Earth Second Moon : ਹੋ ਜਾਓ ਤਿਆਰ , ਅੱਜ ਧਰਤੀ ਨੂੰ ਮਿਲਣ ਵਾਲਾ ਹੈ ਮਿੰਨੀ ਚੰਨ; ਜਾਣੋ ਤੁਸੀਂ ਕਿਵੇਂ ਦੇਖ ਸਕੋਗੇ ਦੂਜਾ 'ਚੰਨ'
Earth Second Moon : ਅੱਜ ਧਰਤੀ ਨੂੰ ਨਵਾਂ ਚੰਨ ਮਿਲਣ ਵਾਲਾ ਹੈ। ਇਸ ਮਿੰਨੀ ਚੰਨ ਨੂੰ ਐਸਟੇਰੋਇਡ 2024 ਪੀਟੀ5 ਨਾਮ ਦਿੱਤਾ ਗਿਆ ਹੈ। ਇਹ ਅਸਥਾਈ ਤੌਰ 'ਤੇ ਅੱਜ ਯਾਨੀ 29 ਸਤੰਬਰ ਤੋਂ 25 ਨਵੰਬਰ ਤੱਕ ਧਰਤੀ ਦੁਆਲੇ ਘੁੰਮੇਗਾ। ਮਿੰਨੀ ਚੰਨ ਦੀ ਆਮਦ ਨੇ ਪੁਲਾੜ ਪ੍ਰੇਮੀਆਂ ਦੀ ਦਿਲਚਸਪੀ ਵਧਾ ਦਿੱਤੀ ਹੈ। ਹਾਲਾਂਕਿ, ਇਸਦੇ ਛੋਟੇ ਆਕਾਰ ਅਤੇ ਘੱਟ ਚਮਕ ਕਾਰਨ ਅਸੀਂ ਇਸਨੂੰ ਨੰਗੀ ਅੱਖ ਨਾਲ ਨਹੀਂ ਦੇਖ ਸਕਾਂਗੇ। ਇਸ ਨੂੰ ਸਾਧਾਰਨ ਟੈਲੀਸਕੋਪ ਨਾਲ ਵੀ ਨਹੀਂ ਦੇਖਿਆ ਜਾ ਸਕਦਾ, ਪਰ ਜੇਕਰ ਤੁਸੀਂ ਇਸ ਦੀ ਝਲਕ ਦੇਖਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਇਸਦੇ ਲਈ ਖਗੋਲੀ ਦੂਰਬੀਨ ਦੀ ਲੋੜ ਪਵੇਗੀ।
ਸਪੇਸ ਡਾਟ ਕਾਮ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਨਾਸਾ ਨੂੰ 29 ਸਤੰਬਰ ਨੂੰ ਦੁਪਹਿਰ 3.54 ਵਜੇ (ਅਮਰੀਕੀ ਸਮੇਂ) ਤੋਂ ਐਸਟਰਾਇਡ 2024 ਪੀਟੀ5 ਦੀਆਂ ਤਸਵੀਰਾਂ ਮਿਲਣੀਆਂ ਸ਼ੁਰੂ ਹੋ ਜਾਣਗੀਆਂ। ਇਸ ਦੇ ਨਾਲ ਹੀ ਇਹ ਗ੍ਰਹਿ 25 ਨਵੰਬਰ ਦੀ ਸਵੇਰ ਨੂੰ 11.43 ਮਿੰਟ ਤੱਕ ਹੀ ਦਿਖਾਈ ਦੇਵੇਗਾ। ਸ਼ਾਨਦਾਰ ਖਗੋਲ ਵਿਗਿਆਨ ਪੋਡਕਾਸਟ ਹੋਸਟ ਡਾ. ਜੈਨੀਫਰ ਮਿਲਾਰਡ ਦਾ ਕਹਿਣਾ ਹੈ ਕਿ ਸਿਰਫ ਖਗੋਲ-ਵਿਗਿਆਨਕ ਦੂਰਬੀਨ ਹੀ ਮਿੰਨੀ-ਚੰਨ ਦੀਆਂ ਤਸਵੀਰਾਂ ਲੈਣ ਦੇ ਯੋਗ ਹੋਣਗੇ ਅਤੇ ਇਨ੍ਹਾਂ ਤਸਵੀਰਾਂ ਨੂੰ ਆਨਲਾਈਨ ਦੇਖਿਆ ਜਾ ਸਕੇਗਾ।
2024 ਪੀਟੀ5 ਨਾਮ ਦਾ ਇਹ ਐਸਟਰਾਇਡ ਪਹਿਲੀ ਵਾਰ ਇਸ ਸਾਲ 7 ਅਗਸਤ ਨੂੰ ਨਾਸਾ ਦੀ ਨਜ਼ਰ ਵਿੱਚ ਆਇਆ ਸੀ। ਇਹ ਅਰਜੁਨ ਐਸਟਰਾਇਡ ਬੈਲਟ ਤੋਂ ਪੈਦਾ ਹੁੰਦਾ ਹੈ। ਇਸ ਵਿੱਚ ਧਰਤੀ ਵਰਗੀਆਂ ਚੱਟਾਨਾਂ ਹਨ। ਇਹ ਲਗਭਗ 33 ਫੁੱਟ ਚੌੜਾ ਹੈ। ਮਿਲਾਰਡ ਨੇ ਕਿਹਾ, "ਇਹ ਧਰਤੀ ਦੇ ਆਲੇ-ਦੁਆਲੇ ਪੂਰੀ ਤਰ੍ਹਾਂ ਚੱਕਰ ਨਹੀਂ ਲਗਾ ਪਾਵੇਗਾ। ਇਸ ਦੇ ਅੱਗੇ ਵਧਣ ਤੋਂ ਪਹਿਲਾਂ ਧਰਤੀ ਦੇ ਗੁਰੂਤਾ-ਆਕਰਸ਼ਣ ਬਲ ਦੇ ਚੱਕਰ ਥੋੜ੍ਹਾ ਬਦਲਾਅ ਕੀਤਾ ਜਾਵੇਗਾ। ਇਸਦੀ ਗਤੀ ਲਗਭਗ 2,200 ਮੀਲ ਪ੍ਰਤੀ ਘੰਟਾ (3,540 ਕਿਲੋਮੀਟਰ ਪ੍ਰਤੀ ਘੰਟਾ) ਹੈ।"
ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਮਿੰਨੀ-ਮੂਨ ਦੇਖੇ ਜਾ ਚੁੱਕੇ ਹਨ ਅਤੇ ਕਈ ਸ਼ਾਇਦ ਕਿਸੇ ਨੂੰ ਨਜ਼ਰ ਵੀ ਨਹੀਂ ਆਏ ਹਨ। ਕੁਝ ਦੁਬਾਰਾ ਧਰਤੀ ਦੇ ਨੇੜੇ ਵੀ ਆ ਚੁੱਕੇ ਹਨ ਜਿਨ੍ਹਾਂ ’ਚ ਐਸਟੇਰੋਇਡ 2022 NX1 ਸ਼ਾਮਲ ਹੈ, ਜੋ ਪਹਿਲੀ ਵਾਰ 1981 ਵਿੱਚ ਇੱਕ ਮਿੰਨੀ-ਚੰਨ ਦੇ ਰੂਪ ਵਿੱਚ ਧਰਤੀ ਦੇ ਨੇੜੇ ਆਇਆ ਸੀ ਅਤੇ ਫਿਰ ਇਹ ਘਟਨਾ 2022 ਵਿੱਚ ਦੁਬਾਰਾ ਵਾਪਰੀ ਸੀ। 2024 ਪੀਟੀ5 ਦੇ 2055 ਵਿੱਚ ਧਰਤੀ ਦੇ ਚੱਕਰ ਵਿੱਚ ਵਾਪਸ ਆਉਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ : Sharad Purnima 2024 : ਸ਼ਰਦ ਪੂਰਨਿਮਾ ਕਦੋਂ ਹੈ? ਜਾਣੋ ਚੰਦ ਦੀਆਂ ਕਿਰਨਾਂ 'ਚ ਖੀਰ ਰੱਖਣ ਦਾ ਸੁਭ ਸਮਾਂ?
- PTC NEWS
