iPhone 16 ਭਾਰਤ 'ਚ ਕਦੋਂ ਹੋਵੇਗੀ ਸੇਲ ? ਜਾਣੋ ਕਿੰਨੀ ਕੀਮਤ 'ਚ ਮਿਲਣਗੇ 16 Pro ਤੱਕ ਦੇ ਆਈਫੋਨ ਮਾਡਲ
iPhone 16 Sale in India : ਐਪਲ ਨੇ ਆਪਣੀ ਲੇਟੈਸਟ ਸੀਰੀਜ਼ ਆਈਫੋਨ 16 ਨੂੰ ਲਾਂਚ ਕਰ ਦਿੱਤਾ ਹੈ। ਇਸ ਸੀਰੀਜ਼ ਵਿਚ ਕੰਪਨੀ ਦੇ ਚਾਰ ਮਾਡਲ ਸ਼ਾਮਲ ਹਨ- ਆਈਫੋਨ 16, ਆਈਫੋਨ 16 ਪਲੱਸ, ਆਈਫੋਨ 16 ਪ੍ਰੋ, ਅਤੇ ਆਈਫੋਨ 16 ਪ੍ਰੋ ਮੈਕਸ। ਪ੍ਰਸ਼ੰਸਕਾਂ ਨੂੰ ਨਵੇਂ ਆਈਫੋਨ 'ਚ ਐਪਲ ਇੰਟੈਲੀਜੈਂਸ ਫੀਚਰਸ ਦਾ ਸਪੋਰਟ ਦਿੱਤਾ ਜਾ ਰਿਹਾ ਹੈ। ਨਾਲ ਹੀ ਕੰਪਨੀ ਨੇ ਇਨ੍ਹਾਂ ਨਵੇਂ ਆਈਫੋਨਸ ਨੂੰ ਲੇਟੈਸਟ A18 ਸੀਰੀਜ਼ ਚਿੱਪਸੈੱਟ ਨਾਲ ਪੇਸ਼ ਕੀਤਾ ਹੈ। ਇਸ ਦੇ ਨਾਲ ਫੋਨ ਦੀ ਲੰਬੀ ਬੈਟਰੀ ਲਾਈਫ ਦੇ ਨਾਲ ਬਿਹਤਰ ਪ੍ਰਦਰਸ਼ਨ ਦਾ ਵਾਅਦਾ ਕੀਤਾ ਗਿਆ ਹੈ। ਇਸਤੋਂ ਇਲਾਵਾ ਕੰਪਨੀ ਦੇ ਨਵੇਂ ਅਪ੍ਰੇਟਿੰਗ ਸਿਸਟਮ iOS 18 ਅਪਡੇਟ ਰਿਲੀਜ਼ ਹੋਣ ਤੋਂ ਬਾਅਦ ਨਵੇਂ ਆਈਫੋਨ 16 ਸੀਰੀਜ਼ ਨੂੰ ਨਵਾਂ OS ਵੀ ਮਿਲ ਜਾਵੇਗਾ।
ਭਾਰਤ 'ਚ ਨਵਾਂ ਆਈਫੋਨ ਕਿਸ ਕੀਮਤ 'ਤੇ ਖਰੀਦਿਆ ਜਾ ਸਕਦਾ ਹੈ, ਆਈਫੋਨ ਪ੍ਰੇਮੀਆਂ ਨੂੰ ਇਸ ਦੀ ਬੇਸਬਰੀ ਨਾਲ ਉਡੀਕ ਹੈ ਤਾਂ ਦੱਸ ਦੇਈਏ ਕਿ iPhone 16 ਸੀਰੀਜ਼ ਦੀ ਭਾਰਤੀ ਕੀਮਤ ਦਾ ਖੁਲਾਸਾ ਹੋ ਗਿਆ ਹੈ। ਆਓ ਜਾਣਦੇ ਹਾਂ ਚਾਰਾਂ ਆਈਫੋਨਸ ਦੀ ਕੀਮਤ ਕੀ ਹੈ।
ਭਾਰਤ 'ਚ ਆਈਫੋਨ 16 ਸੀਰੀਜ਼ ਦੇ ਵੱਖ-ਵੱਖ ਮਾਡਲਾਂ ਦੀਆਂ ਕੀਮਤਾਂ 79,900 ਰੁਪਏ ਤੋਂ ਸ਼ੁਰੂ ਹੋ ਕੇ 1,84,900 ਰੁਪਏ ਤੱਕ ਹੋਣਗੀਆਂ।
ਆਈਫੋਨ 16 ਪ੍ਰੋ ਅਤੇ 16 ਪ੍ਰੋ ਮੈਕਸ ਦੀ ਕੀਮਤ
ਇਨ੍ਹਾਂ ਰੰਗਾਂ 'ਚ ਮਿਲਣਗੇ ਫੋਨ
ਕਲਰ ਵੇਰੀਐਂਟ ਦੀ ਗੱਲ ਕਰੀਏ ਤਾਂ ਆਈਫੋਨ 16 ਸੀਰੀਜ਼ ਨੂੰ ਅਲਟਰਾਮਰੀਨ, ਟੀਲ, ਪਿੰਕ, ਵਾਈਟ ਅਤੇ ਬਲੈਕ ਕਲਰ ਵੇਰੀਐਂਟ 'ਚ ਖਰੀਦਿਆ ਜਾ ਸਕਦਾ ਹੈ। ਜਦੋਂ ਕਿ 16 ਪ੍ਰੋ ਸੀਰੀਜ਼ ਨੂੰ ਇਸ ਸਾਲ ਡੇਜ਼ਰਟ ਟਾਈਟੇਨੀਅਮ, ਨੈਚੁਰਲ ਟਾਈਟੇਨੀਅਮ, ਵ੍ਹਾਈਟ ਟਾਈਟੇਨੀਅਮ ਅਤੇ ਬਲੈਕ ਟਾਈਟੇਨੀਅਮ ਕਲਰ ਆਪਸ਼ਨ 'ਚ ਲਾਂਚ ਕੀਤਾ ਗਿਆ ਹੈ।
ਇਸ ਵਾਰ ਆਈਫੋਨ 'ਚ ਕੀ ਹੈ ਨਵਾਂ?
ਇਸ ਵਾਰ ਐਪਲ ਨੇ ਆਪਣੀ iPhone 16 ਸੀਰੀਜ਼ 'ਚ ਲੇਟੈਸਟ ਅਤੇ ਪਾਵਰਫੁੱਲ A18 ਚਿਪਸੈੱਟ ਦਿੱਤਾ ਹੈ। ਯੂਜ਼ਰਸ ਨੂੰ ਫੋਨ 'ਚ ਡਿਊਲ ਰੀਅਰ ਕੈਮਰਾ ਸੈੱਟਅਪ ਮਿਲ ਰਿਹਾ ਹੈ, ਅਤੇ ਇਸ 'ਚ 12-ਮੈਗਾਪਿਕਸਲ ਦੇ ਅਲਟਰਾਵਾਈਡ ਲੈਂਸ ਦੇ ਨਾਲ 48-ਮੈਗਾਪਿਕਸਲ ਦਾ ਪ੍ਰਾਇਮਰੀ ਸੈਂਸਰ ਹੈ।
ਦੂਜੇ ਪਾਸੇ, ਆਈਫੋਨ 16 ਪ੍ਰੋ ਸੀਰੀਜ਼ ਨੂੰ ਏ18 ਪ੍ਰੋ ਚਿੱਪਸੈੱਟ ਨਾਲ ਜੋੜਿਆ ਗਿਆ ਹੈ ਅਤੇ ਇਸ ਵਿੱਚ 16-ਕੋਰ ਨਿਊਰਲ ਇੰਜਣ ਵੀ ਹੈ। ਇਸ 'ਚ ਯੂਜ਼ਰਸ ਨੂੰ ਟ੍ਰਿਪਲ ਕੈਮਰਾ ਸੈੱਟਅਪ ਦਿੱਤਾ ਗਿਆ ਹੈ, ਜਿਸ 'ਚ 48 ਮੈਗਾਪਿਕਸਲ ਦਾ ਪ੍ਰਾਇਮਰੀ ਸੈਂਸਰ, 48 ਮੈਗਾਪਿਕਸਲ ਦਾ ਅਲਟਰਾਵਾਈਡ ਲੈਂਸ ਅਤੇ 12 ਮੈਗਾਪਿਕਸਲ ਦਾ 5x ਟੈਲੀਫੋਟੋ ਲੈਂਸ ਦਿੱਤਾ ਗਿਆ ਹੈ। ਆਈਫੋਨ 16 ਸੀਰੀਜ਼ ਲਈ ਪ੍ਰੀ-ਆਰਡਰ ਭਾਰਤ ਵਿੱਚ 13 ਸਤੰਬਰ ਨੂੰ ਸ਼ਾਮ 5:30 ਵਜੇ ਸ਼ੁਰੂ ਹੋਣਗੇ। ਆਈਫੋਨ 16 ਦੀ ਪਹਿਲੀ ਸੇਲ 20 ਸਤੰਬਰ ਨੂੰ ਹੋਵੇਗੀ।
- PTC NEWS
