Madam Sapna Teaser Out : ਵਿਵਾਦਾਂ ਨਾਲ ਭਰੀ ਰਹੀ ਹੈ ਡਾਂਸਰ ਸਪਨਾ ਚੌਧਰੀ ਦੀ ਜ਼ਿੰਦਗੀ, ਰਿਲੀਜ਼ ਹੋਏ ਟੀਜ਼ਰ ’ਚ ਦੱਸਿਆ ਕਿਵੇਂ ਕਰਦੇ ਸੀ ਲੋਕ ਉਨ੍ਹਾਂ ਨਾਲ ਵਤੀਰਾ
Madam Sapna Teaser Out : ਹਰਿਆਣਾ ਦੀ ਸਟਾਰ ਡਾਂਸਰ ਸਪਨਾ ਚੌਧਰੀ ਦੀ ਬਾਇਓਪਿਕ ਫਿਲਮ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਫਿਲਮ ਦਾ ਨਾਂ 'ਮੈਡਮ ਸਪਨਾ' ਹੈ। ਬਾਇਓਪਿਕ ਦਾ ਐਲਾਨ ਕਰਨ ਲਈ ਸਪਨਾ ਨੇ ਆਪਣੇ ਇੰਸਟਾ ਅਕਾਊਂਟ ਤੋਂ ਸਾਰੀਆਂ ਫੋਟੋਆਂ ਡਿਲੀਟ ਕਰ ਦਿੱਤੀਆਂ ਸਨ। ਫਿਲਮ 'ਚ ਸਟਾਰ ਡਾਂਸਰ ਦੀ ਜ਼ਿੰਦਗੀ ਦੇ ਉਤਰਾਅ-ਚੜ੍ਹਾਅ ਨੂੰ ਦਿਖਾਇਆ ਜਾਵੇਗਾ। ਹੁਣ 'ਮੈਡਮ ਸਪਨਾ' ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ।
ਫਿਲਮ ਵਿੱਚ ਆਰਕੈਸਟਰਾ ਡਾਂਸਰ ਸਪਨਾ ਚੌਧਰੀ ਦਾ ਹਰਿਆਣਾ ਦੀ ਕਠੋਰ ਅਤੇ ਚੁਣੌਤੀਪੂਰਨ ਧਰਤੀ ਤੋਂ ਲੈ ਕੇ ਕਾਨਸ ਦੇ ਗਲੈਮਰਸ ਰੈੱਡ ਕਾਰਪੇਟ ਤੱਕ ਦਾ ਸਫਰ ਦਿਖਾਇਆ ਜਾਵੇਗਾ। ਸਪਨਾ ਨੇ ਟੀਜ਼ਰ 'ਚ ਆਪਣੀ ਜਾਣ-ਪਛਾਣ ਦਿੱਤੀ ਹੈ। ਉਸਨੇ ਦੱਸਿਆ ਕਿ ਉਨ੍ਹਾਂ ਦਾ ਸਫਰ ਕਰੀਬ 16 ਸਾਲ ਦਾ ਹੈ। ਜਦੋਂ ਤੋਂ ਮੈਨੂੰ ਹੋਸ਼ ਆਈ ਹੈ, ਮੈਂ ਆਪਣੇ ਪਿਤਾ ਨੂੰ ਬਿਮਾਰ ਦੇਖਿਆ ਹੈ। ਮਾਂ ਕੰਮ ਕਰਦੀ ਸੀ। ਬਹੁਤ ਸਾਰਾ ਕਰਜ਼ਾ ਸੀ, ਘਰ ਗਿਰਵੀ ਸੀ, ਇਸ ਲਈ ਉਨ੍ਹਾਂ ਨੂੰ ਗੁਜ਼ਾਰਾ ਕਰਨ ਲਈ ਕੁਝ ਨਾ ਕੁਝ ਕਰਨਾ ਪਿਆ। ਸਪਨਾ ਨੇ ਸਟੇਜ ਸੰਭਾਲੀ। ਇਸ ਦੌਰਾਨ ਉਸ ਨੇ ਲੋਕਾਂ ਦੀ ਬੇਇੱਜ਼ਤੀ ਦਾ ਸਾਹਮਣਾ ਵੀ ਕੀਤਾ ਅਤੇ ਲੋਕਾਂ ਦੀਆਂ ਗੰਦੀਆਂ ਗੱਲਾਂ ਤੋਂ ਤੰਗ ਆ ਕੇ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਵੀ ਕੀਤੀ। ਜ਼ਿੰਦਗੀ 'ਚ ਇੰਨਾ ਸੰਘਰਸ਼ ਦੇਖਣ ਤੋਂ ਬਾਅਦ ਅੱਜ ਸਪਨਾ ਉੱਚੀ-ਉੱਚੀ ਖੜ੍ਹੀ ਹੈ। ਉਸ ਦਾ ਕਹਿਣਾ ਹੈ ਕਿ ਤੁਸੀਂ ਜਿੰਨਾ ਮਰਜ਼ੀ ਸੰਘਰਸ਼ ਕਰੋ, ਜਦੋਂ ਮੈਡਮ ਸਪਨਾ ਦੀ ਗੱਲ ਆਉਂਦੀ ਹੈ ਤਾਂ ਸਭ ਕੁਝ ਖਤਮ ਹੋ ਜਾਂਦਾ ਹੈ। ਲੋਕ ਸਿਰਫ ਬੋਲਣਾ ਜਾਣਦੇ ਹਨ, ਉਹ ਨਹੀਂ ਜਾਣਦੇ ਕਿ ਕਿਸਨੇ ਕਿੰਨਾ ਦੁੱਖ ਝੱਲਿਆ ਹੈ।
ਦੱਸ ਦਈਏ ਕਿ 'ਮੈਡਮ ਸਪਨਾ' ਸ਼ਾਈਨਿੰਗ ਸਨ ਸਟੂਡੀਓਜ਼ ਦੇ ਬੈਨਰ ਹੇਠ ਬਣਾਈ ਜਾਵੇਗੀ। ਇਹ ਫਿਲਮ ਮਹੇਸ਼ ਭੱਟ ਦੁਆਰਾ ਪੇਸ਼ ਕੀਤੀ ਜਾਵੇਗੀ ਅਤੇ ਵਿਨੈ ਭਾਰਦਵਾਜ ਅਤੇ ਰਵੀਨਾ ਠਾਕੁਰ ਦੁਆਰਾ ਨਿਰਮਿਤ ਹੈ। ਇਹ ਫਿਲਮ ਸਪਨਾ ਦੇ ਜੀਵਨ ਸੰਘਰਸ਼, ਉਸਦੇ ਸੁਪਨਿਆਂ ਅਤੇ ਉਸਦੇ ਅਡੋਲ ਸਾਹਸ ਦੀ ਦਿਲਚਸਪ ਕਹਾਣੀ ਹੋਵੇਗੀ। ਇਹ ਇੱਕ ਅਜਿਹੀ ਔਰਤ ਦੀ ਕਹਾਣੀ ਹੈ ਜਿਸ ਨੇ ਹਰ ਚੁਣੌਤੀ ਦਾ ਸਾਹਮਣਾ ਕਰ ਕੇ ਆਪਣੀ ਪਛਾਣ ਬਣਾਈ ਹੈ।
ਉੱਥੇ ਹੀ ਇਸ ਫਿਲਮ ਨੂੰ ਲੈ ਕੇ ਮਹੇਸ਼ ਭੱਟ ਨੇ ਕਿਹਾ ਕਿ ਸਪਨਾ ਚੌਧਰੀ ਦੀ ਕਹਾਣੀ ਨਾ ਸਿਰਫ਼ ਇੱਕ ਔਰਤ ਦੀ ਨਿੱਜੀ ਜਿੱਤ ਹੈ, ਸਗੋਂ ਇਹ ਸਾਡੇ ਸਮਾਜ ਦੀ ਬਦਲ ਰਹੀ ਸੋਚ ਅਤੇ ਮਾਨਸਿਕਤਾ ਦਾ ਪ੍ਰਤੀਕ ਵੀ ਹੈ। ਇਹ ਫਿਲਮ ਹਰ ਉਸ ਔਰਤ ਨੂੰ ਸਮਰਪਿਤ ਹੈ ਜੋ ਆਪਣੀ ਵੱਖਰੀ ਪਛਾਣ ਬਣਾਉਣ ਦੀ ਹਿੰਮਤ ਰੱਖਦੀ ਹੈ।
ਇਹ ਵੀ ਪੜ੍ਹੋ : ਕੰਗਨਾ ਰਣੌਤ ਨੂੰ ਬੰਬੇ ਹਾਈਕੋਰਟ ਤੋਂ ਝਟਕਾ, 6 ਸਤੰਬਰ ਨੂੰ ਰਿਲੀਜ਼ ਨਹੀਂ ਹੋਵੇਗੀ ਫਿਲਮ 'ਐਮਰਜੈਂਸੀ'
- PTC NEWS
