Pension Rule : ਰਿਟਾਇਰਮੈਂਟ ਤੋਂ ਪਹਿਲਾਂ ਵੀ ਕਢਵਾਈ ਜਾ ਸਕਦੀ ਹੈ ਪੈਨਸ਼ਨ ? ਜਾਣੋ ਕੀ ਕਹਿੰਦਾ ਹੈ ਨਿਯਮ
EPFO Early Pension Rule : ਕੰਮ ਕਰਨ ਵਾਲੇ ਜ਼ਿਆਦਾਤਰ ਸਾਰੇ ਕਰਮਚਾਰੀ ਹਰ ਮਹੀਨੇ ਈਪੀਐਫਓ 'ਚ ਆਪਣੀ ਤਨਖਾਹ ਦੀ ਇੱਕ ਨਿਸ਼ਚਿਤ ਰਕਮ ਦਾ ਯੋਗਦਾਨ ਪਾਉਂਦੇ ਹਨ। ਕਿਉਂਕਿ ਈਪੀਐਫਓ 'ਚ ਰਿਟਾਇਰਮੈਂਟ ਤੋਂ ਬਾਅਦ ਪੈਨਸ਼ਨ ਲਾਭ ਦਿੱਤੇ ਜਾਣਦੇ ਹਨ। ਮਾਹਿਰਾਂ ਮੁਤਾਬਕ ਜਦੋਂ ਉਪਭੋਗਤਾ ਦੀ ਉਮਰ 58 ਸਾਲ ਹੋ ਜਾਂਦੀ ਹੈ, ਤਾਂ ਉਹ ਈਪੀਐਫਓ ਨਿਯਮਾਂ ਮੁਤਾਬਕ ਪੈਨਸ਼ਨ ਲੈ ਸਕਦਾ ਹੈ। ਪੈਨਸ਼ਨ ਪ੍ਰਾਪਤ ਕਰਨ ਲਈ, ਇੱਕ ਈਪੀਐਫਓ ਉਪਭੋਗਤਾ ਨੂੰ 10 ਸਾਲਾਂ ਲਈ ਲਗਾਤਾਰ ਯੋਗਦਾਨ ਦੇਣਾ ਪੈਂਦਾ ਹੈ। ਦਸ ਦਈਏ ਕਿ ਪੈਨਸ਼ਨ ਦੀ ਗਣਨਾ ਸੇਵਾ ਦੇ ਆਧਾਰ 'ਤੇ ਯੋਗਦਾਨ ਦੀ ਰਕਮ ਦੇ ਨਾਲ ਕੀਤੀ ਜਾਂਦੀ ਹੈ। EPAO ਆਪਣੇ ਮੈਂਬਰਾਂ ਨੂੰ ਅਰਲੀ ਪੈਨਸ਼ਨ ਦਾ ਵਿਕਲਪ ਵੀ ਦਿੰਦਾ ਹੈ। ਜਿਸ ਦਾ ਮਤਲਬ ਹੈ ਕਿ ਉਪਭੋਗਤਾ 58 ਸਾਲ ਦੀ ਉਮਰ ਤੋਂ ਪਹਿਲਾਂ ਵੀ ਪੈਨਸ਼ਨ ਦਾ ਲਾਭ ਲੈ ਸਕਦੇ ਹਨ।
ਅਗਾਊਂ ਪੈਨਸ਼ਨ ਨਿਯਮ : ਈਪੀਐਫਓ ਦੇ ਨਿਯਮਾਂ ਮੁਤਾਬਕ 50 ਸਾਲ ਤੋਂ 58 ਸਾਲ ਤੱਕ ਦੇ ਕਰਮਚਾਰੀ ਅਰਲੀ ਪੈਨਸ਼ਨ ਦਾ ਵਿਕਲਪ ਚੁਣ ਸਕਦੇ ਹਨ। ਜੇਕਰ ਤੁਸੀਂ 58 ਸਾਲ ਤੋਂ ਪਹਿਲਾਂ ਪੈਨਸ਼ਨ ਲੈਂਦੇ ਹੋ ਤਾਂ ਪੈਨਸ਼ਨ ਦੀ ਰਕਮ ਘੱਟ ਜਾਂਦੀ ਹੈ। ਮਾਹਿਰਾਂ ਮੁਤਾਬਕ 58 ਸਾਲ ਦੀ ਉਮਰ ਤੋਂ ਪਹਿਲਾਂ ਜਿੰਨੇ ਸਾਲ ਤੁਸੀਂ ਆਪਣੀ ਪੈਨਸ਼ਨ ਕਢਵਾਉਂਦੇ ਹੋ, ਤੁਹਾਡੀ ਪੈਨਸ਼ਨ ਹਰ ਸਾਲ 4 ਫੀਸਦੀ ਘੱਟ ਜਾਵੇਗੀ। ਉਧਾਰਨ ਜੇਕਰ ਤੁਸੀਂ 56 ਸਾਲ ਦੀ ਉਮਰ 'ਚ ਪੈਨਸ਼ਨ ਕਢਵਾਉਂਦੇ ਹੋ, ਤਾਂ ਤੁਹਾਨੂੰ ਮੂਲ ਪੈਨਸ਼ਨ ਰਾਸ਼ੀ ਦਾ 92 ਪ੍ਰਤੀਸ਼ਤ ਹੀ ਪੈਨਸ਼ਨ ਮਿਲੇਗੀ। ਤੁਹਾਨੂੰ ਹਰ ਸਾਲ 4 ਪ੍ਰਤੀਸ਼ਤ ਹਿੱਸਾ ਮਿਲੇਗਾ ਯਾਨੀ 2 ਸਾਲਾਂ 'ਚ 8 ਪ੍ਰਤੀਸ਼ਤ ਦੀ ਕਟੌਤੀ।
ਅਗਾਊਂ ਪੈਨਸ਼ਨ ਦਾ ਦਾਅਵਾ ਕਰਨ ਲਈ, ਤੁਹਾਨੂੰ ਕੰਪੋਜ਼ਿਟ ਦਾਅਵਾ ਫਾਰਮ ਭਰਨਾ ਹੋਵੇਗਾ ਅਤੇ ਫਾਰਮ 10D ਦਾ ਵਿਕਲਪ ਚੁਣਨਾ ਹੋਵੇਗਾ।
60 ਸਾਲ ਦੀ ਉਮਰ 'ਤੇ ਪੈਨਸ਼ਨ ਵਧੇਗੀ
ਜੇਕਰ ਕੋਈ ਕਰਮਚਾਰੀ 58 ਸਾਲ ਬਾਅਦ ਵੀ ਪੈਨਸ਼ਨ ਨਹੀਂ ਲੈਂਦਾ ਅਤੇ 60 ਸਾਲ ਬਾਅਦ ਪੈਨਸ਼ਨ ਲੈਂਦਾ ਹੈ ਤਾਂ ਉਸ ਨੂੰ ਵਧੀ ਹੋਈ ਪੈਨਸ਼ਨ ਮਿਲਦੀ ਹੈ। ਈਪੀਐਫਓ ਦੇ ਨਿਯਮਾਂ ਮੁਤਾਬਕ ਜੇਕਰ ਕੋਈ ਕਰਮਚਾਰੀ 58 ਸਾਲ ਤੋਂ ਬਾਅਦ ਦੋ ਸਾਲਾਂ ਲਈ ਪੈਨਸ਼ਨ ਰੋਕਦਾ ਹੈ, ਤਾਂ ਉਸ ਨੂੰ ਹਰ ਸਾਲ 4 ਫੀਸਦੀ ਦੀ ਦਰ ਨਾਲ ਵਾਧੂ ਪੈਨਸ਼ਨ ਦਾ ਲਾਭ ਦਿੱਤਾ ਜਾਂਦਾ ਹੈ। ਭਾਵ, 60 ਸਾਲ ਦੀ ਉਮਰ 'ਚ, ਉਸਨੂੰ 8 ਪ੍ਰਤੀਸ਼ਤ ਦੀ ਵਾਧੂ ਦਰ ਨਾਲ ਪੈਨਸ਼ਨ ਮਿਲਦੀ ਹੈ।
ਤੁਸੀਂ ਪੈਨਸ਼ਨ ਫੰਡ 'ਚੋਂ ਵੀ ਪੈਸੇ ਕਢਵਾ ਸਕਦੇ ਹੋ
ਜੇਕਰ ਤੁਸੀਂ 10 ਸਾਲਾਂ ਤੋਂ ਘੱਟ ਸਮੇਂ ਲਈ EPAO 'ਚ ਯੋਗਦਾਨ ਪਾਇਆ ਹੈ, ਤਾਂ ਤੁਹਾਨੂੰ ਪੈਨਸ਼ਨ ਲਾਭ ਨਹੀਂ ਮਿਲੇਗਾ। ਅਜਿਹੇ 'ਚ ਸਵਾਲ ਇਹ ਉੱਠਦਾ ਹੈ ਕਿ ਪੈਨਸ਼ਨ ਫੰਡ ਦਾ ਕੀ ਹੋਵੇਗਾ? ਜਵਾਬ ਇਹ ਹੈ ਕਿ ਜੇਕਰ ਤੁਸੀਂ ਨੌਕਰੀ ਨਹੀਂ ਕਰਨਾ ਚਾਹੁੰਦੇ ਹੋ ਤਾਂ ਤੁਸੀਂ ਪੈਨਸ਼ਨ ਫੰਡ 'ਚੋਂ ਪੂਰੀ ਤਰ੍ਹਾਂ ਕਢਵਾ ਸਕਦੇ ਹੋ। ਨਾਲ ਹੀ, ਜੇਕਰ ਤੁਸੀਂ ਭਵਿੱਖ 'ਚ ਦੁਬਾਰਾ ਕੰਮ ਕਰਦੇ ਹੋ, ਤਾਂ ਤੁਸੀਂ ਪੈਨਸ਼ਨ ਸਕੀਮ ਸਰਟੀਫਿਕੇਟ ਲੈ ਸਕਦੇ ਹੋ। ਦੁਬਾਰਾ ਨੌਕਰੀ 'ਚ ਸ਼ਾਮਲ ਹੋਣ 'ਤੇ, ਤੁਹਾਨੂੰ ਇਸ ਸਰਟੀਫਿਕੇਟ ਦੀ ਮਦਦ ਨਾਲ ਪਿਛਲੀ ਪੈਨਸ਼ਨ ਖਾਤੇ ਨੂੰ ਨਵੀਂ ਨੌਕਰੀ ਦੇ ਖਾਤੇ ਨਾਲ ਲਿੰਕ ਕਰਨਾ ਹੋਵੇਗਾ। ਫਿਰ ਇਸ ਨਾਲ ਨੌਕਰੀ ਦਾ ਕਾਰਜਕਾਲ 10 ਸਾਲ ਘੱਟ ਜਾਵੇਗਾ ਅਤੇ ਤੁਸੀਂ ਪੈਨਸ਼ਨ ਦੇ ਵੀ ਹੱਕਦਾਰ ਹੋ ਜਾਵੋਗੇ।
- PTC NEWS
