ਰਾਮਪੁਰ 'ਚ ਵਾਪਰਿਆ ਭਿਆਨਕ ਹਾਦਸਾ, ਕਾਰ ਪਲਟਣ ਨਾਲ 5 ਦੀ ਮੌਤ
ਰਾਮਪੁਰ: ਉੱਤਰ ਪ੍ਰਦੇਸ਼ ਦੇ ਰਾਮਪੁਰ 'ਚ ਸ਼ੁੱਕਰਵਾਰ ਦੇਰ ਰਾਤ ਨੂੰ ਇੱਕ ਭਿਆਨਕ ਸੜਕ ਹਾਦਸਾ ਵਾਪਰਨ ਦੀ ਖ਼ਬਰ ਸਾਹਮਣੇ ਆਈ ਹੈ। ਇਹ ਹਾਦਸਾ ਤੇਜ਼ ਰਫਤਾਰ ਨਾਲ ਆ ਰਹੀ ਕਾਰ ਦੇ ਪਲਟਨ ਦੇ ਕਾਰਨ ਹੋਇਆ। ਇਸ ਹਾਦਸੇ 'ਚ ਪੰਜ ਵਿਅਕਤੀਆਂ ਦੀ ਮੌਤ ਹੋ ਗਈ ਹੈ ਅਤੇ ਇੱਕ ਵਿਅਕਤੀ ਬੁਰੀ ਤਰ੍ਹਾਂ ਜਖ਼ਮੀ ਹੋ ਗਿਆ ਹੈ ਜਿਸ ਨੂੰ ਇਲਾਜ ਲਈ ਹਸਪਤਾਲ 'ਚ ਦਾਖਲ ਕਰ ਦਿੱਤਾ ਹੈ।
ਦੱਸ ਦਈਏ ਕਿ ਇਹ ਹਾਦਸਾ ਥਾਣਾ ਟਾਂਡਾ ਇਲਾਕੇ ਵਿੱਚ ਵਾਪਰਿਆ ਹੈ ਜਦੋਂ ਇੱਕ ਬੇਕਾਬੂ ਕਾਰ ਪਲਟ ਗਈ ਜਿਸ ਨਾਲ ਪੰਜ ਵਿਕਅਤੀਆਂ ਦੀ ਮੌਤ ਹੋ ਗਈ ਅਤੇ 1 ਜ਼ਖਮੀ ਹੋ ਗਿਆ। ਹਾਦਸੇ 'ਚ ਡਰਾਈਵਰ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ ਜਿਸ ਦਾ ਇਲਾਜ ਚੱਲ ਰਿਹਾ ਹੈ, ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਵੀ ਪੋਸਟਮਾਰਟਮ ਲਈ ਲਿਆਂਦਾ ਗਿਆ ਹੈ। ਕਾਰ 'ਚ ਸਵਾਰ ਕੁੱਲ 6 ਲੋਕ ਵਿਆਹ ਸਮਾਗਮ ਤੋਂ ਮੁਰਾਦਾਬਾਦ 'ਚ ਆਪਣੇ ਘਰ ਪਰਤ ਰਹੇ ਸਨ ਕਿ ਸਿਕਮਪੁਰ ਚੌਰਾਹੇ ਨੇੜੇ ਤੇਜ਼ ਰਫਤਾਰ ਕਾਰ ਸੜਕ ਦੇ ਬਰੇਕਰ 'ਤੇ ਪਲਟ ਗਈ ਅਤੇ ਦਰਦਨਾਕ ਹਾਦਸਾ ਵਾਪਰ ਗਿਆ। ਪੁਲਿਸ ਅਨੁਸਾਰ ਈਕੋ ਕਾਰ ਪਿੰਡ ਸਿਕਮਪੁਰ ਕੋਲ ਸਪੀਡ ਬਰੇਕਰ ’ਤੇ ਆ ਕੇ ਬੇਕਾਬੂ ਹੋ ਕੇ ਪਲਟ ਗਈ। ਇਸ ਹਾਦਸੇ 'ਚ ਪੂਰਨ ਦਿਵਾਕਰ (50), ਉਸ ਦੇ ਜੀਜਾ ਵਿਨੋਦ ਦਿਵਾਕਰ (45), ਦੇਵੇਂਦਰ ਸਿੰਘ ਤੋਮਰ (45), ਮੁਕੇਸ਼ ਵਰਮਾ (30) ਅਤੇ ਪਰਮਵੀਰ ਸਿੰਘ (30) ਠਾਕੁਰ ਦੀ ਮੌਤ ਹੋ ਗਈਜਦਕਿ ਡਰਾਈਵਰ ਹਰਿੰਦਰ ਸਿੰਘ ਗੰਭੀਰ ਜ਼ਖ਼ਮੀ ਹੋ ਗਏ।
ਇਥੇ ਪੜ੍ਹੋ ਹੋਰ ਖ਼ਬਰਾਂ: ਲਤਾ ਮੰਗੇਸ਼ਕਰ ਦੀ ਸਿਹਤ ਮੁੜ ਵਿਗੜੀ
ਟਾਂਡਾ ਦੇ ਐਸਡੀਐਮ ਰਾਜੇਸ਼ ਕੁਮਾਰ ਦਾ ਕਹਿਣਾ ਹੈ ਕਿ ਇਹ ਹਾਦਸਾ ਟਾਂਡਾ ਦੇ ਸ਼ਿਕਮਪੁਰ ਇਲਾਕੇ ਵਿੱਚ ਵਾਪਰਿਆ। ਘਟਨਾ ਸਥਾਨ ਦੇ ਨੇੜੇ ਇੱਕ ਲਾਂਘਾ ਹੈ। ਪੁਲਿਸ ਅਨੁਸਾਰ ਇੱਥੇ ਸਪੀਡ ਬਰੇਕਰ ਤੋਂ ਲੰਘਦਿਆਂ ਕਾਰ ਬੇਕਾਬੂ ਹੋ ਗਈ। ਹਾਦਸੇ ਦਾ ਸ਼ਿਕਾਰ ਹੋਏ ਸਾਰੇ ਲੋਕ ਈਕੋ ਗੱਡੀ ਵਿੱਚ ਸਵਾਰ ਸਨ। ਬੇਕਾਬੂ ਕਾਰ ਜਿਸ ਟਰੱਕ ਨਾਲ ਟਕਰਾ ਗਈ, ਉਸ ਦਾ ਵੀ ਪਤਾ ਲਗਾਇਆ ਜਾ ਰਿਹਾ ਹੈ। ਸੜਕ ਹਾਦਸੇ ਨੂੰ ਦੇਖ ਕੇ ਕਾਰ 'ਚ ਸਵਾਰ ਸਾਰੇ ਲੋਕ ਆਸ-ਪਾਸ ਦੇ ਲੋਕਾਂ ਨੂੰ ਬਚਾਉਣ ਲਈ ਦੌੜ ਗਏ, ਸੂਚਨਾ ਮਿਲਣ 'ਤੇ ਪਹੁੰਚੀ ਪੁਲਸ ਨੇ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ, ਜਦਕਿ ਜ਼ਖਮੀਆਂ ਨੂੰ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ।
-PTC News
