HSSC Constable Recruitment : ਹਰਿਆਣਾ 'ਚ ਪੁਲਿਸ ਭਰਤੀ ਲਈ ਅਰਜ਼ੀ ਦੀ ਆਖ਼ਰੀ ਤਰੀਕ ਵਧੀ, ਹੁਣ ਇਸ ਤਰੀਕ ਤੱਕ ਕਰ ਸਕਦੇ ਹੋ ਅਪਲਾਈ
HSSC Constable Recruitment : ਹਰਿਆਣਾ ਪੁਲਿਸ ਵਿੱਚ ਕਾਂਸਟੇਬਲ ਜੀਡੀ ਅਤੇ ਕਾਂਸਟੇਬਲ ਇੰਡੀਆ ਰਿਜ਼ਰਵ ਬਟਾਲੀਅਨ ਅਤੇ ਕਾਂਸਟੇਬਲ ਮਾਉਂਟੇਨ ਦੀਆਂ 5666 ਅਸਾਮੀਆਂ ਲਈ ਭਰਤੀ ਲਈ ਅਰਜ਼ੀ ਦੀ ਆਖਰੀ ਮਿਤੀ ਵਧਾ ਦਿੱਤੀ ਗਈ ਹੈ। ਹੁਣ ਤੁਸੀਂ 1 ਅਕਤੂਬਰ ਨੂੰ ਸ਼ਾਮ 5 ਵਜੇ ਤੱਕ hssc.gov.in 'ਤੇ ਜਾ ਕੇ ਇਸ ਬੰਪਰ ਭਰਤੀ ਲਈ ਅਪਲਾਈ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ ਜਿਹੜੇ ਲੋਕ ਪਹਿਲਾਂ ਹੀ ਅਪਲਾਈ ਕਰ ਚੁੱਕੇ ਹਨ, ਉਹ 1 ਅਕਤੂਬਰ ਸ਼ਾਮ 5 ਵਜੇ ਤੱਕ ਫਾਰਮ ਵਿੱਚ ਸੁਧਾਰ ਕਰ ਸਕਦੇ ਹਨ। ਪਹਿਲੀ ਅਰਜ਼ੀ ਲਈ 24 ਸਤੰਬਰ ਤੱਕ ਦਾ ਸਮਾਂ ਦਿੱਤਾ ਗਿਆ ਸੀ।
ਦੱਸ ਦਈਏ ਕਿ ਸਿਰਫ਼ CET ਪਾਸ ਉਮੀਦਵਾਰ ਹੀ ਹਰਿਆਣਾ ਪੁਲਿਸ ਕਾਂਸਟੇਬਲ ਭਰਤੀ ਫਾਰਮ ਭਰ ਸਕਦੇ ਹਨ। ਖਾਲੀ ਅਸਾਮੀਆਂ ਵਿੱਚੋਂ, 4000 ਅਸਾਮੀਆਂ ਪੁਰਸ਼ ਜੀਡੀ ਕਾਂਸਟੇਬਲ ਲਈ ਹਨ ਅਤੇ 600 ਮਹਿਲਾ ਜੀਡੀ ਕਾਂਸਟੇਬਲ ਲਈ ਹਨ। ਇੰਡੀਆ ਰਿਜ਼ਰਵ ਬਟਾਲੀਅਨ ਲਈ 1000 ਅਸਾਮੀਆਂ ਹਨ ਜੋ ਸਿਰਫ ਪੁਰਸ਼ਾਂ ਲਈ ਹਨ। ਇਹ ਭਰਤੀ ਇਸ਼ਤਿਹਾਰ ਨੰਬਰ 14/2024 ਦੇ ਅਧੀਨ ਹਨ। ਪੁਲਿਸ ਕਾਂਸਟੇਬਲ ਦੀਆਂ 5600 ਨਵੀਆਂ ਅਸਾਮੀਆਂ ਤੋਂ ਇਲਾਵਾ, ਮਾਊਂਟਡ ਆਰਮਡ ਫੋਰਸਿਜ਼ (ਇਸ਼ਤਿਹਾਰ ਨੰ. 15/2024) ਲਈ 66 ਅਸਾਮੀਆਂ ਹਨ। ਇਹ ਭਰਤੀ ਪੁਰਸ਼ ਉਮੀਦਵਾਰਾਂ ਲਈ ਹੈ।
ਅਹੁਦੇ ਦੇ ਵੇਰਵੇ
ਪੁਰਸ਼ ਕਾਂਸਟੇਬਲ (ਜਨਰਲ ਡਿਊਟੀ) ਦੀਆਂ 4000 ਅਸਾਮੀਆਂ।
(ਗੈਰ-ਈਐਸਐਮ ਈਐਸਪੀ : ਜਨਰਲ=1440, ਐਸਸੀ=720, ਬੀਸੀਏ=560, ਬੀਸੀਬੀ=320, ਈਡਬਲਿਊਐਸ=400, ਈਐਸਐਮ-ਜਨਰਲ=280, ਈਐਸਐਮ-ਐਸਸੀ=80, ਈਐਸਐਮ-ਬੀਸੀਏ=80, ਈਐਸਐਮ-ਬੀਸੀਬੀ=120)
ਫੀਮੇਲ ਕਾਂਸਟੇਬਲ (ਜਨਰਲ ਡਿਊਟੀ) ਦੀਆਂ 600 ਅਸਾਮੀਆਂ।
(ਗੈਰ-ਈਐਸਐਮ ਈਐਸਪੀ: ਜਨਰਲ=258, ਐਸਸੀ=108, ਬੀਸੀਏ=84, ਬੀਸੀਬੀ=48, ਈਡਬਲਿਊਐਸ=18, ਈਐਸਐਮ-ਜਨਰਲ=42, ਈਐਸਐਮ-ਐਸਸੀ=12, ਈਐਸਐਮ-ਬੀਸੀਏ=12, ਈਐਸਐਮ-ਬੀਸੀਬੀ=18)
ਪੁਰਸ਼ ਕਾਂਸਟੇਬਲ (ਇੰਡੀਆ ਰਿਜ਼ਰਵ ਬਟਾਲੀਅਨ) ਦੀਆਂ 1000 ਅਸਾਮੀਆਂ
(ਗੈਰ-ਈਐਸਐਮ ਈਐਸਪੀ: ਜਨਰਲ=360, ਐਸਸੀ=180,ਬੀਸੀਏ=140, ਬੀਸੀਬੀ=80, ਈਡਬਲਿਊਐਸ=100, ਈਐਸਐਮ-ਜਨਰਲ=70, ਈਐਸਐਮ-ਐਸਸੀ=20, ਈਐਸਐਮ-ਬੀਸੀਏ=20, ਈਐਸਐਮ-ਬੀਸੀਬੀ=30)
ਯੋਗਤਾ- 12ਵੀਂ ਪਾਸ। 10ਵੀਂ ਵਿੱਚ ਹਿੰਦੀ ਜਾਂ ਸੰਸਕ੍ਰਿਤ ਦੇ ਕਿਸੇ ਇੱਕ ਵਿਸ਼ੇ ਦਾ ਅਧਿਐਨ ਕੀਤਾ ਹੋਣਾ ਚਾਹੀਦਾ ਹੈ।
ਉਮਰ ਸੀਮਾ - ਉਮੀਦਵਾਰਾਂ ਦੀ ਉਮਰ 1 ਸਤੰਬਰ 2024 ਨੂੰ 18 ਸਾਲ ਤੋਂ ਘੱਟ ਅਤੇ 25 ਸਾਲ ਤੋਂ ਵੱਧ ਨਹੀਂ ਹੋਣੀ ਚਾਹੀਦੀ।
ਰਾਖਵੀਆਂ ਸ਼੍ਰੇਣੀਆਂ ਦੇ ਉਮੀਦਵਾਰ ਜੋ ਹਰਿਆਣਾ ਦੇ ਮੂਲ ਨਿਵਾਸੀ ਹਨ, ਨੂੰ ਰਾਜ ਸਰਕਾਰ ਦੇ ਨਿਯਮਾਂ ਅਨੁਸਾਰ ਉਪਰਲੀ ਉਮਰ ਸੀਮਾ ਵਿੱਚ ਛੋਟ ਦਿੱਤੀ ਜਾਵੇਗੀ। ਈਡਬਲਿਊਐਸ, ਐਸਸੀ, ਬੈਕਵਰਡ ਕਲਾਸ ਲਈ ਵੱਧ ਤੋਂ ਵੱਧ ਉਮਰ ਸੀਮਾ ਵਿੱਚ ਪੰਜ ਸਾਲ ਦੀ ਛੋਟ ਹੋਵੇਗੀ।
ਚੋਣ ਪ੍ਰਕਿਰਿਆ - ਉਮੀਦਵਾਰਾਂ ਨੂੰ ਸੀਈਟੀ ਦੇ ਆਧਾਰ 'ਤੇ ਸਰੀਰਕ ਟੈਸਟ ਲਈ ਸ਼ਾਰਟਲਿਸਟ ਕੀਤਾ ਜਾਵੇਗਾ। ਫਿਰ ਉਮੀਦਵਾਰਾਂ ਨੂੰ ਆਮ ਯੋਗਤਾ ਟੈਸਟ (ਗਿਆਨ ਪ੍ਰੀਖਿਆ) ਲਈ ਬੁਲਾਇਆ ਜਾਵੇਗਾ। ਗਿਆਨ ਪ੍ਰੀਖਿਆ ਨੂੰ 94.5 ਪ੍ਰਤੀਸ਼ਤ ਵੇਟੇਜ ਦਿੱਤਾ ਜਾਵੇਗਾ। ਜਿਨ੍ਹਾਂ ਕੋਲ ਐਨਸੀਸੀ ਸਰਟੀਫਿਕੇਟ ਹੈ, ਉਨ੍ਹਾਂ ਨੂੰ 3 ਅੰਕ ਵਾਧੂ ਮਿਲਣਗੇ।
ਇਹ ਵੀ ਪੜ੍ਹੋ : PM Kisan 18th Installment: ਕਿਸਾਨਾਂ ਨੂੰ ਮਿਲੇਗਾ ਨਵਰਾਤਰੀ ਦਾ ਤੋਹਫਾ, ਇਸ ਤਰੀਕ 'ਤੇ ਖਾਤੇ 'ਚ ਆਉਣਗੇ ਪੈਸੇ
- PTC NEWS
