Dog Life : ਸ਼ਖਸ ਦੀ ਕੁੱਤੇ ਨਾਲ ਅਨੋਖੇ ਪਿਆਰ ਦੀ ਵੀਡੀਓ ਵਾਇਰਲ, 14 ਲੱਖ ਰੁਪਏ 'ਚ ਖਰੀਦਿਆ ਸੂਟਕੇਸ
Viral News : ਇਨ੍ਹੀਂ ਦਿਨੀਂ ਇੰਟਰਨੈੱਟ 'ਤੇ ਇਕ ਅਜਿਹੀ ਖਬਰ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਨੂੰ ਜਾਣ ਕੇ ਸੋਸ਼ਲ ਮੀਡੀਆ ਯੂਜ਼ਰਸ ਵੀ ਦੰਗ ਰਹਿ ਗਏ। ਦਰਅਸਲ ਗੱਲ ਇਸ ਤਰ੍ਹਾਂ ਹੈ...ਕੀ ਕੋਈ ਆਪਣੇ ਕੁੱਤੇ ਲਈ 14 ਲੱਖ ਰੁਪਏ ਦਾ ਸੂਟਕੇਸ ਖਰੀਦ ਸਕਦਾ ਹੈ? ਜਿੱਥੇ ਇੱਕ ਵਿਅਕਤੀ ਇੱਕ ਆਮ ਬੈਗ ਖਰੀਦਣ ਤੋਂ ਪਹਿਲਾਂ ਦੋ ਵਾਰ ਸੋਚਦਾ ਹੈ, ਉੱਥੇ ਇੱਕ ਵਿਅਕਤੀ ਨੇ ਆਪਣੇ ਪਾਲਤੂ ਕੁੱਤੇ ਲਈ ਅਜਿਹਾ ਲਗਜ਼ਰੀ ਬੈਗ ਖਰੀਦ ਕੇ ਸਭ ਦੇ ਹੋਸ਼ ਉਡਾ ਦਿੱਤੇ ਹਨ। ਇਸ ਲਗਜ਼ਰੀ ਬੈਗ ਨਾਲ ਜੁੜੀ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।
ਕੁੱਤੇ ਲਈ 14 ਲੱਖ ਦਾ ਬੈਗ, ਜਾਣੋ ਕੀ ਹੈ ਇਸ 'ਚ ਖਾਸ
ਆਪਣੇ ਕੁੱਤੇ ਲਈ 14 ਲੱਖ ਰੁਪਏ ਦਾ ਸੂਟਕੇਸ ਖਰੀਦਣ ਵਾਲੇ ਇਸ ਵਿਅਕਤੀ ਦਾ ਨਾਂ ਅਜੇ ਠਾਕੋਰ ਦੱਸਿਆ ਜਾ ਰਿਹਾ ਹੈ, ਜੋ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਮਸ਼ਹੂਰ ਹੈ, ਜਿਸ ਨੇ ਆਪਣੇ ਪਾਲਤੂ ਕੁੱਤੇ ਲਈ ਦੁਨੀਆ ਦਾ ਸਭ ਤੋਂ ਮਹਿੰਗਾ ਬੈਗ ਖਰੀਦਿਆ ਹੈ। ਇਸ ਸੂਟਕੇਸ ਦੀ ਕੀਮਤ 14 ਲੱਖ ਰੁਪਏ ਦੱਸੀ ਜਾ ਰਹੀ ਹੈ।
Louis Vuitton ਕੰਪਨੀ ਦਾ ਇਹ ਸੂਟਕੇਸ ਇਨ੍ਹੀਂ ਦਿਨੀਂ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ, ਜਿਸ 'ਤੇ ਹਰ ਕਿਸੇ ਦੀਆਂ ਨਜ਼ਰਾਂ ਟਿਕੀਆਂ ਹੋਈਆਂ ਹਨ। ਦੱਸ ਦੇਈਏ ਕਿ ਲੁਈਸ ਵਿਟਨ ਨੇ ਇਸ ਸੂਟਕੇਸ ਦਾ ਨਾਂ 'ਬੋਨ ਟ੍ਰੰਕ' ਰੱਖਿਆ ਹੈ, ਕਿਉਂਕਿ ਇਹ ਹੱਡੀ ਦੀ ਸ਼ਕਲ ਵਰਗਾ ਹੈ। ਦੇਖਿਆ ਜਾ ਸਕਦਾ ਹੈ ਕਿ ਇਸ ਵਿਚ ਦੋ ਕਟੋਰੀਆਂ ਵਾਲੀ ਲੱਕੜ ਦੀ ਟਰੇ ਰੱਖੀ ਹੋਈ ਹੈ।
ਇਸ ਸੂਟਕੇਸ ਦੀ ਖਾਸੀਅਤ ਇਹ ਹੈ ਕਿ ਇਸ 'ਚ ਕੁੱਤੇ ਲਈ ਖਾਸ ਜਗ੍ਹਾ ਬਣਾਈ ਗਈ ਹੈ, ਜਿਸ ਨਾਲ ਇਹ ਆਰਾਮ ਨਾਲ ਬੈਠ ਸਕਦਾ ਹੈ। ਦੱਸ ਦੇਈਏ ਕਿ ਇਹ ਬੈਗ ਉੱਚ-ਗੁਣਵੱਤਾ ਵਾਲੀ ਸਮੱਗਰੀ ਨਾਲ ਬਣਿਆ ਹੈ, ਜਿਸ ਵਿੱਚ ਕਸਟਮਾਈਜ਼ੇਸ਼ਨ ਦਾ ਵਿਕਲਪ ਵੀ ਹੈ।
- PTC NEWS
