Rooh Afza : 118 ਸਾਲ ਪੁਰਾਣਾ ਹੈ ਗਰਮੀਆਂ ਦਾ ਸ਼ਰਬਤ 'ਰੂਹ ਅਫ਼ਜ਼ਾ', ਜਾਣੋ ਕਿਵੇਂ ਦਵਾਖਾਨੇ 'ਚੋਂ ਲੋਕਾਂ ਦੇ ਘਰ ਪਹੁੰਚਿਆ
Rooh Afza Story : ਜਿਵੇਂ ਹੀ ਗਰਮੀ ਦਾ ਮੌਸਮ ਆਉਂਦਾ ਹੈ ਤਾਂ ਸਭ ਤੋਂ ਪਹਿਲਾਂ ਪੀਣ ਵਾਲੇ ਪਦਾਰਥਾਂ ਵਿੱਚ ਗੁਲਾਬੀ ਰੰਗ ਦੇ ਡਰਿੰਕ ਦੀ ਆਉਂਦੀ ਹੈ, ਜਿਸ ਨੂੰ ਅਸੀਂ ਰੂਹ ਅਫਜ਼ਾ ਦੇ ਨਾਮ ਨਾਲ ਜਾਣਦੇ ਹਾਂ। ਗਰਮੀਆਂ ਵਿੱਚ ਇਸ ਦੀ ਮੰਗ ਹੋਰ ਡਰਿੰਕਸ ਨਾਲੋਂ ਕਿਤੇ ਵੱਧ ਜਾਂਦੀ ਹੈ। ਪਰ ਹੁਣ ਇਹ 'ਰੂਹ ਅਫਜਾ' ਵੀ ਜੇਹਾਦੀ ਵਿਵਾਦ 'ਚ ਫਸਣ ਲੱਗਿਆ ਹੈ। 'ਪਤੰਜਲੀ' ਦਾ ਵਪਾਰ ਕਰਨ ਵਾਲੇ ਰਾਮਦੇਵ ਨੇ ਰੂਹ ਅਫਜ਼ਾ 'ਤੇ 'ਸ਼ਰਬਤ ਜਿਹਾਦ' ਅਤੇ ਪਦਾਰਥ ਬਣਾਉਣ ਵਾਲੀ ਕੰਪਨੀ 'ਤੇ ਧਾਰਮਿਕ ਫੰਡਿੰਗ ਦਾ ਦੋਸ਼ ਲਗਾਇਆ। ਇਲਜ਼ਾਮ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਰੂਹ ਅਫਜ਼ਾ ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਆਉਣੀਆਂ ਸ਼ੁਰੂ ਹੋ ਗਈਆਂ ਹਨ।
ਕੀ ਤੁਹਾਨੂੰ ਪਤਾ ਹੈ ਕਿ ਇਸ 118 ਸਾਲ ਪੁਰਾਣੇ ਰੂਹ ਅਫ਼ਜਾ ਦੀ ਕਹਾਣੀ ਕੀ ਹੈ, ਇਹ ਕਿਵੇਂ ਸ਼ੁਰੂ ਹੋਇਆ ਅਤੇ ਇਸਨੂੰ ਕਿਸਨੇ ਸ਼ੁਰੂ ਕੀਤਾ ? ਜੇ ਨਹੀਂ ਤਾਂ ਆਓ ਜਾਣਦੇ ਹਾਂ...
1907 ਵਿੱਚ ਇੱਕ ਦਵਾਖਾਨੇ ਵਿੱਚ ਬਣਾਇਆ ਗਿਆ ਸੀ ਰੂਹ ਅਫਜਾ
ਰੂਹ ਅਫਜ਼ਾ ਦੀ ਕਹਾਣੀ ਬਹੁਤ ਦਿਲਚਸਪ ਹੈ ਅਤੇ 116 ਸਾਲ ਪੁਰਾਣੀ ਹੈ। ਇਹ 1907 ਵਿੱਚ ਸ਼ੁਰੂ ਕੀਤਾ ਗਿਆ ਸੀ। ਦਰਅਸਲ, ਦਿੱਲੀ ਵਿੱਚ, ਹਕੀਮ ਅਬਦੁਲ ਮਜੀਦ ਨੇ ਪੁਰਾਣੀ ਦਿੱਲੀ ਵਿੱਚ ਆਪਣੇ ਦਵਾਖਾਨੇ ਵਿੱਚ ਇੱਕ ਖਾਸ ਕਿਸਮ ਦਾ ਡਰਿੰਕ ਤਿਆਰ ਕੀਤਾ ਅਤੇ ਇਸਨੂੰ 'ਰੂਹ ਅਫਜ਼ਾ' ਨਾਮ ਦਿੱਤਾ। ਖਾਸ ਗੱਲ ਇਹ ਹੈ ਕਿ ਦਵਾਈ ਦੇ ਤੌਰ 'ਤੇ ਬਣੇ ਰੂਹ ਅਫਜ਼ਾ ਦਾ ਮਕਸਦ ਲੋਕਾਂ ਨੂੰ ਗਰਮੀ ਦੇ ਦੌਰਿਆਂ ਤੋਂ ਬਚਾਉਣਾ ਸੀ। 'ਰੂਹ ਅਫ਼ਜ਼ਾ' ਦਾ ਹਿੰਦੀ ਵਿੱਚ ਅਰਥ ਹੈ 'ਆਤਮਾ ਦੀ ਪੁਨਰ ਸੁਰਜੀਤੀ' ਭਾਵ ਇੱਕ ਪੀਣ ਵਾਲਾ ਪਦਾਰਥ, ਜੋ ਸਰੀਰ ਅਤੇ ਮਨ ਨੂੰ ਸੰਤੁਸ਼ਟੀ ਦਿੰਦਾ ਹੈ।
ਉਨ੍ਹਾਂ ਦਿਨਾਂ ਦੌਰਾਨ ਦਿੱਲੀ ਦੇ ਲੋਕਾਂ ਨੂੰ ਇਹ ਸ਼ਰਬਤ ਇੰਨਾ ਪਸੰਦ ਆਇਆ ਕਿ ਲੋਕ ਇਸਨੂੰ ਖਰੀਦਣ ਲਈ ਆਪਣੇ ਘਰਾਂ ਤੋਂ ਭਾਂਡੇ ਲੈ ਕੇ ਜਾਣ ਲੱਗ ਪਏ। ਵਧਦੀ ਪ੍ਰਸਿੱਧੀ ਨੂੰ ਦੇਖਦੇ ਹੋਏ, ਰੂਹ ਅਫਜ਼ਾ ਨੂੰ ਵੱਡੇ ਪੱਧਰ 'ਤੇ ਵੇਚਣ ਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਗਈਆਂ।
ਕਿਵੇਂ ਹੋਂਦ ਵਿੱਚ ਆਇਆ ਵਪਾਰ ?
ਦੇਸ਼ ਦੇ ਹਰ ਕੋਨੇ ਵਿੱਚ ਰੂਹ ਅਫਜ਼ਾ ਉਪਲਬਧ ਕਰਵਾਉਣ ਲਈ, ਹਕੀਮ ਅਬਦੁਲ ਮਜੀਦ ਨੇ ਇਸਦੀ ਬ੍ਰਾਂਡਿੰਗ ਸ਼ੁਰੂ ਕੀਤੀ। ਖਾਸ ਗੱਲ ਇਹ ਹੈ ਕਿ ਉਨ੍ਹਾਂ ਦਿਨਾਂ ਵਿੱਚ, ਰੂਹ ਅਫਜ਼ਾ ਦਾ ਲੋਗੋ ਮੁੰਬਈ ਦੇ ਪ੍ਰਿੰਟਿੰਗ ਪ੍ਰੈਸ ਤੋਂ ਮੰਗਵਾਇਆ ਜਾਂਦਾ ਸੀ, ਜਦੋਂ ਕਿ ਬੋਤਲ ਦਾ ਡਿਜ਼ਾਈਨ ਜਰਮਨੀ ਵਿੱਚ ਬਣਾਇਆ ਗਿਆ ਸੀ। 1940 ਵਿੱਚ ਪੁਰਾਣੀ ਦਿੱਲੀ ਵਿੱਚ ਰੂਹ ਅਫ਼ਜ਼ਾ ਬਣਾਉਣ ਲਈ ਇੱਕ ਪਲਾਂਟ ਸਥਾਪਤ ਕੀਤਾ ਗਿਆ ਸੀ। ਹਮਦਰਦ ਕੰਪਨੀ, ਜੋ ਰੂਹ ਅਫਜ਼ਾ ਬਣਾਉਂਦੀ ਹੈ, ਦਾ ਅੱਜ 25 ਤੋਂ ਵੱਧ ਦੇਸ਼ਾਂ ਵਿੱਚ ਕਾਰੋਬਾਰ ਹੈ ਅਤੇ ਇਸਦੇ 600 ਤੋਂ ਵੱਧ ਉਤਪਾਦ ਹਨ।
- PTC NEWS
