Karwa Chauth 2024 : ਕਰਵਾ ਚੌਥ 'ਚ ਸਰਗੀ ਦਾ ਕੀ ਹੁੰਦਾ ਹੈ ਮਹੱਤਵ ? ਜੇ ਸੱਸ ਨਾ ਹੋਵੇ ਤਾਂ ਕਿਸ ਤੋਂ ਲਈ ਜਾ ਸਕਦੀ ਹੈ ਸਰਗੀ ?, ਜਾਣੋ
Karwa Chauth 2024 : ਵਿਆਹੁਤਾ ਔਰਤਾਂ ਆਪਣੇ ਪਤੀ ਦੀ ਲੰਬੀ ਉਮਰ ਅਤੇ ਸਿਹਤਮੰਦ ਜੀਵਨ ਲਈ ਵਰਤ ਰੱਖਦੀਆਂ ਹਨ। ਜਿਨ੍ਹਾਂ 'ਚੋ ਇੱਕ ਕਰਵਾ ਚੌਥ ਦਾ ਵਰਤ ਹੈ। ਇਸ ਦਾ ਹਿੰਦੂ ਧਰਮ 'ਚ ਵਿਸ਼ੇਸ਼ ਮਹੱਤਵ ਹੈ।
ਦਸ ਦਈਏ ਕਿ ਕਰਵਾ ਚੌਥ ਕਾਰਤਿਕ ਮਹੀਨੇ ਦੇ ਕ੍ਰਿਸ਼ਨ ਪੱਖ ਦੀ ਚਤੁਰਥੀ ਨੂੰ ਮਨਾਇਆ ਜਾਂਦਾ ਹੈ। ਇਸ 'ਚ ਵਿਆਹੁਤਾ ਔਰਤਾਂ ਨਿਰਜਲਾ ਵਰਤ ਰੱਖਦੀਆਂ ਹਨ ਅਤੇ ਪੂਜਾ ਕਰਦੀਆਂ ਹਨ। ਜਦੋਂ ਚੰਦਰਮਾ ਚੜ੍ਹਦਾ ਹੈ ਤਾਂ ਉਸ ਦੇ ਦਰਸ਼ਨ ਕਰਕੇ ਅਰਘ ਭੇਟ ਕੀਤੀ ਜਾਂਦੀ ਹੈ ਅਤੇ ਫਿਰ ਵਰਤ ਨੂੰ ਖੋਲੀਆਂ ਜਾਂਦਾ ਹੈ। ਇਸ ਦਿਨ ਕਰਵਾ ਮਾਤਾ, ਚੰਦਰਮਾ ਅਤੇ ਭਗਵਾਨ ਗਣੇਸ਼ ਦੀ ਪੂਜਾ ਕੀਤੀ ਜਾਂਦੀ ਹੈ। ਇਸ ਸਾਲ ਕਰਵਾ ਚੌਥ ਦਾ ਵਰਤ 20 ਅਕਤੂਬਰ ਦਿਨ ਐਤਵਾਰ ਨੂੰ ਮਨਾਇਆ ਜਾਵੇਗਾ।
ਵੈਦਿਕ ਕੈਲੰਡਰ ਮੁਤਾਬਕ ਇਹ 20 ਅਕਤੂਬਰ ਨੂੰ ਸਵੇਰੇ 6.46 ਵਜੇ ਸ਼ੁਰੂ ਹੋਵੇਗਾ। ਇਹ ਅਗਲੇ ਦਿਨ ਯਾਨੀ 21 ਅਕਤੂਬਰ ਨੂੰ ਸਵੇਰੇ 4:16 ਵਜੇ ਸਮਾਪਤ ਹੋਵੇਗਾ। ਦਸ ਦਈਏ ਕਿ ਇਸ ਸਾਲ ਕਰਵਾ ਚੌਥ ਦੇ ਦਿਨ ਭਾਦਰ ਦੀ ਛਾਂ ਰਹੇਗੀ, ਪਰ ਸਿਰਫ 20-21 ਮਿੰਟ ਲਈ।
ਕਰਵਾ ਚੌਥ 'ਚ ਸਰਗੀ ਕੀ ਹੁੰਦੀ ਹੈ?
ਕਰਵਾ ਚੌਥ 'ਚ ਇੱਕ ਹੋਰ ਚੀਜ਼ ਬਹੁਤ ਮਹੱਤਵਪੂਰਨ ਹੁੰਦੀ ਹੈ ਅਤੇ ਉਹ ਹੈ ਸਰਗੀ। ਦਸ ਦਈਏ ਕਿ ਇਹ ਇੱਕ ਰਸਮ ਹੈ, ਜੋ ਕਰਵਾ ਚੌਥ ਸ਼ੁਰੂ ਕਰਨ ਤੋਂ ਪਹਿਲਾਂ ਕੀਤੀ ਜਾਂਦੀ ਹੈ। ਸੱਸ ਆਪਣੀ ਨੂੰਹ ਨੂੰ ਸਰਗੀ ਦਿੰਦੀ ਹੈ। ਕਰਵਾ ਚੌਥ ਦੇ ਦਿਨ ਵਰਤ ਰੱਖਣ ਤੋਂ ਪਹਿਲਾਂ ਕੁਝ ਚੀਜ਼ਾਂ ਖਾਧੀਆਂ ਜਾਂਦੀਆਂ ਹਨ। ਖਾਣ-ਪੀਣ ਦੀਆਂ ਵਸਤੂਆਂ ਦੇ ਨਾਲ-ਨਾਲ ਸਰਗੀ ਥਾਲੀ 'ਚ ਸੋਲ੍ਹਾਂ ਸਜਾਵਟ ਅਤੇ ਪੂਜਾ ਸਮੱਗਰੀ ਵੀ ਸ਼ਾਮਲ ਹੁੰਦੀ ਹੈ। ਸਰਗੀ ਦੌਰਾਨ ਤੁਸੀਂ ਫਲ, ਮਠਿਆਈਆਂ, ਖੀਰ, ਸੁੱਕੇ ਮੇਵੇ, ਦੁੱਧ, ਹਲਕੀ ਤਲੀਆਂ ਚੀਜ਼ਾਂ, ਨਾਰੀਅਲ ਪਾਣੀ, ਕਾਰਬੋਹਾਈਡ੍ਰੇਟ ਨਾਲ ਭਰਪੂਰ ਚੀਜ਼ਾਂ ਜਿਵੇਂ ਡੋਸਾ, ਚੀਲਾ ਆਦਿ ਦਾ ਸੇਵਨ ਕਰ ਸਕਦੇ ਹੋ। ਇਸ 'ਚ ਸਾਤਵਿਕ ਭੋਜਨ ਹੀ ਹੋਣਾ ਚਾਹੀਦਾ ਹੈ। ਜ਼ਿਆਦਾ ਤੇਲ ਅਤੇ ਮਸਾਲੇ ਵਾਲੀਆਂ ਚੀਜ਼ਾਂ ਨਹੀਂ ਖਾਣੀਆਂ ਚਾਹੀਦੀਆਂ।
ਸਰਗੀ ਦਾ ਸੇਵਨ ਕਰਨ ਦਾ ਸਮਾਂ :
ਕਰਵਾ ਚੌਥ ਵਾਲੇ ਦਿਨ ਸਰਗੀ ਸਵੇਰੇ 4 ਤੋਂ 5 ਵਜੇ ਤੱਕ ਬ੍ਰਹਮਾ ਮੁਹੂਰਤ ਦੇ ਸਮੇਂ ਖਾ ਲੈਣਾ ਚਾਹੀਦਾ ਹੈ। ਇਸ ਲਈ ਔਰਤਾਂ 3 ਵਜੇ ਉੱਠ ਕੇ ਇਸ਼ਨਾਨ ਆਦਿ ਕਰਦੀਆਂ ਹਨ।
ਜੇ ਸੱਸ ਨਾ ਹੋਵੇ ਤਾਂ ਸਰਗੀ ਕਿਸ ਤੋਂ ਲਈ ਜਾ ਸਕਦੀ ਹੈ?
ਕਰਵਾ ਚੌਥ ਦਾ ਵਰਤ ਰੱਖਣ ਸਮੇਂ ਸੱਸ ਵੱਲੋਂ ਆਪਣੀ ਨੂੰਹ ਨੂੰ ਸਰਗੀ ਦਿੱਤੀ ਜਾਂਦੀ ਹੈ। ਪਰ ਜੇਕਰ ਸੱਸ ਦੀ ਮੌਤ ਹੋ ਗਈ ਹੋਵੇ, ਤਾਂ ਅਜਿਹੇ 'ਚ ਸਰਗੀ ਕਿਸ 'ਤੋਂ ਲਈ ਜਾ ਸਕਦੀ ਹੈ? ਧਾਰਮਿਕ ਮਾਨਤਾਵਾਂ ਮੁਤਾਬਕ ਜੇਕਰ ਕਿਸੇ ਵਿਆਹੁਤਾ ਔਰਤ ਦੀ ਸੱਸ ਨਹੀਂ ਹੈ ਤਾਂ ਉਹ ਪਰਿਵਾਰ ਦੀ ਕਿਸੇ ਵੀ ਬਜ਼ੁਰਗ ਔਰਤ, ਭੈਣ ਜਾਂ ਭਰਜਾਈ ਤੋਂ ਸਰਗੀ ਲੈ ਸਕਦੀ ਹੈ। ਉੱਥੇ ਹੀ ਜੇਕਰ ਸੱਸ ਦੂਰ ਹੈ ਤਾਂ ਇਸ ਲਈ ਉਹ ਆਪਣੀ ਨੂੰਹ ਨੂੰ ਪੈਸੇ ਭੇਜਦੀ ਹੈ, ਤਾਂ ਜੋ ਉਹ ਆਪਣੇ ਲਈ ਸਰਗੀ ਦੀਆਂ ਚੀਜ਼ਾਂ ਖਰੀਦ ਸਕੇ।
ਇਹ ਵੀ ਪੜ੍ਹੋ : Heart Attack : ਨਸਾਂ 'ਚ ਜੰਮਦੇ ਖੂਨ ਨੂੰ ਪਤਲਾ ਕਰਦੀਆਂ ਹਨ ਇਹ 5 ਚੀਜ਼ਾਂ, ਦਿਲ ਦੇ ਦੌਰੇ ਦਾ ਖਤਰਾ ਵੀ ਹੁੰਦਾ ਹੈ ਘੱਟ
- PTC NEWS
