What is Sleep Paralysis : ਨੀਂਦ ਦਾ ਅਧਰੰਗ ਕੀ ਹੁੰਦਾ ਹੈ? ਜਾਣੋ ਇਸ ਦੇ ਲੱਛਣ, ਕਾਰਨ ਅਤੇ ਬਚਣ ਦੇ ਤਰੀਕੇ
Sleep Paralysis : ਖਰਾਬ ਜੀਵਨ ਸ਼ੈਲੀ ਦਾ ਅਸਰ ਸਿਹਤ 'ਤੇ ਸਿੱਧਾ ਦਿਖਾਈ ਦਿੰਦਾ ਹੈ, ਜਿਸ ਕਾਰਨ ਸੌਣ ਦਾ ਪੈਟਰਨ ਪੂਰੀ ਤਰ੍ਹਾਂ ਖਰਾਬ ਹੋ ਜਾਂਦਾ ਹੈ ਅਤੇ ਤੁਸੀਂ ਕਈ ਤਰ੍ਹਾਂ ਦੀਆਂ ਨੀਂਦ ਦੀਆਂ ਬਿਮਾਰੀਆਂ ਦਾ ਸ਼ਿਕਾਰ ਹੋ ਜਾਣਦੇ ਹੋ। ਨੀਂਦ ਦਾ ਅਧਰੰਗ ਵੀ ਉਨ੍ਹਾਂ 'ਚੋ ਇੱਕ ਹੈ ਜਿਸ 'ਚ ਵਿਅਕਤੀ ਆਪਣੇ ਸਰੀਰ ਨੂੰ ਕਾਬੂ ਕਰਨ ਦੀ ਸਮਰੱਥਾ ਗੁਆ ਦਿੰਦਾ ਹੈ। ਅਜਿਹੇ 'ਚ ਤੁਸੀਂ ਜਾਗਦੇ ਮਹਿਸੂਸ ਕਰਦੇ ਹੋ ਪਰ ਅਸਲ 'ਚ ਨੀਂਦ ਤੋਂ ਪੂਰੀ ਤਰ੍ਹਾਂ ਬਾਹਰ ਨਹੀਂ ਆਉਂਦੇ। ਤਾਂ ਆਓ ਜਾਣਦੇ ਹੈ ਨੀਂਦ ਦਾ ਅਧਰੰਗ ਕੀ ਹੁੰਦਾ ਹੈ? 'ਤੇ ਇਸ ਦੇ ਕੀ ਲੱਛਣ ਹੁੰਦੇ ਹਨ?
ਨੀਂਦ ਦੇ ਅਧਰੰਗ ਦੇ ਲੱਛਣ :
ਦਸ ਦਈਏ ਕਿ ਨੀਂਦ ਦਾ ਅਧਰੰਗ ਇੱਕ ਅਜੀਬ ਅਤੇ ਡਰਾਉਣੀ ਭਾਵਨਾ ਹੈ, ਜਿਸ 'ਚ ਤੁਸੀਂ ਅਚਾਨਕ ਜਾਗ ਜਾਣਦੇ ਹੋ ਅਤੇ ਆਪਣੇ ਸਰੀਰ ਨੂੰ ਹਿਲਾਉਣ ਜਾਂ ਗੱਲ ਕਰਨ 'ਚ ਅਸਮਰੱਥ ਹੁੰਦੇ ਹੋ। ਵੈਸੇ ਤਾਂ ਅਜਿਹਾ ਉਦੋਂ ਹੁੰਦਾ ਹੈ ਜਦੋਂ ਵਿਅਕਤੀ ਅੱਧਾ ਸੁੱਤਾ ਹੁੰਦਾ ਹੈ ਭਾਵ ਪੂਰੀ ਤਰ੍ਹਾਂ ਜਾਗਦਾ ਨਹੀਂ ਹੁੰਦਾ। ਅਜਿਹੇ 'ਚ ਸਰੀਰ ਆਪਣੇ ਆਪ ਨੂੰ ਕਾਬੂ ਕਰਨ 'ਚ ਅਸਮਰੱਥ ਹੁੰਦਾ ਹੈ ਅਤੇ ਤੁਸੀਂ ਮਹਿਸੂਸ ਕਰਦੇ ਹੋ ਜਿਵੇਂ ਤੁਸੀਂ ਜਾਗ ਰਹੇ ਹੋ ਪਰ ਹਿੱਲਣ 'ਚ ਅਸਮਰੱਥ ਹੋ।
ਨੀਂਦ ਦੇ ਅਧਰੰਗ ਦੇ ਕਾਰਨ
ਅੱਧ-ਨੀਂਦ 'ਚ ਜਾਗਣਾ :
ਇਹ ਨੀਂਦ ਦੇ ਅਧਰੰਗ ਦਾ ਸਭ ਤੋਂ ਆਮ ਕਾਰਨ ਹੈ। ਜਦੋਂ ਕੋਈ ਵਿਅਕਤੀ ਨੀਂਦ ਤੋਂ ਪੂਰੀ ਤਰ੍ਹਾਂ ਨਹੀਂ ਜਾਗਦਾ, ਤਾਂ ਉਸਦਾ ਸਰੀਰ ਅਜੇ ਵੀ ਅਰਾਮਦਾਇਕ ਸਥਿਤੀ 'ਚ ਹੁੰਦਾ ਹੈ, ਜਿਸ ਨਾਲ ਉਨ੍ਹਾਂ ਲਈ ਹਿੱਲਣਾ ਜਾਂ ਬੋਲਣਾ ਮੁਸ਼ਕਲ ਹੁੰਦਾ ਹੈ।
ਤਣਾਅ ਅਤੇ ਚਿੰਤਾ :
ਤਣਾਅ ਅਤੇ ਚਿੰਤਾ ਸਿੱਧੇ ਤੌਰ 'ਤੇ ਨੀਂਦ ਦੀ ਗੁਣਵੱਤਾ ਨੂੰ ਪ੍ਰਭਾਵਤ ਕਰਦੇ ਹਨ, ਨੀਂਦ ਦੇ ਅਧਰੰਗ ਦੀ ਸੰਭਾਵਨਾ ਨੂੰ ਵਧਾਉਂਦੇ ਹਨ।
ਖਰਾਬ ਨੀਂਦ ਦਾ ਸਮਾਂ :
ਅੱਜਕਲ੍ਹ ਦੀ ਜੀਵਨ ਸ਼ੈਲੀ 'ਚ, ਲੋਕਾਂ ਦੇ ਸੌਣ ਦਾ ਸਮਾਂ ਵੀ ਵਿਗੜਦਾ ਹੈ, ਜੋ ਨੀਂਦ ਦੇ ਅਧਰੰਗ ਦਾ ਕਾਰਨ ਬਣ ਸਕਦਾ ਹੈ।
ਦਵਾਈਆਂ :
ਕੁਝ ਦਵਾਈਆਂ, ਜਿਵੇਂ ਕਿ ਐਂਟੀ ਡਿਪਰੈਸ਼ਨਸ, ਨੀਂਦ ਦੇ ਅਧਰੰਗ ਦਾ ਕਾਰਨ ਬਣ ਸਕਦੀਆਂ ਹਨ।
ਨੀਂਦ ਦੇ ਅਧਰੰਗ 'ਤੋਂ ਬਚਣ ਦੇ ਤਰੀਕੇ
ਆਪਣੇ ਸੌਣ ਦਾ ਸਮਾਂ ਤੈਅ ਕਰੋ :
ਹਰ ਰੋਜ਼ ਇੱਕੋ ਸਮੇਂ 'ਤੇ ਸੌਣ ਅਤੇ ਜਾਗਣ ਦੀ ਕੋਸ਼ਿਸ਼ ਕਰੋ। ਮਾਹਿਰਾਂ ਮੁਤਾਬਕ ਇਹ ਤੁਹਾਡੇ ਸਰੀਰ ਦੀ ਅੰਦਰੂਨੀ ਘੜੀ ਨੂੰ ਨਿਯਮਤ ਕਰਨ 'ਚ ਬਹੁਤ ਮਦਦ ਕਰੇਗਾ।
ਤਣਾਅ ਤੋਂ ਬਚੋ :
ਯੋਗਾ, ਧਿਆਨ, ਜਾਂ ਡੂੰਘੇ ਸਾਹ ਲੈਣ ਦੀ ਕਸਰਤ ਕਰਨ ਨਾਲ ਤਣਾਅ ਅਤੇ ਚਿੰਤਾ ਨੂੰ ਘਟਾਉਣ 'ਚ ਮਦਦ ਮਿਲ ਸਕਦੀ ਹੈ।
ਸੌਣ ਦਾ ਮਾਹੌਲ ਬਣਾਓ :
ਰਾਤ ਤੋਂ ਪਹਿਲਾਂ ਕਮਰੇ ਨੂੰ ਸਾਫ਼ ਕਰੋ, ਇਸ ਨਾਲ ਮਨ ਸ਼ਾਂਤ ਰਹੇਗਾ ਅਤੇ ਚੰਗੀ ਨੀਂਦ ਆਵੇਗੀ। ਨਾਲ ਹੀ ਤੁਸੀਂ ਕਮਰੇ ਨੂੰ ਹਨੇਰਾ ਕਰਕੇ ਨੀਂਦ ਦੀ ਗੁਣਵੱਤਾ ਨੂੰ ਵੀ ਸੁਧਾਰ ਸਕਦੇ ਹੋ।
ਸਕ੍ਰੀਨ ਟਾਈਮ ਘਟਾਓ :
ਜੇਕਰ ਤੁਸੀਂ ਵਾਰ-ਵਾਰ ਨੀਂਦ ਦੇ ਅਧਰੰਗ ਤੋਂ ਪੀੜਤ ਹੁੰਦੇ ਹੋ, ਤਾਂ ਸੌਣ ਤੋਂ ਘੱਟੋ-ਘੱਟ ਇਕ ਘੰਟਾ ਪਹਿਲਾਂ ਇਲੈਕਟ੍ਰਾਨਿਕ ਯੰਤਰਾਂ ਤੋਂ ਦੂਰ ਰਹੋ।
ਡਾਕਟਰ ਦੀ ਸਲਾਹ ਲਓ :
ਜੇਕਰ ਤੁਹਾਨੂੰ ਵਾਰ-ਵਾਰ ਨੀਂਦ ਦਾ ਅਧਰੰਗ ਹੁੰਦਾ ਹੈ ਤਾਂ ਡਾਕਟਰ ਦੀ ਸਲਾਹ ਜ਼ਰੂਰ ਲਓ। ਤੁਹਾਡੀ ਜੀਵਨ ਸ਼ੈਲੀ ਨੂੰ ਨੇੜਿਓਂ ਜਾਣ ਕੇ, ਉਹ ਨੀਂਦ ਦੇ ਅਧਰੰਗ ਦਾ ਸਹੀ ਕਾਰਨ ਅਤੇ ਇਸ ਨੂੰ ਸੰਭਾਲਣ ਦਾ ਤਰੀਕਾ ਦੱਸ ਸਕਣਗੇ।
(ਡਿਸਕਲੇਮਰ : ਇਹ ਲੇਖ ਆਮ ਜਾਣਕਾਰੀ ਲਈ ਹੈ ਕੋਈ ਵੀ ਉਪਾਅ ਅਪਣਾਉਣ ਤੋਂ ਪਹਿਲਾਂ ਤੁਹਾਨੂੰ ਡਾਕਟਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।)
ਇਹ ਵੀ ਪੜ੍ਹੋ : EEE Virus : ਕੀ ਹੁੰਦਾ ਹੈ EEE ਵਾਇਰਸ ? ਜਾਣੋ ਇਸ ਦੇ ਲੱਛਣ ਅਤੇ ਬਚਣ ਦੇ ਤਰੀਕੇ
- PTC NEWS
