Peacock in School : ਜਦੋਂ ਸਕੂਲ ਦੀ ਚਲਦੀ ਕਲਾਸ 'ਚ ਵੜ ਆਇਆ ਮੋਰ, ਅਧਿਆਪਕ ਨੇ ਪੁੱਛ ਲਿਆ - ਤੂੰ ਵੀ ਪੜਨੈ...
Peacock Viral : ਉੜੀਸਾ ਦੇ ਰਾਏਗੜਾ ਤੋਂ ਇੱਕ ਮਨਮੋਹਕ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਸਕੂਲ 'ਚ ਚੱਲ ਰਹੀ ਕਲਾਸ 'ਚ ਇਕ ਮੋਰ ਦਾਖਲ ਹੁੰਦਾ ਹੈ। ਇਸ ਦੌਰਾਨ ਅਧਿਆਪਕ ਉਸ ਨੂੰ ਪੁੱਛਦਾ ਹੈ ਕਿ ਕੀ ਉਹ ਵੀ ਪੜ੍ਹੇਗਾ?
ਇਹ ਅਜੀਬੋ-ਗਰੀਬ ਘਟਨਾ ਗੋਕੁਲਮੁੰਡਾ ਸਕੂਲ ਓਡੀਸ਼ਾ ਦੇ ਰਾਏਗੜਾ ਦੇ ਟਿਕਰੀ ਪਿੰਡ ਵਿੱਚ ਵਾਪਰੀ ਹੈ। ਇੱਥੋਂ ਦੇ ਇੱਕ ਸਕੂਲ ਵਿੱਚ ਅਧਿਆਪਕ ਬੱਚਿਆਂ ਦੀਆਂ ਕਲਾਸਾਂ ਲੈ ਰਿਹਾ ਸੀ। ਇਸੇ ਦੌਰਾਨ ਇੱਕ ਮੋਰ ਜਮਾਤ ਵਿੱਚ ਆ ਗਿਆ। ਮੋਰ ਨੂੰ ਦੇਖ ਕੇ ਸਾਰੇ ਬੱਚੇ ਵੀ ਖੁਸ਼ ਹੋ ਗਏ। ਇਸ ਦੌਰਾਨ ਅਧਿਆਪਕ ਨੇ ਵੀ ਮਜ਼ਾਕ 'ਚ ਮੋਰ ਨੂੰ ਪੁੱਛਿਆ ਕੀ ਤੁਸੀਂ ਵੀ ਪੜ੍ਹੋਗੇ?
ਕਲਾਸ ਵਿੱਚ ਮੌਜੂਦ ਹਰ ਕੋਈ ਮੋਰ ਪ੍ਰਤੀ ਪਿਆਰ ਦਾ ਇਜ਼ਹਾਰ ਕਰਦਾ ਨਜ਼ਰ ਆਇਆ। ਪਰ, ਮੋਰ ਵੀ ਹੈਰਾਨੀ ਨਾਲ ਸਾਰਿਆਂ ਨੂੰ ਦੇਖਦਾ ਰਿਹਾ। ਸ਼ਾਇਦ ਇਹ ਪਹਿਲੀ ਵਾਰ ਸੀ ਜਦੋਂ ਉਸਨੇ ਇੰਨੇ ਬੱਚਿਆਂ ਨੂੰ ਇਕੱਠੇ ਦੇਖਿਆ ਸੀ। ਬੱਚਿਆਂ ਵਾਂਗ ਮੋਰ ਵੀ ਮਾਸਟਰ ਦੇ ਕੋਲ ਆ ਖੜ੍ਹਾ ਹੋਇਆ, ਜਿਸ ਨੂੰ ਦੇਖ ਕੇ ਲੋਕ ਮਜ਼ਾਕ ਕਰ ਰਹੇ ਹਨ ਕਿ ਉਹ ਵੀ ਆਪਣਾ ਹੋਮਵਰਕ ਚੈੱਕ ਕਰਵਾਉਣ ਆਇਆ ਸੀ।
ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਸੋਸ਼ਲ ਮੀਡੀਆ ਯੂਜ਼ਰ ਮਾਸਟਰ ਸਾਹਬ ਦੇ ਵਤੀਰੇ ਦੀ ਤਾਰੀਫ਼ ਕਰ ਰਹੇ ਹਨ।
- PTC NEWS
