IBPS Clerk Exam 2024 : IBPS ਕਲਰਕ ਦੀਆਂ ਪ੍ਰੀਖਿਆਵਾਂ 'ਚ ਹੋਇਆ ਵਾਧਾ, ਜਾਣੋ ਨਵੀਂ ਤਰੀਕ

IBPS Clerk Exam 2024 : ਇੰਸਟੀਚਿਊਟ ਆਫ ਬੈਂਕਿੰਗ ਪਰਸੋਨਲ ਸਿਲੈਕਸ਼ਨ IBPS ਨੇ CRP ਕਲਰਕ XIV ਲਈ ਆਨਲਾਈਨ ਅਰਜ਼ੀ ਪ੍ਰਕਿਰਿਆ ਨੂੰ 28 ਜੁਲਾਈ ਤੱਕ ਵਧਾ ਦਿੱਤਾ ਹੈ, ਜੋ ਪਹਿਲਾਂ ਆਖਰੀ ਮਿਤੀ 21 ਜੁਲਾਈ ਸੀ। ਦਿਲਚਸਪੀ ਰੱਖਣ ਵਾਲੇ ਉਮੀਦਵਾਰ ਅਧਿਕਾਰਤ ਵੈੱਬਸਾਈਟ ibps.in 'ਤੇ ਜਾ ਕੇ ਅਰਜ਼ੀ ਦੇ ਸਕਦੇ ਹਨ। ਭਰਤੀ ਮੁਹਿੰਮ ਦਾ ਟੀਚਾ 6,128 ਅਸਾਮੀਆਂ ਨੂੰ ਭਰਨਾ ਹੈ। ਮਾਹਿਰਾਂ ਮੁਤਾਬਕ IBPS ਕਲਰਕ ਦੀਆਂ ਮੁਢਲੀਆਂ ਪ੍ਰੀਖਿਆਵਾਂ ਅਗਸਤ 'ਚ ਹੋਣਗੀਆਂ, ਅਤੇ ਮੁੱਖ ਪ੍ਰੀਖਿਆਵਾਂ ਅਕਤੂਬਰ 'ਚ ਹੋਣਗੀਆਂ।

IBPS ਕਲਰਕ ਦੀਆਂ ਪ੍ਰੀਖਿਆਵਾਂ ਲਈ ਅਰਜ਼ੀ ਦੇਣ ਦਾ ਤਰੀਕਾ

• ਸਭ ਤੋਂ ਪਹਿਲਾਂ ਅਧਿਕਾਰਤ ਵੈੱਬਸਾਈਟ ibps.in 'ਤੇ ਜਾਣਾ ਹੋਵੇਗਾ।
• ਫਿਰ ਹੋਮਪੇਜ 'ਤੇ ਤਾਜ਼ਾ ਅੱਪਡੇਟ 'ਚੋ "CRP - Clerks - XIV" ਦੇ ਵਿਕਲਪ ਨੂੰ ਚੁਣਨਾ ਹੋਵੇਗਾ।
• ਇਸ ਤੋਂ ਬਾਅਦ ਪੋਸਟਾਂ ਲਈ ਅਪਲਾਈ ਕਰਨ ਦੇ ਵਿਕਲਪ ਨੂੰ ਚੁਣਨਾ ਹੋਵੇਗਾ।
• ਅਪਲਾਈ ਕਰਨ ਦੇ ਵਿਕਲਪ ਨੂੰ ਚੁਣਨ ਤੋਂ ਬਾਅਦ ਲੌਗਇਨ ਪ੍ਰਮਾਣ ਪੱਤਰ ਪ੍ਰਾਪਤ ਲਈ ਇੱਕ ਖਾਤਾ ਬਣਾਉਣਾ ਹੋਵੇਗਾ।
• ਫਿਰ ਲੌਗ ਇਨ ਕਰਕੇ ਅਰਜ਼ੀ ਫਾਰਮ ਨੂੰ ਪੂਰਾ ਕਰਨਾ ਹੋਵੇਗਾ।
• ਇਸ ਤੋਂ ਬਾਅਦ ਲੋੜੀਂਦੇ ਸਕੈਨ ਕੀਤੇ ਦਸਤਾਵੇਜ਼ ਅੱਪਲੋਡ ਕਰਕੇ ਅਰਜ਼ੀ ਫੀਸ ਦਾ ਭੁਗਤਾਨ ਕਰਨਾ ਹੋਵੇਗਾ।
• ਅੰਤ 'ਚ ਭਵਿੱਖ ਦੇ ਹਵਾਲੇ ਲਈ ਪੁਸ਼ਟੀ ਦਸਤਾਵੇਜ਼ ਨੂੰ ਡਾਉਨਲੋਡ ਕਰੋ।

ਉਮਰ ਸੀਮਾ

ਉਮੀਦਵਾਰਾਂ ਦੀ ਉਮਰ 1 ਜੁਲਾਈ, 2024 ਤੱਕ 20 ਅਤੇ 28 ਸਾਲ ਦੇ ਵਿਚਕਾਰ ਹੋਣੀ ਚਾਹੀਦੀ ਹੈ, ਭਾਵ ਉਨ੍ਹਾਂ ਦਾ ਜਨਮ 2 ਜੁਲਾਈ, 1996 ਅਤੇ 1 ਜੁਲਾਈ, 2004 ਦੇ ਵਿਚਕਾਰ ਹੋਣਾ ਚਾਹੀਦਾ ਹੈ।

ਅਰਜ਼ੀ ਦੀ ਫੀਸ

ਜਨਰਲ ਸ਼੍ਰੇਣੀ: 850 ਰੁਪਏ (ਜੀਐਸਟੀ ਸਮੇਤ) 

SC, ST, PWBD, ESM, ਅਤੇ DESM ਸ਼੍ਰੇਣੀਆਂ : 175 ਰੁਪਏ

ਉਮੀਦਵਾਰ ਅਧਿਕਾਰਤ ਵੈੱਬਸਾਈਟ 'ਤੇ ਹਰੇਕ ਰਾਜ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ ਲਈ ਭਾਗ ਲੈਣ ਵਾਲੇ ਬੈਂਕਾਂ 'ਚ ਨੌਕਰੀ ਦੀਆਂ ਅਸਾਮੀਆਂ ਲੱਭ ਸਕਦੇ ਹਨ। ਉਨ੍ਹਾਂ ਨੂੰ ਧਿਆਨ ਦੇਣਾ ਚਾਹੀਦਾ ਹੈ ਕਿ ਅਰਜ਼ੀਆਂ ਸਿਰਫ਼ ਇੱਕ ਰਾਜ ਜਾਂ ਕੇਂਦਰ ਸ਼ਾਸਿਤ ਪ੍ਰਦੇਸ਼ 'ਚ ਅਹੁਦਿਆਂ ਲਈ ਦਿੱਤੀਆਂ ਜਾ ਸਕਦੀਆਂ ਹਨ।

ਪ੍ਰੀਖਿਆ ਪੈਟਰਨ : ਕਲਰਕ ਲਈ IBPS ਮੁਢਲੀਆਂ ਪ੍ਰੀਖਿਆ 'ਚ ਅੰਗਰੇਜ਼ੀ ਭਾਸ਼ਾ, ਸੰਖਿਆਤਮਕ ਯੋਗਤਾ, ਅਤੇ ਤਰਕ ਯੋਗਤਾ ਦੇ ਭਾਗ ਸ਼ਾਮਲ ਹੁੰਦੇ ਹਨ, ਜਿਸ 'ਚ 100 ਅੰਕਾਂ ਦੇ 100 ਪ੍ਰਸ਼ਨ ਹੁੰਦੇ ਹਨ। IBPS ਮੁੱਖ ਪ੍ਰੀਖਿਆ 2024, ਅਕਤੂਬਰ ਲਈ ਨਿਯਤ ਕੀਤੀ ਗਈ, 160 ਮਿੰਟ ਚੱਲੇਗੀ ਅਤੇ 200 ਅੰਕਾਂ ਦੀ ਹੋਵੇਗੀ।

- PTC NEWS

Join Whatsapp Channel