ਡਰੈਸ ਕੋਡ 'ਚ ਟਿੱਕੀਆਂ ਤੇ ਚਾਟ ਪਾਪੜੀ ਵੇਚਦੇ ਨੇ ਇਹ ਲੜਕੇ, ਲੋਕਾਂ ਨੂੰ ਅਨੋਖਾ ਤਰੀਕਾ ਆਇਆ ਪਸੰਦ
ਕੋਈ ਵੀ ਕੰਮ ਛੋਟਾ ਜਾਂ ਵੱਡਾ ਨਹੀਂ ਹੁੰਦਾ ਇਹ ਪੁਰਾਣੀ ਕਹਾਵਤ ਹੈ ਜੋ ਸਾਡੇ ਮਾਪਿਆਂ ਤੇ ਬਜ਼ੁਰਗ ਸਾਨੂੰ ਅਕਸਰ ਸਾਨੂੰ ਸੁਣਾਉਂਦੇ ਹੁੰਦੇ ਸਨ। ਇਸ ਲਈ ਇਹ ਜ਼ਰੂਰੀ ਨਹੀਂ ਹੈ ਕਿ ਬੋਰਡ ਰੂਮ ਜਾਂ ਏਸੀ ਦਫ਼ਤਰਾਂ ਵਿੱਚ ਬੈਠੇ ਉਚ ਅਧਿਕਾਰੀ ਤੇ ਕਾਰਪੋਰੇਟਾਂ ਵੱਲੋਂ ਹੀ ਡਰੈਸ ਕੋਡ ਦੀ ਪਾਲਣਾ ਕੀਤੀ ਜਾਣੀ ਚਾਹੀਦੀ ਹੈ ਬਲਕਿ ਹੋਰ ਕੰਮ ਕਰਦੇ ਹੋਏ ਵੀ ਡਰੈਸ ਕੋਡ ਦਾ ਧਿਆਨ ਜ਼ਰੂਰ ਰੱਖਣਾ ਚਾਹੀਦਾ ਹੈ।
ਵਾਇਰਲ ਵੀਡੀਓ ਵਿੱਚ ਡਰੈਸ ਕੋਡ ਵਿੱਚ ਤਿਆਰ ਹੋਏ ਲੜਕੇ ਟਿੱਕੀਆਂ, ਚਾਟ, ਪਾਪੜੀ, ਗੋਲਗੱਪਾ ਤੇ ਹੋਰ ਸਾਮਾਨ ਤਿਆਰ ਕਰਦੇ ਹੋਏ ਦਿਖਾਈ ਦੇ ਰਹੇ ਹਨ। ਲੋਕਾਂ ਵੱਲੋਂ ਦੋਵੇਂ ਲੜਕਿਆਂ ਦਾ ਸਟਾਇਲ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਨੌਜਵਾਨ ਮੁੰਡੇ ਕਾਰੋਬਾਰੀ ਸੂਟ ਪਾ ਕੇ ਗੋਲਗੱਪੇ ਅਤੇ ਚਾਟ ਵੇਚਦੇ ਹਨ।
ਫੂਡ ਬਲਾਗਰ ਹੈਰੀ ਉੱਪਲ ਨੇ ਮੋਹਾਲੀ 'ਚ ਸੜਕ ਕਿਨਾਰੇ ਚਾਟ ਬਣਾਉਣ ਵਾਲੇ ਦੋ ਭਰਾਵਾਂ ਬਾਰੇ ਇਹ ਵੀਡੀਓ ਸਾਂਝੀ ਕੀਤੀ ਹੈ। ਉਹ ਆਪਣੇ ਕਾਰੋਬਾਰ ਨੂੰ ਇੱਕ ਵੱਡੀ ਸਫਲਤਾ ਬਣਾਉਣ ਲਈ ਪਿਛਲੇ ਕੁਝ ਮਹੀਨਿਆਂ ਤੋਂ ਬਹੁਤ ਸਖ਼ਤ ਮਿਹਨਤ ਕਰ ਰਹੇ ਹਨ। ਇਸ ਲਈ, ਉਹ ਆਪਣੇ ਭੋਜਨ ਕਾਰਟ ਉਤੇ ਕੰਮ ਕਰਦੇ ਸਮੇਂ ਸੂਟ ਕਿਉਂ ਪਾਉਂਦਾ ਹੈ? “ਇਹ ਬਸ ਹੋਟਲ ਮੈਨੇਜਮੈਂਟ ਦਾ ਸੰਕੇਤ ਹੈ (ਇਹ ਸਿਰਫ ਇਕ ਸੰਕੇਤ ਹੈ ਕਿ ਮੈਂ ਹੋਟਲ ਪ੍ਰਬੰਧਨ ਕੀਤਾ ਹੈ)।"
ਮੇਰੇ ਕੋਲ ਹੋਟਲ ਪ੍ਰਬੰਧਨ ਦੀ ਡਿਗਰੀ ਹੈ ਅਤੇ ਅਸੀਂ ਚਾਹੁੰਦੇ ਹਾਂ ਕਿ ਲੋਕ ਇਸ ਨੂੰ ਜਾਣਨ ਅਤੇ ਲੋਕ ਸਾਡੀ ਕਹਾਣੀ ਨੂੰ ਜਾਣਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਉਹ ਆਪਣੇ ਗਾਹਕਾਂ ਨੂੰ ਚੰਗੀ ਕੁਆਲਿਟੀ ਦਾ ਸਾਮਾਨ ਮੁਹੱਈਆ ਕਰਵਾਉਂਦੇ ਹਨ।
ਉਹ ਤਾਂਬੇ ਦੇ ਤਵੇ ਉਤੇ ਸਾਰਾ ਸਾਮਾਨ ਬਣਾਉਂਦੇ ਹਨ। ਹਰ ਚੀਜ਼ ਬਣਾਉਣ ਲਈ ਦੇਸੀ ਘਿਓ ਦੀ ਵਰਤੋਂ ਕਰਦੇ ਹਨ ਤੇ ਭਵਿੱਖ ਵਿੱਚ ਵੀ ਮਿਹਨਤ ਜਾਰੀ ਰੱਖਣਗੇ।
ਇਹ ਵੀ ਪੜ੍ਹੋ : ਖਿਲਰਿਆ ਬਿਸਤਰਾ, ਟੁੱਟਿਆ ਦਰਵਾਜ਼ਾ, ਦਿਲਜੀਤ ਦੋਸਾਂਝ ਨੇ ਆਪਣੇ ਘਰ ਦਾ ਕਰਵਾਇਆ ਅਨੋਖਾ ਦੌਰਾ
