ਸਖ਼ਸ਼ ਦੀ ਗੋਦ 'ਚ ਸਿਰ ਰੱਖ ਕੇ ਸੁੱਤੀ ਪਈ ਔਰਤ ਦੀ ਵੀਡੀਓ ਦੇਖ ਹਰ ਕੋਈ ਦੇ ਰਿਹੈ ਪ੍ਰਤੀਕਿਰਿਆ
ਆਧੁਨਿਕਤਾ ਦੇ ਯੁੱਗ ਵਿਚ ਹਰ ਕੋਈ ਰੁਝੇਵਿਆਂ ਨਾਲ ਭਰਿਆ ਪਿਆ ਹੈ। ਪਰਿਵਾਰਕ ਰਿਸ਼ਤਿਆਂ ਵਿਚ ਤਣਾਅ ਨੇ ਸਭ ਨੂੰ ਇਕ-ਦੂਜੇ ਦੇ ਨੇੜੇ ਹੁੰਦੇ ਹੋਏ ਵੀ ਦੂਰ ਕਰ ਦਿੱਤਾ ਹੈ। ਜਿਥੇ ਆਧੁਨਿਕ ਤਕਨੀਕ ਨੇ ਲੋਕਾਂ ਨੂੰ ਆਪਣਿਆਂ ਤੋਂ ਬਹੁਤ ਦੂਰ ਕਰ ਦਿੱਤਾ ਹੈ ਉਥੇ ਹੀ ਪੂਰੇ ਆਲਮ ਨੂੰ ਬਹੁਤ ਛੋਟਾ ਵੀ ਕਰ ਦਿੱਤਾ ਹੈ। ਸੋਸ਼ਲ ਮੀਡੀਆ ਦੇ ਬਹੁਤ ਜ਼ਿਆਦਾ ਪ੍ਰਸਾਰ ਵਿੱਚ ਸਾਨੂੰ ਕਈ ਵਾਰ ਸਕੂਨ ਭਰੀਆਂ ਵੀਡੀਓ ਵੀ ਵੇਖਣ ਨੂੰ ਮਿਲਦੀਆਂ ਹਨ, ਜਿਹਨੂੰ ਦੇਖ ਕੇ ਲੱਗਦਾ ਹੈ ਕਿ ਇਨਸਾਨ ਅਜੇ ਵੀ ਪਿਆਰ ਤੇ ਮੋਹ ਨਾਲ ਭਰਿਆ ਪਿਆ ਹੈ।
ਇਸ ਦਰਮਿਆਨ ਸੋਸ਼ਲ ਮੀਡੀਆ ਉਤੇ ਇਕ ਸਖ਼ਸ ਤੇ ਔਰਤ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ ਨੂੰ ਵੇਖ ਕੇ ਹਰ ਕੋਈ ਆਪਣਾ ਭਾਵਨਾ ਪ੍ਰਗਟ ਕਰ ਰਿਹਾ ਹੈ। ਇਸ ਵੀਡੀਓ 'ਤੇ ਹਰ ਕੋਈ ਆਪਣੀ ਸਕਾਰਤਮਕ ਟਿੱਪਣੀ ਦੇ ਰਿਹਾ ਹੈ। ਇਕ ਬੱਸ ਸਟਾਪ ਉਪਰ ਥਕਾਵਟ ਨਾਲ ਚੂਰ-ਚੂਰ ਇਕ ਔਰਤ ਤੇ ਸਖ਼ਸ਼ ਦੀ ਵੀਡੀਓ ਦੇਖ ਕੇ ਤੁਹਾਨੂੰ ਦੁਬਾਰਾ ਪਿਆਰ ਵਿੱਚ ਵਿਸ਼ਵਾਸ ਹੋ ਜਾਵੇਗਾ। ਹਿੰਦੀ ਦੇ ਮਸ਼ਹੂਰ ਸ਼ਾਇਰ ਗੁਲਜ਼ਾਰ ਵੱਲੋਂ ਟਵਿੱਟਰ 'ਤੇ ਸਾਂਝੀ ਕੀਤੀ ਗਈ ਇਸ ਕਲਿੱਪ 'ਚ ਇਕ ਔਰਤ ਸਖ਼ਸ਼ ਦੀ ਗੋਦੀ 'ਚ ਸਿਰ ਰੱਖ ਕੇ ਸਕੂਨ ਨਾਲ ਸੌਂ ਰਹੀ ਹੈ। ਆਦਮੀ ਵੀ ਕਾਫੀ ਭਾਰੀ ਥਕਾਵਟ ਵਿਚ ਨਜ਼ਰ ਆ ਰਿਹਾ ਹੈ ਤੇ ਉਸ ਦੀਆਂ ਪਲਕਾਂ ਵੀ ਕਈ ਵਾਰ ਖੁਦ-ਬ-ਖੁਦ ਬੰਦ ਹੋ ਰਹੀਆਂ ਹਨ।
हमसफर वही जो हर सफर में आपके साथ हो ❤️???? pic.twitter.com/QbyVbZi4AE — ज़िन्दगी गुलज़ार है ! (@Gulzar_sahab) November 19, 2022
ਇਸ ਦੇ ਬਾਵਜੂਦ ਸਖ਼ਸ਼ ਪਿਆਰ ਨਾਲ ਔਰਤ ਦੇ ਸਿਰ ਨੂੰ ਥਪਥਪਾਉਂਦਾ ਹੈ ਤਾਂ ਕਿ ਔਰਤ ਦੀ ਗੂੜੀ ਨੀਂਦ ਨਾਲ ਟੁੱਟੇ। ਇਸ 31 ਸੈਕਿੰਡ ਦੀ ਵੀਡੀਓ ਨੂੰ ਵੇਖ ਕੇ ਹਰ ਕੋਈ ਆਪਣੀ ਪ੍ਰਤੀਕਿਰਿਆ ਦੇਣ ਲਈ ਮਜਬੂਰ ਹੋ ਰਿਹਾ ਹੈ। ਵੀਡੀਓ ਨੂੰ ਹੁਣ ਤੱਕ 57 ਹਜ਼ਾਰ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ ਅਤੇ ਹਜ਼ਾਰਾਂ ਪ੍ਰਤੀਕਿਰਿਆਵਾਂ ਮਿਲ ਚੁੱਕੀਆਂ ਹਨ। ਵਿਅਕਤੀ ਵੱਲੋਂ ਦਿਖਾਈ ਗਈ ਦੇਖਭਾਲ ਦੀ ਕਦਰ ਕਰਨ ਤੋਂ ਲੋਕ ਆਪਣੇ ਆਪ ਨੂੰ ਰੋਕ ਨਹੀਂ ਸਕੇ। ਕਈ ਲੋਕਾਂ ਨੇ ਲਿਖਿਆ ਕਿ ਜੋੜੇ ਦਾ ਪਿਆਰ ਵੀਡੀਓ ਨੂੰ ਕਿੰਨਾ ਪਿਆਰਾ ਬਣਾ ਰਿਹਾ ਹੈ।
ਇਹ ਵੀ ਫੜ੍ਹੋ : ਵਿਕਰਮ ਗੋਖਲੇ ਦੇ ਦੇਹਾਂਤ ਦੀਆਂ ਖ਼ਬਰਾਂ ਨੂੰ ਪਰਿਵਾਰ ਨੇ ਕੀਤਾ ਖ਼ਾਰਿਜ, ਫੈਨਸ ਨੂੰ ਕੀਤੀ ਅਪੀਲ
- PTC NEWS
