕਾਬਲੇ ਇਹ 22.8 ਪ੍ਰਤੀਸ਼ਤ ਵੱਧ ਰਿਹਾ।
FAO ਦਾ ਡਾਟਾ
FAO ਅੰਤਰਰਾਸ਼ਟਰੀ ਭੋਜਨ ਦੀਆਂ ਕੀਮਤਾਂ ਵਿੱਚ ਮਹੀਨਾਵਾਰ ਤਬਦੀਲੀਆਂ ਦੀ ਨਿਗਰਾਨੀ ਕਰਦਾ ਹੈ। FAO ਫੂਡ ਪ੍ਰਾਈਸ ਇੰਡੈਕਸ ਮਈ ਵਿੱਚ ਔਸਤਨ 173.4 ਪੁਆਇੰਟ, ਅਪ੍ਰੈਲ 2022 ਤੋਂ 3.7 ਪੁਆਇੰਟ (2.2 ਪ੍ਰਤੀਸ਼ਤ) ਅਤੇ ਮਈ 2021 ਦੇ ਮੁਕਾਬਲੇ 39.7 ਪੁਆਇੰਟ (29.7 ਪ੍ਰਤੀਸ਼ਤ) ਵੱਧ ਹੈ।
ਕਣਕ ਦੀਆਂ ਕੀਮਤਾਂ ਵਿੱਚ ਵਾਧਾ
ਮਿਲੀ ਜਾਣਕਾਰੀ ਮੁਤਾਬਿਕ ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਮਈ ਦੇ ਮਹੀਨੇ ਵਿੱਚ ਲਗਾਤਾਰ ਕਣਕ ਦੀਆਂ ਕੀਮਤਾਂ ਵਿੱਚ 5.6 ਫੀਸਦੀ ਦਾ ਵਾਧਾ ਹੋਇਆ, ਜੋ ਪਿਛਲੇ ਸਾਲ ਦੀ ਕੀਮਤ ਨਾਲੋਂ ਔਸਤਨ 56.2 ਫੀਸਦੀ ਵੱਧ ਹੈ ਅਤੇ ਮਾਰਚ 2008 ਵਿੱਚ ਰਿਕਾਰਡ ਵਾਧੇ ਨਾਲੋਂ ਸਿਰਫ 11 ਫੀਸਦੀ ਘੱਟ ਹੈ। ਕਈ ਪ੍ਰਮੁੱਖ ਨਿਰਯਾਤਕ ਦੇਸ਼ਾਂ ਵਿੱਚ ਫਸਲਾਂ ਦੀ ਸਥਿਤੀ ਨੂੰ ਲੈ ਕੇ ਚਿੰਤਾਵਾਂ ਅਤੇ ਯੁੱਧ ਕਾਰਨ ਯੂਕਰੇਨ ਵਿੱਚ ਉਤਪਾਦਨ ਘਟਣ ਦੇ ਡਰ ਦੇ ਵਿਚਕਾਰ ਭਾਰਤ ਵੱਲੋਂ ਕਣਕ ਦੀ ਬਰਾਮਦ 'ਤੇ ਪਾਬੰਦੀ ਦੇ ਐਲਾਨ ਕਾਰਨ ਕਣਕ ਦੀਆਂ ਕੀਮਤਾਂ ਤੇਜ਼ੀ ਨਾਲ ਵੱਧ ਰਹੀਆਂ ਹਨ। ਅੰਤਰਰਾਸ਼ਟਰੀ ਮੋਟੇ ਅਨਾਜ ਦੀਆਂ ਕੀਮਤਾਂ ਮਈ ਵਿੱਚ 2.1 ਪ੍ਰਤੀਸ਼ਤ ਘਟੀਆਂ, ਪਰ ਇੱਕ ਸਾਲ ਪਹਿਲਾਂ ਦੀਆਂ ਕੀਮਤਾਂ ਨਾਲੋਂ 18.1 ਪ੍ਰਤੀਸ਼ਤ ਵੱਧ ਰਹੀਆਂ।
ਕਣਕ ਦੇ ਨਿਰਯਾਤ 'ਤੇ ਪਾਬੰਦੀ
FAO ਦੇ ਖੰਡ ਮੁੱਲ ਸੂਚਕਾਂਕ ਵਿੱਚ ਅਪ੍ਰੈਲ ਦੇ ਮੁਕਾਬਲੇ 1.1 ਪ੍ਰਤੀਸ਼ਤ ਦੀ ਗਿਰਾਵਟ ਆਈ, ਮੁੱਖ ਤੌਰ 'ਤੇ ਭਾਰਤ ਵਿੱਚ ਭਾਰੀ ਉਤਪਾਦਨ ਅਤੇ ਵਿਸ਼ਵ ਪੱਧਰ 'ਤੇ ਇਸਦੀ ਉਪਲਬਧਤਾ ਵਿੱਚ ਵਾਧਾ ਹੋਣ ਦੀ ਸੰਭਾਵਨਾ ਹੈ। ਮਹੱਤਵਪੂਰਨ ਗੱਲ ਇਹ ਹੈ ਕਿ, ਭਾਰਤ ਨੇ ਘਰੇਲੂ ਪੱਧਰ 'ਤੇ ਵਧਦੀਆਂ ਕੀਮਤਾਂ ਨੂੰ ਕੰਟਰੋਲ ਕਰਨ ਦੇ ਉਪਾਵਾਂ ਦੇ ਹਿੱਸੇ ਵਜੋਂ 13 ਮਈ 2022 ਨੂੰ ਕਣਕ ਦੇ ਨਿਰਯਾਤ 'ਤੇ ਪਾਬੰਦੀ ਲਗਾਉਣ ਦਾ ਫੈਸਲਾ ਕੀਤਾ ਸੀ।
ਇਹ ਵੀ ਪੜ੍ਹੋ:ਮੁਲਾਜ਼ਮ ਯੂਨੀਅਨ ਨੇ ਆਪਣੀਆਂ ਮੰਗਾਂ ਨੂੰ ਲੈ ਕੇ ਬੁਲਾਇਆ ਵਿਸ਼ੇਸ਼ ਜਨਰਲ ਇਜਲਾਸ
-PTC News
