BSNL Diwali Offer : ਬੀਐਸਐਨਐਲ ਦਾ ਦੀਵਾਲੀ ਤੋਹਫਾ; ਇਸ ਪਲਾਨ ਦੀ ਕੀਮਤ 100 ਰੁਪਏ ਘੱਟ, ਮਿਲੇਗਾ 600GB ਡਾਟਾ ਤੇ ਮੁਫਤ ਕਾਲਿੰਗ
BSNL Diwali Offer : ਸਰਕਾਰੀ ਟੈਲੀਕਾਮ ਕੰਪਨੀ ਨੇ ਦੀਵਾਲੀ 'ਤੇ ਆਪਣੇ ਗਾਹਕਾਂ ਨੂੰ ਤੋਹਫਾ ਦਿੰਦੇ ਹੋਏ ਆਪਣੇ ਸਾਲ ਭਰ ਚੱਲਣ ਵਾਲੇ ਪ੍ਰੀਪੇਡ ਪਲਾਨ ਦੀ ਕੀਮਤ ਘਟਾ ਦਿੱਤੀ ਹੈ। ਜਿੱਥੇ ਸਾਰੀਆਂ ਪ੍ਰਾਈਵੇਟ ਕੰਪਨੀਆਂ ਨੇ ਆਪਣੇ ਪਲਾਨ ਮਹਿੰਗੇ ਕਰ ਦਿੱਤੇ ਹਨ, ਉਥੇ ਹੀ ਬੀਐਸਐਨਐਲ ਨੇ ਇਹ ਪਲਾਨ ਸਸਤਾ ਕਰ ਦਿੱਤਾ ਹੈ।
ਸਰਕਾਰੀ ਟੈਲੀਕਾਮ ਕੰਪਨੀ ਨੇ ਦੀਵਾਲੀ 2024 ਦੇ ਤੋਹਫ਼ੇ ਵਜੋਂ ਆਪਣੇ ਸਭ ਤੋਂ ਸ਼ਾਨਦਾਰ ਪ੍ਰੀਪੇਡ ਪਲਾਨ ਵਿੱਚੋਂ ਇੱਕ ਦੀ ਕੀਮਤ ਘਟਾ ਦਿੱਤੀ ਹੈ। ਬੀਐਸਐਨਐਲ ਨੇ 1999 ਰੁਪਏ ਵਾਲੇ ਪਲਾਨ ਦੀ ਕੀਮਤ 100 ਰੁਪਏ ਘਟਾ ਦਿੱਤੀ ਹੈ, ਜਿਸ ਨਾਲ ਪਲਾਨ ਦੀ ਪ੍ਰਭਾਵੀ ਕੀਮਤ 1899 ਰੁਪਏ ਹੋ ਗਈ ਹੈ। ਹੁਣ ਇਹ ਬਦਲਾਅ ਬੀਐਸਐਨਐਲ ਇੰਡੀਆ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਦਿਖਾਈ ਦੇ ਰਿਹਾ ਹੈ।
ਹਾਲਾਂਕਿ ਇੱਥੇ ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਇਹ ਪੇਸ਼ਕਸ਼ ਸੀਮਤ ਸਮੇਂ ਲਈ ਹੈ, ਇਹ ਪੇਸ਼ਕਸ਼ 28 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ ਅਤੇ ਸਿਰਫ 7 ਨਵੰਬਰ, 2024 ਤੱਕ ਵੈਧ ਹੋਵੇਗੀ।
ਬੀਐਸਐਨਐਲ ਦਾ 1899 ਰੁਪਏ ਵਾਲਾ ਪਲਾਨ 600GB ਡਾਟਾ ਦੇ ਨਾਲ ਆਉਂਦਾ ਹੈ। ਇਹ ਇੱਕ ਸਾਲਾਨਾ ਪਲਾਨ ਹੈ ਜੋ 365 ਦਿਨਾਂ ਦੀ ਸੇਵਾ ਵੈਧਤਾ ਦੇ ਨਾਲ ਆਉਂਦਾ ਹੈ। ਇਹ ਪ੍ਰੀਪੇਡ ਪਲਾਨ ਅਸੀਮਤ ਵੌਇਸ ਕਾਲਿੰਗ, ਪ੍ਰਤੀ ਦਿਨ 100 SMS, ਗੇਮਾਂ ਅਤੇ ਸੰਗੀਤ ਵਰਗੇ ਵਾਧੂ ਲਾਭਾਂ ਦੀ ਪੇਸ਼ਕਸ਼ ਕਰਦਾ ਹੈ। 28 ਅਕਤੂਬਰ ਤੋਂ 7 ਨਵੰਬਰ ਦੇ ਵਿਚਕਾਰ ਇਸ ਪਲਾਨ ਨਾਲ ਰੀਚਾਰਜ ਕਰਨ ਵਾਲੇ ਨੂੰ 100 ਰੁਪਏ ਦਾ ਲਾਭ ਮਿਲੇਗਾ।
ਇਹ ਵੀ ਪੜ੍ਹੋ : Diwali Gift For Senior Citizens : ਮੋਦੀ ਸਰਕਾਰ ਵੱਲੋਂ ਬਜ਼ੁਰਗਾਂ ਨੂੰ ਦੀਵਾਲੀ ਗਿਫਟ, ਹਰ ਸਾਲ ਮੁਫਤ ਇਲਾਜ, ਇੰਝ ਮਿਲੇਗਾ ਫਾਇਦਾ
- PTC NEWS
