ਅੰਮ੍ਰਿਤਸਰ ਦੇ ਰੂਬਲ ਨੇ ਵਿੱਕੀ ਕੌਸ਼ਲ ਤੇ ਕੈਫ ਦੇ ਵਿਆਹ ਦਾ ਤਿਆਰ ਕੀਤਾ ਅਨੋਖਾ ਤੋਹਫ਼ਾ
ਅੰਮ੍ਰਿਤਸਰ: ਪੰਜਾਬ ਦੇ ਵਿੱਚ ਹੁਨਰ ਦੀ ਕਮੀ ਨਹੀਂ ਹੈ ਅਜਿਹਾ ਹੀ ਹੁਨਰ ਅੰਮ੍ਰਿਤਸਰ ਦੇ ਰਹਿਣ ਵਾਲੇ ਜਗਜੋਤ ਸਿੰਘ ਰੂਬਲ ਨੇ ਦਿਖਾਇਆ ਹੈ। ਜਗਜੋਤ ਰੂਬਲ ਨੇ ਬਾਲੀਵੁੱਡ ਐਕਟਰ ਵਿੱਕੀ ਕੌਸ਼ਲ ਅਤੇ ਕੈਟਰੀਨਾ ਕੈਫ ਦੀ ਹੈਂਡ ਪੇਂਟਿੰਗ ਬਣਾ ਕੇ ਵਿਆਹ ਦਾ ਤੋਹਫ਼ਾ ਤਿਆਰ ਕੀਤਾ ਹੈ ਜਿਸ ਦੀ ਲੋਕ ਸਰਾਹਨਾ ਕਰ ਰਹੇ ਹਨ।
ਦੱਸ ਦੇਈਏ ਕਿ ਕੈਟਰੀਨਾ ਕੈਫ ਅਤੇ ਵਿੱਕੀ ਕੌਸ਼ਲ ਦਾ ਵਿਆਹ ਸੋਸ਼ਲ ਮੀਡੀਆ ਤੋਂ ਲੈ ਕੇ ਮੀਡੀਆ ਦੀਆਂ ਖਬਰਾਂ ਤੱਕ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਦੋਵੇਂ ਅੱਜ ਰਾਜਸਥਾਨ ਦੇ ਸਿਕਸ ਸੈਂਸ ਫੋਰਟ 'ਚ ਸੱਤ ਫੇਰੇ ਲੈਣਗੇ।
ਰੂਬਲ ਇਸ ਤਰ੍ਹਾਂ ਦੀਆਂ ਪੇਂਟਿੰਗਜ਼ ਪਹਿਲਾਂ ਵੀ ਬਣਾ ਚੁੱਕੇ ਨੇ ਜਿਵੇਂ ਕਿ ਪ੍ਰਧਾਨਮੰਤਰੀ ਮੋਦੀ, ਰਾਸ਼ਟਰਪਤੀ ਪ੍ਰੀਤਭਾ ਦੇਵੀ ਪਾਟਿਲ, ਅਭਿਸ਼ੇਕ ਬੱਚਨ ਤੇ ਐਸ਼ਵਰਿਆ ਰਾਏ, ਕਰੀਨਾ ਕਪੂਰ ਤੇ ਸੈਫ ਅਲੀ ਖ਼ਾਨ ਸਮੇਤ ਹੋਰ ਵੀ ਕਈ ਜਿਹੜੀਆਂ ਹਸਤੀਆਂ ਦੀ ਹੱਥ ਨਾਲ ਪੇਂਟਿੰਗ ਬਣਾ ਚੁੱਕੇ ਹਨ ਅਤੇ ਕਈ ਸਨਮਾਨ ਵੀ ਰੂਬਲ ਨੂੰ ਮਿਲ ਚੁੱਕੇ ਹਨ।
ਹੁਣ ਬਾਲੀਵੁੱਡ ਅਦਾਕਾਰਾ ਕੈਟਰੀਨਾ ਕੈਫ ਅਤੇ ਵਿੱਕੀ ਕੌਸ਼ਲ ਦੇ ਵਿਆਹ ਨੂੰ ਦੇਖਦੇ ਹੋਏ ਰੂਬਲ ਨੇ ਇਕ ਬਹੁਤ ਖੂਬਸੂਰਤ ਦੋਵਾਂ ਦੀ ਪੇਂਟਿੰਗ ਬਣਾਈ ਹੈ।
-PTC News
