60 ਸਾਲ ਤੋਂ ਬਾਅਦ ਵੀ ਸੌਖਾ ਮਿਲੇਗਾ ਲੋਨ, ਬਸ ਇਨ੍ਹਾਂ ਕੁੱਝ ਗੱਲਾਂ ਦਾ ਰੱਖੋ ਧਿਆਨ
Senior Citizen Loan: ਹਰ ਬੈਂਕ ਸੀਨੀਅਰ ਨਾਗਰਿਕਾਂ (loan for senior citizen) ਨੂੰ ਹੋਮ ਲੋਨ ਦੇਣ ਤੋਂ ਬਚਦੇ ਹਨ। ਕਿਉਂਕਿ ਬੈਂਕ ਇਹ ਮਹਿਸੂਸ ਕਰਦੇ ਹਨ ਕਿ ਬਜ਼ੁਰਗ ਨਾਗਰਿਕਾਂ ਕੋਲ ਸੇਵਾਮੁਕਤੀ ਤੋਂ ਬਾਅਦ ਆਮਦਨ ਦਾ ਕੋਈ ਠੋਸ ਸਰੋਤ ਨਹੀਂ ਹੈ। ਨਾਲ ਹੀ ਉਨ੍ਹਾਂ ਨੂੰ ਸਿਹਤ ਸਬੰਧੀ ਸਮੱਸਿਆਵਾਂ ਦਾ ਵੀ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਸਤੋਂ ਇਲਾਵਾ ਅਚਾਨਕ ਕੋਈ ਅਣਸੁਖਾਵੀਂ ਘਟਨਾ ਵਾਪਰਨ ਨਾਲ ਉਨ੍ਹਾਂ ਦਾ ਕਰਜ਼ਾ ਫਸ ਸਕਦਾ ਹੈ। ਵੈਸੇ ਤਾਂ ਅਜਿਹਾ ਨਹੀਂ ਹੈ ਕਿ ਬੈਂਕ ਹਮੇਸ਼ਾ ਸੇਵਾਮੁਕਤ ਅਤੇ ਬਜ਼ੁਰਗ ਨਾਗਰਿਕਾਂ ਨੂੰ ਕਰਜ਼ਾ ਦੇਣ ਤੋਂ ਗੁਰੇਜ਼ ਕਰਦੇ ਹਨ। ਜੇਕਰ ਸੀਨੀਅਰ ਨਾਗਰਿਕ ਕੁਝ ਗੱਲਾਂ ਦਾ ਧਿਆਨ ਰੱਖਣ ਤਾਂ ਉਨ੍ਹਾਂ ਨੂੰ ਵੀ ਕਰਜ਼ਾ ਮਿਲ ਸਕਦਾ ਹੈ।
ਜੋਖਮ ਨੂੰ ਘਟਾਉਣ 'ਤੇ ਧਿਆਨ ਦੇਣਾ ਹੋਵੇਗਾ: ਜੇਕਰ ਤੁਸੀਂ ਸਾਂਝਾ ਲੋਨ ਲੈਂਦੇ ਹੋ, ਤਾਂ ਇਹ ਬੈਂਕ ਦੇ ਜੋਖਮ ਨੂੰ ਘਟਾਉਂਦਾ ਹੈ। ਅਜਿਹੇ 'ਚ ਲੋਨ ਮਨਜ਼ੂਰ ਹੋਣ ਦੀ ਸੰਭਾਵਨਾ ਵੀ ਵੱਧ ਜਾਂਦੀ ਹੈ। ਦਸ ਦਈਏ ਕਿ ਜੇਕਰ ਤੁਹਾਡੇ ਬੇਟੇ ਦੀ ਤਨਖਾਹ ਚੰਗੀ ਹੈ, ਤਾਂ ਤੁਸੀਂ ਉਸ ਨੂੰ ਸਹਿ-ਬਿਨੈਕਾਰ ਬਣਾ ਸਕਦੇ ਹੋ।
ਸੁਰੱਖਿਅਤ ਕਰਜ਼ਾ ਜਲਦੀ ਹੀ ਮਨਜ਼ੂਰ ਹੋ ਜਾਵੇਗਾ: ਦਸ ਦਈਏ ਕਿ ਤੁਸੀਂ ਜਾਇਦਾਦ, ਸੋਨਾ, ਐਫ.ਡੀ., ਸਟਾਕ ਜਾਂ ਮਿਉਚੁਅਲ ਫੰਡ ਵਰਗੀਆਂ ਜਾਇਦਾਦਾਂ ਦੇ ਵਿਰੁੱਧ ਕਰਜ਼ਾ ਲੈ ਸਕਦੇ ਹੋ। ਕਿਉਂਕਿ ਸੰਪਤੀ ਦੇ ਵਿਰੁੱਧ ਲਿਆ ਕਰਜ਼ਾ ਸੁਰੱਖਿਅਤ ਹੁੰਦਾ ਹੈ। ਇਸ 'ਚ ਬੈਂਕਾਂ ਕੋਲ ਕਿਸੇ ਵੀ ਗੜਬੜੀ ਦੀ ਸਥਿਤੀ 'ਚ ਬੈਂਕ ਦੀ ਜਾਇਦਾਦ ਵੇਚ ਕੇ ਆਪਣੇ ਕਰਜ਼ੇ ਦੀ ਵਸੂਲੀ ਕਰਨ ਦੀ ਗੁੰਜਾਇਸ਼ ਹੈ। ਅਜਿਹੇ 'ਚ ਕਰਜ਼ਾ ਆਸਾਨੀ ਨਾਲ ਮਨਜ਼ੂਰ ਹੋ ਜਾਂਦਾ ਹੈ। ਨਾਲ ਹੀ ਜੇਕਰ ਤੁਹਾਡਾ ਕ੍ਰੈਡਿਟ ਸਕੋਰ ਚੰਗਾ ਹੈ, ਤਾਂ ਚੀਜ਼ਾਂ ਆਸਾਨ ਹੋ ਜਾਣਗੀਆਂ।
ਕਰਜ਼ੇ ਦੀ ਮਿਆਦ ਛੋਟੀ ਰੱਖੋ: ਕਰਜ਼ਾ ਲੈਣ ਵੇਲੇ ਬਜ਼ੁਰਗਾਂ ਲਈ ਸਭ ਤੋਂ ਵੱਡੀ ਸਮੱਸਿਆ ਉਨ੍ਹਾਂ ਦੀ ਉਮਰ ਹੈ। ਕਿਉਂਕਿ ਬੈਂਕਾਂ ਨੂੰ ਲੱਗਦਾ ਹੈ ਕਿ ਕਿਸੇ ਅਣਸੁਖਾਵੀਂ ਘਟਨਾ ਦੀ ਸਥਿਤੀ 'ਚ ਉਨ੍ਹਾਂ ਦਾ ਕਰਜ਼ਾ ਫਸ ਜਾਵੇਗਾ। ਅਜਿਹੇ 'ਚ ਤੁਹਾਨੂੰ ਲੋਨ ਦੀ ਅਦਾਇਗੀ ਦੀ ਮਿਆਦ ਨੂੰ ਜਿੰਨਾ ਸੰਭਵ ਹੋ ਸਕੇ, ਛੋਟਾ ਰੱਖਣਾ ਚਾਹੀਦਾ ਹੈ। ਉੱਚ ਡਾਊਨਪੇਮੈਂਟ ਕਰਨਾ ਵੀ ਇੱਕ ਵਿਕਲਪ ਹੋ ਸਕਦਾ ਹੈ।
ਦਸ ਦਈਏ ਕਿ ਬੈਂਕਾਂ ਦੀ ਸ਼ਰਤ ਮੁਤਾਬਕ ਉਨ੍ਹਾਂ ਦਾ ਕਰਜ਼ਾ 75 ਸਾਲ ਦੀ ਉਮਰ ਤੋਂ ਪਹਿਲਾਂ ਪੂਰਾ ਹੋਣਾ ਚਾਹੀਦਾ ਹੈ। ਭਾਵ ਜੇਕਰ ਤੁਸੀਂ 70 ਸਾਲ ਦੀ ਉਮਰ 'ਚ ਕਰਜ਼ਾ ਲੈਂਦੇ ਹੋ ਤਾਂ ਉਸ ਨੂੰ ਚੁਕਾਉਣ ਲਈ ਤੁਹਾਡੇ ਕੋਲ ਸਿਰਫ 5 ਸਾਲ ਹੀ ਹੋਣਗੇ।
ਤੁਸੀਂ NBFC ਤੋਂ ਵੀ ਲੋਨ ਲੈ ਸਕਦੇ ਹੋ: ਜੇਕਰ ਇੱਕ ਸੀਨੀਅਰ ਨਾਗਰਿਕ ਹੋਣ ਦੇ ਨਾਤੇ, ਤੁਹਾਨੂੰ ਬੈਂਕ ਤੋਂ ਲੋਨ ਲੈਣ 'ਚ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਤਾਂ ਤੁਸੀਂ NBFC ਕੋਲ ਵੀ ਜਾ ਸਕਦੇ ਹੋ। ਦਸ ਦਈਏ ਕਿ ਚਾਹੇ ਤੁਹਾਡਾ ਕ੍ਰੈਡਿਟ ਸਕੋਰ ਘੱਟ ਹੈ ਅਤੇ ਤੁਹਾਡੀ ਉਮਰ ਜ਼ਿਆਦਾ ਹੈ, ਫਿਰ ਵੀ NBFCs ਲੋਨ ਦਿੰਦੇ ਹਨ। ਪਰ ਉਹ ਬੈਂਕਾਂ ਨਾਲੋਂ ਵੱਧ ਵਿਆਜ਼ ਲੈਂਦੇ ਹਨ।
-
