Selfie Craze : ਕੁੜੀ ਨੂੰ ਸੈਲਫੀ ਲੈਣਾ ਪਿਆ ਮਹਿੰਗਾ, 100 ਫੁੱਟ ਡੂੰਘੀ ਖਾਈ 'ਚ ਡਿੱਗੀ, ਦੇਖੋ ਵੀਡੀਓ
Maharashtra News : ਮਹਾਰਾਸ਼ਟਰ ਦੇ ਸਤਾਰਾ ਜ਼ਿਲ੍ਹੇ 'ਚ ਸੈਲਫੀ ਲੈਂਦੇ ਸਮੇਂ ਇੱਕ ਲੜਕੀ 100 ਫੁੱਟ ਡੂੰਘੀ ਖਾਈ 'ਚ ਡਿੱਗ ਗਈ। ਜਦੋਂ ਲੋਕਾਂ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਤੁਰੰਤ ਹੋਮਗਾਰਡ ਦੇ ਨਾਲ ਬਚਾਅ ਕਾਰਜ ਸ਼ੁਰੂ ਕੀਤਾ ਗਿਆ ਅਤੇ ਕਈ ਘੰਟਿਆਂ ਦੀ ਮਿਹਨਤ ਤੋਂ ਬਾਅਦ ਕਿਸੇ ਤਰ੍ਹਾਂ ਰੱਸੀ ਦੀ ਮਦਦ ਨਾਲ ਲੜਕੀ ਦੀ ਜਾਨ ਬਚਾ ਲਈ ਗਈ। ਹਾਲਾਂਕਿ ਉਸ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ।
ਵੀਡੀਓ ਆਈ ਸਾਹਮਣੇ
ਕੁੜੀ ਦੇ ਬਚਾਅ ਕਾਰਜ ਦਾ ਇੱਕ ਵੀਡੀਓ ਵੀ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਲੜਕੀ ਨੂੰ ਰੱਸੀ ਦੀ ਵਰਤੋਂ ਕਰਕੇ ਬਚਾਇਆ ਜਾ ਰਿਹਾ ਹੈ। ਲੜਕੀ ਚੀਕਾਂ ਮਾਰ ਰਹੀ ਹੈ। ਜਾਣਕਾਰੀ ਮੁਤਾਬਕ ਲੜਕੀ ਮੌਨਸੂਨ ਦਾ ਆਨੰਦ ਲੈਣ ਲਈ ਝਰਨਾ ਦੇਖਣ ਆਈ ਸੀ। ਸੈਰ-ਸਪਾਟਾ ਸਥਾਨਾਂ ਦੇ ਬੰਦ ਹੋਣ ਦੇ ਬਾਵਜੂਦ ਬਹੁਤ ਸਾਰੇ ਉਤਸ਼ਾਹੀ ਸੈਲਾਨੀ ਇੱਥੇ ਜਾ ਰਹੇ ਹਨ।
ਸ਼ਨੀਵਾਰ ਨੂੰ ਪੁਣੇ ਦੇ ਕੁਝ ਲੋਕ ਥੋਨੇਘਰ ਝਰਨਾ ਦੇਖਣ ਗਏ ਸਨ, ਜਿੱਥੇ ਬੋਰਨ ਘਾਟ 'ਤੇ ਸੈਲਫੀ ਲੈਂਦੇ ਸਮੇਂ ਨਸਰੀਨ ਆਮਿਰ ਕੁਰੈਸ਼ੀ (21) ਨਾਂ ਦੀ ਲੜਕੀ 100 ਫੁੱਟ ਡੂੰਘੇ ਘਾਟ 'ਚ ਡਿੱਗ ਗਈ। ਹੋਮ ਗਾਰਡ ਅਤੇ ਸਥਾਨਕ ਲੋਕਾਂ ਦੀ ਮਦਦ ਨਾਲ ਲੜਕੀ ਨੂੰ ਬਚਾਇਆ ਗਿਆ ਅਤੇ ਉਸ ਨੂੰ ਇਲਾਜ ਲਈ ਸਤਾਰਾ ਦੇ ਇੱਕ ਨਿੱਜੀ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ ਹੈ। ਸਤਾਰਾ 'ਚ ਜ਼ਿਆਦਾ ਬਰਸਾਤ ਕਾਰਨ ਡੀਐੱਮ ਨੇ 2 ਤੋਂ 4 ਅਗਸਤ ਤੱਕ ਸੈਰ-ਸਪਾਟਾ ਸਥਾਨਾਂ ਅਤੇ ਥਾਵਾਂ ਨੂੰ ਬੰਦ ਰੱਖਣ ਦੇ ਹੁਕਮ ਦਿੱਤੇ ਸਨ, ਪਰ ਕੁਝ ਸੈਲਾਨੀ ਇੱਥੇ ਪਹੁੰਚ ਕੇ ਆਪਣੀ ਜਾਨ ਖਤਰੇ 'ਚ ਪਾ ਰਹੇ ਹਨ।
ਇਹ ਵੀ ਪੜ੍ਹੋ: Jalandhar News : ਛਾਪਾ ਮਾਰਨ ਆਈ ਪੁਲਿਸ ਨੂੰ ਦੇਖ ਭੱਜਿਆ ਨੌਜਵਾਨ, ਤੀਜੀ ਮੰਜ਼ਿਲ ਤੋਂ ਮਾਰੀ ਛਾਲ
- PTC NEWS
