PF ਕਢਵਾਉਣਾ ਹੋਇਆ ਹੋਰ ਸੌਖਾ! ਛੇਤੀ ਹੀ ਸਿੱਧਾ ATM ਰਾਹੀਂ ਕਢਵਾਇਆ ਜਾ ਸਕੇਗਾ ਫੰਡ...ਪੜ੍ਹੋ ਪੂਰੀ ਖ਼ਬਰ
Employees Provident Fund News : ਇੰਪਲਾਈਜ਼ ਪ੍ਰੋਵੀਡੈਂਟ ਫੰਡ ਆਰਗੇਨਾਈਜ਼ੇਸ਼ਨ (EPFO) ਨੇ ਆਪਣੇ ਕਰੋੜਾਂ ਮੈਂਬਰਾਂ ਲਈ ਵੱਡੀ ਖੁਸ਼ਖਬਰੀ ਦਿੱਤੀ ਹੈ, EPFO ਨੇ ਆਪਣੇ ਗਾਹਕਾਂ ਲਈ ਇੱਕ ਵੱਡੀ ਸਹੂਲਤ ਸ਼ੁਰੂ ਕਰਨ ਦੀ ਤਿਆਰੀ ਕਰ ਲਈ ਹੈ। ਹੁਣ ਤੁਹਾਨੂੰ ਆਪਣੇ PF ਖਾਤੇ ਤੋਂ ਪੈਸੇ ਕਢਵਾਉਣ ਲਈ ਲੰਬੀ ਪ੍ਰਕਿਰਿਆ ਤੋਂ ਨਹੀਂ ਲੰਘਣਾ ਪਵੇਗਾ। ਜਲਦੀ ਹੀ ਤੁਸੀਂ ਆਪਣੇ PF ਦੇ ਪੈਸੇ ਸਿੱਧੇ ATM ਤੋਂ ਕਢਵਾ ਸਕੋਗੇ।
ਇੰਪਲਾਈਜ਼ ਪ੍ਰੋਵੀਡੈਂਟ ਫੰਡ ਆਰਗੇਨਾਈਜ਼ੇਸ਼ਨ (EPFO) ਨੇ ਵੱਡਾ ਐਲਾਨ ਕਰਦੇ ਹੋਏ ਕਿਹਾ ਹੈ ਕਿ ਹੁਣ ਉਸ ਦੇ ਗਾਹਕ ਆਪਣੇ ਪ੍ਰਾਵੀਡੈਂਟ ਫੰਡ ਦੇ ਪੈਸੇ ਸਿੱਧੇ ATM ਤੋਂ ਕਢਵਾ ਸਕਣਗੇ। ਇਹ ਸਹੂਲਤ ਜਨਵਰੀ 2025 ਤੋਂ ਸ਼ੁਰੂ ਹੋਣ ਦੀ ਉਮੀਦ ਹੈ।
ਇਹ ਫੈਸਲਾ EPFO ਗਾਹਕਾਂ ਲਈ ਵੱਡੀ ਰਾਹਤ ਹੈ ਕਿਉਂਕਿ ਹੁਣ ਉਨ੍ਹਾਂ ਨੂੰ ਆਪਣੇ ਪੀਐਫ ਦੇ ਪੈਸੇ ਕਢਵਾਉਣ ਲਈ ਲੰਬੀ ਪ੍ਰਕਿਰਿਆ ਤੋਂ ਨਹੀਂ ਲੰਘਣਾ ਪਵੇਗਾ।
ਜਨਵਰੀ 2025 ਤੋਂ ਸ਼ੁਰੂ ਹੋਵੇਗੀ ਨਵੀਂ ਸਹੂਲਤ
ਕਿਰਤ ਸਕੱਤਰ ਦੇ ਅਨੁਸਾਰ, ਇਹ ਸਹੂਲਤ ਜਨਵਰੀ 2025 ਤੋਂ ਸ਼ੁਰੂ ਹੋਣ ਦੀ ਉਮੀਦ ਹੈ। ਈਪੀਐਫਓ ਆਪਣੀ ਆਈਟੀ ਪ੍ਰਣਾਲੀ ਨੂੰ ਉੱਨਤ ਬਣਾ ਰਿਹਾ ਹੈ, ਜਿਸ ਨਾਲ ਪੀਐਫ ਦਾਅਵੇਦਾਰਾਂ ਅਤੇ ਲਾਭਪਾਤਰੀਆਂ ਨੂੰ ਘੱਟੋ-ਘੱਟ ਮਨੁੱਖੀ ਦਖਲਅੰਦਾਜ਼ੀ ਨਾਲ ਆਪਣੀ ਜਮ੍ਹਾਂ ਰਕਮ ਵਾਪਸ ਲੈਣ ਦਾ ਮੌਕਾ ਮਿਲੇਗਾ। ਜਨਵਰੀ 2025 ਤੋਂ, ਪੀਐਫ ਕਢਵਾਉਣ ਲਈ ਇੱਕ ਵਿਸ਼ੇਸ਼ ਕਾਰਡ ਜਾਰੀ ਕੀਤਾ ਜਾਵੇਗਾ। ਇਸ ਕਾਰਡ ਰਾਹੀਂ ਮੈਂਬਰ ਏ.ਟੀ.ਐਮ ਦੀ ਵਰਤੋਂ ਕਰਕੇ ਆਪਣੇ ਖਾਤੇ ਤੋਂ ਸਿੱਧੇ ਪੈਸੇ ਕਢਵਾ ਸਕਣਗੇ।
EPFO ਕੋਲ 24.75 ਲੱਖ ਕਰੋੜ ਰੁਪਏ ਦਾ ਫੰਡ ਹੈ
EPFO ਕੋਲ 31 ਮਾਰਚ 2024 ਤੱਕ 24.75 ਲੱਖ ਕਰੋੜ ਰੁਪਏ ਦਾ ਫੰਡ ਸੀ। ਇਸ ਫੰਡ ਦਾ ਵੱਡਾ ਹਿੱਸਾ ਕਰਜ਼ੇ ਅਤੇ ਈਟੀਐਫ ਵਿੱਚ ਨਿਵੇਸ਼ ਕੀਤਾ ਗਿਆ ਹੈ।
- PTC NEWS
