Ola Refund Choice : Ola 'ਤੇ 2061 ਸ਼ਿਕਾਇਤਾਂ ਤੋਂ ਬਾਅਦ CCPA ਦਾ ਵੱਡਾ ਫੈਸਲਾ, ਗਾਹਕਾਂ ਨੂੰ ਮਿਲੇਗੀ ਰਾਹਤ
Ola Refund Choice : ਮਸ਼ਹੂਰ ਕੈਬ ਸਰਵਿਸ ਪ੍ਰੋਵਾਈਡਰ ਅਤੇ ਰਾਈਡ-ਹੇਲਿੰਗ ਪਲੇਟਫਾਰਮ ਓਲਾ ਕੈਬਸ ਇਕ ਵਾਰ ਫਿਰ ਖਬਰਾਂ 'ਚ ਹੈ। ਜਿਸ ਦਾ ਕਾਰਨ ਇਹ ਹੈ ਕਿ ਕੰਪਨੀ ਖਿਲਾਫ ਜਨਵਰੀ 2024 ਤੋਂ ਹੁਣ ਤੱਕ 2061 ਸ਼ਿਕਾਇਤਾਂ ਦਰਜ ਕੀਤੀਆਂ ਗਈਆਂ ਹਨ। ਜਿਸ ਕਾਰਨ ਕੇਂਦਰੀ ਖਪਤਕਾਰ ਸੁਰੱਖਿਆ ਅਥਾਰਟੀ (CCPA) ਨੇ ਕੰਪਨੀ ਨੂੰ ਕੁਝ ਉਪਭੋਗਤਾ ਅਨੁਕੂਲ ਵਿਵਸਥਾ ਕਰਨ ਲਈ ਕਿਹਾ ਹੈ। ਜਿਨ੍ਹਾਂ 'ਚ ਦੋ ਗੱਲਾਂ ਉੱਤੇ ਵਿਸ਼ੇਸ਼ ਜ਼ੋਰ ਦਿੱਤਾ ਗਿਆ ਹੈ। ਪਹਿਲਾ ਇਹ ਕਿ ਕੰਪਨੀ ਨੂੰ ਰਿਫੰਡ ਦੇਣ ਲਈ ਹੋਰ ਵਿਕਲਪ ਪ੍ਰਦਾਨ ਕਰਨੇ ਹੋਣਗੇ। ਨਾਲ ਹੀ ਆਟੋ ਰਾਈਡ ਲਈ ਰਸੀਦ ਵੀ ਦੇਣੀ ਪਵੇਗੀ।
CCPA ਨੇ ਇਹ ਹੁਕਮ ਕੱਲ੍ਹ ਯਾਨੀ ਐਤਵਾਰ 13 ਅਕਤੂਬਰ ਨੂੰ ਦਿੱਤਾ ਹੈ। ਰੈਗੂਲੇਟਰੀ ਦੇ ਚੀਫ ਕਮਿਸ਼ਨਰ ਨੇ ਕਿਹਾ ਕਿ ਕੰਪਨੀ ਰਿਫੰਡ ਦੇ ਨਾਂ 'ਤੇ ਖਪਤਕਾਰਾਂ ਨੂੰ ਸਿਰਫ ਹੋਰ ਸਵਾਰੀਆਂ ਲਈ ਕੂਪਨ ਦਿੰਦੀ ਹੈ। ਤਾਂ ਆਓ ਜਾਣਦੇ ਹਾਂ ਇਸ ਮਾਮਲੇ ਬਾਰੇ ਵਿਸਥਾਰ ਨਾਲ।
ਰਿਫੰਡ ਲਈ ਹੋਰ ਵਿਕਲਪ ਦੇਣੇ ਪੈਣਗੇ :
CCPA ਦੀ ਮੁੱਖ ਕਮਿਸ਼ਨਰ ਨਿਧੀ ਖਰੇ ਨੇ ਦੱਸਿਆ ਹੈ ਕਿ Ola ਦੀ 'No Questions Asked Refund Policy' ਦੇ ਤਹਿਤ, ਖਪਤਕਾਰਾਂ ਨੂੰ ਸਿਰਫ਼ ਭਵਿੱਖ ਦੀਆਂ ਸਵਾਰੀਆਂ ਲਈ ਕੂਪਨ ਕੋਡ ਦਿੱਤੇ ਜਾਣਦੇ ਹਨ। ਇਹ ਖਪਤਕਾਰਾਂ ਨੂੰ ਸਿੱਧੇ ਉਨ੍ਹਾਂ ਦੇ ਬੈਂਕ ਖਾਤਿਆਂ'ਚ ਰਿਫੰਡ ਦੇਣ 'ਚ ਅਸਫਲ ਰਿਹਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ CCPA ਨੇ ਜ਼ੋਰ ਦੇ ਕੇ ਕਿਹਾ ਹੈ ਕਿ ਇਹ ਉਪਭੋਗਤਾ ਅਧਿਕਾਰਾਂ ਦੀ ਉਲੰਘਣਾ ਹੈ। ਇਹ ਇਸ ਲਈ ਹੈ ਕਿਉਂਕਿ 'ਕੋਈ ਸਵਾਲ ਨਹੀਂ ਪੁੱਛੇ ਗਏ ਰਿਫੰਡ ਪਾਲਿਸੀ' ਦਾ ਮਤਲਬ ਇਹ ਨਹੀਂ ਹੋ ਸਕਦਾ ਕਿ ਕੰਪਨੀ ਖਪਤਕਾਰ ਨੂੰ ਅਗਲੀ ਸਵਾਰੀ ਲੈਣ ਲਈ ਉਤਸ਼ਾਹਿਤ ਕਰਦੀ ਹੈ। ਅਜਿਹੇ 'ਚ ਕੰਪਨੀ ਨੂੰ ਖਾਤੇ 'ਚ ਰਿਫੰਡ ਟ੍ਰਾਂਸਫਰ ਕਰਨ ਦਾ ਵਿਕਲਪ ਦੇਣ ਲਈ ਵੀ ਕਿਹਾ ਗਿਆ ਹੈ।
ਆਟੋ ਸਵਾਰੀ ਲਈ ਰਸੀਦ :
ਇਸ ਤੋਂ ਇਲਾਵਾ CCPA ਨੇ ਓਲਾ ਨੂੰ ਆਪਣੇ ਪਲੇਟਫਾਰਮ 'ਤੇ ਬੁੱਕ ਕੀਤੀਆਂ ਸਾਰੀਆਂ ਆਟੋ ਸਵਾਰੀਆਂ ਲਈ ਬਿੱਲ ਜਾਂ ਚਲਾਨ ਜਾਰੀ ਕਰਨ ਦਾ ਹੁਕਮ ਵੀ ਦਿੱਤਾ ਹੈ। ਮੀਡਿਆ ਰਿਪੋਰਟਾਂ ਮੁਤਾਬਕ ਰੈਗੂਲੇਟਰ ਨੇ ਕਿਹਾ ਹੈ ਕਿ ਅਜਿਹੇ ਦਸਤਾਵੇਜ਼ਾਂ ਦੀ ਅਣਹੋਂਦ ਉਪਭੋਗਤਾ ਸੁਰੱਖਿਆ ਐਕਟ, 2019 ਦੇ ਤਹਿਤ ਇੱਕ ਅਨੁਚਿਤ ਵਪਾਰ ਅਭਿਆਸ ਹੈ। ਦਸ ਦਈਏ ਕਿ CCPA ਨੇ ਜਨਵਰੀ ਤੋਂ ਅਕਤੂਬਰ 2024 ਤੱਕ ਓਲਾ ਖਿਲਾਫ 2,061 ਸ਼ਿਕਾਇਤਾਂ ਦਰਜ ਕੀਤੀਆਂ ਹਨ। ਓਵਰਚਾਰਜਿੰਗ, ਰਿਫੰਡ 'ਚ ਦੇਰੀ ਅਤੇ ਡਰਾਈਵਰ ਨਾਲ ਸਬੰਧਤ ਸਮੱਸਿਆਵਾਂ ਸਨ।
ਓਲਾ ਨੇ ਜ਼ਰੂਰੀ ਬਦਲਾਅ ਕੀਤੇ ਹਨ :
CCPA ਆਰਡਰ ਦੇ ਬਾਅਦ, ਓਲਾ ਨੇ ਆਪਣੀ ਵੈੱਬਸਾਈਟ 'ਤੇ ਸ਼ਿਕਾਇਤ ਅਤੇ ਨੋਡਲ ਅਫਸਰ ਦੇ ਸੰਪਰਕ ਵੇਰਵਿਆਂ ਨੂੰ ਪ੍ਰਦਰਸ਼ਿਤ ਕਰਨਾ, ਬੁਕਿੰਗ ਦੇ ਸਮੇਂ ਸਹੀ ਰੱਦ ਕਰਨ ਦੀ ਨੀਤੀ ਅਤੇ ਖਰਚਿਆਂ ਨੂੰ ਦਿਖਾਉਣਾ, ਰੱਦ ਕਰਨ ਦੇ ਕਾਰਨਾਂ ਆਦਿ ਸਮੇਤ ਕਈ ਬਦਲਾਅ ਲਾਗੂ ਕੀਤੇ ਹਨ। ਨਾਲ ਹੀ ਡਰਾਈਵਰਾਂ ਨੂੰ ਪਿਕਅੱਪ ਅਤੇ ਡ੍ਰੌਪ ਸਥਾਨ ਅਤੇ ਪਤਾ ਦੋਵਾਂ ਨੂੰ ਦਿਖਾਉਣ ਦੇ ਨਾਲ ਤੇਜ਼ ਭੁਗਤਾਨ ਲਈ ਬਿਹਤਰ ਭੁਗਤਾਨ ਚੱਕਰ ਨੂੰ ਵੀ ਅਪਡੇਟ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ : PM Justin Trudeau : ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਭਾਰਤ ਖਿਲਾਫ ਦਿੱਤੇ ਵੱਡੇ ਬਿਆਨ, ਪੜ੍ਹੋ
- PTC NEWS
