Neha Ahlawat Murder Case: 14 ਸਾਲਾਂ ਬਾਅਦ ਸੁਲਝਿਆ ਨੇਹਾ ਅਹਲਾਵਤ ਮਰਡਰ ਕੇਸ; ਮੁਲਜ਼ਮ ਕਾਬੂ, ਜਾਣੋ ਪੂਰਾ ਮਾਮਲਾ
Neha Ahlawat Murder Case: ਚੰਡੀਗੜ੍ਹ ਪੁਲਿਸ ਨੇ ਚਰਚਿਤ 14 ਸਾਲਾਂ ਪੁਰਾਣਾ ਨੇਹਾ ਅਹਲਾਵਤ ਮਰਡਰ ਕੇਸ ਦੇ ਨਾਲ ਇੱਕ ਹੋਰ ਮਰਡਰ ਕੇਸ ਨੂੰ ਸੁਲਝਾ ਲਿਆ ਹੈ। ਗ੍ਰਿਫਤਾਰ ਮੁਲਜ਼ਮ ਦੀ ਪਛਾਣ ਸੈਕਟਰ ਸ਼ਾਹਪੁਰ ਕਾਲੋਨੀ ਦੇ ਰਹਿਣ ਵਾਲੇ ਮੋਨੂੰ ਦੇ ਰੂਪ ’ਚ ਹੋਈ ਹੈ। ਮੁਲਜ਼ਮ ਉੱਤਰਪ੍ਰਦੇਸ਼ ਦਾ ਰਹਿਣ ਵਾਲਾ ਹੈ।
ਪੁਲਿਸ ਰਿਪੋਰਟਾਂ ਦੇ ਅਨੁਸਾਰ ਕਿ ਇਹ ਸਫਲਤਾ ਦੋਵਾਂ ਪੀੜਤਾਂ ਦੀਆਂ ਲਾਸ਼ਾਂ ਤੋਂ ਇਕੱਠੇ ਕੀਤੇ ਨਮੂਨਿਆਂ ਦੀ ਡੀਐਨਏ ਪ੍ਰੋਫਾਈਲਿੰਗ ਤੋਂ ਮਿਲੀ ਹੈ। ਸੀਰੀਅਲ ਰੇਪਿਸਟ ਅਤੇ ਕਾਤਲ ਮੰਨੇ ਜਾਣ ਵਾਲੇ ਦੋਸ਼ੀ ਤੋਂ ਫਿਲਹਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਪੁਲਿਸ ਅਨੁਸਾਰ ਕਿ ਸ਼ੱਕੀ ਨੇ 14 ਸਾਲ ਪਹਿਲਾਂ ਸੈਕਟਰ 38 ਵੈਸਟ ਵਿੱਚ ਇੱਕ 22 ਸਾਲਾ ਐਮਬੀਏ ਦੀ ਵਿਦਿਆਰਥਣ ਨੇਹਾ ਅਹਲਾਵਤ ਅਤੇ 2010 ਵਿੱਚ ਮਲੋਆ ਨੇੜੇ ਇੱਕ 40 ਸਾਲਾ ਔਰਤ ਨਾਲ ਬਲਾਤਕਾਰ ਕਰਨ ਅਤੇ ਕਤਲ ਕਰਨ ਦਾ ਇਕਬਾਲ ਕੀਤਾ ਹੈ।
ਜਾਂਚਕਰਤਾਵਾਂ ਨੇ ਸੈਂਟਰਲ ਫੋਰੈਂਸਿਕ ਸਾਇੰਸ ਲੈਬਾਰਟਰੀ (ਸੀਐਫਐਸਐਲ) ਦੁਆਰਾ ਕੱਢੇ ਗਏ ਸਿੱਟਿਆਂ ਦੇ ਆਧਾਰ 'ਤੇ ਸ਼ੱਕੀ ਵਿਅਕਤੀ ਦੀ ਜਾਂਚ ਕੀਤੀ, ਜਿਸ ਤੋਂ ਇਹ ਸੰਕੇਤ ਮਿਲਦਾ ਹੈ ਕਿ ਦੋਵੇਂ ਅਪਰਾਧ ਇੱਕੋ ਵਿਅਕਤੀ ਦੁਆਰਾ ਕੀਤੇ ਗਏ ਸਨ। ਸ਼ੱਕੀ ਸੈਕਟਰ 39 ਨੇੜੇ ਸ਼ਾਹਪੁਰ ਕਲੋਨੀ ਵਿਚ ਰਹਿੰਦਾ ਹੈ ਅਤੇ ਉਸ ਦੇ ਡੀਐਨਏ ਨਮੂਨੇ ਅਪਰਾਧ ਦੇ ਸਥਾਨਾਂ ਤੋਂ ਲਏ ਗਏ ਨਮੂਨੇ ਨਾਲ ਮੇਲ ਖਾਂਦੇ ਹਨ।
ਦੱਸ ਦਈਏ ਕਿ ਦੋਸ਼ੀ ਜਿਸ ਨੂੰ ਪਹਿਲਾਂ ਹਿਮਾਚਲ ਪ੍ਰਦੇਸ਼ ਵਿੱਚ ਬਲਾਤਕਾਰ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ, ਪਰ ਸਬੂਤਾਂ ਦੀ ਘਾਟ ਕਾਰਨ ਬਰੀ ਕਰ ਦਿੱਤਾ ਗਿਆ ਸੀ, ਨੇ ਪੁਲਿਸ ਪੁੱਛਗਿੱਛ ਦੌਰਾਨ ਹੋਰ ਜਾਣਕਾਰੀ ਦਿੱਤੀ ਹੈ।
ਨੇਹਾ ਅਹਲਾਵਤ ਦਾ ਮਾਮਲਾ ਜੁਲਾਈ 2010 ਦਾ ਹੈ ਜਦੋਂ ਉਸ ਦੀ ਲਾਸ਼ ਸੈਕਟਰ 38 ਵੈਸਟ ਵਿੱਚ ਕਰਨ ਟੈਕਸੀ ਸਟੈਂਡ ਨੇੜੇ ਅਰਧ ਨਗਨ ਹਾਲਤ ਵਿੱਚ ਮਿਲੀ ਸੀ। ਚੰਡੀਗੜ੍ਹ ਪੁਲਿਸ ਵੱਲੋਂ ਸਾਲਾਂ ਤੋਂ ਅਣਥੱਕ ਯਤਨਾਂ ਦੇ ਬਾਵਜੂਦ ਇਹ ਮਾਮਲਾ ਹੁਣ ਤੱਕ ਅਣਸੁਲਝਿਆ ਰਿਹਾ। ਇਸੇ ਤਰ੍ਹਾਂ ਇੱਕ ਹੋਰ ਪੀੜਤ, ਜਿਸਦੀ ਲਾਸ਼ ਜਨਵਰੀ 2022 ਵਿੱਚ ਮਲੋਆ ਜੰਗਲੀ ਖੇਤਰ ਦੇ ਨੇੜੇ ਮਿਲੀ ਸੀ, ਦੀ ਵੀ ਇਸੇ ਤਰ੍ਹਾਂ ਦੀ ਹਾਲਤ ’ਚ ਮਿਲੀ ਸੀ।
ਗ੍ਰਿਫਤਾਰੀ ਦੋਵਾਂ ਮਾਮਲਿਆਂ ਵਿੱਚ ਇੱਕ ਮਹੱਤਵਪੂਰਨ ਸਫਲਤਾ ਦੀ ਨਿਸ਼ਾਨਦੇਹੀ ਕਰਦੀ ਹੈ, ਜਿਸ ਨਾਲ ਪੀੜਤਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ ਨਿਆਂ ਦੀ ਉਮੀਦ ਦੀ ਕਿਰਨ ਹੈ।
ਇਹ ਵੀ ਪੜ੍ਹੋ: Viral: BJP ਉਮੀਦਵਾਰ ਸੁਸ਼ੀਲ ਰਿੰਕੂ ਦੀ ਪਤਨੀ ਦੀ ਫਿਸਲੀ ਜ਼ੁਬਾਨ, ਬੀਜੇਪੀ ਛੱਡ ਇਸ ਪਾਰਟੀ ਲਈ ਮੰਗ ਲਏ ਵੋਟ
- PTC NEWS
