Chandigarh Gurugram Pub Bomb Blast : ਚੰਡੀਗੜ੍ਹ ਤੇ ਗੁਰੂਗ੍ਰਾਮ ਕਲੱਬ ਧਮਾਕੇ ਦਾ ਨਿਕਲਿਆ ਗੈਂਗਸਟਰ ਕੁਨੈਕਸ਼ਨ ! ਵੱਡੇ ਧਮਾਕੇ ਦੀ ਆਖੀ ਗਈ ਗੱਲ
Chandigarh Gurugram Pub Bomb Blast : ਹਰਿਆਣਾ ਦੇ ਗੁਰੂਗ੍ਰਾਮ ਵਿੱਚ ਇੱਕ ਪੱਬ ਦੇ ਬਾਹਰ ਦੇਸੀ ਬੰਬ ਸੁੱਟਣ ਅਤੇ ਧਮਾਕੇ ਦੇ ਮਾਮਲੇ ਦੀ ਪੁਲਿਸ ਲਗਾਤਾਰ ਜਾਂਚ ਕਰ ਰਹੀ ਹੈ। ਦੱਸ ਦਈਏ ਕਿ ਚੰਡੀਗੜ੍ਹ ਸੈਕਟਰ ਵਿੱਚ ਗਾਇਕ ਬਾਦਸ਼ਾਹ ਦੇ ਕਲੱਬ ਦੇ ਬਾਹਰ ਹੋਏ ਇਸੇ ਤਰ੍ਹਾਂ ਦੇ ਧਮਾਕੇ ਨਾਲ ਗੁਰੂਗ੍ਰਾਮ ਧਮਾਕੇ ਦਾ ਸਬੰਧ ਸਾਹਮਣੇ ਆਇਆ ਹੈ। ਉੱਥੇ ਹੀ ਹੁਣ ਇਨ੍ਹਾਂ ਹਮਲਿਆਂ ਦੀ ਗੈਂਗਸਟਰ ਰੋਹਿਤ ਗੋਦਾਰਾ ਨੇ ਸੋਸ਼ਸ ਮੀਡੀਆ ’ਤੇ ਪੋਸਟ ਸਾਂਝੀ ਕਰਕੇ ਘਟਨਾ ਦੀ ਜ਼ਿੰਮੇਵਾਰੀ ਲਈ ਹੈ।
ਰਾਮ ਰਾਮ ਜੈ ਸ਼੍ਰੀ ਰਾਮ ਸਾਰੇ ਭਰਾਵਾਂ ਨੂੰ ਮੈ ਰੋਹਿਤ ਗੋਦਾਰਾ ਬੀਕਾਨੇਰ ਗੋਲਡੀ ਬਰਾੜ ਜੋ ਕੁਝ ਦਿਨ ਪਹਿਲਾਂ ਚੰਡੀਗੜ੍ਹ ਅਤੇ ਅਜੇ ਦੋ ਦਿਨ ਪਹਿਲਾਂ ਗੁਰੂਗ੍ਰਾਮ ਸੈਕਟਰ 29 ’ਚ ਦੋ ਕਲੱਬਾਂ ਦੇ ਬਾਹਰ ਬੰਬ ਧਮਾਕੇ ਹੋਏ ਹੈ ਉਹ ਅਸੀਂ ਕਰਵਾਏ ਹਨ। ਜੋ ਜੁਆ ਸੱਟਾ ਲਗਾਉਣ ਵਾਲੇ ਬੁੱਕੀ ਹਵਾਲਾ ਕਾਰੋਬਾਰੀ ਅਤੇ ਡਾਂਸ ਕਲੱਬ ਜੋ ਹਰ ਰੋਜ਼ ਦੇ ਕਰੋੜ ਰੁਪਏ ਕਮਾ ਰਹੇ ਹਨ। ਇਨ੍ਹਾਂ ਸਭ ਨੂੰ ਟੈਕਸ ਦੇਣਾ ਪਵੇਗਾ। ਇਹ ਤਾਂ ਕੰਨ ਖੋਲ੍ਹਣ ਦੇ ਲਈ ਛੋਟਾ ਜਿਹਾ ਡੈਮੋ ਹੈ। ਇਸ ਤੋਂ ਵੀ ਜਿਆਦਾ ਵੱਡਾ ਧਮਾਕਾ ਕਰ ਸਕਦੇ ਹਨ ਜਿਸ ਨਾਲ ਅਜਿਹੇ ਡਾਂਸ ਕਲੱਬ ਬਿਖਰ ਜਾਣਗੇ। ਇਸ ਨੂੰ ਸਾਡੀ ਚਿਤਾਵਨੀ ਨਾ ਸਮਝਿਓ ਜੋ ਅਸੀਂ ਬੋਲਦੇ ਹਾਂ ਉਹ ਕਰਦੇ ਹਾਂ ਜੋ ਗਰੀਬਾਂ ਦਾ ਖੂਨ ਪੀਂਦੇ ਹਨ ਅਤੇ ਜੋ ਦੇਸ਼ ਦਾ ਟੈਕਸ ਚੋਰੀ ਕਰਕੇ ਦੋ ਨੰਬਰ ਤੋਂ ਕਰੋੜਾਂ ਰੁਪਏ ਕਮਾਉਂਦੇ ਹਨ ਉਨ੍ਹਾਂ ਸਾਰਿਆਂ ਨੂੰ ਭੁਗਤਾਨ ਕਰਨਾ ਪਵੇਗਾ।
ਇਸ ਪੋਸਟ ਰਾਹੀਂ ਵੱਡਾ ਧਮਾਕਾ ਕਰਨ ਦੀ ਵੀ ਗੱਲ ਆਖੀ ਗਈ ਹੈ। ਹਾਲਾਂਕਿ ਇਸ ਪੋਸਟ ਦੀ ਪੀਟੀਸੀ ਨਿਊਜ਼ ਤਸਦੀਕ ਨਹੀਂ ਕਰਦਾ ਹੈ।
ਇਹ ਵੀ ਪੜ੍ਹੋ : NGT On Budha Nullah : ਬੁੱਢੇ ਨਾਲੇ ਨੂੰ ਲੈ ਕੇ NGT ਦਾ ਵੱਡਾ ਐਕਸ਼ਨ, ਇੱਕ ਹਫਤੇ ’ਚ ਬੰਦ ਹੋਣਗੀਆਂ 54 ਇੰਡਸਟਰੀਆਂ
- PTC NEWS
