Paris Paralympics 'ਚ ਭਾਰਤ ਨੇ ਨਿਸ਼ਾਨੇਬਾਜ਼ੀ 'ਚ ਕੀਤਾ ਕਮਾਲ, ਅਵਨੀ ਲੇਖਾਰਾ ਨੇ ਸੋਨ ਅਤੇ ਮੋਨਾ ਨੇ ਕਾਂਸੀ ਤਗਮੇ ਜਿੱਤੇ
Paris Paralympic Games 2024 ਦੇ ਦੂਜੇ ਦਿਨ ਭਾਰਤ ਦਾ ਮੈਡਲ ਖਾਤਾ ਖੁੱਲ੍ਹ ਗਿਆ। ਭਾਰਤ ਦੀ ਪੈਰਾ ਨਿਸ਼ਾਨੇਬਾਜ਼ ਅਵਨੀ ਲੇਖਰਾ ਨੇ R2 10m ਏਅਰ ਰਾਈਫਲ ਸਟੈਂਡਿੰਗ SH1 ਵਰਗ ਵਿੱਚ ਸੋਨ ਤਮਗਾ ਜਿੱਤਿਆ। ਭਾਰਤ ਦੀ ਮੋਨਾ ਨੇ ਵੀ ਇਸ ਈਵੈਂਟ ਦਾ ਕਾਂਸੀ ਦਾ ਤਗਮਾ ਜਿੱਤਿਆ। ਇਸ ਨਾਲ ਭਾਰਤ ਦੇ ਮੈਡਲਾਂ ਦੀ ਗਿਣਤੀ ਦੋ ਹੋ ਗਈ ਹੈ।
ਅਵਨੀ ਲੇਖਰਾ ਨੇ ਟੋਕੀਓ ਓਲੰਪਿਕ 'ਚ ਵੀ ਸੋਨ ਤਮਗਾ ਜਿੱਤਿਆ ਸੀ। ਪੈਰਿਸ ਵਿੱਚ, ਉਸਨੇ 249.7 ਦੇ ਸਕੋਰ ਨਾਲ ਨਾ ਸਿਰਫ ਆਪਣੇ ਸੋਨੇ ਦਾ ਬਚਾਅ ਕੀਤਾ ਬਲਕਿ ਇੱਕ ਪੈਰਾਲੰਪਿਕ ਰਿਕਾਰਡ ਵੀ ਬਣਾਇਆ। ਜਦਕਿ ਮੋਨਾ ਅਗਰਵਾਲ ਨੇ 228.7 ਦਾ ਸਕੋਰ ਹਾਸਲ ਕੀਤਾ। ਇਸ ਈਵੈਂਟ ਦਾ ਚਾਂਦੀ ਦਾ ਤਗਮਾ ਕੋਰੀਆ ਦੇ ਲੀ ਯੂਨਰੀ ਨੂੰ ਮਿਲਿਆ।
ਅਜਿਹਾ ਕਰਨ ਵਾਲੀ ਪਹਿਲੀ ਭਾਰਤੀ ਮਹਿਲਾ
22 ਸਾਲ ਦੀ ਅਵਨੀ ਨੇ ਫਾਈਨਲ ਵਿੱਚ 249.7 ਅੰਕ ਬਣਾਏ, ਜੋ ਇੱਕ ਪੈਰਾਲੰਪਿਕ ਰਿਕਾਰਡ ਹੈ। ਕਾਂਸੀ ਤਮਗਾ ਜੇਤੂ ਮੋਨਾ ਨੇ 228.7 ਅੰਕ ਹਾਸਲ ਕੀਤੇ। ਅਵਨੀ ਨੇ ਟੋਕੀਓ ਪੈਰਾਲੰਪਿਕ (2020) ਵਿੱਚ ਵੀ ਇਸੇ ਈਵੈਂਟ ਵਿੱਚ ਸੋਨ ਤਮਗਾ ਜਿੱਤਿਆ ਸੀ। ਭਾਵ ਉਸ ਨੇ ਆਪਣੇ ਖਿਤਾਬ ਦਾ ਬਚਾਅ ਕੀਤਾ ਹੈ।
ਅਵਨੀ ਲੇਖਾਰਾ ਕੁਆਲੀਫੀਕੇਸ਼ਨ ਵਿੱਚ ਦੂਜੇ ਸਥਾਨ ’ਤੇ ਰਹਿ ਕੇ ਫਾਈਨਲ ਵਿੱਚ ਥਾਂ ਬਣਾਉਣ ਵਿੱਚ ਸਫ਼ਲ ਰਹੀ। ਪਿਛਲੇ ਇੱਕ ਸਾਲ ਤੋਂ ਸ਼ਾਨਦਾਰ ਫਾਰਮ ਵਿੱਚ ਚੱਲ ਰਹੀ ਹਮਵਤਨ ਮੋਨਾ ਅਗਰਵਾਲ ਨੇ ਵੀ ਪੰਜਵਾਂ ਸਥਾਨ ਹਾਸਲ ਕਰਕੇ ਅੱਠ ਨਿਸ਼ਾਨੇਬਾਜ਼ਾਂ ਦੇ ਫਾਈਨਲ ਲਈ ਕੁਆਲੀਫਾਈ ਕੀਤਾ ਹੈ। ਡਿਫੈਂਡਿੰਗ ਚੈਂਪੀਅਨ ਅਵਨੀ ਨੇ 625.8 ਦਾ ਸਕੋਰ ਕੀਤਾ ਅਤੇ ਉਹ ਇਰੀਨਾ ਸ਼ੈਟਨਿਕ ਤੋਂ ਪਿੱਛੇ ਸੀ। ਇਰੀਨਾ ਨੇ ਪੈਰਾਲੰਪਿਕ ਕੁਆਲੀਫਿਕੇਸ਼ਨ ਰਾਊਂਡ ਵਿੱਚ 627.5 ਦੇ ਸਕੋਰ ਨਾਲ ਨਵਾਂ ਰਿਕਾਰਡ ਕਾਇਮ ਕੀਤਾ।
- PTC NEWS
