Viral Video : ਲੱਦਾਖ ਦੇ ਦੋ ਕਲਾਕਾਰਾਂ ਦੀ ਆਵਾਜ਼ ਦੇ ਫੈਨ ਹੋਏ ਆਨੰਦ ਮਹਿੰਦਰਾ, ਵੀਡੀਓ ਵਾਇਰਲ
ਨਵੀਂ ਦਿੱਲੀ : ਰੂਸ ਅਤੇ ਯੂਕਰੇਨ ਵਿਚਾਲੇ ਜੰਗ ਦੇ ਮਾਹੌਲ ਕਾਰਨ ਇਸ ਸਮੇਂ ਪੂਰੀ ਦੁਨੀਆਂ 'ਚ ਡਰ ਦਾ ਮਾਹੌਲ ਬਣਿਆ ਹੋਇਆ ਹੈ। ਲੋਕਾਂ ਨੂੰ ਡਰ ਹੈ ਕਿ ਇਹ ਵਿਵਾਦ ਤੀਜੇ ਵਿਸ਼ਵ ਯੁੱਧ ਦਾ ਜਨਮਦਾਤਾ ਨਾ ਬਣ ਜਾਵੇ। ਇਸ ਸਮੇਂ ਪੂਰੀ ਦੁਨੀਆ ਦੀਆਂ ਨਜ਼ਰਾਂ ਰੂਸ ਅਤੇ ਯੂਕਰੇਨ 'ਤੇ ਟਿਕੀਆਂ ਹੋਈਆਂ ਹਨ। ਹਰ ਕੋਈ ਚਾਹੁੰਦਾ ਹੈ ਕਿ ਜੰਗ ਬੰਦ ਹੋਵੇ ਅਤੇ ਸਮੱਸਿਆ ਦਾ ਹੱਲ ਗੱਲਬਾਤ ਰਾਹੀਂ ਹੋਵੇ।
ਇਸ ਦੌਰਾਨ ਉਦਯੋਗਪਤੀ ਆਨੰਦ ਮਹਿੰਦਰਾ(Anand Mahindra) ਨੇ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ। ਜਿਸ ਵਿੱਚ ਲੱਦਾਖ ਦੇ ਦੋ ਲੋਕ ਗਾਇਕ ਮਸ਼ਹੂਰ ਹਿੰਦੀ ਫਿਲਮ 'ਬਾਰਡਰ'(Border) ਦੇ ਗੀਤ ਗਾ ਰਹੇ ਹਨ। ਗੀਤ ਦੇ ਬੋਲ ਹਨ- 'ਸੰਦੇਸ਼ੇ ਆਤੇ ਹੈ, ਹਮੇ ਤੜਪਾਤੇ ਹੈ...'
ਇਸ ਗੀਤ ਨੂੰ ਲੱਦਾਖ ਦੇ ਦੋ ਪ੍ਰਸਿੱਧ ਲੋਕ ਗਾਇਕਾਂ ਪਦਮਾ ਡੋਲਕਰ ਅਤੇ ਸਟੈਨਜਿਨ ਨੌਰਗਿਸ ਨੇ ਆਪਣੀ ਆਵਾਜ਼ ਅਤੇ ਆਪਣੀ ਸੁਰ ਨਾਲ ਗਾਇਆ ਹੈ। ਦੱਸ ਦੇਈਏ ਕਿ ਇਹ ਗੀਤ ਆਰਮੀ ਡੇਅ 'ਤੇ ਜਵਾਨਾਂ ਨੂੰ ਸ਼ਰਧਾਂਜਲੀ ਦੇਣ ਲਈ ਦੋਵਾਂ ਦੀ ਆਵਾਜ਼ 'ਚ ਸ਼ੂਟ ਕੀਤਾ ਗਿਆ ਸੀ ਅਤੇ ਹੁਣ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।
ਇਨ੍ਹਾਂ ਦੋਵਾਂ ਕਲਾਕਾਰਾਂ ਨੇ ਇਸ ਪ੍ਰਸਿੱਧ ਦੇਸ਼ ਭਗਤੀ ਦੇ ਗੀਤ ਨੂੰ ਬਹੁਤ ਹੀ ਸੁਰੀਲੀ ਆਵਾਜ਼ 'ਚ ਗਾਇਆ ਹੈ, ਜਿਸ ਨੂੰ ਦੇਖ ਕੇ ਆਨੰਦ ਮਹਿੰਦਰਾ (Anand Mahindra) ਵੀ ਇਨ੍ਹਾਂ ਦੇ ਸਰੋਤੇ ਬਣ ਚੁੱਕੇ ਹਨ। ਟਵਿੱਟਰ 'ਤੇ ਇਨ੍ਹਾਂ ਦੋਹਾਂ ਦੀ ਤਾਰੀਫ ਕਰਦੇ ਹੋਏ ਉਨ੍ਹਾਂ ਲਿਖਿਆ ਕਿ ਸੰਗੀਤ ਇਕ ਅਜਿਹੀ ਚੀਜ਼ ਹੈ, ਜੋ ਵੱਖ-ਵੱਖ ਮਾਹੌਲ ਦੇ ਲੋਕਾਂ ਨੂੰ ਇਕਜੁੱਟ ਕਰਦੀ ਹੈ।
ਗੌਰਤਲਬ ਹੈ ਕਿ ਆਨੰਦ ਮਹਿੰਦਰਾ (Anand Mahindra) ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੇ ਹਨ, ਉਹ ਹਰ ਰੋਜ਼ ਦਿਲਚਸਪ ਪੋਸਟਾਂ ਸ਼ੇਅਰ ਕਰਦੇ ਰਹਿੰਦੇ ਹਨ। ਇੰਨਾ ਹੀ ਨਹੀਂ, ਉਹ ਸੋਸ਼ਲ ਮੀਡੀਆ ਰਾਹੀਂ ਹੁਨਰ ਦੀ ਤਾਰੀਫ ਕਰਨ ਦੇ ਨਾਲ-ਨਾਲ ਮਦਦ ਵੀ ਕਰਦਾ ਹੈ। ਟਵਿਟਰ 'ਤੇ ਆਨੰਦ ਮਹਿੰਦਰਾ (Anand Mahindra)ਦੇ ਕਰੀਬ 8.8 ਮਿਲੀਅਨ ਫਾਲੋਅਰਜ਼ ਹਨ। ਇੱਥੇ ਪੜ੍ਹੋ ਹੋਰ ਖ਼ਬਰਾਂ : Russia-Ukraine War Day 2 Live Updates: ਯੂਕਰੇਨ ਦੀ ਰਾਜਧਾਨੀ ਕੀਵ ਵਿੱਚ ਦਾਖਲ ਹੋਏ ਰੂਸੀ ਸੈਨਿਕBeautiful. But what strikes me— apart from their singing prowess—is the incredible breadth & diversity of our country & how music unites us.. https://t.co/MRaYV1giQe
— anand mahindra (@anandmahindra) February 24, 2022
-PTC News 
