Kullu Bridge Collapse News : ਕੁੱਲੂ ਦੇ ਰਾਮਪੁਰ ’ਚ NH305 ਪੁੱਲ ਹੋਇਆ ਢਹਿ ਢੇਰੀ, ਆਵਾਜਾਈ ਪ੍ਰਭਾਵਿਤ, ਕਈ ਲੋਕ ਫਸੇ, ਜਾਣੋ ਕਿਵੇਂ ਟੁੱਟਿਆ ਪੁੱਲ
Kullu Bridge Collapse News : ਕੁੱਲੂ ਨੂੰ ਜੋੜਨ ਵਾਲੇ ਸੈਂਜ-ਓਟ-ਲੁਹਰੀ ਰਾਸ਼ਟਰੀ ਰਾਜਮਾਰਗ 305 'ਤੇ ਮੰਗਲੌਰ ਨੇੜੇ ਇੱਕ ਪੁਲ ਦੇ ਢਹਿ ਢੇਰੀ ਹੋ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਕਾਰਨ ਆਵਾਜਾਈ ਠੱਪ ਹੋ ਗਈ ਹੈ। ਪੁਲ ਟੁੱਟਣ ਕਾਰਨ ਇਸ ਤੋਂ ਲੰਘਣ ਵਾਲਾ ਇੱਕ ਵਾਹਨ ਵੀ ਨੁਕਸਾਨਿਆ ਗਿਆ। ਇਸ ਵਿੱਚ ਡਰਾਈਵਰ ਨੂੰ ਮਾਮੂਲੀ ਸੱਟਾਂ ਲੱਗੀਆਂ।
ਇਸ ਤੋਂ ਪਹਿਲਾਂ ਇਸ ਪੁਲ ਤੋਂ ਸੀਮਿੰਟ ਨਾਲ ਲੱਦਿਆ ਇੱਕ ਵਾਹਨ ਲੰਘਿਆ ਸੀ ਜਿਸ ਕਾਰਨ ਤਰੇੜਾਂ ਆ ਗਈਆਂ ਸਨ। ਇਸ ਰਸਤੇ ਤੋਂ ਅਕਸਰ ਆਪਣੀ ਸਮਰੱਥਾ ਤੋਂ ਵੱਧ ਭਾਰ ਚੁੱਕਣ ਵਾਲੇ ਵਾਹਨ ਲੰਘਦੇ ਹਨ। ਇਸ ਰੂਟ 'ਤੇ ਕੁੱਲੂ ਤੋਂ ਰਾਮਪੁਰ, ਸ਼ਿਮਲਾ, ਕਿੰਨੌਰ ਅਤੇ ਕਾਜ਼ਾ ਤੱਕ ਵਾਹਨਾਂ ਦੀ ਆਵਾਜਾਈ ਹੁੰਦੀ ਹੈ।
ਅਜਿਹੀ ਸਥਿਤੀ ਵਿੱਚ ਸ਼ਿਮਲਾ, ਰਾਮਪੁਰ, ਅਨੀ, ਨਿਰਮੰਡ ਤੋਂ ਕੁੱਲੂ ਆਉਣ ਵਾਲੇ ਲੋਕ ਮੰਗਲੌਰ ਦੇ ਨੇੜੇ ਫਸੇ ਹੋਏ ਹਨ। ਮੰਡੀ ਅਤੇ ਕੁੱਲੂ ਦੀ ਸਰਹੱਦ ਨੂੰ ਜੋੜਨ ਵਾਲਾ ਇਹ ਪੁਲ 1980 ਦੇ ਆਸਪਾਸ ਬਣਾਇਆ ਗਿਆ ਸੀ।
ਇੱਥੋਂ ਲੰਘਣ ਲਈ ਕੋਈ ਹੋਰ ਵਿਕਲਪਿਕ ਰਸਤਾ ਨਹੀਂ ਹੈ। ਇੱਥੇ ਇੱਕ ਅਸਥਾਈ ਪੁਲ ਬਣਨ ਵਿੱਚ ਬਹੁਤ ਸਮਾਂ ਲੱਗ ਸਕਦਾ ਹੈ। ਸਵੇਰ ਤੋਂ ਹੀ ਇੱਥੇ ਭਾਰੀ ਟ੍ਰੈਫਿਕ ਜਾਮ ਹੈ, ਜਿਸ ਕਾਰਨ ਲੋਕ ਪ੍ਰੇਸ਼ਾਨ ਹਨ।
ਕੁਝ ਲੋਕ ਪੈਦਲ ਹੀ ਖਾਈ ਪਾਰ ਕਰ ਰਹੇ ਹਨ। ਦੂਜੇ ਪਾਸੇ ਬੰਜਾਰ ਦੇ ਵਿਧਾਇਕ ਸੁਰੇਂਦਰ ਸ਼ੌਰੀ ਨੇ ਇਸ ਮਾਮਲੇ ਵਿੱਚ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਨੈਸ਼ਨਲ ਹਾਈਵੇਅ ਅਥਾਰਟੀ ਦੇ ਅਧਿਕਾਰੀਆਂ ਨੂੰ ਸਵੇਰੇ ਹੀ ਇਸ ਬਾਰੇ ਸੂਚਿਤ ਕਰ ਦਿੱਤਾ ਗਿਆ ਹੈ, ਜਲਦੀ ਹੀ ਬਦਲਵੇਂ ਪ੍ਰਬੰਧ ਕੀਤੇ ਜਾਣਗੇ।
ਇਹ ਵੀ ਪੜ੍ਹੋ : Delhi YouTuber News : '13 ਕਰੋੜ ਦੋ ਨਹੀਂ ਤਾਂ ਜਾਨੋਂ ਮਾਰ ਦਿਆਂਗਾ', ਦਿੱਲੀ ਦੇ ਯੂਟਿਊਬਰ ਨੂੰ ਮਿਲੀ ਧਮਕੀ, ਇੱਕ ਗ੍ਰਿਫਤਾਰ
- PTC NEWS
