ਟਰੰਪ ਦਾ Elon Musk ਨੂੰ ਤੋਹਫ਼ਾ! ਕੈਬਨਿਟ 'ਚ ਕੀਤਾ ਸ਼ਾਮਲ, ਸੌਂਪੀ ਵੱਡੀ ਜ਼ਿੰਮੇਵਾਰੀ, ਜਾਣੋ ਕੀ ਹੋਵੇਗਾ ਕੰਮ

USA Government News : ਅਮਰੀਕਾ ਦੇ ਚੁਣੇ ਹੋਏ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਟੇਸਲਾ ਦੇ ਮੁਖੀ ਐਲੋਨ ਮਸਕ ਅਤੇ ਵਿਵੇਕ ਰਾਮਾਸਵਾਮੀ ਨੂੰ ਸਰਕਾਰੀ ਕੁਸ਼ਲਤਾ ਵਿਭਾਗ (DOGE) ਦੀ ਅਗਵਾਈ ਕਰਨ ਦਾ ਐਲਾਨ ਕੀਤਾ ਹੈ। ਟਰੰਪ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਮਸਕ ਅਤੇ ਰਾਮਾਸਵਾਮੀ "ਸਰਕਾਰੀ ਨੌਕਰਸ਼ਾਹੀ ਨੂੰ ਖਤਮ ਕਰਨ, ਬੇਲੋੜੇ ਨਿਯਮਾਂ ਨੂੰ ਘਟਾਉਣ, ਫਜ਼ੂਲ ਖਰਚਿਆਂ ਵਿੱਚ ਕਟੌਤੀ ਕਰਨ ਅਤੇ ਸੰਘੀ ਏਜੰਸੀਆਂ ਨੂੰ ਪੁਨਰਗਠਿਤ ਕਰਨ ਲਈ ਮੇਰੇ ਪ੍ਰਸ਼ਾਸਨ ਲਈ ਰਾਹ ਦੀ ਅਗਵਾਈ ਕਰਨਗੇ।" ਡੋਨਾਲਡ ਟਰੰਪ ਆਪਣੀ ਕੈਬਨਿਟ ਵਿਚ ਅਜਿਹੇ ਲੋਕਾਂ ਨੂੰ ਸ਼ਾਮਲ ਕਰ ਰਹੇ ਹਨ, ਜੋ ਸਰਹੱਦ, ਵਪਾਰ, ਰਾਸ਼ਟਰੀ ਸੁਰੱਖਿਆ, ਆਰਥਿਕਤਾ ਅਤੇ ਹੋਰ ਮੁੱਦਿਆਂ 'ਤੇ ਆਪਣੀਆਂ "ਅਮਰੀਕਾ ਫਸਟ" ਨੀਤੀਆਂ ਨੂੰ ਲਾਗੂ ਕਰਨਗੇ।

ਜਿੱਤ ਤੋਂ ਬਾਅਦ ਟਰੰਪ ਨੇ ਐਲੋਨ ਮਸਕ ਦੀ ਤਾਰੀਫ ਕਰਦੇ ਹੋਏ ਕਿਹਾ ਸੀ ਕਿ ਸਾਡੇ ਕੋਲ ਨਵਾਂ ਰਾਕਸਟਾਰ ਹੈ। ਉਨ੍ਹਾਂ ਨੇ ਦੋ ਹਫ਼ਤਿਆਂ ਤੱਕ ਮੇਰੇ ਨਾਲ ਪ੍ਰਚਾਰ ਕੀਤਾ। ਇਸ ਦੌਰਾਨ ਮੈਂ ਉਸ ਨੂੰ ਪੁਲਾੜ ਵਿੱਚ ਭੇਜੇ ਗਏ ਰਾਕੇਟ ਬਾਰੇ ਪੁੱਛਿਆ, ਇਹ ਬਹੁਤ ਸ਼ਾਨਦਾਰ ਹੈ। ਮੈਂ ਮਸਕ ਨੂੰ ਬਹੁਤ ਪਿਆਰ ਕਰਦਾ ਹਾਂ, ਉਹ ਇੱਕ ਸ਼ਾਨਦਾਰ ਵਿਅਕਤੀ ਹੈ।

ਮਸਕ ਨੂੰ ਟਰੰਪ ਦੀ ਦੋਸਤੀ ਦਾ ਫਾਇਦਾ ਹੋਇਆ

ਟਰੰਪ ਨਾਲ ਐਲੋਨ ਮਸਕ ਦੀ ਦੋਸਤੀ ਦਾ ਨਤੀਜਾ ਇਹ ਨਿਕਲਿਆ ਕਿ ਐਲੋਨ ਦੀ ਕੁੱਲ ਜਾਇਦਾਦ 300 ਬਿਲੀਅਨ ਡਾਲਰ ਨੂੰ ਪਾਰ ਕਰ ਗਈ ਹੈ। ਦੱਸ ਦੇਈਏ ਕਿ ਟਰੰਪ ਦੀ ਜਿੱਤ ਤੋਂ ਬਾਅਦ ਐਲੋਨ ਮਸਕ 'ਤੇ ਡਾਲਰਾਂ ਦੀ ਅਜਿਹੀ ਬਰਸਾਤ ਹੋਈ ਕਿ ਉਨ੍ਹਾਂ ਨੇ ਸਿਰਫ 8 ਦਿਨਾਂ 'ਚ 73 ਅਰਬ ਡਾਲਰ ਕਮਾ ਲਏ। ਮਸਕ ਦੀ ਸੰਪਤੀ 5 ਨਵੰਬਰ ਤੋਂ ਪਹਿਲਾਂ 262 ਅਰਬ ਡਾਲਰ ਸੀ, ਜੋ 11 ਨਵੰਬਰ ਤੱਕ ਵਧ ਕੇ 335 ਅਰਬ ਡਾਲਰ (25,32,331.54 ਕਰੋੜ ਰੁਪਏ) ਹੋ ਗਈ।

All actions of the Department of Government Efficiency will be posted online for maximum transparency.

Anytime the public thinks we are cutting something important or not cutting something wasteful, just let us know!

We will also have a leaderboard for most insanely dumb… https://t.co/1c0bAlxmY0 — Elon Musk (@elonmusk) November 13, 2024

ਰਾਇਟਰਜ਼ ਨਾਲ ਗੱਲ ਕਰਦਿਆਂ, ਟਰੰਪ ਨੂੰ ਪੁੱਛਿਆ ਗਿਆ ਕਿ ਕੀ ਉਹ ਮਸਕ ਲਈ ਸਲਾਹਕਾਰ ਦੀ ਭੂਮਿਕਾ ਜਾਂ ਕੈਬਨਿਟ ਅਹੁਦੇ 'ਤੇ ਵਿਚਾਰ ਕਰਨਗੇ। ਇਸ 'ਤੇ ਉਨ੍ਹਾਂ ਨੇ ਕਿਹਾ, 'ਉਹ ਬਹੁਤ ਹੁਸ਼ਿਆਰ ਹੈ। ਜੇਕਰ ਉਹ ਅਜਿਹਾ ਕਰਦਾ ਹੈ ਤਾਂ ਮੈਂ ਇਹ ਕੰਮ ਜ਼ਰੂਰ ਕਰਾਂਗਾ। ਉਹ ਬਹੁਤ ਸੂਝਵਾਨ ਵਿਅਕਤੀ ਹੈ।'

- PTC NEWS

Join Whatsapp Channel