Mamata Banerjee Injured: ਚੋਣ ਪ੍ਰਚਾਰ ਦੌਰਾਨ ਹੈਲੀਕਾਪਟਰ 'ਚ ਸੀਟ 'ਤੇ ਬੈਠਣ ਲੱਗਿਆ ਡਿੱਗੀ ਸੀਐੱਮ ਮਮਤਾ ਬੈਨਰਜੀ ਜ਼ਖਮੀ, ਵੀਡੀਓ
Mamata Banerjee Injured: ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ (Mamata Banerjee) ਸ਼ਨੀਵਾਰ (27 ਅਪ੍ਰੈਲ) ਨੂੰ ਚੋਣ ਪ੍ਰਚਾਰ ਦੌਰਾਨ ਜ਼ਖਮੀ ਹੋ ਗਈ। ਮਮਤਾ ਲੋਕ ਸਭਾ ਚੋਣਾਂ ਦੇ ਪ੍ਰਚਾਰ ਲਈ ਪੱਛਮੀ ਬੰਗਾਲ ਦੇ ਦੁਰਗਾਪੁਰ ਪਹੁੰਚੀ ਸੀ, ਜਿੱਥੇ ਹੈਲੀਕਾਪਟਰ 'ਤੇ ਸਵਾਰ ਹੁੰਦੇ ਸਮੇਂ ਇਹ ਹਾਦਸਾ ਵਾਪਰਿਆ। ਤ੍ਰਿਣਮੂਲ ਕਾਂਗਰਸ (ਟੀਐਮਸੀ) ਦੀ ਸੁਪਰੀਮੋ ਮਮਤਾ ਹੈਲੀਕਾਪਟਰ 'ਚ ਸੀਟ 'ਤੇ ਬੈਠਣ ਲੱਗਿਆ ਡਿੱਗ ਗਈ। ਦੱਸਿਆ ਗਿਆ ਹੈ ਕਿ ਇਸ ਹਾਦਸੇ 'ਚ ਮਮਤਾ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਇਸ ਘਟਨਾ ਦੀ ਵੀਡੀਓ ਵੀ ਸਾਹਮਣੇ ਆਈ ਹੈ।
#WATCH | West Bengal CM Mamata Banerjee slipped and fell while taking a seat after boarding her helicopter in Durgapur, Paschim Bardhaman today. She reportedly suffered a minor injury and was helped by her security personnel. She continued with her onward travel to Asansol. pic.twitter.com/UCt3dBmpTQ
— ANI (@ANI) April 27, 2024
ਹੈਲੀਕਾਪਟਰ ਦੁਰਗਾਪੁਰ ਤੋਂ ਆਸਨਸੋਲ ਜਾਣ ਲਈ ਮਮਤਾ ਦੀ ਉਡੀਕ ਕਰ ਰਿਹਾ ਸੀ। ਉੱਪਰ ਚੜ੍ਹਨ ਲਈ ਇਸ ਦੇ ਬਾਹਰ ਪੌੜੀਆਂ ਲਗਾਈਆਂ ਗਈਆਂ ਸਨ, ਅਤੇ ਕਿਸੇ ਨੂੰ ਹੈਲੀਕਾਪਟਰ ਦੇ ਅੰਦਰ ਬੈਠਣ ਲਈ ਉਨ੍ਹਾਂ 'ਤੇ ਚੜ੍ਹਨਾ ਪੈਂਦਾ ਸੀ। ਮਮਤਾ ਇਸ ਪੌੜੀ 'ਤੇ ਚੜ੍ਹ ਕੇ ਹੈਲੀਕਾਪਟਰ 'ਚ ਸਵਾਰ ਹੋਣ ਜਾ ਰਹੀ ਸੀ ਪਰ ਉਦੋਂ ਉਸ ਦਾ ਪੈਰ ਹੈਲੀਕਾਪਟਰ ਦੇ ਗੇਟ 'ਤੇ ਫਿਸਲ ਗਿਆ ਅਤੇ ਉਹ ਅੰਦਰ ਜਾ ਡਿੱਗੀ। ਸੀਐਮ ਦੇ ਸੁਰੱਖਿਆ ਕਰਮੀਆਂ ਨੇ ਉਸ ਨੂੰ ਤੁਰੰਤ ਚੁੱਕ ਲਿਆ। ਇਸ ਹਾਦਸੇ ਵਿੱਚ ਮਮਤਾ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ।
- PTC NEWS
