ਸਾਨੀਆ ਮਿਰਜ਼ਾ ਨੇ ਟੈਨਿਸ ਨੂੰ ਕਿਹਾ ਅਲਵਿਦਾ, ਵਿਦਾਇਗੀ ਭਾਸ਼ਣ ਦੌਰਾਨ ਹੋਈ ਭਾਵੁਕ, ਦੇਖੋ ਵੀਡੀਓ
ਨਵੀਂ ਦਿੱਲੀ : ਸਾਨੀਆ ਮਿਰਜ਼ਾ ਨੂੰ ਆਪਣੇ ਆਖਰੀ ਗਰੈਂਡਸਲੈਮ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਮਿਕਸਡ ਡਬਲਜ਼ ਦੇ ਫਾਈਨਲ ਵਿੱਚ ਸਾਨੀਆ ਅਤੇ ਰੋਹਨ ਬੋਪੰਨਾ ਦੀ ਜੋੜੀ 6-7, 6-2 ਨਾਲ ਹਾਰ ਗਈ। ਸਾਨੀਆ ਨੇ ਪਹਿਲਾਂ ਹੀ ਐਲਾਨ ਕਰ ਦਿੱਤਾ ਸੀ ਕਿ ਇਹ ਉਸਦਾ ਆਖਰੀ ਗਰੈਂਡਸਲੈਮ ਹੋਵੇਗਾ।
ਇਸ ਤੋਂ ਬਾਅਦ ਉਹ ਮਹਿਲਾ ਡਬਲਜ਼ ਵਿੱਚ ਦੂਜੇ ਦੌਰ ਵਿੱਚ ਬਾਹਰ ਹੋ ਗਈ ਅਤੇ ਮਿਕਸਡ ਡਬਲਜ਼ ਵਿੱਚ ਫਾਈਨਲ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਹਾਰ ਨਾਲ ਸਾਨੀਆ ਦਾ ਜੇਤੂ ਵਿਦਾਈ ਦਾ ਸੁਪਨਾ ਚਕਨਾਚੂਰ ਹੋ ਗਿਆ। ਆਸਟ੍ਰੇਲੀਅਨ ਓਪਨ ਦੇ ਮਿਕਸਡ ਡਬਲਜ਼ ਫਾਈਨਲ ਵਿੱਚ ਲੁਈਸਾ ਸਟੇਫਨੀ ਅਤੇ ਰਾਫੇਲ ਮਾਟੋਸ ਦੀ ਬ੍ਰਾਜ਼ੀਲ ਦੀ ਜੋੜੀ ਨੇ ਸਾਨੀਆ ਅਤੇ ਰੋਹਨ ਨੂੰ 6-7, 2-6 ਦੇ ਫਰਕ ਨਾਲ ਹਰਾਇਆ।
ਸਾਨੀਆ ਮਿਰਜ਼ਾ ਨੇ ਆਪਣੇ ਕਰੀਅਰ ਵਿੱਚ ਤਿੰਨ ਮਹਿਲਾ ਡਬਲਜ਼ ਗਰੈਂਡਸਲੈਮ ਅਤੇ ਤਿੰਨ ਮਿਕਸਡ ਡਬਲਜ਼ ਖ਼ਿਤਾਬ ਜਿੱਤੇ ਹਨ। ਜਦਕਿ ਬੋਪੰਨਾ ਨੇ ਇਕ ਮਿਕਸਡ ਡਬਲਜ਼ ਗਰੈਂਡਸਲੈਮ ਖਿਤਾਬ ਜਿੱਤਿਆ ਹੈ। ਸਾਨੀਆ ਅਤੇ ਬੋਪੰਨਾ ਦੀ ਗੈਰ ਦਰਜਾ ਪ੍ਰਾਪਤ ਭਾਰਤੀ ਜੋੜੀ ਨੇ ਆਸਟ੍ਰੇਲੀਅਨ ਓਪਨ 2023 ਦੇ ਸੈਮੀਫਾਈਨਲ 'ਚ ਡੇਸਿਰੀਆ ਕ੍ਰਾਕਜ਼ਿਕ ਅਤੇ ਨੀਲ ਸਕੁਪਸਕੀ ਨੂੰ 7-6(5), 6-7(5), 10-6 ਨਾਲ ਹਰਾਇਆ ਸੀ। ਇਸ ਜੋੜੀ ਨੂੰ ਕੁਆਰਟਰ ਫਾਈਨਲ ਮੈਚ ਵਿੱਚ ਵਾਕਓਵਰ ਮਿਲਿਆ। ਭਾਰਤੀ ਜੋੜੀ ਨੇ ਉਰੂਗਵੇ ਅਤੇ ਜਾਪਾਨ ਦੀ ਏਰੀਅਲ ਬੇਹਾਰ ਅਤੇ ਮਾਕਾਟੋ ਨਿਨੋਮੀਆ ਦੀ ਜੋੜੀ ਨੂੰ 6-4, 7-6 (11-9) ਨਾਲ ਹਰਾ ਕੇ ਕੁਆਰਟਰ ਫਾਈਨਲ ਵਿੱਚ ਥਾਂ ਬਣਾਈ।
ਸਾਨੀਆ-ਰੋਹਨ ਫਾਈਨਲ 'ਚ ਲੈਅ ਨਹੀਂ ਬਣਾ ਸਕੇ
ਸਾਨੀਆ ਅਤੇ ਰੋਹਨ ਬੋਪੰਨਾ ਦੀ ਜੋੜੀ ਇਸ ਟੂਰਨਾਮੈਂਟ ਵਿੱਚ ਫਾਈਨਲ ਮੈਚ ਤੋਂ ਪਹਿਲਾਂ ਇਕ ਸੈੱਟ ਹਾਰ ਗਈ। ਸੈਮੀਫਾਈਨਲ ਮੈਚ ਵਿੱਚ ਇਸ ਜੋੜੀ ਨੂੰ ਇਕ ਸੈੱਟ ਦੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਫਾਈਨਲ ਮੈਚ 'ਚ ਇਸ ਜੋੜੀ ਵਿਚ ਤਾਲਮੇਲ ਦੀ ਕਮੀ ਨਜ਼ਰ ਆਈ ਤੇ ਖਿਤਾਬ ਜਿੱਤਣ ਲਈ ਸਿੱਧੇ ਸੈੱਟਾਂ ਵਿੱਚ ਹਾਰ ਗਈ। ਇਸ ਦੌਰਾਨ ਬੋਪੰਨਾ ਤੇ ਮੈਥਿਊ ਏਬਡੇਨ ਦੀ ਪੁਰਸ਼ ਡਬਲਜ਼ ਜੋੜੀ ਪਹਿਲੇ ਦੌਰ ਵਿੱਚ ਹੀ ਹਾਰ ਕੇ ਬਾਹਰ ਹੋ ਗਈ ਸੀ। ਸਾਨੀਆ ਅਤੇ ਕਜ਼ਾਕਿਸਤਾਨ ਦੀ ਅੰਨਾ ਡੇਨਿਲਿਨਾ ਦੀ ਜੋੜੀ ਮਹਿਲਾ ਡਬਲਜ਼ ਦੇ ਦੂਜੇ ਦੌਰ ਵਿੱਚ ਬਾਹਰ ਹੋ ਗਈ ਸੀ।
Such an emotional farewell speech by Sania Mirza ???? #AusOpen pic.twitter.com/btA5AZMr2p — Farid Khan (@_FaridKhan) January 27, 2023
ਸਾਨੀਆ ਨੇ ਆਪਣੇ ਕਰੀਅਰ 'ਚ 43 ਡਬਲਯੂ.ਟੀ.ਏ. ਉਸਨੇ ਮਹਿਲਾ ਡਬਲਜ਼ ਵਰਗ ਵਿੱਚ ਤਿੰਨ ਗਰੈਂਡਸਲੈਮ ਖਿਤਾਬ ਵੀ ਜਿੱਤੇ। 2016 ਵਿੱਚ ਉਹ ਆਸਟ੍ਰੇਲੀਅਨ ਓਪਨ ਵਿੱਚ ਮਹਿਲਾ ਡਬਲਜ਼ ਚੈਂਪੀਅਨ ਵੀ ਬਣੀ। ਸਾਨੀਆ ਨੇ ਮਿਕਸਡ ਡਬਲਜ਼ 'ਚ ਵੀ ਤਿੰਨ ਗਰੈਂਡਸਲੈਮ ਜਿੱਤੇ ਹਨ। 2009 'ਚ ਉਸਨੇ ਆਸਟ੍ਰੇਲੀਅਨ ਓਪਨ ਵਿੱਚ ਇਸ ਵਰਗ ਵਿੱਚ ਖਿਤਾਬ ਜਿੱਤਿਆ। ਸਾਨੀਆ ਨੇ ਲੰਬੇ ਸਮੇਂ ਤੱਕ ਮਹਿਲਾ ਡਬਲਜ਼ ਰੈਂਕਿੰਗ 'ਚ ਪਹਿਲੇ ਨੰਬਰ 'ਤੇ ਕਾਬਜ਼ ਸੀ। ਹਾਲਾਂਕਿ ਆਪਣੇ ਕਰੀਅਰ ਦੇ ਆਖਰੀ ਗ੍ਰੈਂਡ ਸਲੈਮ 'ਚ ਉਹ ਜਿੱਤ ਤੋਂ ਇਕ ਕਦਮ ਦੂਰ ਰਹੀ।
ਆਪਣੇ ਵਿਦਾਇਗੀ ਭਾਸ਼ਣ ਦੌਰਾਨ ਸਾਨੀਆ ਮਿਰਜ਼ਾ ਪੁਰਾਣੇ ਪਲਾਂ ਨੂੰ ਯਾਦ ਕਰਕੇ ਭਾਵੁਕ ਹੋ ਗਈ ਅਤੇ ਸਾਰਿਆਂ ਦਾ ਧੰਨਵਾਦ ਕੀਤਾ।
- PTC NEWS
