Budget 2024 : ਫਿਊਚਰ ਐਂਡ ਆਪਸ਼ਨ ਟ੍ਰੇਡਿੰਗ 'ਤੇ ਲੱਗ ਸਕਦੈ ਭਾਰੀ ਟੈਕਸ, ਜਾਣੋ ਆਮ ਨਿਵੇਸ਼ਕਾਂ 'ਤੇ ਪ੍ਰਭਾਵ
Tax on Stock Market : ਸਰਕਾਰ ਸਟਾਕ ਮਾਰਕੀਟ ਵਿੱਚ ਨਿਵੇਸ਼ਕਾਂ ਦੇ ਫਿਊਚਰ ਐਂਡ ਆਪਸ਼ਨ ਟਰੇਡਿੰਗ (F&O Trading) ਵੱਲ ਵਧਦੇ ਰੁਝਾਨ ਤੋਂ ਚਿੰਤਤ ਹੈ। ਸੋਮਵਾਰ ਨੂੰ ਪੇਸ਼ ਕੀਤੇ ਗਏ ਆਰਥਿਕ ਸਰਵੇਖਣ 2023-24 'ਚ (Economic Survey 2023-24) ਫਿਊਚਰਜ਼ ਅਤੇ ਆਪਸ਼ਨ ਟਰੇਡਿੰਗ 'ਚ ਪ੍ਰਚੂਨ ਨਿਵੇਸ਼ਕਾਂ ਦੀ ਵਧਦੀ ਦਿਲਚਸਪੀ 'ਤੇ ਜ਼ੋਰਦਾਰ ਆਲੋਚਨਾ ਕੀਤੀ ਗਈ ਹੈ। ਸਰਕਾਰ ਦੇ ਰੁਖ ਨੂੰ ਦੇਖਦੇ ਹੋਏ ਫਿਊਚਰਜ਼ ਐਂਡ ਆਪਸ਼ਨਜ਼ (F&O) ਵਪਾਰ ਕਰਨ ਵਾਲਿਆਂ ਨੂੰ ਕੇਂਦਰੀ ਬਜਟ ਤੋਂ ਵੱਡਾ ਝਟਕਾ ਲੱਗ ਸਕਦਾ ਹੈ। ਇਸ ਤੋਂ ਹੋਣ ਵਾਲੀ ਆਮਦਨ 'ਤੇ ਉਨ੍ਹਾਂ ਨੂੰ ਜ਼ਿਆਦਾ ਟੈਕਸ ਦੇਣਾ ਪੈ ਸਕਦਾ ਹੈ। F&O ਤੋਂ ਹੋਣ ਵਾਲੀ ਆਮਦਨ 'ਤੇ ਉੱਚ ਟੈਕਸ ਲਗਾਉਣ ਲਈ, ਸਰਕਾਰ ਇਸ ਤੋਂ ਹੋਣ ਵਾਲੀ ਆਮਦਨ ਨੂੰ ਲਾਟਰੀ ਜਾਂ ਕ੍ਰਿਪਟੋਕਰੰਸੀ ਤੋਂ ਹੋਣ ਵਾਲੀ ਆਮਦਨ ਦੀ ਸ਼੍ਰੇਣੀ 'ਚ ਰੱਖ ਸਕਦੀ ਹੈ।
ਵੱਡੇ ਪੈਮਾਨੇ 'ਤੇ ਪੈਸਾ ਗੁਆਉਣ ਦੇ ਬਾਵਜੂਦ ਇਸ ਖੇਤਰ ਵਿੱਚ ਨਿਵੇਸ਼ ਵਧ ਰਿਹਾ ਹੈ। ਮਈ 2024 ਵਿੱਚ, BSE ਅਤੇ NSE ਦੇ ਇਕੁਇਟੀ ਡੈਰੀਵੇਟਿਵਜ਼ ਖੰਡਾਂ ਵਿੱਚ ਕੁੱਲ ਵਪਾਰ ਦੀ ਮਾਤਰਾ 9,504 ਲੱਖ ਕਰੋੜ ਰੁਪਏ ਸੀ, ਜੋ ਮਈ 2023 ਦੇ ਮੁਕਾਬਲੇ ਸਾਲਾਨਾ ਆਧਾਰ 'ਤੇ 71 ਫੀਸਦੀ ਜ਼ਿਆਦਾ ਹੈ। F&O ਦਾ ਉਦੇਸ਼ ਨਿਵੇਸ਼ਕਾਂ ਨੂੰ ਉਨ੍ਹਾਂ ਦੇ ਜੋਖਮਾਂ ਨੂੰ ਸੰਭਾਲਣ ਵਿੱਚ ਮਦਦ ਕਰਨਾ ਸੀ, ਪਰ ਇਹ ਆਪਣੇ ਮੂਲ ਟੀਚੇ ਤੋਂ ਭਟਕ ਗਿਆ ਹੈ।
ਟੈਕਸ ਨਾਲ ਹੋਵੇਗਾ ਸਰਕਾਰ ਨੂੰ ਫਾਇਦਾ
ਫਿਊਚਰਜ਼ ਐਂਡ ਆਪਸ਼ਨਜ਼ (F&O) ਵਪਾਰ ਤੋਂ ਕਮਾਈ 'ਤੇ ਉੱਚ ਟੈਕਸ ਲਗਾਉਣ ਦੇ ਦੋ ਫਾਇਦੇ ਹੋਣਗੇ। ਪਹਿਲਾ, F&O ਆਮਦਨ 'ਤੇ ਜ਼ਿਆਦਾ ਟੈਕਸ ਸਰਕਾਰ ਦੀ ਕਮਾਈ ਨੂੰ ਵਧਾਏਗਾ।
ਦੱਸ ਦਈਏ ਕਿ ਵਰਤਮਾਨ ਵਿੱਚ, F&O ਲੈਣ-ਦੇਣ ਤੋਂ ਆਮਦਨ ਨੂੰ ਵਪਾਰਕ ਆਮਦਨ ਮੰਨਿਆ ਜਾਂਦਾ ਹੈ। ਨਿਵੇਸ਼ਕ ਨੂੰ ਆਪਣੇ ਟੈਕਸ ਸਲੈਬ ਦੇ ਅਨੁਸਾਰ ਇਸ ਤੋਂ ਹੋਣ ਵਾਲੀ ਆਮਦਨ 'ਤੇ ਆਮਦਨ ਟੈਕਸ ਅਦਾ ਕਰਨਾ ਪੈਂਦਾ ਹੈ। ਇਸ ਦਾ ਮਤਲਬ ਹੈ ਕਿ ਨਿਵੇਸ਼ਕ ਲਈ ਟੈਕਸ ਦੀ ਦਰ 5 ਫੀਸਦੀ, 20 ਫੀਸਦੀ ਅਤੇ 30 ਫੀਸਦੀ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ F&O ਤੋਂ ਹੋਣ ਵਾਲੇ ਨੁਕਸਾਨ ਨੂੰ ਹੋਰ ਵਪਾਰਕ ਗਤੀਵਿਧੀਆਂ ਦੇ ਲਾਭ ਦੇ ਨਾਲ ਐਡਜਸਟ ਕਰਨ ਦੀ ਆਗਿਆ ਹੈ।
- PTC NEWS
