'ਧਾਰਮਿਕ ਵਿਤਕਰਾ': ਅਮਰੀਕਾ 'ਚ ਸਿੱਖ ਵਿਅਕਤੀ ਨੂੰ ਕਿਰਪਾਨ ਰੱਖਣ ਕਰਕੇ NBA ਗੇਮ 'ਚ ਦਾਖ਼ਲੇ ਤੋਂ ਇਨਕਾਰ
ਪੀਟੀਸੀ ਵੈੱਬ ਡੈਸਕ: ਅਮਰੀਕਾ ਵਿੱਚ ਕਥਿਤ ਨਸਲੀ ਵਿਤਕਰੇ ਦੀ ਇੱਕ ਹੋਰ ਘਟਨਾ ਸਾਹਮਣੇ ਆਈ ਹੈ। ਜਾਣਕਾਰੀ ਅਨੁਸਾਰ ਮਨਦੀਪ ਸਿੰਘ ਵਜੋਂ ਜਾਣੇ ਜਾਂਦੇ ਸਿੱਖ ਵਿਅਕਤੀ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੂੰ ਅਮਰੀਕਾ ਵਿੱਚ ਬਾਸਕਟਬਾਲ ਮੈਚ ਵਿੱਚ 'ਕਿਰਪਾਨ' ਰੱਖਣ ਕਾਰਨ ਦਾਖ਼ਲ ਹੋਣ ਤੋਂ ਰੋਕ ਦਿੱਤਾ ਗਿਆ ਸੀ।
ਮਨਦੀਪ ਸਿੰਘ ਨੇ ਦੱਸਿਆ ਕਿ ਉਹ ਕੈਲੀਫੋਰਨੀਆ ਵਿੱਚ ਐਨਬੀਏ ਟੀਮ ਸੈਕਰਾਮੈਂਟੋ ਕਿੰਗਜ਼ ਵਿੱਚ ਸ਼ਾਮਲ ਬਾਸਕਟਬਾਲ ਮੈਚ ਦੇਖਣ ਗਿਆ ਸੀ। ਉਸਨੇ ਆਪਣੇ ਟਵਿੱਟਰ ਹੈਂਡਲ 'ਤੇ ਸਥਾਨ ਦੇ ਬਾਹਰ ਦੀਆਂ ਫੋਟੋਆਂ ਸਾਂਝੀਆਂ ਕੀਤੀਆਂ ਅਤੇ ਲਿਖਿਆ, "ਮੰਦਭਾਗਾ ਹੈ ਧਾਰਮਿਕ ਵਿਤਕਰੇ ਦਾ ਅਨੁਭਵ ਕਰਨਾ ਅਤੇ ਮਹਿਜ਼ ਇਸ ਲਈ ਖੇਡ ਮੈਦਾਨ 'ਚ ਦਾਖਲੇ ਤੋਂ ਇਨਕਾਰ ਕੀਤਾ ਜਾਣਾ ਕਿਉਂਕਿ ਮੈਂ ਸਿੱਖ ਹਾਂ। ਕਿਰਪਾਨ ਕਰਕੇ ਮੈਨੂੰ ਅੰਦਰ ਨਹੀਂ ਜਾਣ ਦੇਣਗੇ। ਸੁਰੱਖਿਆ ਲੜੀ 'ਚ ਕਈ ਲੋਕਾਂ ਨਾਲ ਗੱਲ ਕੀਤੀ ਅਤੇ ਕੋਈ ਵੀ ਸਮਝਣਾ ਨਹੀਂ ਚਾਹੁੰਦਾ। 96 ਤੋਂ ਮੈਂ ਇਨ੍ਹਾਂ ਦਾ ਪ੍ਰਸ਼ੰਸਕ ਸੀ ਪਰ ਹੁਣ ਨਹੀਂ ਰਿਹਾ।"
Unfortunate experiencing religious discrimination and being denied entry at the @SacramentoKings game tonight b/c Im #Sikh. Wouldn't let me in bc of #kirpan. Spoke w/ multiple people up the security chain and none seem to understand. Been a fan since 96. Not so much anymore. #nba pic.twitter.com/1qG3sNzDf2
— Mandeep Singh (@Light0fMind) March 14, 2023
ਉਸਨੇ ਅੱਗੇ ਕਿਹਾ ਕਿ ਉਸਨੂੰ ਪਿਛਲੇ ਹਫਤੇ ਸੈਕਰਾਮੈਂਟੋ ਕਿੰਗਜ਼ ਦੁਆਰਾ "ਕਮਿਊਨਿਟੀ ਅੰਬੈਸਡਰ" ਵਜੋਂ ਇੱਕ ਖੇਡ ਲਈ ਸੱਦਾ ਦਿੱਤਾ ਗਿਆ ਸੀ।
ਸਿੰਘ ਨੇ ਆਪਣੇ ਟਵੀਟ 'ਚ ਲਿਖਿਆ, "ਜਕਾਰਾ ਮੂਵਮੈਂਟ ਦੇ ਨਾਲ ਇੱਕ ਕਮਿਊਨਿਟੀ ਆਰਗੇਨਾਈਜ਼ਰ ਵਜੋਂ ਕੰਮ ਕਰਦੇ ਹੋਏ, ਮੈਂ ਸੈਕਰਾਮੈਂਟੋ ਵਿੱਚ ਸਾਡੇ ਸਿੱਖ ਭਾਈਚਾਰੇ ਨਾਲ ਨੇੜਿਓਂ ਜੁੜਿਆ ਰਿਹਾ ਹਾਂ। ਅਸੀਂ ਸਿੱਖ ਜਾਗਰੂਕਤਾ ਵਿੱਚ ਵੀ ਹਿੱਸਾ ਲਿਆ ਹੈ। @SacramentoKings ਨੇ ਪਿਛਲੇ ਹਫ਼ਤੇ ਸਾਨੂੰ ਕਮਿਊਨਿਟੀ ਅੰਬੈਸਡਰ ਬਣਨ ਲਈ Knicks ਗੇਮ 'ਤੇ ਆਉਣ ਲਈ ਈਮੇਲ ਕੀਤੀ ਸੀ।
Working as a community organizer with the Jakara Movement, I'm intimately involved with our #Sikh Community in #Sacramento. We have participated in Sikh Awareness nights. @SacramentoKings JUST emailed us last week to come table at the Knicks game to be community ambassadors. pic.twitter.com/9FfnNql6Ov — Mandeep Singh (@Light0fMind) March 14, 2023
ਅੱਗੇ ਸਿੰਘ ਨੇ ਸੈਕਰਾਮੈਂਟੋ ਕੌਂਸਲ ਮੈਂਬਰ ਕੇਟੀ ਵੈਲੇਨਜ਼ੁਏਲਾ ਨੇ ਆਪਣੇ ਟਵੀਟ ਵਿੱਚ ਟੈਗ ਕਰਦਿਆਂ ਕਿਹਾ, "@SacramentoKings ਲਈ ਮੇਰੀ ਕਿਰਪਾਨ ਨਹੀਂ ਉਤਾਰੀ ਜਾ ਸਕਦੀ...ਤੁਹਾਡਾ ਸ਼ਹਿਰ ਆਪਣੇ ਸਿੱਖ ਭਾਈਚਾਰੇ ਨਾਲ ਇਸ ਤਰ੍ਹਾਂ ਦਾ ਵਿਵਹਾਰ ਕਰਦਾ ਹੈ।"
- PTC NEWS
