Eknath Shinde ਵਿਵਾਦ 'ਤੇ ਕਾਮੇਡੀਅਨ Kunal Kamra ਨੂੰ ਜਯਾ ਬੱਚਨ ਸਮੇਤ ਵਿਰੋਧੀ ਪਾਰਟੀਆਂ ਦਾ ਮਿਲਿਆ ਸਾਥ, ਬੋਲੇ - ਗਲਤ ਕੀ ਕਿਹਾ ?

Kunal Kamra Controversy : ਵਿਵਾਦਾਂ ਵਿੱਚ ਘਿਰੇ ਸਟੈਂਡਅੱਪ ਕਾਮੇਡੀਅਨ ਕੁਨਾਲ ਕਾਮਰਾ ਨੂੰ ਵਿਰੋਧੀ ਪਾਰਟੀਆਂ ਦਾ ਸਮਰਥਨ ਮਿਲ ਗਿਆ ਹੈ। ਰਾਜ ਸਭਾ ਮੈਂਬਰ ਜਯਾ ਬੱਚਨ (MP Jaya Bachchan) ਨੇ ਸ਼ਿਵ ਸੈਨਾ (Shiv Sena) ਦੇ ਵਿਰੋਧ ਨੂੰ ਪ੍ਰਗਟਾਵੇ ਦੀ ਆਜ਼ਾਦੀ 'ਤੇ ਹਮਲਾ ਕਰਾਰ ਦਿੱਤਾ ਹੈ। ਮਹਾਰਾਸ਼ਟਰ (Maharashtra News) ਦੇ ਸਾਬਕਾ ਮੁੱਖ ਮੰਤਰੀ ਊਧਵ ਠਾਕਰੇ ਨੇ ਵੀ ਕਿਹਾ ਹੈ ਕਿ ਕੁਨਾਲ ਕਾਮਰਾ ਨੇ ਕੁਝ ਗਲਤ ਨਹੀਂ ਕਿਹਾ ਹੈ।

ਜ਼ਿਕਰਯੋਗ ਹੈ ਕਿ ਕਾਮਰਾ ਨੇ ਆਪਣੇ ਹਾਲ ਹੀ ਦੇ ਸ਼ੋਅ 'ਚ ਏਕਨਾਥ ਸ਼ਿੰਦੇ 'ਤੇ ਵਿਅੰਗਮਈ ਟਿੱਪਣੀ ਕੀਤੀ ਸੀ, ਜਿਸ ਤੋਂ ਬਾਅਦ ਸ਼ਿਵ ਸੈਨਾ (ਸ਼ਿੰਦੇ ਧੜੇ) ਨੇ ਸਖਤ ਵਿਰੋਧ ਜਤਾਇਆ ਹੈ। ਇਸ ਦੇ ਨਾਲ ਹੀ ਵਿਰੋਧੀ ਪਾਰਟੀਆਂ ਖਾਸ ਕਰਕੇ ਸ਼ਿਵ ਸੈਨਾ (ਊਧਵ ਬਾਲਾਸਾਹਿਬ ਠਾਕਰੇ) ਅਤੇ ਕਾਂਗਰਸ ਨੇ ਕਾਮਰਾ ਦੇ ਸਮਰਥਨ 'ਚ ਆਵਾਜ਼ ਬੁਲੰਦ ਕੀਤੀ ਹੈ।

ਜਯਾ ਬੱਚਨ ਨੇ ਕੀ ਕਿਹਾ ?

ਕੁਨਾਲ ਕਾਮਰਾ ਵਿਵਾਦ 'ਤੇ ਸਪਾ ਦੀ ਸੰਸਦ ਮੈਂਬਰ ਜਯਾ ਬੱਚਨ ਨੇ ਕਿਹਾ, "...ਬੋਲਣ ਦੀ ਆਜ਼ਾਦੀ ਕਿੱਥੇ ਹੈ? ਕਾਰਵਾਈ ਦੀ ਆਜ਼ਾਦੀ ਉਦੋਂ ਹੁੰਦੀ ਹੈ, ਜਦੋਂ ਹੰਗਾਮਾ ਹੋਵੇ...''। ਉਨ੍ਹਾਂ ਨੇ ਅੱਗੇ ਕਿਹਾ, "ਤੁਸੀਂ (ਏਕਨਾਥ ਸ਼ਿੰਦੇ) ਆਪਣੀ ਅਸਲ ਪਾਰਟੀ ਛੱਡ ਕੇ ਸੱਤਾ ਲਈ ਕਿਸੇ ਹੋਰ ਪਾਰਟੀ ਵਿਚ ਸ਼ਾਮਲ ਹੋ ਗਏ ਹੋ। ਕੀ ਇਹ ਬਾਲਾ ਸਾਹਿਬ ਠਾਕਰੇ ਦਾ ਅਪਮਾਨ ਨਹੀਂ ਹੈ?"

#WATCH दिल्ली: सपा सांसद जया बच्चन ने कुणाल कामरा विवाद पर कहा, "... बोलने की आजादी कहां है? कार्रवाई की आज़ादी तभी है जब हंगामा हो..."

उन्होंने आगे कहा, "आप (एकनाथ शिंदे) अपनी असली पार्टी छोड़कर, सत्ता के लिए दूसरी पार्टी में आ गए। क्या यह बालासाहेब ठाकरे का अपमान नहीं है?" pic.twitter.com/Q2iN1VLa87 — ANI_HindiNews (@AHindinews) March 24, 2025

ਕਾਂਗਰਸ ਦਾ ਵੀ ਮਿਲਿਆ ਸਾਥ

ਕਾਮੇਡੀਅਨ ਕੁਨਾਲ ਕਾਮਰਾ ਵਿਵਾਦ ਅਤੇ ਸ਼ਿਵ ਸੈਨਾ (ਸ਼ਿੰਦੇ ਧੜੇ) ਦੇ ਵਰਕਰਾਂ ਵੱਲੋਂ ਕੀਤੀ ਗਈ ਭੰਨਤੋੜ ਬਾਰੇ ਕਾਂਗਰਸ ਵਿਧਾਇਕ ਨਾਨਾ ਪਟੋਲੇ ਨੇ ਕਿਹਾ ਕਿ ਮਹਾਰਾਸ਼ਟਰ ਵਿੱਚ ਕਾਨੂੰਨ ਵਿਵਸਥਾ ਨਹੀਂ ਹੈ। ਲੋਕ ਡਰ ਦੇ ਮਾਰੇ ਮਹਾਰਾਸ਼ਟਰ ਛੱਡ ਰਹੇ ਹਨ। ਉਦਯੋਗ ਇੱਥੋਂ ਜਾ ਰਹੇ ਹਨ। ਸਰਕਾਰ ਕਹਿੰਦੀ ਹੈ ਕਿ ਸੂਬੇ ਵਿੱਚ ਸ਼ਾਂਤੀ ਹੋਣੀ ਚਾਹੀਦੀ ਹੈ, ਪਰ ਉਹ ਇਸ ਤਰ੍ਹਾਂ ਦੀ ਬਰਬਾਦੀ ਕਰ ਰਹੀ ਹੈ। ਉਹ ਮਹਾਰਾਸ਼ਟਰ ਨੂੰ ਤਬਾਹ ਕਰਨਾ ਚਾਹੁੰਦੇ ਹਨ।

ਕੁਨਾਲ ਕਾਮਰਾ ਦਾ ਹਰ ਸ਼ਬਦ ਸਹੀ : ਸ਼ਿਵ ਸੈਨਾ ਬਾਲ ਠਾਕਰੇ

ਸ਼ਿਵ ਸੈਨਾ (ਯੂਬੀਟੀ) ਦੇ ਸੰਸਦ ਮੈਂਬਰ ਅਰਵਿੰਦ ਸਾਵੰਤ ਨੇ ਕਿਹਾ ਕਿ ਜਿੱਥੋਂ ਤੱਕ ਕੁਨਾਲ ਕਾਮਰਾ ਨੇ ਕੀਤਾ, ਮੈਨੂੰ ਲੱਗਦਾ ਹੈ ਕਿ ਉਨ੍ਹਾਂ ਦਾ ਹਰ ਸ਼ਬਦ, ਹਰ ਵਾਕ ਸਹੀ ਹੈ। ਵਿਰੋਧੀ ਧਿਰ 'ਚ ਹਰ ਕੋਈ ਉਸ 'ਤੇ ਇੱਕੋ ਜਿਹੇ ਦੋਸ਼ ਲਗਾ ਰਿਹਾ ਹੈ। ਇਹ ਗੱਲ ਉਸ ਨੇ ਕਵਿਤਾ ਦੇ ਰੂਪ ਵਿੱਚ ਕਹੀ। ਜੇਕਰ ਅਸੀਂ ਕਹਿੰਦੇ ਹਾਂ ਕਿ ਇਸ ਦੇਸ਼ ਵਿੱਚ ਲੋਕਤੰਤਰ ਹੈ ਅਤੇ ਅਸੀਂ ਇਸ ਵਿੱਚ ਵਿਸ਼ਵਾਸ਼ ਰੱਖਦੇ ਹਾਂ ਤਾਂ ਸਾਨੂੰ ਇਹ ਸਭ ਮੰਨ ਲੈਣਾ ਚਾਹੀਦਾ ਹੈ।

#WATCH | On comedian Kunal Kamra row and vandalism by Shiv Sena (Shinde faction) workers, Shiv Sena (UBT) MP Priyanka Chaturvedi says, "They are threatening over a joke where Eknath Shinde's name was not even mentioned, only the intelligent would have got the hint. If you have an… pic.twitter.com/9u9268aBHp — ANI (@ANI) March 24, 2025

ਸੰਸਦ ਮੈਂਬਰ ਪ੍ਰਿਅੰਕਾ ਚਤੁਰਵੇਦੀ ਨੇ ਕਿਹਾ, "ਉਹ ਇੱਕ ਮਜ਼ਾਕ ਨੂੰ ਲੈ ਕੇ ਧਮਕੀਆਂ ਦੇ ਰਹੇ ਹਨ, ਜਿਸ ਵਿੱਚ ਏਕਨਾਥ ਸ਼ਿੰਦੇ ਦਾ ਨਾਮ ਵੀ ਨਹੀਂ ਲਿਆ ਗਿਆ ਸੀ। ਉਨ੍ਹਾਂ ਦੀ ਭੰਨਤੋੜ ਤੋਂ ਪਤਾ ਲੱਗਦਾ ਹੈ ਕਿ ਇਸ ਨਾਲ ਉਨ੍ਹਾਂ ਨੂੰ ਠੇਸ ਪਹੁੰਚੀ ਹੈ ਅਤੇ ਉਹ ਮਜ਼ਾਕ ਰਾਹੀਂ ਜੋ ਕਹਿ ਰਹੇ ਹਨ, ਉਸ ਵਿੱਚ ਸੱਚਾਈ ਹੈ। ਇਸੇ ਲਈ ਉਨ੍ਹਾਂ ਨੇ ਅਜਿਹਾ ਹਮਲਾ ਕੀਤਾ ਹੈ... ਉਨ੍ਹਾਂ ਨੇ ਨਾਗਪੁਰ ਵਿੱਚ ਅਜਿਹੀ ਅੱਗ ਲਗਾਈ ਹੈ। ਉਹ ਹੁਣ ਮੁੰਬਈ ਵਿੱਚ ਅਜਿਹਾ ਕਰ ਰਹੇ ਹਨ।" ਇਹ ਕਿਹੋ ਜਿਹੀ ਅਸਹਿਣਸ਼ੀਲਤਾ ਹੈ?

- PTC NEWS