Voice Cloning Scams : ਵੌਇਸ ਕਲੋਨਿੰਗ ਘੁਟਾਲੇ 'ਤੋਂ ਬਚਣ ਦੇ ਆਸਾਨ ਤਰੀਕੇ, ਜਾਣੋ

Voice Cloning Scams : ਇਸ ਗੱਲ ਤੋਂ ਕੋਈ ਅਣਜਾਣ ਨਹੀਂ ਹੋਵੇਗਾ ਕਿ ਪੂਰੇ ਦੇਸ਼ 'ਚ AI ਦੀ ਵਰਤੋਂ ਤੇਜ਼ੀ ਨਾਲ ਵੱਧ ਰਹੀ ਹੈ। ਸਮਾਰਟਫ਼ੋਨ ਦਾ ਵਧਦਾ ਦਾਇਰਾ ਅਤੇ ਤਕਨਾਲੋਜੀ 'ਚ ਸੁਧਾਰ ਲੋਕਾਂ ਨੂੰ ਫ਼ਾਇਦੇ ਦੇ ਨਾਲ-ਨਾਲ ਨੁਕਸਾਨ ਵੀ ਪਹੁੰਚਾ ਰਿਹਾ ਹੈ। ਅੱਜਕਲ੍ਹ ਇੱਕ ਘੁਟਾਲਾ ਕਾਫੀ ਖਤਰਨਾਕ ਸਾਬਤ ਹੋ ਰਿਹਾ ਹੈ, ਜਿਸ ਦਾ ਨਾਮ ਵੌਇਸ ਕਲੋਨਿੰਗ ਘੋਟਾਲਾ ਹੈ। ਇਸ 'ਚ ਘੁਟਾਲੇਬਾਜ ਲੋਕਾਂ ਦੀ ਆਵਾਜ਼ ਦੀ ਨਕਲ ਕਰ ਰਹੇ ਹਨ ਅਤੇ ਉਨ੍ਹਾਂ ਦੇ ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਦਾ ਸ਼ਿਕਾਰ ਕਰ ਰਹੇ ਹਨ। ਤਾਂ ਆਓ ਜਾਣਦੇ ਹਾਂ ਵੌਇਸ ਕਲੋਨਿੰਗ ਘੁਟਾਲੇ 'ਤੋਂ ਬਚਣ ਦੇ ਆਸਾਨ ਤਰੀਕੇ।

ਵੌਇਸ ਕਲੋਨਿੰਗ ਘੁਟਾਲੇ ਦੇ ਤਰੀਕੇ

• ਘੁਟਾਲੇਬਾਜ਼ ਸੋਸ਼ਲ ਮੀਡੀਆ ਜਾਂ ਹੋਰ ਸਾਧਨਾਂ ਰਾਹੀਂ ਲੋਕਾਂ ਦੀਆਂ ਆਵਾਜ਼ਾਂ ਦੀ ਨਕਲ ਕਰਦੇ ਹਨ, ਫਿਰ ਉਨ੍ਹਾਂ ਦੇ ਨਜ਼ਦੀਕੀਆਂ ਨੂੰ ਫ਼ੋਨ ਕਰਦੇ ਹਨ ਅਤੇ ਉਨ੍ਹਾਂ ਦੀ ਮਦਦ ਕਰਨ ਦੇ ਬਹਾਨੇ ਪੈਸੇ ਦੀ ਮੰਗ ਕਰਦੇ ਹਨ।
• ਸਾਈਬਰ ਅਪਰਾਧੀ ਲੋਕਾਂ ਦੇ ਦੋਸਤਾਂ ਤੋਂ ਮਦਦ ਮੰਗਣ ਲਈ ਵੌਇਸ ਮੈਸੇਜ ਭੇਜਦੇ ਹਨ। ਇਸ ਸਥਿਤੀ 'ਚ ਜ਼ਿਆਦਾਤਰ ਲੋਕ ਆਵਾਜ਼ ਪਛਾਣਨ ਤੋਂ ਅਸਮਰੱਥ ਹੋ ਕੇ ਅਪਰਾਧੀਆਂ ਦਾ ਸ਼ਿਕਾਰ ਹੋ ਜਾਣਦੇ ਹਨ।
• ਬਹੁਤੇ ਮਾਮਲਿਆਂ 'ਚ, ਘੁਟਾਲੇ ਕਰਨ ਵਾਲੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਦੀ ਮਦਦ ਵੀ ਲੈਂਦੇ ਹਨ। ਘੁਟਾਲੇ ਕਰਨ ਵਾਲੇ ਕਿਸੇ ਐਪ ਰਾਹੀਂ ਫ਼ੋਨ ਕਾਲ ਜਾਂ ਵੌਇਸ ਸੁਨੇਹੇ ਭੇਜਦੇ ਹਨ ਅਤੇ ਮਦਦ ਦੇ ਨਾਂ 'ਤੇ ਤੁਰੰਤ ਜਾਣਕਾਰੀ ਜਾਂ ਪੈਸੇ ਦੀ ਮੰਗ ਕਰਦੇ ਹਨ।

ਵੌਇਸ ਕਲੋਨਿੰਗ ਘੁਟਾਲੇ 'ਤੋਂ ਬਚਣ ਦੇ ਆਸਾਨ ਤਰੀਕੇ

• ਜੇਕਰ ਤੁਹਾਨੂੰ ਕਿਸੇ ਅਣਜਾਣ ਨੰਬਰ ਤੋਂ ਪੈਸੇ ਦੀ ਮੰਗ ਕਰਨ ਵਾਲਾ ਫੋਨ ਆਉਂਦਾ ਹੈ ਤਾਂ ਹੋ ਜਾਓ ਸਾਵਧਾਨ। ਨਹੀਂ ਤਾਂ ਤੁਸੀਂ ਵੌਇਸ ਕਲੋਨਿੰਗ ਘੁਟਾਲੇ ਦਾ ਸ਼ਿਕਾਰ ਹੋ ਸਕਦੇ ਹੋ।
• ਨਾਲ ਹੀ ਜੇਕਰ ਕੋਈ ਸੋਸ਼ਲ ਮੀਡੀਆ ਜਾਂ ਹੋਰ ਪਲੇਟਫਾਰਮਾਂ 'ਤੇ ਕਿਸੇ ਵੀ ਤਰ੍ਹਾਂ ਦਾ ਵੌਇਸ ਮੈਸੇਜ ਭੇਜ ਕੇ ਮਦਦ ਦੇ ਨਾਂ 'ਤੇ ਪੈਸੇ ਦੀ ਮੰਗ ਕਰਦਾ ਹੈ ਤਾਂ ਚੌਕਸ ਰਹਿਣ ਦੀ ਲੋੜ ਹੁੰਦੀਹੈ। ਕੋਈ ਵੀ ਕਾਰਵਾਈ ਕਰਨ ਤੋਂ ਪਹਿਲਾਂ ਉਸ ਸੰਦੇਸ਼ ਦੀ ਪੁਸ਼ਟੀ ਕਰੋ।
• ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਸੁਰੱਖਿਆ ਦਾ ਧਿਆਨ ਰੱਖੋ। ਸਾਰੇ ਪਲੇਟਫਾਰਮਾਂ 'ਤੇ ਅਣਜਾਣ ਲੋਕਾਂ ਤੋਂ ਸਾਵਧਾਨ ਰਹੋ ਅਤੇ ਬਿਨਾਂ ਪਛਾਣ ਦੇ ਉਨ੍ਹਾਂ ਨੂੰ ਆਪਣੀ ਸੂਚੀ 'ਚ ਸ਼ਾਮਲ ਨਾ ਕਰੋ।
• ਵੌਇਸ ਕਲੋਨਿੰਗ ਘੁਟਾਲੇ ਤੋਂ ਬਚਣ ਲਈ ਸਭ ਤੋਂ ਜ਼ਰੂਰੀ ਹੈ ਕਿ ਇਸ ਬਾਰੇ ਸਹੀ ਜਾਣਕਾਰੀ ਹੋਵੇ। ਨਾਲ ਹੀ, ਸਾਵਧਾਨ ਰਹਿਣਾ ਵੀ ਜ਼ਰੂਰੀ ਹੈ।

ਇਹ ਵੀ ਪੜ੍ਹੋ  : Emergency Film : ਕੰਗਨਾ ਰਣੌਤ ਨੂੰ ਸੈਂਸਰ ਬੋਰਡ ਦਾ ਝਟਕਾ, ਫਿਲਮ ਐਮਰਜੈਂਸੀ ਨੂੰ ਅਜੇ ਨਹੀਂ ਮਿਲਿਆ ਕੋਈ ਸਰਟੀਫਿਕੇਟ

- PTC NEWS

Join Whatsapp Channel