Income Tax Saving : ਬਿਨਾਂ ਨਿਵੇਸ਼ ਕੀਤੇ ਇਨਕਮ ਟੈਕਸ ਬਚਾਉਣ ਦੇ ਆਸਾਨ ਤਰੀਕਾ, ਜਾਣੋ
Income Tax Saving Tips Without Investing: ਅੱਜਕਲ੍ਹ ਹਰ ਕੋਈ ਆਪਣਾ ਟੈਕਸ ਬਚਾਉਣਾ ਚਾਹੁੰਦੇ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਟੈਕਸ ਬਚਾਉਣ ਲਈ ਕੋਈ ਨਿਵੇਸ਼ ਨਹੀਂ ਕੀਤਾ ਹੈ ਤਾਂ ਤੁਹਾਨੂੰ ਚਿੰਤਾ ਕਰਨ ਦੀ ਲੋੜ ਨਹੀਂ ਹੈ। ਕਿਉਂਕਿ ਟੈਕਸ ਬਚਾਉਣ ਦੇ ਹੋਰ ਵੀ ਕਈ ਤਰੀਕੇ ਹਨ। ਦਰਅਸਲ, ਅਸੀਂ ਸਾਲ ਭਰ 'ਚ ਅਜਿਹੀਆਂ ਕਈ ਥਾਵਾਂ 'ਤੇ ਪੈਸਾ ਖਰਚ ਕਰਦੇ ਹਾਂ, ਜੇਕਰ ਇਨਕਮ ਟੈਕਸ ਰਿਟਰਨ ਫਾਈਲ (ITR) 'ਚ ਜ਼ਿਕਰ ਕੀਤਾ ਜਾਵੇ, ਤਾਂ ਟੈਕਸ ਬਚਾਇਆ ਜਾ ਸਕਦਾ ਹੈ।
ਵੈਸੇ ਤਾਂ ਉਨ੍ਹਾਂ ਦਾ ਫਾਇਦਾ ਉਦੋਂ ਹੀ ਹੁੰਦਾ ਹੈ ਜਦੋਂ ਤੁਸੀਂ ਪੁਰਾਣੀ ਪ੍ਰਣਾਲੀ ਦੇ ਮੁਤਾਬਕ ITR ਫਾਈਲ ਕਰੋਗੇ। ਅਜਿਹੇ 'ਚ ਜੇਕਰ ਤੁਸੀਂ ਅਜੇ ਤੱਕ ITR ਫਾਈਲ ਨਹੀਂ ਕੀਤੀ ਹੈ, ਤਾਂ ਯਕੀਨੀ ਤੌਰ 'ਤੇ ਇਸਨੂੰ 31 ਜੁਲਾਈ ਤੱਕ ਫਾਈਲ ਕਰੋ। ਕਿਉਂਕਿ ਇਹ ਆਖਰੀ ਤਾਰੀਖ ਹੈ। ਜੇਕਰ ਤੁਸੀਂ ਇਸ ਤੋਂ ਬਾਅਦ ITR ਫਾਈਲ ਕਰਦੇ ਹੋ, ਤਾਂ ਤੁਹਾਨੂੰ 5000 ਰੁਪਏ ਤੱਕ ਦਾ ਜੁਰਮਾਨਾ ਭਰਨਾ ਪੈ ਸਕਦਾ ਹੈ। ਤਾਂ ਆਉ ਜਾਣਦੇ ਹਾਂ ਬਿਨਾਂ ਨਿਵੇਸ਼ ਕਿੱਤੇ ਟੈਕਸ ਕਿਵੇਂ ਬਚਾਇਆ ਜਾ ਸਕਦਾ ਹੈ? 
ਸਿਹਤ ਬੀਮਾ ਪ੍ਰੀਮੀਅਮ 'ਤੇ ਛੋਟ
ਮਾਹਿਰਾਂ ਮੁਤਾਬਕ ਜੇਕਰ ਤੁਸੀਂ ਕੋਈ ਸਿਹਤ ਬੀਮਾ ਲਿਆ ਹੈ, ਤਾਂ ਤੁਸੀਂ ਇਸਦੇ ਪ੍ਰੀਮੀਅਮ 'ਤੇ ਵੀ ਇਨਕਮ ਟੈਕਸ ਛੋਟ ਪ੍ਰਾਪਤ ਕਰ ਸਕਦੇ ਹੋ। ਦਸ ਦਈਏ ਕਿ ਇਹ ਛੋਟ ਇਨਕਮ ਟੈਕਸ ਦੀ ਧਾਰਾ 80D ਦੇ ਤਹਿਤ ਉਪਲਬਧ ਹੁੰਦਾ ਹੈ। ਇਨ੍ਹਾਂ ਨਿਯਮਾਂ ਦੇ ਤਹਿਤ, ਕੋਈ ਵੀ ਵਿਅਕਤੀ ਇੱਕ ਸਾਲ 'ਚ ਆਪਣੇ ਜਾਂ ਆਪਣੇ ਪਰਿਵਾਰ ਦੇ ਸਿਹਤ ਬੀਮਾ ਪ੍ਰੀਮੀਅਮ 'ਚ 25,000 ਰੁਪਏ ਤੱਕ ਦੀ ਛੋਟ ਪ੍ਰਾਪਤ ਕਰ ਸਕਦਾ ਹੈ। ਦੂਜੇ ਪਾਸੇ ਜੇਕਰ ਕਿਸੇ ਸੀਨੀਅਰ ਸਿਟੀਜ਼ਨ ਨੇ ਸਿਹਤ ਬੀਮਾ ਕਰਵਾਇਆ ਹੈ ਤਾਂ ਉਸ ਨੂੰ 50 ਹਜ਼ਾਰ ਰੁਪਏ ਤੱਕ ਦੀ ਛੋਟ ਮਿਲਦੀ ਹੈ।
ਹੋਮ ਲੋਨ 'ਤੇ ਛੋਟ
ਦੱਸਿਆ ਜਾਂਦਾ ਹੈ ਕਿ ਹੋਮ ਲੋਨ 'ਤੇ ਵੀ ਇਨਕਮ ਟੈਕਸ ਛੋਟ ਪ੍ਰਾਪਤ ਕੀਤੀ ਜਾ ਸਕਦੀ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਹੋਮ ਲੋਨ ਲਿਆ ਹੈ ਅਤੇ ਉਸ ਘਰ 'ਚ ਰਹਿ ਰਹੇ ਹੋ, ਤਾਂ ਤੁਹਾਨੂੰ ਇਨਕਮ ਟੈਕਸ ਦੀ ਧਾਰਾ 24B ਅਤੇ 80C ਦੇ ਤਹਿਤ ਛੋਟ ਮਿਲ ਸਕਦੀ ਹੈ। ਦਸ ਦਈਏ ਕਿ ਸੈਕਸ਼ਨ 24B ਦੇ ਤਹਿਤ, ਕਰਜ਼ੇ ਦੇ ਵਿਆਜ 'ਤੇ 2 ਲੱਖ ਰੁਪਏ ਤੱਕ ਦੀ ਸਾਲਾਨਾ ਛੋਟ ਉਪਲਬਧ ਹੁੰਦੀ ਹੈ, ਜਦੋਂ ਕਿ ਮੂਲ ਰਕਮ 'ਤੇ 80C ਦੇ ਤਹਿਤ 1.50 ਲੱਖ ਰੁਪਏ ਤੱਕ ਦੀ ਸਾਲਾਨਾ ਛੋਟ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।
ਬੱਚਿਆਂ ਦੀ ਟਿਊਸ਼ਨ ਫੀਸ 'ਤੇ ਛੋਟ
ਇੱਥੇ ਟਿਊਸ਼ਨ ਫੀਸ ਦਾ ਮਤਲਬ ਬੱਚਿਆਂ ਦੀ ਕੋਚਿੰਗ ਫੀਸ ਨਹੀਂ ਹੈ। ਦਰਅਸਲ, ਜਦੋਂ ਬੱਚੇ ਸਕੂਲ 'ਚ ਪੜ੍ਹਦੇ ਹਨ, ਤਾਂ ਹਰ ਸਕੂਲ ਟਿਊਸ਼ਨ ਫੀਸ ਦੇ ਰੂਪ 'ਚ ਬੱਚੇ ਦੀ ਫੀਸ 'ਚ ਹਿੱਸਾ ਲੈਂਦਾ ਹੈ। ਦੱਸ ਦਈਏ ਕਿ ਇਹ ਬੱਚੇ ਦੀ ਫੀਸ ਸਲਿੱਪ 'ਤੇ ਲਿਖਿਆ ਹੁੰਦਾ ਹੈ। ਜੇਕਰ ਲਿਖਿਆ ਨਹੀਂ ਹੈ ਤਾਂ ਸਕੂਲ ਦੇ ਲੇਖਾ ਵਿਭਾਗ ਜਾਂ ਪ੍ਰਿੰਸੀਪਲ ਨਾਲ ਗੱਲ ਕਰੋ। ਕਿਉਂਕਿ ਕਈ ਸਕੂਲ ਬੱਚੇ ਦੀ ਸਾਰੀ ਫੀਸ ਟਿਊਸ਼ਨ ਫੀਸ ਦੇ ਰੂਪ 'ਚ ਦਿਖਾਉਂਦੇ ਹਨ। ਤੁਸੀਂ ਇਨਕਮ ਟੈਕਸ 'ਚ ਇਸ ਟਿਊਸ਼ਨ ਫੀਸ ਨੂੰ ਦਿਖਾ ਕੇ ਛੋਟ ਦਾ ਦਾਅਵਾ ਕਰ ਸਕਦੇ ਹੋ। ਇਨਕਮ ਟੈਕਸ ਦੀ ਧਾਰਾ 80C ਦੇ ਤਹਿਤ, ਸਾਲਾਨਾ 1.50 ਲੱਖ ਰੁਪਏ ਦੀ ਵੱਧ ਤੋਂ ਵੱਧ ਛੋਟ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।
ਸਿੱਖਿਆ ਕਰਜ਼ੇ ਦੇ ਵਿਆਜ 'ਤੇ ਛੋਟ
ਜੇਕਰ ਤੁਸੀਂ ਆਪਣੇ ਬੱਚਿਆਂ ਦੀ ਪੜ੍ਹਾਈ ਲਈ ਸਿੱਖਿਆ ਕਰਜਾ ਲਿਆ ਹੈ, ਤਾਂ ਤੁਸੀਂ ਇਸ 'ਤੇ ਮਿਲਣ ਵਾਲੇ ਵਿਆਜ 'ਤੇ ਇਨਕਮ ਟੈਕਸ ਛੋਟ ਲੈ ਸਕਦੇ ਹੋ। ਦਸ ਦਈਏ ਕਿ ਇਨਕਮ ਟੈਕਸ ਦੀ ਧਾਰਾ 80E ਦੇ ਮੁਤਾਬਕ ਉੱਚ ਸਿੱਖਿਆ ਲਈ ਸਿੱਖਿਆ ਕਰਜ਼ੇ 'ਤੇ ਅਦਾ ਕੀਤੇ ਵਿਆਜ 'ਤੇ 8 ਸਾਲਾਂ ਲਈ ਆਮਦਨ ਕਰ ਛੋਟ ਪ੍ਰਾਪਤ ਕੀਤੀ ਜਾ ਸਕਦੀ ਹੈ। ਮੰਨ ਲਓ, ਜੇਕਰ ਤੁਹਾਡੀ ਸਾਲਾਨਾ ਆਮਦਨ 7 ਲੱਖ ਰੁਪਏ ਹੈ ਅਤੇ ਤੁਸੀਂ ਇੱਕ ਸਾਲ 'ਚ 2 ਲੱਖ ਰੁਪਏ ਸਿੱਖਿਆ ਕਰਜ਼ੇ ਦੇ ਵਿਆਜ ਵਜੋਂ ਅਦਾ ਕੀਤੇ ਹਨ, ਤਾਂ ਤੁਹਾਡੀ ਆਮਦਨ ਸਿਰਫ 4.50 ਲੱਖ ਰੁਪਏ ਮੰਨੀ ਜਾਵੇਗੀ ਅਤੇ ਉਸ ਮੁਤਾਬਕ ਆਈ.ਟੀ.ਆਰ ਕਰਨਾ ਹੈ। ਇਸ ਮਾਮਲੇ 'ਚ ਤੁਹਾਡਾ ਟੈਕਸ ਜ਼ੀਰੋ ਹੋ ਜਾਵੇਗਾ।
ਦਾਨ ਕੀਤੀ ਰਕਮ 'ਤੇ ਛੋਟ
ਜੇਕਰ ਤੁਸੀਂ ਕਿਸੇ ਸੰਸਥਾ ਨੂੰ ਪੈਸਾ ਦਾਨ ਕਰਦੇ ਹੋ, ਤਾਂ ਤੁਸੀਂ ਆਮਦਨ ਕਰ ਦੀ ਧਾਰਾ 80G ਦੇ ਤਹਿਤ ਉਸ 'ਤੇ ਵੀ ਛੋਟ ਲੈ ਸਕਦੇ ਹੋ। ਦਸ ਦਈਏ ਕਿ ਸੰਸਥਾ ਅਤੇ ਕੁਝ ਖਾਸ ਹਾਲਾਤਾਂ 'ਤੇ ਨਿਰਭਰ ਕਰਦੇ ਹੋਏ, ਇਹ ਤੈਅ ਕੀਤਾ ਜਾਂਦਾ ਹੈ ਕਿ ਦਾਨ ਕੀਤੀ ਰਕਮ 'ਤੇ ਕਿੰਨੀ ਛੋਟ ਦਿੱਤੀ ਜਾਵੇਗੀ। ਕਿਉਂਕਿ ਦਾਨ ਕੀਤੀ ਰਕਮ 'ਤੇ ਇਹ ਛੋਟ 50 ਪ੍ਰਤੀਸ਼ਤ ਜਾਂ ਪੂਰੀ ਰਕਮ ਵੀ ਹੋ ਸਕਦੀ ਹੈ। ਇਸ ਦੌਰਾਨ ਇਹ ਧਿਆਨ 'ਚ ਰੱਖਣਾ ਹੋਵੇਗਾ ਕਿ ਜਿਸ ਸੰਸਥਾ ਨੂੰ ਪੈਸਾ ਦਾਨ ਕੀਤਾ ਜਾ ਰਿਹਾ ਹੈ, ਉਸ ਦਾ ਨਾਮ, ਪੈਨ ਨੰਬਰ ਅਤੇ ਪਤਾ ਵੀ ਜ਼ਰੂਰੀ ਹੋਵੇਗਾ। ਇਹ ਜਾਣਕਾਰੀ ITR ਫਾਈਲ ਕਰਦੇ ਸਮੇਂ ਦਿੱਤੀ ਗਈ ਹੈ।
ਇਹ ਵੀ ਪੜ੍ਹੋ: Explainer : ਕੀ ਹੁੰਦਾ ਹੈ ਕੰਗਾਰੂ ਕੋਰਟ ? ਜਾਣੋ ਇਸ ਕੋਰਟ ’ਚ ਕਿਵੇਂ ਹੁੰਦਾ ਹੈ ਟਰਾਇਲ ?
- PTC NEWS
