AC Tips for Winters : ਸਰਦੀਆਂ 'ਚ AC ਬੰਦ ਕਰਨ ਤੋਂ ਪਹਿਲਾਂ ਕਰੋ ਇਹ 5 ਕੰਮ, ਤਾਂ ਜੋ ਅਗਲੀਆਂ ਗਰਮੀਆਂ 'ਚ ਨਾ ਪਵੇ ਪਛਤਾਉਣਾ !
AC Tips for Winters : ਸਰਦੀਆਂ 'ਚ ਏਸੀ ਦੀ ਵਰਤੋਂ ਕਾਫ਼ੀ ਘੱਟ ਜਾਂਦੀ ਹੈ, ਪਰ ਇਸਦਾ ਮਤਲਬ ਇਹ ਨਹੀਂ ਹੁੰਦਾ ਹੈ ਕਿ ਤੁਸੀਂ ਇਸਦਾ ਧਿਆਨ ਨਹੀਂ ਰੱਖੋਗੇ। ਅਜਿਹੇ 'ਚ ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਡਾ ਏਸੀ ਅਗਲੇ ਸਾਲ ਨਵੇਂ ਏਅਰ ਕੰਡੀਸ਼ਨਰ ਵਾਂਗ ਠੰਢੀ ਹਵਾ ਦੇਵੇ, ਤਾਂ ਹੁਣੇ ਇਹ 5 ਕੰਮ ਪੂਰੇ ਕਰੋ। ਥੋੜਾ ਜਿਹਾ ਧਿਆਨ ਰੱਖ ਕੇ, ਤੁਸੀਂ ਆਪਣੇ ਏਸੀ ਦੀ ਉਮਰ ਦੁੱਗਣੀ ਕਰ ਸਕਦੇ ਹੋ ਅਤੇ ਅਗਲੀਆਂ ਗਰਮੀਆਂ 'ਚ ਵੀ ਜ਼ਬਰਦਸਤ ਠੰਢਕ ਦਾ ਆਨੰਦ ਲੈ ਸਕਦੇ ਹੋ।
ਸਫਾਈ :
ਏਸੀ ਦੀਆਂ ਦੋਵੇਂ ਯੂਨਿਟਾਂ ਨੂੰ ਨਿਯਮਤ ਤੌਰ 'ਤੇ ਸਾਫ਼ ਕਰੋ। ਦਸ ਦਈਏ ਕਿ ਤੁਸੀਂ ਇੱਕ ਸਿੱਲ੍ਹੇ ਕੱਪੜੇ ਜਾਂ ਵੈਕਿਊਮ ਕਲੀਨਰ ਦੀ ਵਰਤੋਂ ਕਰ ਸਕਦੇ ਹੋ। ਮਾਹਿਰਾਂ ਮੁਤਾਬਕ ਏਸੀ ਦੇ ਫਿਲਟਰ ਨੂੰ ਸਾਫ਼ ਕਰਨਾ ਚਾਹੀਦਾ ਹੈ। ਕਿਉਂਕਿ ਫਿਲਟਰ ਹਵਾ ਨੂੰ ਸਾਫ਼ ਕਰਦਾ ਹੈ। ਸਮੇਂ ਦੇ ਨਾਲ, ਇਸ 'ਚ ਧੂੜ ਇਕੱਠੀ ਹੋ ਜਾਂਦੀ ਹੈ, ਜਿਸ ਨਾਲ ਏਸੀ ਦੀ ਕਾਰਜਕੁਸ਼ਲਤਾ ਘੱਟ ਜਾਂਦੀ ਹੈ ਅਤੇ ਬਿਜਲੀ ਦੀ ਖਪਤ ਵੱਧ ਜਾਂਦੀ ਹੈ। ਇਸ ਲਈ, ਫਿਲਟਰ ਨੂੰ ਨਿਯਮਤ ਤੌਰ 'ਤੇ ਸਾਫ਼ ਕਰਨਾ ਚਾਹੀਦਾ ਹੈ।
ਡਰੇਨੇਜ ਪ੍ਰਣਾਲੀ :
ਏਸੀ 'ਚੋਂ ਨਿਕਲਣ ਵਾਲਾ ਪਾਣੀ ਪਾਈਪ ਰਾਹੀਂ ਬਾਹਰ ਨਿਕਲਦਾ ਹੈ। ਜਾਂਚ ਕਰੋ ਕਿ ਇਹ ਪਾਈਪ ਕਿਤੇ ਵੀ ਬੰਦ ਨਹੀਂ ਹੈ। ਜੇਕਰ ਪਾਈਪ ਬੰਦ ਹੋ ਜਾਂਦੀ ਹੈ, ਤਾਂ ਏਸੀ ਦੇ ਅੰਦਰ ਪਾਣੀ ਇਕੱਠਾ ਹੋ ਜਾਵੇਗਾ ਅਤੇ ਇਸ ਨਾਲ ਬਦਬੂ ਆ ਸਕਦੀ ਹੈ ਜਾਂ ਏਸੀ ਖਰਾਬ ਹੋ ਸਕਦਾ ਹੈ।
ਸਰਵਿਸ :
ਸਾਲ 'ਚ ਇੱਕ ਵਾਰ ਇੱਕ ਏਸੀ ਟੈਕਨੀਸ਼ੀਅਨ ਦੁਆਰਾ ਆਪਣੇ ਏਸੀ ਦੀ ਸਰਵਿਸ ਕਰਵਾਓ। ਮਾਹਿਰਾਂ ਮੁਤਾਬਕ ਉਹ ਏਸੀ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰਨਗੇ, ਗੈਸ ਦੀ ਜਾਂਚ ਕਰਨਗੇ ਅਤੇ ਹੋਰ ਜ਼ਰੂਰੀ ਮੁਰੰਮਤ ਕਰਨਗੇ। ਇਸ ਲਈ ਸਰਵਿਸ ਕਰਵਾਉਣੀ ਬਹੁਤ ਜ਼ਰੂਰੀ ਹੈ।
ਕਵਰ ਪਾਓ :
ਜਦੋਂ ਏਸੀ ਵਰਤੋਂ 'ਚ ਨਾ ਹੋਵੇ ਤਾਂ ਇਸ ਨੂੰ ਕਵਰ ਨਾਲ ਢੱਕ ਦਿਓ। ਇਸ ਨਾਲ ਧੂੜ, ਕੀੜੇ-ਮਕੌੜੇ ਅਤੇ ਹੋਰ ਕਣ ਏਸੀ 'ਚ ਨਹੀਂ ਜਾ ਸਕਣਗੇ। ਤੁਸੀਂ ਪੁਰਾਣੀ ਬੈੱਡਸ਼ੀਟ ਜਾਂ ਵਿਸ਼ੇਸ਼ ਏਸੀ ਕਵਰ ਦੀ ਵਰਤੋਂ ਕਰ ਸਕਦੇ ਹੋ।
ਹਵਾਦਾਰ ਕਮਰਾ :
ਸਰਦੀਆਂ 'ਚ ਵੀ ਕਮਰੇ ਨੂੰ ਜਿੰਨਾ ਸੰਭਵ ਹੋ ਸਕੇ ਹਵਾਦਾਰ ਰੱਖੋ। ਇਹ ਕਮਰੇ 'ਚ ਨਮੀ ਨੂੰ ਜਮ੍ਹਾ ਹੋਣ ਤੋਂ ਰੋਕੇਗਾ ਅਤੇ ਏਸੀ ਨੂੰ ਨੁਕਸਾਨ ਹੋਣ ਦਾ ਖਤਰਾ ਘੱਟ ਕਰੇਗਾ।
ਇਹ ਵੀ ਪੜ੍ਹੋ : Negative Thoughts : ਤੁਹਾਡੇ ’ਤੇ ਹਾਵੀ ਨਹੀਂ ਹੋਵੇਗੀ ਨਕਾਰਾਤਮਕ ਸੋਚ, ਬਸ ਅਪਣਾਓ ਇਹ ਆਸਾਨ ਟਿਪਸ
- PTC NEWS
