ਨਾਂਦੇੜ ਸਾਹਿਬ ਦੇ ਉਸ ਪ੍ਰਸ਼ਾਸਕ ਬਾਰੇ ਜਾਣੋ ਜਿਸਨੇ ਗੁਰਦੁਆਰੇ ਦੀ ਸਾਲਾਨਾ ਆਮਦਨ 'ਚ ਕੀਤਾ 27 ਕਰੋੜ ਦਾ ਵਾਧਾ

ਨਾਂਦੇੜ: ਮਹਾਰਾਸ਼ਟਰ ਦੇ ਸਾਬਕਾ ਡੀ.ਜੀ.ਪੀ ਡਾਕਟਰ ਪੀ.ਐਸ. ਪਸਰੀਚਾ ਨੂੰ ਚੁਣੇ ਹੋਏ ਬੋਰਡ ਦੀ ਬਰਖਾਸਤਗੀ ਤੋਂ ਬਾਅਦ ਪਿਛਲੇ ਸਾਲ ਤਖ਼ਤ ਸ੍ਰੀ ਹਜ਼ੂਰ ਸਾਹਿਬ ਨਾਂਦੇੜ ਸਾਹਿਬ ਦੇ ਗੁਰਦੁਆਰਿਆਂ ਦਾ ਪ੍ਰਸ਼ਾਸਕ/ਚੇਅਰਮੈਨ ਨਿਯੁਕਤ ਕੀਤਾ ਗਿਆ ਸੀ। ਜਦੋਂ ਉਨ੍ਹਾਂ ਨੇ ਅਹੁਦਾ ਸੰਭਾਲਿਆ ਤਾਂ ਗੁਰਦੁਆਰਾ ਪ੍ਰਸ਼ਾਸਨਿਕ ਗੜਬੜੀ ਵਿੱਚ ਸੀ ਅਤੇ ਗੁਰਦੁਆਰੇ ਦੀ ਵਿੱਤੀ ਸਥਿਤੀ ਨਾਜ਼ੁਕ ਸੀ। 



ਤਨਖ਼ਾਹਾਂ ਲਈ ਬੰਦ ਕੀਤੇ ਜਾ ਰਹੇ ਫਿਕਸਡ ਡਿਪਾਜ਼ਿਟ ਦਾ ਇੰਝ ਕੀਤਾ ਬਚਾਅ
ਸਟਾਫ਼ ਨੂੰ ਤਨਖ਼ਾਹਾਂ ਦੇਣ ਲਈ ਫਿਕਸਡ ਡਿਪਾਜ਼ਿਟ ਬੰਦ ਕੀਤੇ ਜਾ ਰਹੇ ਸਨ। ਡਾ: ਪਸਰੀਚਾ ਨੇ ਪਟੜੀ ਤੋਂ ਉਤਰੇ ਸਿਸਟਮ ਨੂੰ ਸੁਚਾਰੂ ਬਣਾਉਣ ਅਤੇ ਵਿੱਤੀ ਸਥਿਤੀ ਨੂੰ ਸੁਧਾਰਨ ਲਈ ਆਪਣੇ ਪੇਸ਼ੇਵਰ ਹੁਨਰ ਅਤੇ ਅਨੁਭਵ ਦੀ ਵਰਤੋਂ ਕੀਤੀ। ਸਿਰਫ਼ ਨੌਂ ਮਹੀਨਿਆਂ ਦੇ ਅੰਦਰ ਜੁਲਾਈ 2022 ਤੋਂ ਮਾਰਚ 23 ਦੇ ਅੰਦਰ ਉਹ ਗੁਰਦੁਆਰੇ ਲਈ 27 ਕਰੋੜ ਦੀ ਵਾਧੂ ਆਮਦਨ ਯਕੀਨੀ ਬਣਾਉਣ ਵਿੱਚ ਸਫਲ ਹੋ ਗਏ। ਜਿਸ ਵਿੱਚੋਂ ਕੁਝ ਹਿੱਸਾ ਵਿਕਾਸ, ਸਿੱਖਿਆ ਅਤੇ 369 ਕਰਮਚਾਰੀਆਂ ਨੂੰ ਪੱਕੇ ਕਰਨ ਲਈ ਵਧੀਆਂ ਤਨਖਾਹਾਂ ਵਿੱਚ ਵਰਤਿਆ ਗਿਆ। ਬਾਕੀ ਦੀ ਰਕਮ 10.50 ਕਰੋੜ ਐਫ.ਡੀਜ਼ ਵਿੱਚ ਜਮ੍ਹਾਂ ਕਰਵਾਈ ਗਈ।

78 ਤੋਂ 110 ਕਰੋੜ ਹੋਇਆ ਨਾਂਦੇੜ ਸਾਹਿਬ ਦਾ ਬਜਟ
ਇਸ ਸਾਲ, ਨਵੀਆਂ ਅਤੇ ਬਿਹਤਰ ਸਹੂਲਤਾਂ, ਪੁਰਾਣੀਆਂ ਇਮਾਰਤਾਂ ਦੀ ਮੁਰੰਮਤ, ਸਿੱਖਿਆ, ਖੇਡਾਂ ਆਦਿ ਲਈ ਬਜਟ 78 ਤੋਂ ਵਧਾ ਕੇ 110 ਕਰੋੜ ਕੀਤਾ ਗਿਆ ਹੈ। ਪਿਛਲੇ ਸਾਲ ਦੌਰਾਨ ਕੀਤੇ ਗਏ ਸੁਹਜਾਤਮਕ ਲੈਂਡਸਕੇਪਿੰਗ ਵਾਲੇ ਫੁਹਾਰੇ ਅਤੇ ਲਾਈਟਾਂ ਦੇ ਨਾਲ ਸ਼ਰਧਾਲੂਆਂ ਲਈ ਸ਼ਬਦ ਕੀਰਤਨ ਦਾ ਆਨੰਦ ਲੈਣ ਲਈ ਅੱਪਗਰੇਡ ਕੀਤੇ ਗਏ ਲੇਜ਼ਰ ਸ਼ੋਅ, ਕੋਮਾਂਤਰੀ ਮਿਆਰਾਂ ਦੀ ਸਾਊਂਡ ਸਿਸਟਮ ਵਰਗੇ ਕਈ ਵਿਕਾਸ ਦੀ ਭਰਪੂਰ ਸ਼ਲਾਘਾ ਕੀਤੀ ਜਾ ਰਹੀ ਹੈ। ਕਮਰਿਆਂ ਦੀ ਬੁਕਿੰਗ ਅਤੇ ਜਾਣਕਾਰੀ ਲਈ 24x7 ਹੈਲਪ ਲਾਈਨ, ਸ਼ਰਧਾਲੂਆਂ ਦੇ ਆਰਾਮ ਨੂੰ ਯਕੀਨੀ ਬਣਾਉਣ ਲਈ ਹੋਸਪਿਟੈਲਿਟੀ ਸੈੱਲ, ਦੁਨੀਆ ਦੇ ਕਿਸੇ ਵੀ ਹਿੱਸੇ ਤੋਂ ਤੁਹਾਡੇ ਅਖੰਡ ਪਾਠ ਦੇ ਦਰਸ਼ਨ ਕਰਨ ਦੀ ਸਮਰੱਥਾ ਵਰਗੀਆਂ ਬਹੁਤ ਸਾਰੀਆਂ ਸਹੂਲਤਾਂ ਕੁਝ ਉਦਾਹਰਣਾਂ ਹਨ।

ਇਹ ਵੀ ਪੜ੍ਹੋ: ਤਖ਼ਤ ਸ੍ਰੀ ਹਜ਼ੂਰ ਸਾਹਿਬ ਨਾਂਦੇੜ ਵਲੋਂ ਸੰਗਤਾਂ ਲਈ ਜਾਰੀ ਕੀਤੀ ਗਈ 24X7 ਵਿਸ਼ੇਸ਼ ਹੈਲਪ ਲਾਈਨ

ਕੀ ਹੈ ਮਿਸ਼ਨ ‘ਉਠ ਕਲਮ ਉਠਾ’.....?
ਸਿੱਖ ਨੌਜਵਾਨਾਂ ਨੂੰ ਸਿੱਖਿਆ ਵੱਲ ਪ੍ਰੇਰਿਤ ਕਰਨ ਲਈ ਪਿਛਲੇ ਸਾਲ ਇੱਕ ਮਿਸ਼ਨ ‘ਉਠ ਕਲਮ ਉਠਾ’ ਸ਼ੁਰੂ ਕੀਤਾ ਗਿਆ ਸੀ। ਉਨ੍ਹਾਂ ਨੂੰ ਉਤਸ਼ਾਹਿਤ ਕਰਨ ਲਈ ਉੱਚ ਮੁੱਲ ਦੇ ਵਜ਼ੀਫੇ ਅਤੇ ਕੋਚਿੰਗ ਕਲਾਸਾਂ ਸ਼ੁਰੂ ਕੀਤੀਆਂ ਗਈਆਂ ਸਨ। ਪਿਛਲੇ ਸਾਲ ਇਸ 'ਤੇ 15 ਕਰੋੜ ਤੋਂ ਵੱਧ ਖਰਚ ਆਇਆ ਸੀ। 

ਸਿਸਟਮ ਨੂੰ ਸੁਚਾਰੂ ਬਣਾਉਣ ਦੀਆਂ ਕੁਝ ਹੋਰ ਉਦਾਹਰਣਾਂ 

⦁ ਗੁਆਂਢੀ ਖੇਤਰ ਵਿੱਚ ਧਰਮ ਪ੍ਰਚਾਰ ਲਈ ਬਣਾਈਆਂ ਵਿਸ਼ੇਸ਼ ਟੀਮਾਂ। 
⦁ ਵੱਡੀਆਂ ਘਟਨਾਵਾਂ ਦੀ ਨਿਗਰਾਨੀ ਲਈ ਡਾਟਾ ਸੈਂਟਰ ਅਤੇ ਕੰਟਰੋਲ ਰੂਮ ਦੀ ਸਥਾਪਨਾ।
⦁ ਗੈਰ-ਕਾਰਗੁਜ਼ਾਰੀ ਅਤੇ ਮਾੜੇ ਤੱਤਾਂ ਨੂੰ ਖਤਮ ਕਰ ਦੇ ਯਤਨ।
⦁ ਇੰਜਨੀਅਰਾਂ, ਤਕਨੀਕੀ ਸਟਾਫ਼ ਅਤੇ ਹੋਰ ਮਾਹਿਰਾਂ ਲਈ ਪ੍ਰਭਾਵੀ ਅਤੇ ਕੁਸ਼ਲ ਸੁਪਰਵਾਈਜ਼ਰੀ ਵਿਧੀ ਨਾਲ ਬਣਾਏ ਗਏ ਵਿਸ਼ੇਸ਼ ਕਾਡਰ। 
⦁ ਨਿਰਪੱਖ ਅਤੇ ਪਾਰਦਰਸ਼ੀ ਢੰਗ ਨਾਲ ਕੀਤੇ ਜਾ ਰਹੇ ਨਿਯੁਕਤੀਆਂ ਅਤੇ ਤਬਾਦਲੇ। 
⦁ ਇੱਕ ਹਫ਼ਤੇ ਵਿੱਚ ਸ਼ਿਕਾਇਤਾਂ ਦਾ ਨਿਪਟਾਰਾ। 
⦁ ਵਾਧੂ ਵਿਭਾਗੀ ਦਬਾਅ ਨੂੰ ਖਤਮ ਕਰਨ ਦੀ ਕੋਸ਼ਿਸ਼।
⦁ ਸਾਰੇ ਕਰਮਚਾਰੀਆਂ ਦੇ ਮਨੋਬਲ ਨੂੰ ਸੁਧਾਰਨ ਵਿੱਚ ਕੀਤੀ ਜਾ ਰਹੀ ਮਦਦ। 

ਸਾਰੀਆਂ ਗਤੀਵਿਧੀਆਂ ਜਿਵੇਂ ਕਿ ਸਾਰੇ ਵਿੱਤੀ ਲੈਣ-ਦੇਣ, ਖਾਤੇ, ਦਾਨ, ਕਮਰੇ ਅਲਾਟਮੈਂਟ, ਖਰੀਦਦਾਰੀ, ਸਟੋਰ, ਸਪਲਾਈ, ਅਖੰਡ ਪਾਠ, ਕਰਮਚਾਰੀਆਂ ਦੇ ਰਿਕਾਰਡ ਅਤੇ ਪੋਸਟਿੰਗ ਆਦਿ ਨੂੰ ਜੋੜਨ ਲਈ ਇੱਕ ਸਾਫਟਵੇਅਰ ਦਾ ਵਿਕਾਸ ਵੀ ਚੱਲ ਰਿਹਾ ਹੈ। ਜਿਸ ਨਾਲ ਇੱਕ ਸਿਹਤਮੰਦ ਅਤੇ ਪਾਰਦਰਸ਼ੀ ਵਾਤਾਵਰਣ ਨੂੰ ਯਕੀਨੀ ਬਣਾਉਣ ਵਿੱਚ ਮਦਦ ਮਿਲੇਗੀ।

- PTC NEWS

Join Whatsapp Channel