Maha Kumbh Viral Girl Monalisa : ਹੁਣ ਫਿਲਮਾਂ ’ਚ ਦਿਖੇਗੀ ਮਹਾਂਕੁੰਭ ਦੀ ਵਾਇਰਲ ਕੁੜੀ ਮੋਨਾਲਿਸਾ; ਇਸ ਦਿੱਗਜ ਫਿਲਮ ਡਾਇਰੈਕਟਰ ਨੇ ਦਿੱਤਾ ਆਫਰ
Maha Kumbh Viral Girl Monalisa : ਮਣਕੇ ਵੇਚਣ ਵਾਲੀ ਵਾਇਰਲ ਕੁੜੀ ਮੋਨਾਲੀਸਾ ਨੂੰ ਫਿਲਮਾਂ ਵਿੱਚ ਕੰਮ ਕਰਨ ਦੀ ਪੇਸ਼ਕਸ਼ ਮਿਲੀ ਹੈ। ਦੱਸ ਦਈਏ ਕਿ ਵਾਈਰਲ ਹੋਣ ਮਗਰੋਂ ਮੋਨਾਲੀਸਾ ਕੁਝ ਸਮੇਂ ਲਈ ਪ੍ਰਯਾਗਰਾਜ ਦੇ ਮਹਾਂਕੁੰਭ ਨੂੰ ਅਲਵਿਦਾ ਕਿਹਾ ਅਤੇ ਖਰਗੋਨ ਜ਼ਿਲ੍ਹੇ ਵਿੱਚ ਆਪਣੇ ਘਰ ਮਹੇਸ਼ਵਰ ਪਹੁੰਚ ਗਈ ਹੈ। ਪ੍ਰਯਾਗਰਾਜ ਵਿੱਚ ਅਚਾਨਕ ਸੁਰਖੀਆਂ ਵਿੱਚ ਆਉਣ ਕਾਰਨ ਉਹ ਬਹੁਤ ਪਰੇਸ਼ਾਨ ਸੀ। ਇਸ ਵੇਲੇ ਉਸਦੀ ਸਿਹਤ ਖਰਾਬ ਹੈ ਜਿਸ ਕਾਰਨ ਉਹ ਕਿਸੇ ਨੂੰ ਨਹੀਂ ਮਿਲ ਰਹੀ।
ਮੋਨਾਲੀਸਾ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਐਕਸ 'ਤੇ ਇੱਕ ਵੀਡੀਓ ਸਾਂਝਾ ਕੀਤਾ ਅਤੇ ਕਿਹਾ, 'ਆਪਣੇ ਪਰਿਵਾਰ ਅਤੇ ਆਪਣੀ ਸੁਰੱਖਿਆ ਲਈ ਮੈਨੂੰ ਇੰਦੌਰ ਵਾਪਸ ਜਾਣਾ ਪਵੇਗਾ, ਜੇ ਸੰਭਵ ਹੋਇਆ ਤਾਂ ਅਸੀਂ ਅਗਲੇ ਸਾਹੀ ਇਸ਼ਨਾਨ ਤੱਕ ਪ੍ਰਯਾਗਰਾਜ ਮਹਾਂਕੁੰਭ ਵਿੱਚ ਦੁਬਾਰਾ ਮਿਲਾਂਗੇ।' ਸਾਰਿਆਂ ਦਾ ਉਨ੍ਹਾਂ ਦੇ ਸਮਰਥਨ ਅਤੇ ਪਿਆਰ ਲਈ ਦਿਲੋਂ ਧੰਨਵਾਦ। ਆਉਣ ਤੋਂ ਪਹਿਲਾਂ, ਉਸਨੇ ਇੱਕ ਹੋਰ ਪੋਸਟ ਸਾਂਝੀ ਕੀਤੀ ਜਿਸ ਵਿੱਚ ਉਸਨੇ ਕੁੰਭ ਵਿੱਚ ਆਪਣੇ ਕਾਰਨ ਹੋਏ ਵਿਘਨ ਅਤੇ ਆਪਣੀ ਅਤੇ ਆਪਣੇ ਪਰਿਵਾਰ ਦੀ ਸੁਰੱਖਿਆ ਬਾਰੇ ਚਿੰਤਾ ਪ੍ਰਗਟ ਕੀਤੀ। ਉਸਨੇ ਲਿਖਿਆ ਕਿ 'ਮੇਰੇ ਕਾਰਨ, ਮਹਾਂਕੁੰਭ ਵਰਗੇ ਪਵਿੱਤਰ ਸਮਾਗਮ ਵਿੱਚ ਵਿਘਨ ਪੈ ਰਿਹਾ ਸੀ, ਮੈਂ ਸਿਰਫ਼ ਹਾਰ ਵੇਚਣ ਆਈ ਸੀ ਪਰ ਇਸ ਕਾਰਨ ਮੈਂ ਅਤੇ ਮੇਰਾ ਪਰਿਵਾਰ ਬਹੁਤ ਪਰੇਸ਼ਾਨ ਸੀ'। ਤੁਹਾਡਾ ਪਿਆਰ ਮੇਰੇ ਲਈ ਮਾਇਨੇ ਰੱਖਦਾ ਹੈ, ਪਰ ਮੇਰੇ ਪਰਿਵਾਰ ਦੀ ਸੁਰੱਖਿਆ ਇਸ ਤੋਂ ਵੀ ਵੱਧ ਮਾਇਨੇ ਰੱਖਦੀ ਹੈ।
ਹੁਣ ਮੋਨਾਲੀਸਾ ਨੂੰ ਵੀ ਫਿਲਮਾਂ ਵਿੱਚ ਕੰਮ ਕਰਨ ਦੀ ਪੇਸ਼ਕਸ਼ ਮਿਲੀ ਹੈ। ਫਿਲਮ ਨਿਰਮਾਤਾ ਸਨੋਜ ਮਿਸ਼ਰਾ ਨੇ ਉਸਨੂੰ ਆਪਣੀ ਆਉਣ ਵਾਲੀ ਫਿਲਮ 'ਦਿ ਡਾਇਰੀ ਆਫ ਮਨੀਪੁਰ' ਵਿੱਚ ਮੁੱਖ ਅਦਾਕਾਰਾ ਵਜੋਂ ਕੰਮ ਕਰਨ ਦੀ ਪੇਸ਼ਕਸ਼ ਕੀਤੀ ਹੈ। ਮੋਨਾਲੀਸਾ ਅਤੇ ਉਸਦੇ ਪਰਿਵਾਰ ਨੇ ਫਿਲਮ ਕਰਨ ਲਈ ਸਹਿਮਤੀ ਦੇ ਦਿੱਤੀ ਹੈ। ਇਸ ਫਿਲਮ ਵਿੱਚ ਮੋਨਾਲੀਸਾ ਇੱਕ ਸੇਵਾਮੁਕਤ ਫੌਜੀ ਅਧਿਕਾਰੀ ਦੀ ਧੀ ਦੀ ਭੂਮਿਕਾ ਨਿਭਾਏਗੀ। ਮੋਨਾਲੀਸਾ ਨੂੰ ਸ਼ੂਟਿੰਗ ਤੋਂ ਪਹਿਲਾਂ ਤਿੰਨ ਮਹੀਨੇ ਮੁੰਬਈ ਵਿੱਚ ਅਦਾਕਾਰੀ ਦੀ ਸਿਖਲਾਈ ਦਿੱਤੀ ਜਾਵੇਗੀ।
ਇਹ ਵੀ ਪੜ੍ਹੋ : Mamta Kulkarni : ਮਹਾਂਕੁੰਭ 'ਚ ਮਹਾਂਮੰਡਲੇਸ਼ਵਰ ਬਣੀ ਮਮਤਾ ਕੁਲਕਰਨੀ, ਸੰਨਿਆਸੀ ਬਣਨ ਤੋਂ ਬਾਅਦ ਜਾਣੋ ਕੀ ਹੋਵੇਗਾ ਨਾਮ
- PTC NEWS
