ਰੁਪਏ ਦੀ ਕੀਮਤ 81.52 ਦੇ ਰਿਕਾਰਡ ਹੇਠਲੇ ਪੱਧਰ 'ਤੇ ਡਿੱਗੀ
ਨਵੀਂ ਦਿੱਲੀ : ਅਮਰੀਕੀ ਮੁਦਰਾ ਵਿਚ ਮਜ਼ਬੂਤੀ ਦੌਰਾਨ ਅੱਜ ਸ਼ੁਰੂਆਤੀ ਕਾਰੋਬਾਰ 'ਚ ਡਾਲਰ ਦੇ ਮੁਕਾਬਲੇ ਰੁਪਇਆ 43 ਪੈਸੇ ਡਿੱਗ ਕੇ 81.52 ਦੇ ਸਭ ਤੋਂ ਹੇਠਲੇ ਪੱਧਰ 'ਤੇ ਆ ਗਿਆ। ਵਿਦੇਸ਼ੀ ਮੁਦਰਾ ਕਾਰੋਬਾਰੀਆਂ ਨੇ ਕਿਹਾ ਕਿ ਯੂਕਰੇਨ ਦੇ ਸੰਘਰਸ਼ ਦੇ ਕਾਰਨ ਵਧ ਰਹੇ ਭੂ-ਰਾਜਨੀਤਿਕ ਜ਼ੋਖ਼ਮ, ਘਰੇਲੂ ਇਕੁਵਿਟੀ ਬਾਜ਼ਾਰਾਂ 'ਚ ਗਿਰਾਵਟ ਤੇ ਵਿਦੇਸ਼ੀ ਫੰਡਾਂ ਦੇ ਨਿਕਾਸ ਦਾ ਵੀ ਨਿਵੇਸ਼ਕਾਂ ਉਤੇ ਬੋਝ ਪਿਆ ਹੈ। ਅੰਤਰਬੈਂਕ ਵਿਦੇਸ਼ੀ ਮੁਦਰਾ ਬਾਜ਼ਾਰ 'ਚ ਰੁਪਿਆ ਡਾਲਰ ਦੇ ਮੁਕਾਬਲੇ 81.47 ਉਤੇ ਖੁੱਲ੍ਹਿਆ ਤੇ ਫਿਰ ਡਿੱਗ ਕੇ 81.52 ਉਤੇ ਆ ਗਿਆ। ਪਿਛਲੇ ਬੰਦ ਮੁੱਲ ਦੇ ਮੁਕਾਬਲੇ ਰੁਪਏ ਦੀ ਕੀਮਤ 43 ਪੈਸੇ ਹੋਰ ਘਟੀ ਹੈ।
ਸ਼ੁੱਕਰਵਾਰ ਨੂੰ ਅਮਰੀਕੀ ਡਾਲਰ ਦੇ ਮੁਕਾਬਲੇ ਰੁਪਿਆ 30 ਪੈਸੇ ਟੁੱਟ ਕੇ 81.09 ਦੇ ਪੱਧਰ ਉਤੇ ਬੰਦ ਹੋਇਆ ਸੀ। ਇਸ ਦੌਰਾਨ ਛੇ ਪ੍ਰਮੁੱਖ ਮੁਦਰਾਵਾਂ ਦੇ ਮੁਕਾਬਲੇ ਅਮਰੀਕੀ ਡਾਲਰ ਦੀ ਸਥਿਤੀ ਨੂੰ ਦਰਸਾਉਂਦਾ ਡਾਲਰ ਸੂਚਕ ਅੰਕ 0.67 ਫ਼ੀਸਦੀ ਵਧ ਕੇ 113.94 ਉਤੇ ਪਹੁੰਚ ਗਿਆ। ਗਲੋਬਲ ਆਇਲ ਬੈਂਚਮਾਰਕ ਬ੍ਰੈਂਟ ਕਰੂਡ ਫਿਊਚਰਜ਼ 0.58 ਫ਼ੀਸਦੀ ਡਿੱਗ ਕੇ 85.65 ਡਾਲਰ ਪ੍ਰਤੀ ਬੈਰਲ ਉਤੇ ਰਿਹਾ। ਰਿਲਾਇੰਸ ਸਿਕਿਓਰਿਟੀਜ਼ ਦੇ ਸੀਨੀਅਰ ਰਿਸਰਚ ਐਨਾਲਿਸਟ ਸ਼੍ਰੀਰਾਮ ਅਈਅਰ ਨੇ ਕਿਹਾ ਕਿ ਭਾਰਤੀ ਰੁਪਏ ਦੇ ਕਮਜ਼ੋਰ ਰਹਿਣ ਦੀ ਸੰਭਾਵਨਾ ਹੈ ਕਿਉਂਕਿ ਨਿਵੇਸ਼ਕਾਂ ਨੂੰ ਉਮੀਦ ਹੈ ਕਿ ਯੂਐਸ ਫੈੱਡ ਮੁਦਰਾਸਫੀਤੀ ਨੂੰ ਠੰਢਾ ਕਰਨ ਲਈ ਵਿਆਜ ਦਰਾਂ ਨੂੰ ਹਮਲਾਵਰ ਢੰਗ ਨਾਲ ਵਧਾਉਣਾ ਜਾਰੀ ਰੱਖੇਗਾ। ਅਈਅਰ ਨੇ ਕਿਹਾ ਸ਼ੁੱਕਰਰਵਾਰ ਨੂੰ ਹੋਣ ਵਾਲੇ ਫੈਸਲੇ ਦੇ ਨਾਲ ਹੁਣ ਫੋਕਸ ਇਸ ਹਫਤੇ ਆਰਬੀਆਈ ਦੀ ਮੀਟਿੰਗ 'ਤੇ ਤਬਦੀਲ ਹੋ ਗਿਆ ਹੈ।
ਇਹ ਵੀ ਪੜ੍ਹੋ : ਗੈਂਗਸਟਰ ਮਨਪ੍ਰੀਤ ਰਾਈਆ ਤੇ ਮਨਦੀਪ ਤੂਫ਼ਾਨ ਦਾ ਹੁਸ਼ਿਆਰਪੁਰ ਪੁਲਿਸ ਨੂੰ ਮਿਲਿਆ ਟ੍ਰਾਂਜ਼ਿਟ ਰਿਮਾਂਡ
ਕਾਬਿਲੇਗੌਰ ਹੈ ਕਿ ਸ਼ੁੱਕਰਵਾਰ ਨੂੰ ਵੀ ਮਾਰਕੀਟ ਖੁੱਲ੍ਹਮ ਤੋਂ ਬਾਅਦ ਰੁਪਇਆ ਡਾਲਰ ਦੇ ਮੁਕਾਬਲੇ 81 ਰੁਪਏ ਹੇਠਾਂ ਡਿੱਗ ਗਿਆ ਸੀ। ਜਦੋਂ ਕਿ 10-ਸਾਲ ਦੀ ਬਾਂਡ ਯੀਲਡ 6 ਆਧਾਰ ਅੰਕ ਵਧ ਕੇ 2 ਮਹੀਨਿਆਂ ਦੇ ਉੱਚ ਪੱਧਰ 'ਤੇ ਪਹੁੰਚ ਗਈ ਸੀ। ਇਹ ਅਮਰੀਕੀ ਖਜ਼ਾਨਾ ਪੈਦਾਵਾਰ ਵਿੱਚ ਵਾਧੇ ਤੋਂ ਬਾਅਦ ਹੋਇਆ ਸੀ। ਘਰੇਲੂ ਮੁਦਰਾ $1 ਦੇ ਮੁਕਾਬਲੇ 81.03 'ਤੇ ਖੁੱਲ੍ਹੀ ਸੀ ਅਤੇ 81.13 ਦੇ ਨਵੇਂ ਸਰਵ-ਸਮੇਂ ਦੇ ਹੇਠਲੇ ਪੱਧਰ 'ਤੇ ਪਹੁੰਚ ਗਈ ਸੀ। ਮਨੀਕੰਟਰੋਲ ਦੀ ਇਕ ਖ਼ਬਰ ਮੁਤਾਬਕ ਸਵੇਰੇ 9:15 ਵਜੇ ਘਰੇਲੂ ਕਰੰਸੀ 81.15 ਪ੍ਰਤੀ ਡਾਲਰ ਦੇ ਪੱਧਰ ਉਤੇ ਕਾਰੋਬਾਰ ਕਰ ਰਹੀ ਸੀ। ਇਹ 80.87 ਦੇ ਪਿਛਲੇ ਬੰਦ ਦੇ ਮੁਕਾਬਲੇ 0.33 ਫੀਸਦੀ ਡਿੱਗ ਗਿਆ ਸੀ।
-PTC News
