ਚੰਨੀ ਨੂੰ ਮੁੜ ਪੰਜਾਬ ਦਾ ਮੁੱਖ ਮੰਤਰੀ ਵੇਖਣਾ ਚਾਹੁੰਦਾ ਹਾਂ: ਸੋਨੂੰ ਸੂਦ

ਮੋਗਾ: ਪੰਜਾਬ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਅਦਾਕਾਰ ਸੋਨੂੰ ਸੂਦ ਨੇ ਸੋਮਵਾਰ ਨੂੰ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੂੰ ਇੱਕ ਹੋਰ ਮੌਕਾ ਦਿੱਤਾ ਜਾਣਾ ਚਾਹੀਦਾ ਹੈ। ਸੂਦ ਨੇ ਏਐਨਆਈ ਨੂੰ ਦੱਸਿਆ, "ਚੰਨੀ ਸਾਹਿਬ ਨੇ ਪਿਛਲੇ ਕੁਝ ਦਿਨਾਂ ਵਿੱਚ ਸ਼ਾਨਦਾਰ ਕੰਮ ਕੀਤਾ ਹੈ। ਮੈਂ ਚਾਹੁੰਦਾ ਹਾਂ ਕਿ ਉਹ ਦੁਬਾਰਾ ਮੁੱਖ ਮੰਤਰੀ ਬਣਨ। ਉਹ ਇੱਕ ਅਦਭੁਤ ਇਨਸਾਨ ਹਨ। ਉਨ੍ਹਾਂ ਕੋਲ ਸਮਾਂ ਘੱਟ ਸੀ, ਇਸ ਨੂੰ ਅਨੁਕੂਲ ਹੋਣ ਵਿੱਚ ਥੋੜ੍ਹਾ ਸਮਾਂ ਲੱਗਦਾ ਹੈ। ਪਰ ਇੰਨੇ ਥੋੜ੍ਹੇ ਸਮੇਂ ਵਿੱਚ, ਉਨ੍ਹਾਂ ਦੁਆਰਾ ਬਹੁਤ ਉਤਸ਼ਾਹ ਅਤੇ ਜਨੂੰਨ ਦਿਖਾਇਆ ਗਿਆ ਸੀ ਅਤੇ ਉਨ੍ਹਾਂ ਨੂੰ ਹੋਰ ਮੌਕਾ ਦਿੱਤਾ ਜਾਣਾ ਚਾਹੀਦਾ ਹੈ।" ਅਭਿਨੇਤਾ ਨੇ ਦਾਅਵਾ ਕੀਤਾ ਇਸ ਵਾਰ ਕਾਂਗਰਸ ਦੀ ਜਿੱਤ ਪੱਕੀ ਹੈ। ਇਹ ਵੀ ਪੜ੍ਹੋ: ਜੌਰਡਨ ਸੰਧੂ ਨੇ ਸਾਂਝੀ ਕੀਤੀਆਂ ਆਪਣੇ ਵਿਆਹ ਦੀਆਂ ਤਸਵੀਰਾਂ, ਪ੍ਰਸ਼ੰਸਕਾਂ ਵਿੱਚ ਉਤਸ਼ਾਹ ਦੀ ਲਹਿਰ ਮੋਗਾ ਤੋਂ ਪੰਜਾਬ ਵਿਧਾਨ ਸਭਾ ਚੋਣਾਂ ਲੜਨ ਵਾਲੀ ਆਪਣੀ ਭੈਣ ਮਾਲਵਿਕਾ ਸੂਦ ਬਾਰੇ ਪੁੱਛੇ ਜਾਣ 'ਤੇ ਸੋਨੂੰ ਸੂਦ ਨੇ ਕਿਹਾ, "ਮੇਰੀ ਮਾਂ ਇੱਕ ਪ੍ਰੋਫੈਸਰ ਨੇ ਜਿਨ੍ਹਾਂ ਸਾਰੀ ਉਮਰ ਬੱਚਿਆਂ ਨੂੰ ਪੜ੍ਹਾਇਆ। ਮੇਰੇ ਪਿਤਾ ਇੱਕ ਸਮਾਜ ਸੇਵਕ ਸਨ। ਸਾਡੀ ਜ਼ਮੀਨ ਦੇ ਪਲਾਟ ਤੇ ਇੱਥੇ ਸਕੂਲ, ਕਾਲਜ ਅਤੇ ਧਰਮਸ਼ਾਲਾਵਾਂ ਬਣੀਆਂ ਹਨ। ਇਸ ਲਈ ਇਹ ਸਾਡੇ ਖੂਨ ਵਿੱਚ ਹੈ।"

My mother, a professor, taught children all her life. My father was a social worker. Schools, colleges & dharamshalas here are constructed on our plots of land. So, it's in our blood: Sonu Sood (1/2) His sister Malvika Sood is Congress' candidate from Moga#PunjabElections2022 pic.twitter.com/VyYhmuJY2h — ANI (@ANI) January 24, 2022

ਉਨ੍ਹਾਂ ਅੱਗੇ ਜੋੜਦਿਆਂ ਕਿਹਾ "ਮੇਰੀ ਭੈਣ ਨੇ ਵਧੇਰੀ ਜ਼ਿੰਮੇਵਾਰੀ ਨਿਭਾਈ ਹੈ, ਸਾਡੇ ਸ਼ਹਿਰ ਵਿੱਚ ਵੱਧ ਤੋਂ ਵੱਧ ਟੀਕਾਕਰਨ ਉਸ ਦੁਆਰਾ ਕਰਵਾਏ ਗਏ ਸਨ। ਜਿੱਥੋਂ ਤੱਕ ਸਿੱਖਿਆ ਅਤੇ ਲੋਕਾਂ ਦੀ ਮਦਦ ਕਰਨ ਦਾ ਸਵਾਲ ਹੈ, ਉਸਨੇ ਮੋਗਾ ਵਿੱਚ ਵੱਡੇ ਪੱਧਰ 'ਤੇ ਕੰਮ ਕੀਤਾ ਹੈ। ਲੋਕਾਂ ਨੇ ਉਸਨੂੰ ਸਿਸਟਮ ਦਾ ਹਿੱਸਾ ਬਣਨ ਲਈ ਪ੍ਰੇਰਿਤ ਕੀਤਾ।"

My sister took more responsibility, maximum vaccinations in our city were facilitated by her. As far as education and helping people is concerned, she had worked in Moga on a large scale. People pushed her to be a part of the system: Sonu Sood (2/2)#PunjabElections2022 pic.twitter.com/aoDmU2fdSc

— ANI (@ANI) January 24, 2022

ਆਪਣੇ ਅਤੇ ਆਪਣੀ ਭੈਣ ਦੇ ਆਮ ਆਦਮੀ ਪਾਰਟੀ 'ਚ ਸ਼ਾਮਲ ਹੋਣ ਦੀਆਂ ਪਹਿਲਾਂ ਦੇ ਕਿਆਸ 'ਤੇ ਪ੍ਰਤੀਕਿਰਿਆ ਪ੍ਰਗਟ ਕਰਦਿਆਂ ਉਨ੍ਹਾਂ ਕਿਹਾ, "ਪਾਰਟੀਆਂ ਕੋਈ ਮਾਇਨੇ ਨਹੀਂ ਰੱਖਦੀਆਂ, ਵਿਅਕਤੀਆਂ ਦੀ ਸੋਚ ਸਮਾਜ ਅਤੇ ਦੇਸ਼ ਨੂੰ ਬਦਲ ਦਿੰਦੀ ਹੈ। ਅਰਵਿੰਦ ਕੇਜਰੀਵਾਲ ਅੱਜ ਵੀ ਮੇਰੇ ਕਰੀਬੀ ਹਨ ਅਤੇ ਅੱਜ ਵੀ ਮੈਂ ਦੇਸ਼ ਦੇ 'ਦੇਸ਼ ਕਾ ਮੈਂਟਰ' ਦਾ ਬ੍ਰਾਂਡ ਅੰਬੈਸਡਰ ਹਾਂ।" ਅਰਵਿੰਦ ਕੇਜਰੀਵਾਲ ਅਤੇ ਰਾਘਵ ਚੱਢਾ ਨਾਲ ਉਚ ਪੱਧਰ 'ਤੇ ਪਾਰਟੀ 'ਚ ਸ਼ਾਮਲ ਹੋਣ ਦੀਆਂ ਗੱਲਾਂ ਚੱਲ ਰਹੀਆਂ ਸਨ। ਕਈ ਧਿਰਾਂ ਨਾਲ ਗੱਲਬਾਤ ਹੋਈ। ਪਰ ਇਸ ਸਮੇਂ ਮੈਂ ਆਪਣੇ ਕੰਮ ਵਿੱਚ ਬਹੁਤ ਵਿਅਸਤ ਹਾਂ, ਮੈਂ ਛੱਤੀਸਗੜ੍ਹ, ਤੇਲੰਗਾਨਾ ਅਤੇ ਮੁੰਬਈ ਵਿੱਚ ਹਸਪਤਾਲ ਬਣਾ ਰਿਹਾ ਹਾਂ। ਮੈਂ ਇੱਕ ਅਦਾਕਾਰ ਵਜੋਂ ਵੀ ਬਹੁਤ ਰੁੱਝਿਆ ਹੋਇਆ ਹਾਂ। ਉਨ੍ਹਾਂ ਕਿਹਾ ਕਿ ਜੇਕਰ ਮੈਂ ਰਾਜਨੀਤੀ ਵਿੱਚ ਆਉਣਾ ਚਾਹੁੰਦਾ ਹਾਂ ਤਾਂ ਮੈਨੂੰ ਪੂਰੇ ਦਿਲ ਨਾਲ ਆਉਣਾ ਚਾਹੀਦਾ ਹੈ, ਮੈਂ ਇਸ ਲਈ ਫਿਲਹਾਲ ਤਿਆਰ ਨਹੀਂ ਹਾਂ। ਸੂਦ ਨੇ ਦੱਸਿਆ, "ਮੈਂ ਦੋ ਵਾਰ ਰਾਜ ਸਭਾ ਸੀਟ ਤੋਂ ਇਨਕਾਰ ਕੀਤਾ ਹੈ।" ਉਨ੍ਹਾਂ ਕਿਹਾ "ਅਹੁਦੇ ਜਿੱਤੇ ਜਾਂਦੇ ਹਨ, ਮੰਗੇ ਨਹੀਂ ਜਾਂਦੇ, ਭਾਜਪਾ ਨਾਲ ਵੀ ਗੱਲ ਹੋਈ ਸੀ, ਪਰ ਮੈਂ ਕਿਹਾ ਕਿ ਮੈਂ ਅਜੇ ਤੱਕ ਮਨ ਨਹੀਂ ਬਣਾਇਆ।" ਮਾਲਵਿਕਾ ਸੂਦ ਕਾਂਗਰਸ 'ਚ ਸ਼ਾਮਲ ਕਿਉਂ ਹੋਏ ਇਸ ਸਵਾਲ 'ਤੇ ਉਨ੍ਹਾਂ ਕਿਹਾ ਕਿ "ਮੋਗਾ 'ਚ ਵੱਡੀ ਗਿਣਤੀ 'ਚ ਲੋਕ ਕਾਂਗਰਸ ਨਾਲ ਜੁੜੇ ਹੋਏ ਹਨ। ਅਸੀਂ ਉਨ੍ਹਾਂ ਲੋਕਾਂ ਨਾਲ ਵੱਡੇ ਹੋਏ ਹਾਂ ਜੋ ਕਾਂਗਰਸ ਨਾਲ ਜੁੜੇ ਹੋਏ ਹਨ।" ਮੋਗਾ ਤੋਂ ਚੋਣ ਲੜ ਰਹੀ ਮਾਲਵਿਕਾ ਸੂਦ ਦਾ ਵਿਰੋਧ ਕਰ ਰਹੇ ਲੋਕਾਂ 'ਤੇ ਉਨ੍ਹਾਂ ਕਿਹਾ ਕਿ ਕੁਝ ਲੋਕ ਕਹਿੰਦੇ ਹਨ ਕਿ ਪੈਰਾਸ਼ੂਟ ਵਾਲਾ ਉਮੀਦਵਾਰ ਉਤਰਿਆ ਹੈ, ਜਦੋਂ ਤੋਂ ਸਾਡਾ ਪਰਿਵਾਰ ਸਮਾਜ ਸੇਵਾ ਕਰ ਰਿਹਾ ਹੈ ਉਦੋਂ ਇਨ੍ਹਾਂ 'ਚੋਂ ਕਈ ਲੋਕ ਪੈਦਾ ਵੀ ਨਹੀਂ ਹੋਏ ਸੀ। ਲੋਕ ਸਾਡੇ ਨਾਲ ਹਨ | ਅਸੀਂ ਜਿੱਤਾਂਗੇ ਜਾਂ ਨਹੀਂ, ਪਤਾ ਨਹੀਂ ਪਰ ਅੱਜ ਅਸੀਂ ਸਿਹਤ ਅਤੇ ਸਿੱਖਿਆ ਲਈ ਕੰਮ ਕਰ ਰਹੇ ਹਾਂ।" ਸੂਦ ਨੇ ਆਪਣੇ ਟਿਕਾਣਿਆਂ 'ਤੇ ਕੀਤੇ ਗਏ ਆਈਟੀ ਛਾਪੇਮਾਰੀ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ "ਜਦੋਂ ਮੇਰੇ ਟਿਕਾਣੇ 'ਤੇ ਛਾਪੇਮਾਰੀ ਕੀਤੀ ਗਈ ਸੀ ਤਾਂ ਕੁਝ ਪਾਰਟੀਆਂ ਦੇ ਲੋਕਾਂ ਨੇ ਹੀ ਨਹੀਂ ਬਲਕਿ ਪੂਰੇ ਦੇਸ਼ ਨੇ ਮੇਰਾ ਸਮਰਥਨ ਕੀਤਾ ਸੀ। ਮੇਰਾ ਕੰਮ ਲੋਕਾਂ ਨਾਲ ਜੁੜ ਕੇ ਰਹਿਣਾ ਹੈ।" ਇਹ ਵੀ ਪੜ੍ਹੋ: ਹਰਿਆਣਾ ਵਲੋਂ ਕਿਸਾਨਾਂ ਖ਼ਿਲਾਫ਼ ਦਰਜ 87 FIRs ਰੱਦ ਪੰਜਾਬ ਸਟੇਟ ਆਈਕਨ ਦੀ ਜ਼ਿੰਮੇਵਾਰੀ ਛੱਡਣ ਦੇ ਸਵਾਲ 'ਤੇ ਸੋਨੂੰ ਸੂਦ ਨੇ ਕਿਹਾ, ''ਮੈਂ ਪੰਜਾਬ ਸਟੇਟ ਆਈਕਨ ਦੀ ਜ਼ਿੰਮੇਵਾਰੀ ਇਸ ਲਈ ਛੱਡੀ ਸੀ ਕਿਉਂਕਿ ਮੇਰੀ ਆਪਣੀ ਭੈਣ ਚੋਣ ਲੜਨ ਲਈ ਆ ਰਹੀ ਸੀ, ਅਜਿਹੀ ਸਥਿਤੀ 'ਚ ਮੈਂ ਨਿਰਪੱਖ ਹੋ ਕੇ ਆਈਕਨ ਹੋਣ ਦੀ ਅਪੀਲ ਕਰਦਾ ਸੀ ਤਾਂ ਕਿ ਲੋਕ ਨਿਰਪੱਖ ਹੋ ਕੇ ਵੋਟ ਪਾਉਣ।" - PTC News