Pahalgam Terror Attack : ਪਾਕਿਸਤਾਨੀ ਕ੍ਰਿਕਟਰ ਮੁਹੰਮਦ ਹਫੀਜ਼ ਨੂੰ ਪਹਿਲਗਾਮ ਅੱਤਵਾਦੀ ਹਮਲੇ 'ਤੇ ਦੁੱਖ ਜਤਾਉਣਾ ਪਿਆ ਮਹਿੰਗਾ , ਬੁਰੀ ਤਰ੍ਹਾਂ ਹੋਏ ਟ੍ਰੋਲ
Pahalgam Terror Attack : ਜੰਮੂ-ਕਸ਼ਮੀਰ ਦੇ ਪਹਿਲਗਾਮ ਵਿੱਚ ਮੰਗਲਵਾਰ ਨੂੰ ਹੋਏ ਅੱਤਵਾਦੀ ਹਮਲੇ ਨੇ ਪੂਰੇ ਦੇਸ਼ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਇਸ ਹਮਲੇ ਵਿੱਚ ਜਿੱਥੇ 26 ਲੋਕਾਂ ਦੀ ਜਾਨ ਚਲੀ ਗਈ, ਉੱਥੇ ਹੀ ਦੇਸ਼ ਦੇ ਤਿੰਨ ਅਫ਼ਸਰ ਵੀ ਇਸ ਕਾਇਰਾਨਾ ਹਮਲੇ ਦਾ ਸ਼ਿਕਾਰ ਹੋਏ ਹਨ। ਇਹ ਘਟਨਾ ਸਿਰਫ਼ ਇੱਕ ਅੱਤਵਾਦੀ ਹਮਲਾ ਨਹੀਂ ਸੀ, ਸਗੋਂ ਇਹ ਉਨ੍ਹਾਂ ਸੁਪਨਿਆਂ ਅਤੇ ਪਰਿਵਾਰਾਂ ਦਾ ਕਤਲ ਸੀ ,ਜੋ ਖੁਸ਼ੀ ਦੀ ਭਾਲ ਵਿੱਚ ਪਹਿਲਗਾਮ ਦੀਆਂ ਵਾਦੀਆਂ ਵਿੱਚ ਆਏ ਸਨ।
ਇਸ ਦੌਰਾਨ ਸਾਬਕਾ ਪਾਕਿਸਤਾਨੀ ਖਿਡਾਰੀ ਮੁਹੰਮਦ ਹਫੀਜ਼ ਨੇ ਵੀ ਇਸ ਘਟਨਾ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਦੁੱਖ ਜਤਾਇਆ ਹੈ। ਮੁਹੰਮਦ ਹਫੀਜ਼ ਨੇ ਇਸ ਘਟਨਾ ਬਾਰੇ ਕੁਝ ਸ਼ਬਦ ਕਹੇ ਪਰ ਇਹ ਮੁਹੰਮਦ ਹਫੀਜ਼ ਨੂੰ ਮਹਿੰਗਾ ਪੈ ਗਿਆ ਹੈ। ਉਸਨੂੰ ਉਸਦੇ ਆਪਣੇ ਦੇਸ਼ ਦੇ ਲੋਕਾਂ ਨੇ ਟ੍ਰੋਲ ਕੀਤਾ। ਇਸ ਦੇ ਨਾਲ ਹੀ ਕਈ ਭਾਰਤੀ ਉਪਭੋਗਤਾਵਾਂ ਨੇ ਮੁਹੰਮਦ ਹਫੀਜ਼ 'ਤੇ ਵੀ ਸਵਾਲ ਖੜ੍ਹੇ ਕੀਤੇ।
ਮੁਹੰਮਦ ਹਫੀਜ਼ ਨੇ ਕੀ ਕਿਹਾ?
ਪਾਕਿਸਤਾਨ ਕ੍ਰਿਕਟ ਟੀਮ ਦੇ ਸਾਬਕਾ ਖਿਡਾਰੀ ਮੁਹੰਮਦ ਹਫੀਜ਼ ਇਕਲੌਤੇ ਪਾਕਿਸਤਾਨੀ ਖਿਡਾਰੀ ਹਨ ,ਜਿਨ੍ਹਾਂ ਨੇ ਇਸ ਘਟਨਾ ਬਾਰੇ ਸੋਸ਼ਲ ਮੀਡੀਆ 'ਤੇ ਕੁਝ ਲਿਖਿਆ ਹੈ। ਮੁਹੰਮਦ ਹਫੀਜ਼ ਨੇ ਇਸ ਘਟਨਾ ਨੂੰ ਦੁਖਦਾਈ ਅਤੇ ਦਿਲ ਦਹਿਲਾ ਦੇਣ ਵਾਲਾ ਦੱਸਿਆ। ਨਾਲ ਹੀ ਹੈਸ਼ਟੈਗ #Pahalgamterrorrorattack ਦੀ ਵਰਤੋਂ ਕੀਤੀ ਗਈ ਹੈ। ਹਾਲਾਂਕਿ ਮੁਹੰਮਦ ਹਫੀਜ਼ ਨੇ ਸਿਰਫ਼ ਦੋ ਸ਼ਬਦ ਲਿਖੇ ਹਨ, ਪਰ ਉਹ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਏ ਹਨ। ਲੋਕ ਇਸ 'ਤੇ ਤਰ੍ਹਾਂ-ਤਰ੍ਹਾਂ ਦੀਆਂ ਟਿੱਪਣੀਆਂ ਵੀ ਕਰ ਰਹੇ ਹਨ। ਜਿੱਥੇ ਕੁਝ ਲੋਕ ਉਸਨੂੰ ਟ੍ਰੋਲ ਕਰ ਰਹੇ ਹਨ।
ਪਾਕਿਸਤਾਨ ਦੀ ਇੱਕ ਯੂਜ਼ਰ ਨੇ ਮੁਹੰਮਦ ਹਫੀਜ਼ 'ਤੇ ਹੀ ਸਵਾਲ ਖੜ੍ਹੇ ਕੀਤੇ। ਉਸਨੇ ਕਿਹਾ ਕਿ ਤੁਸੀਂ ਆਪਣੀ ਬਾਇਓ ਵਿੱਚ "ਪ੍ਰਾਊਡ ਪਾਕਿਸਤਾਨੀ" ਲਿਖਦੇ ਹੋ ਪਰ ਤੁਸੀਂ ਇਸ ਬਾਰੇ ਚਿੰਤਾ ਪ੍ਰਗਟ ਕਰ ਰਹੇ ਹੋ। ਉਸਨੇ ਪੁੱਛਿਆ ਕਿ ਤੁਸੀਂ ਜਾਫਰ ਐਕਸਪ੍ਰੈਸ 'ਤੇ ਹਮਲੇ ਬਾਰੇ ਕੁਝ ਕਿਉਂ ਨਹੀਂ ਲਿਖਿਆ। ਕੀ ਤੁਸੀਂ ਆਪਣੇ ਭਾਰਤੀ ਦੋਸਤਾਂ ਨੂੰ ਖੁਸ਼ ਕਰਨਾ ਚਾਹੁੰਦੇ ਹੋ?
ਓਥੇ ਹੀ ਇੱਕ ਪਾਕਿਸਤਾਨੀ ਯੂਜ਼ਰ ਨੇ ਲਿਖਿਆ ਕਿ ਉੱਥੇ ਆਖਿਰ ਗਲਤ ਕੀ ਹੋਇਆ। ਉਹ ਲੋਕ ਸਾਡੇ ਕਸ਼ਮੀਰੀ ਲੋਕਾਂ ਨਾਲ ਅੱਤਿਆਚਾਰ ਕਰਦੇ ਹਨ। ਅਸੀਂ ਵੀ ਬਦਲਾ ਲਿਆ ਹੈ। ਕਸ਼ਮੀਰ ਵਿੱਚ ਹਨੀਮੂਨ ਮਨਾਉਣ ਦੀ ਕੀ ਜ਼ਰੂਰਤ ਹੈ? ਇਸ ਦੇ ਨਾਲ ਹੀ ਭਾਰਤੀ ਉਪਭੋਗਤਾਵਾਂ ਨੇ ਵੀ ਮੁਹੰਮਦ ਹਫੀਜ਼ 'ਤੇ ਨਿਸ਼ਾਨਾ ਸਾਧਿਆ। ਇੱਕ ਯੂਜ਼ਰ ਨੇ ਕਿਹਾ ਕਿ ਮਗਰਮੱਛ ਦੇ ਹੰਝੂ ਨਾ ਵਹਾਓ। ਅਜੇ ਵੀ ਸਮਾਂ ਹੈ, ਉੱਥੋਂ ਨਿਕਲ ਜਾਓ ਨਹੀਂ ਤਾਂ ਜਦੋਂ ਭਾਰਤੀ ਫੌਜ ਹਮਲਾ ਕਰੇਗੀ ,ਸੰਭਲ ਵੀ ਨਹੀਂ ਸਕੋਗੇ।
- PTC NEWS
