NFC Smartphone Case : ਕੀ ਹੁੰਦਾ ਹੈ NFC ਸਮਾਰਟਫੋਨ ਕਵਰ? ਜਾਣੋ ਇਹ ਆਮ ਫ਼ੋਨ ਕਵਰਾਂ ਤੋਂ ਕਿੰਨਾ ਵੱਖਰਾ ਹੁੰਦਾ ਹੈ?
NFC Smartphone Case Vs Phone Cover : ਅੱਜਕਲ੍ਹ ਤੁਸੀਂ ਨਿਅਰ-ਫੀਲਡ ਕਮਿਊਨੀਕੇਸ਼ਨ (NFC) ਸਮਾਰਟਫੋਨ ਕਵਰ ਬਾਰੇ ਸੁਣਿਆ ਹੋਵੇਗਾ? ਇਹ ਫੋਨ ਕਵਰ ਲੋਕਾਂ ਨੂੰ ਉਨ੍ਹਾਂ ਦੀ ਪਸੰਦ ਮੁਤਾਬਕ ਫੋਟੋ ਜਾਂ ਗ੍ਰਾਫਿਕ ਦਿਖਾ ਸਕਦਾ ਹੈ। ਇਸ ਨੂੰ ਕੁਝ ਵਿਲੱਖਣ ਸਮਾਰਟਫੋਨ ਕਵਰਾਂ 'ਚੋਂ ਇੱਕ ਮੰਨਿਆ ਜਾਂਦਾ ਹੈ। NFC ਇਨ੍ਹਾਂ ਦਾ ਇੱਕ ਛੋਟਾ ਜਿਹਾ ਹਿੱਸਾ ਹੈ ਤਾਂ ਆਓ ਜਾਣਦੇ ਹਾਂ NFC ਸਮਾਰਟਫੋਨ ਕਵਰ ਕਿ ਹੁੰਦਾ ਹੈ? ਅਤੇ ਇਹ ਆਮ ਫੋਨ ਕਵਰਾਂ 'ਤੋਂ ਕਿਵੇਂ ਵੱਖਰਾ ਹੈ, ਅਤੇ ਕੀ ਕੰਮ ਕਰਦਾ ਹੈ।
NFC ਸਮਾਰਟਫੋਨ ਕਵਰ ਕਈ ਕਿਸਮਾਂ ਦੇ ਫ਼ੋਨਾਂ ਲਈ ਉਪਲਬਧ ਹੁੰਦੇ ਹਨ। ਇਹ ਬਾਜ਼ਾਰ 'ਚ ਉਪਲਬਧ ਹੁੰਦੇ ਹਨ, ਖਾਸ ਤੌਰ 'ਤੇ ਫਲੈਗਸ਼ਿਪ ਸਮਾਰਟਫ਼ੋਨਾਂ, ਜਿਵੇਂ ਕਿ ਸੈਮਸੰਗ ਜਾਂ ਐਪਲ ਫ਼ੋਨਾਂ ਲਈ। ਆਮ ਸਮਾਰਟਫ਼ੋਨਾਂ ਲਈ NFC ਸਮਾਰਟਫ਼ੋਨ ਕਵਰਾਂ ਨੂੰ ਪ੍ਰਾਪਤ ਕਰਨਾ ਥੋੜ੍ਹਾ ਮੁਸ਼ਕਲ ਹੋ ਸਕਦਾ ਹੈ। ਤੁਹਾਨੂੰ ਬਹੁਤ ਸਾਰੇ ਵਿਕਲਪ ਔਨਲਾਈਨ ਮਿਲਦੇ ਹਨ, ਅਤੇ ਉਹ ਥੋੜੇ ਮਹਿੰਗੇ ਹੁੰਦੇ ਹਨ।
ਆਮ ਫ਼ੋਨ ਕਵਰਾਂ ਤੋਂ ਕਿੰਨਾ ਵੱਖਰਾ ਹੁੰਦਾ ਹੈ?
ਜੇਕਰ ਅਸੀਂ ਆਮ ਫ਼ੋਨ ਕਵਰ ਅਤੇ NFC ਸਮਾਰਟਫੋਨ ਕਵਰਾਂ ਵਿਚਕਾਰ ਤੁਲਨਾ ਕਰਦੇ ਹਾਂ, ਤਾਂ NFC ਇੱਕ ਸ਼ਬਦ ਹੈ ਜੋ ਈ-ਸਿਆਹੀ ਡਿਸਪਲੇ ਵਾਲੇ ਫ਼ੋਨ ਕੇਸਾਂ ਲਈ ਵਰਤਿਆ ਜਾਂਦਾ ਹੈ। ਦਸ ਦਈਏ ਕਿ ਇਹ ਫੋਨ ਦੇ ਪਿਛਲੇ ਪਾਸੇ ਤਸਵੀਰਾਂ ਜਾਂ ਡਿਜੀਟਲ ਆਰਟ ਦਿਖਾਉਣ ਦੇ ਮਾਮਲੇ 'ਚ ਈ-ਬੁੱਕ ਰੀਡਰ ਐਮਾਜ਼ਾਨ ਕਿੰਡਲ ਵਰਗਾ ਹੈ। NFC ਸਮਾਰਟਫੋਨ ਦੇ ਬਹੁਤੇ ਕਵਰ ਸੁਰੱਖਿਆ ਦੇ ਨਾਲ ਆਉਂਦੇ ਹਨ।
ਕੀ NFC ਫ਼ੋਨ ਕਵਰ ਸੁਰੱਖਿਅਤ ਹੁੰਦੇ ਹਨ?
ਵੈਸੇ ਤਾਂ NFC ਸਮਾਰਟਫੋਨ ਕਵਰ ਬਹੁਤੇ ਸੁਰੱਖਿਅਤ ਨਹੀਂ ਹੁੰਦੇ ਹਨ। ਇਹ ਅਚਾਨਕ ਦੁਰਘਟਨਾ ਦੇ ਮਾਮਲੇ 'ਚ ਉਮੀਦ ਮੁਤਾਬਕ ਸੁਰੱਖਿਅਤ ਸਾਬਤ ਨਹੀਂ ਹੋ ਸਕਦੇ, ਕਿਉਂਕਿ ਇਨ੍ਹਾਂ ਨੂੰ ਇੱਕ ਵੱਖਰੇ ਅਤੇ ਵਿਸ਼ੇਸ਼ ਉਦੇਸ਼ ਲਈ ਤਿਆਰ ਕੀਤਾ ਗਿਆ ਹੁੰਦਾ ਹੈ। ਜਦੋਂ ਤੁਸੀਂ ਇੱਕ ਸਮਾਰਟਫੋਨ 'ਤੇ ਇੱਕ NFC ਫ਼ੋਨ ਕਵਰ ਪਾਉਂਦੇ ਹੋ, ਤਾਂ ਇਹ ਉਨ੍ਹਾਂ ਡਿਵਾਈਸਾਂ ਨਾਲ ਸੰਚਾਰ ਕਰ ਸਕਦਾ ਹੈ ਜੋ NFC ਵਰਤਦੇ ਹਨ, ਜਿਵੇਂ ਕਿ ਬਲੂਟੁੱਥ ਅਤੇ Wi-Fi।
NFC ਫ਼ੋਨ ਕਵਰ ਸਮਰੱਥਾਵਾਂ
NFC ਦੀ ਵਰਤੋਂ ਦੋ ਡਿਵਾਈਸਾਂ ਵਿਚਕਾਰ ਡਾਟਾ ਟ੍ਰਾਂਸਫਰ ਕਰਨ ਲਈ ਕੀਤੀ ਜਾ ਸਕਦੀ ਹੈ, ਪਰ ਧਿਆਨ ਰੱਖੋ ਕਿ ਇਹ ਸਿਰਫ਼ ਉਨ੍ਹਾਂ ਫ਼ੋਨਾਂ 'ਤੇ ਕੰਮ ਕਰੇਗਾ ਜੋ NFC ਨੂੰ ਸਪੋਰਟ ਕਰਦੇ ਹਨ। ਸਸਤੇ NFC ਫ਼ੋਨ ਕਵਰ ਈ-ਸਿਆਹੀ ਡਿਸਪਲੇ ਦੇ ਨਾਲ ਆ ਸਕਦੇ ਹਨ। ਜਦੋਂ ਕਿ ਤਿੰਨ ਰੰਗਾਂ ਦੀ ਈ-ਸਿਆਹੀ ਡਿਸਪਲੇ ਥੋੜ੍ਹੇ ਜਿਹੇ ਮਹਿੰਗੇ NFC ਫੋਨ ਕਵਰਾਂ 'ਚ ਮਿਲ ਸਕਦੀ ਹੈ। ਆਮ ਫੋਨ ਕਵਰਾਂ ਦੀ ਤਰ੍ਹਾਂ, NFC ਸਮਾਰਟਫੋਨ ਕਵਰਾਂ 'ਚ ਵੀ ਬੈਟਰੀ ਨਹੀਂ ਹੁੰਦੀ। ਇਹ ਇਸ ਤਰ੍ਹਾਂ ਕੰਮ ਕਰਦਾ ਹੈ, ਅਤੇ ਸਮਾਰਟਫੋਨ ਦੀ ਬੈਟਰੀ 'ਤੇ ਦਬਾਅ ਨਹੀਂ ਪਾਉਂਦਾ ਹੈ।
ਇਹ ਵੀ ਪੜ੍ਹੋ : 200 Rupees Notes : ਰਿਜ਼ਰਵ ਬੈਂਕ ਨੇ ਬਾਜ਼ਾਰ 'ਚੋਂ ਹਟਾਏ 137 ਕਰੋੜ 200 ਰੁਪਏ ਦੇ ਨੋਟ, ਜਾਣੋ ਕਾਰਨ
- PTC NEWS
