Ghibli Studio Art : ਜਿਬਲੀ ਆਰਟ ਵਾਲੇ ਸਾਵਧਾਨ ! Chandigarh Police ਨੇ ਡਾਟਾ ਪ੍ਰਾਈਵੇਸੀ ਨੂੰ ਲੈ ਕੇ ਜਾਰੀ ਕੀਤੀ ਅਡਵਾਈਜ਼ਰੀ

ਚੰਡੀਗੜ੍ਹ ਦੇ ਸਾਇਬਰ ਕਰਾਈਮ ਪੁਲਿਸ ਸਟੇਸ਼ਨ ਨੇ Studio Ghibli ਦੀ ਕਲਾ ਨਾਲ ਜੁੜੇ ਆਨਲਾਈਨ ਠੱਗੀ ਅਤੇ ਡਾਟਾ ਚੋਰੀ ਬਾਰੇ ਇੱਕ ਮਹੱਤਵਪੂਰਨ ਚੇਤਾਵਨੀ ਜਾਰੀ ਕੀਤੀ ਹੈ। ਪੁਲਿਸ ਅਨੁਸਾਰ, ਸਾਇਬਰ ਅਪਰਾਧੀ Studio Ghibli ਦੀ ਲੋਕਪ੍ਰਿਯਤਾ ਦਾ ਗਲਤ ਫਾਇਦਾ ਉਠਾ ਰਹੇ ਹਨ, ਅਤੇ ਲੋਕਾਂ ਨੂੰ ਠੱਗਣ ਲਈ ਨਵੀਆਂ ਤਕਨੀਕਾਂ ਵਰਤ ਰਹੇ ਹਨ।

Studio Ghibli ਫੈਨਜ਼ ਲਈ ਮੁੱਖ ਸਾਇਬਰ ਖਤਰੇ - ਪੁਲਿਸ ਨੇ ਚਿਤਾਵਨੀ ਦਿੱਤੀ ਹੈ ਕਿ ਸਾਇਬਰ ਅਪਰਾਧੀ ਲੋਕਾਂ ਨੂੰ ਠੱਗਣ ਲਈ ਨਕਲੀ ਵੈੱਬਸਾਈਟਾਂ, ਝੂਠੇ ਈਮੇਲ, ਮੈਲਵੇਅਰ-ਭਰੇ ਡਾਊਨਲੋਡ, ਅਤੇ ਫ਼ਰਜ਼ੀ ਸੋਸ਼ਲ ਮੀਡੀਆ ਪ੍ਰੋਫਾਈਲਾਂ ਵਰਤ ਰਹੇ ਹਨ।

Chandigarh Police Advisory (Copy) for Studio Ghibli

ਨਕਲੀ ਵੈੱਬਸਾਈਟਾਂ ਰਾਹੀਂ ਠੱਗੀ

ਕਈ ਠੱਗ ਨਕਲੀ ਈ-ਕਾਮਰਸ ਵੈੱਬਸਾਈਟਾਂ ਬਣਾਕੇ Studio Ghibli ਦੇ ਕਲੈਕਸ਼ਨ ਆਈਟਮ ਅਤੇ ਆਰਟਵਰਕ ਵੇਚਣ ਦਾ ਝੂਠਾ ਦਾਅਵਾ ਕਰ ਰਹੇ ਹਨ। ਲੋਕ ਪੈਸੇ ਦੇਣ ਤੋਂ ਬਾਅਦ ਜਾਂ ਨਕਲੀ ਸਮਾਨ ਮਿਲਦਾ ਹੈ ਜਾਂ ਵੈੱਬਸਾਈਟ ਹੀ ਗਾਇਬ ਹੋ ਜਾਂਦੀ ਹੈ। ਪੁਲਿਸ ਨੇ ਕਿਹਾ ਹੈ ਕਿ ਕਿਸੇ ਵੀ ਵੈੱਬਸਾਈਟ ਤੋਂ ਖਰੀਦਣ ਤੋਂ ਪਹਿਲਾਂ ਉਸਦੀ ਪ੍ਰਮਾਣਿਕਤਾ ਚੈੱਕ ਕਰੋ।

ਝੂਠੇ ਈਮੇਲ ਹਮਲੇ

ਸਾਇਬਰ ਅਪਰਾਧੀ Studio Ghibli ਦੇ ਆਧਿਕਾਰਿਕ ਹੋਣ ਦਾ ਨਕਲ ਕਰਕੇ ਈਮੇਲ ਭੇਜ ਰਹੇ ਹਨ। ਇਹ ਈਮੇਲ "ਆਧਿਕਾਰਿਕ ਅੱਪਡੇਟ" ਜਾਂ "ਖ਼ਾਸ ਆਫ਼ਰ" ਦੇ ਨਾਂ 'ਤੇ ਨੁਕਸਾਨਦੇਹ ਲਿੰਕ ਭੇਜਦੇ ਹਨ, ਜੋ ਕਿ ਖੋਲ੍ਹਣ 'ਤੇ ਤੁਹਾਡਾ ਡਾਟਾ ਚੋਰੀ ਕਰ ਸਕਦੇ ਹਨ।

ਫ਼ਰਜ਼ੀ ਥੀਮ ਅਤੇ ਠੱਗੀ

ਕਈ ਠੱਗ Studio Ghibli-ਥੀਮ ਵਾਲੇ ਫ਼ਰਜ਼ੀ ਮੁਕਾਬਲੇ ਅਤੇ ਗਿਵਅਵੇਅਜ਼ ਕਰ ਰਹੇ ਹਨ, ਜਿਸ ਵਿੱਚ ਉਪਭੋਗਤਾਵਾਂ ਤੋਂ ਵਿਅਕਤੀਗਤ ਜਾਣਕਾਰੀ ਮੰਗੀ ਜਾਂਦੀ ਹੈ। ਇਹ ਜਾਣਕਾਰੀ ਫਾਇਨੈਂਸ਼ਲ ਠੱਗੀ ਅਤੇ ਆਈਡੈਂਟੀਟੀ ਥੈਫ਼ਟ ਲਈ ਵਰਤੀ ਜਾ ਸਕਦੀ ਹੈ।

ਮੈਲਵੇਅਰ-ਭਰੇ Ghibli-ਥੀਮ ਵਾਲੇ ਡਾਊਨਲੋਡ

ਕਈ ਠੱਗ Ghibli ਵਾਲਪੇਪਰ, ਆਰਟ ਪੈਕ, ਅਤੇ ਹੋਰ ਡਿਜ਼ੀਟਲ ਸਮੱਗਰੀ ਵਿੱਚ ਮੈਲਵੇਅਰ ਲੁਕਾ ਕੇ ਰੱਖ ਰਹੇ ਹਨ। ਜਦ ਉਪਭੋਗਤਾ ਇਹ ਡਾਊਨਲੋਡ ਕਰਦੇ ਹਨ, ਤਾਂ ਉਹਨਾਂ ਦੇ ਡਿਵਾਈਸ ‘ਚ ਰੈਨਸਮਵੇਅਰ ਜਾਂ ਸਪਾਈਵੇਅਰ ਆ ਸਕਦਾ ਹੈ, ਜੋ ਡਾਟਾ ਚੋਰੀ ਕਰ ਸਕਦਾ ਹੈ ਜਾਂ ਸਿਸਟਮ ਲੌਕ ਕਰ ਸਕਦਾ ਹੈ।

ਫ਼ਰਜ਼ੀ ਸੋਸ਼ਲ ਮੀਡੀਆ ਪ੍ਰੋਫਾਈਲਾਂ

ਕਈ ਸੋਸ਼ਲ ਮੀਡੀਆ 'ਤੇ ਨਕਲੀ Ghibli-ਫੈਨ ਆਰਟਿਸਟ ਬਣਕੇ ਲੋਕਾਂ ਨੂੰ ਠੱਗ ਰਹੇ ਹਨ। ਉਹ ਲੋਕਾਂ ਨੂੰ ਕਸਟਮ ਆਰਟਵਰਕ ਵੇਚਣ ਦੇ ਭਾਣੇ ਲਿੰਕ ਖੋਲ੍ਹਣ ਲਈ ਕਹਿੰਦੇ ਹਨ, ਜੋ ਕਿ ਉਨ੍ਹਾਂ ਦੀ ਨਿੱਜੀ ਜਾਣਕਾਰੀ ਨੂੰ ਖ਼ਤਰੇ ਵਿੱਚ ਪਾ ਸਕਦੇ ਹਨ।

AI-ਅਧਾਰਿਤ ਐਪਸ ਰਾਹੀਂ ਡਾਟਾ ਚੋਰੀ

ਪੁਲਿਸ ਨੇ ਇਹ ਵੀ ਚੇਤਾਵਨੀ ਦਿੱਤੀ ਹੈ ਕਿ ਕੁਝ AI-ਅਧਾਰਿਤ ਐਪਸ ਉਪਭੋਗਤਾਵਾਂ ਦੀਆਂ ਤਸਵੀਰਾਂ ਤੇ ਕੈਮਰਾ ਐਕਸੈੱਸ ਲੈ ਰਹੀਆਂ ਹਨ। ਇਹ ਐਪਸ ਚਿਹਰਾ ਸਬੰਧੀ ਜਾਣਕਾਰੀ ਇਕੱਠੀ ਕਰਦੀਆਂ ਹਨ, ਜੋ ਕਿ ਇੱਕ ਵਾਰ ਚੋਰੀ ਹੋਣ ‘ਤੇ ਬਦਲੀ ਨਹੀਂ ਜਾ ਸਕਦੀ। ਇਹ ਡਾਟਾ ਡਾਰਕ ਵੈਬ ‘ਤੇ ਵੇਚਿਆ ਜਾ ਸਕਦਾ ਹੈ, ਜੋ ਕਿ ਡੀਪਫੇਕ, ਆਈਡੈਂਟੀਟੀ ਥੈਫ਼ਟ ਅਤੇ ਸਾਇਬਰ-ਸਟਾਕਿੰਗ ਵਿੱਚ ਵਰਤਿਆ ਜਾ ਸਕਦਾ ਹੈ।

ਸਾਇਬਰ ਕਰਾਈਮ ਤੋਂ ਬਚਣ ਲਈ ਪੁਲਿਸ ਦੀ ਸਲਾਹ

• ਅਣਪਛਾਤੀਆਂ ਵੈੱਬਸਾਈਟਾਂ ਤੋਂ ਖਰੀਦਦਾਰੀ ਨਾ ਕਰੋ – ਸਿਰਫ਼ ਆਧਿਕਾਰਿਕ ਵੈੱਬਸਾਈਟਾਂ ਤੋਂ ਹੀ Studio Ghibli ਸਮਾਨ ਖਰੀਦੋ।
• ਕਿਸੇ ਵੀ ਅਣਜਾਣ ਈਮੇਲ ਜਾਂ ਲਿੰਕ ‘ਤੇ ਕਲਿਕ ਨਾ ਕਰੋ – ਸ਼ੱਕੀ ਲਿੰਕ ਤੇ ਡਾਊਨਲੋਡ ਤੋਂ ਦੂਰ ਰਹੋ।
• ਸੋਸ਼ਲ ਮੀਡੀਆ ‘ਤੇ ਸਾਵਧਾਨ ਰਹੋ – ਸਿਰਫ ਵੈਰੀਫਾਈਡ ਅਕਾਊਂਟਾਂ ਨਾਲ ਹੀ ਇੰਟਰੈਕਟ ਕਰੋ।
• ਕਿਸੇ ਵੀ ਸਾਇਬਰ ਠੱਗੀ ਦੀ ਤੁਰੰਤ ਪੁਲਿਸ ਨੂੰ ਸੂਚਨਾ ਦਿਓ – ਜੇਕਰ ਤੁਹਾਨੂੰ ਕੋਈ ਵੀ ਠੱਗੀ ਹੋਵੇ ਤਾਂ ਤੁਰੰਤ ਸਾਇਬਰ ਕਰਾਈਮ ਹੈਲਪਲਾਈਨ ‘ਤੇ ਰਿਪੋਰਟ ਕਰੋ।

- PTC NEWS

Join Whatsapp Channel