SpaDeX Mission : ISRO ਨੇ ਰਚਿਆ ਇੱਕ ਹੋਰ ਇਤਿਹਾਸ, ਡੌਕਿੰਗ ਦੀ ਪ੍ਰਕਿਰਿਆ ਸਫਲਤਾ ਪੂਰਵਕ ਸੰਪੰਨ, ਜਾਣੋ ਕੀ ਹੈ ਇਸ ਪਿੱਛੇ ਮਕਸਦ
ISRO SpaDeX Mission : ਭਾਰਤੀ ਪੁਲਾੜ ਏਜੰਸੀ ਇਸਰੋ ਨੇ ਪੁਲਾੜ ਵਿੱਚ ਇੱਕ ਹੋਰ ਇਤਿਹਾਸ ਰਚ ਦਿੱਤਾ ਹੈ। ਸਪੇਸਐਕਸ ਮਿਸ਼ਨ ਦੇ ਤਹਿਤ ਪੁਲਾੜ ਯਾਨ ਦੀ ਡੌਕਿੰਗ ਪ੍ਰਕਿਰਿਆ ਨੂੰ ਸਫਲਤਾਪੂਰਵਕ ਪੂਰਾ ਕੀਤਾ ਗਿਆ ਹੈ। ਇਸ ਦਾ ਮਤਲਬ ਹੈ ਕਿ ਇਸਰੋ ਨੇ ਦੋਵੇਂ ਉਪਗ੍ਰਹਿਆਂ ਨੂੰ ਪੁਲਾੜ ਵਿੱਚ ਜੋੜ ਦਿੱਤਾ ਹੈ। ਅਮਰੀਕਾ, ਰੂਸ ਅਤੇ ਚੀਨ ਤੋਂ ਬਾਅਦ ਭਾਰਤ ਅਜਿਹੀ ਉਪਲਬਧੀ ਹਾਸਲ ਕਰਨ ਵਾਲਾ ਚੌਥਾ ਦੇਸ਼ ਬਣ ਗਿਆ ਹੈ। ਇਹ 2025 ਵਿੱਚ ਇਸਰੋ ਦੀ ਪਹਿਲੀ ਵੱਡੀ ਸਫਲਤਾ ਹੈ। ਇਸਰੋ ਮੁਖੀ ਨੇ ਇਸ ਉਪਲਬਧੀ 'ਤੇ ਖੁਸ਼ੀ ਜ਼ਾਹਰ ਕੀਤੀ।
ਇਸਰੋ ਨੇ ਜਤਾਈ ਖੁਸ਼ੀ
ਇਸਰੋ ਯਾਨੀ ਭਾਰਤੀ ਪੁਲਾੜ ਖੋਜ ਸੰਗਠਨ ਨੇ ਟਵਿੱਟਰ 'ਤੇ ਪੋਸਟ ਕੀਤਾ ਕਿ 'ਸਪੇਸ ਡੌਕਿੰਗ ਐਕਸਪੀਰੀਮੈਂਟ' (SPADEX) ਦੇ ਤਹਿਤ ਉਪਗ੍ਰਹਿਾਂ ਦੀ 'ਡੌਕਿੰਗ' ਵੀਰਵਾਰ ਨੂੰ ਸਫਲਤਾਪੂਰਵਕ ਪੂਰੀ ਹੋ ਗਈ। ਇਸਰੋ ਨੇ ਕਿਹਾ, 'ਭਾਰਤ ਨੇ ਪੁਲਾੜ ਇਤਿਹਾਸ ਵਿੱਚ ਆਪਣਾ ਨਾਮ ਦਰਜ ਕਰਵਾਇਆ ਹੈ। ਗੁੱਡ ਮਾਰਨਿੰਗ ਇੰਡੀਆ, ਇਸਰੋ ਦੇ ਸਪੇਸੈਕਸ ਮਿਸ਼ਨ ਨੇ 'ਡੌਕਿੰਗ' ਵਿੱਚ ਇਤਿਹਾਸਕ ਸਫਲਤਾ ਹਾਸਲ ਕੀਤੀ ਹੈ। ਇਸ ਪਲ ਦਾ ਗਵਾਹ ਬਣ ਕੇ ਮਾਣ ਮਹਿਸੂਸ ਕਰ ਰਿਹਾ ਹਾਂ।
ਕਦੋਂ ਕੀਤਾ ਗਿਆ ਲਾਂਚ ?
PSLV C60 ਰਾਕੇਟ ਨੇ ਦੋ ਛੋਟੇ ਉਪਗ੍ਰਹਿ - SDX01 (ਚੇਜ਼ਰ) ਅਤੇ SDX02 (ਟਾਰਗੇਟ) ਸਮੇਤ 24 ਪੇਲੋਡ ਸ਼੍ਰੀਹਰੀਕੋਟਾ ਦੇ ਸਤੀਸ਼ ਧਵਨ ਪੁਲਾੜ ਕੇਂਦਰ ਦੇ ਪਹਿਲੇ ਲਾਂਚਪੈਡ ਤੋਂ ਉਡਾਣ ਭਰੀ। ਟੇਕਆਫ ਦੇ ਲਗਭਗ 15 ਮਿੰਟ ਬਾਅਦ, ਲਗਭਗ 220 ਕਿਲੋਗ੍ਰਾਮ ਵਜ਼ਨ ਵਾਲੇ ਦੋ ਛੋਟੇ ਪੁਲਾੜ ਯਾਨ ਨੂੰ 475 ਕਿਲੋਮੀਟਰ ਦੇ ਗੋਲ ਚੱਕਰ ਵਿੱਚ ਨਿਸ਼ਾਨਾਬੱਧ ਤਰੀਕੇ ਨਾਲ ਲਾਂਚ ਕੀਤਾ ਗਿਆ।
ਕੀ ਹੈ ਇਸਰੋ ਦਾ ਮਕਸਦ ?
ਇਸਰੋ ਦੇ ਅਨੁਸਾਰ, ਸਪੇਸਐਕਸ ਮਿਸ਼ਨ ਦੋ ਛੋਟੇ ਪੁਲਾੜ ਯਾਨ ਦੀ ਵਰਤੋਂ ਕਰਕੇ ਪੁਲਾੜ ਵਿੱਚ 'ਡੌਕਿੰਗ' ਲਈ ਇੱਕ ਲਾਗਤ-ਪ੍ਰਭਾਵਸ਼ਾਲੀ ਤਕਨਾਲੋਜੀ ਮਿਸ਼ਨ ਹੈ। ਇਸ ਨੂੰ PSLV ਰਾਹੀਂ ਲਾਂਚ ਕੀਤਾ ਗਿਆ ਸੀ। ਜਦੋਂ ਸਾਂਝੇ ਮਿਸ਼ਨ ਉਦੇਸ਼ਾਂ ਨੂੰ ਪ੍ਰਾਪਤ ਕਰਨ ਲਈ ਕਈ ਰਾਕੇਟ ਲਾਂਚਾਂ ਦੀ ਲੋੜ ਹੁੰਦੀ ਹੈ ਤਾਂ ਸਪੇਸ ਵਿੱਚ 'ਡੌਕਿੰਗ' ਤਕਨਾਲੋਜੀ ਜ਼ਰੂਰੀ ਹੁੰਦੀ ਹੈ।
ਪੁਲਾੜ 'ਚ ਕਿਉਂ ਜ਼ਰੂਰੀ ਹੇ ਡੌਕਿੰਗ ?
ਇਹ ਤਕਨਾਲੋਜੀ ਭਾਰਤ ਦੀਆਂ ਪੁਲਾੜ ਅਭਿਲਾਸ਼ਾਵਾਂ ਜਿਵੇਂ ਕਿ ਚੰਦਰਮਾ 'ਤੇ ਭਾਰਤੀ ਮਿਸ਼ਨ, ਚੰਦਰਮਾ ਤੋਂ ਨਮੂਨੇ ਵਾਪਸ ਲਿਆਉਣਾ, ਭਾਰਤੀ ਪੁਲਾੜ ਸਟੇਸ਼ਨ (ਬੀਏਐਸ) ਦੀ ਉਸਾਰੀ ਅਤੇ ਸੰਚਾਲਨ ਆਦਿ ਲਈ ਜ਼ਰੂਰੀ ਹੈ। ਇਸ ਮਿਸ਼ਨ ਦੇ ਜ਼ਰੀਏ, ਭਾਰਤ ਸਪੇਸ ਡੌਕਿੰਗ ਤਕਨੀਕ ਵਾਲਾ ਦੁਨੀਆ ਦਾ ਚੌਥਾ ਦੇਸ਼ ਬਣ ਗਿਆ ਹੈ। ਹੁਣ ਤੱਕ ਸਿਰਫ ਅਮਰੀਕਾ, ਚੀਨ ਅਤੇ ਰੂਸ ਹੀ ਅਜਿਹਾ ਕਾਰਨਾਮਾ ਕਰ ਸਕੇ ਹਨ।
- PTC NEWS
