PAK vs BAN : ਬੰਗਲਾਦੇਸ਼ ਨੇ ਸਿਰਜਿਆ ਇਤਿਹਾਸ, ਪਾਕਿਸਤਾਨ ਨੂੰ ਉਸ ਦੀ ਧਰਤੀ 'ਤੇ ਹੀ ਹਰਾ ਕੇ ਜਿੱਤੀ ਟੈਸਟ ਸੀਰੀਜ਼

PAK vs BAN Test Series 2024 : ਬੰਗਲਾਦੇਸ਼ ਦੀ ਟੀਮ ਨੇ ਪਾਕਿਸਤਾਨ ਖਿਲਾਫ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ 'ਚ ਸ਼ਾਨਦਾਰ ਜਿੱਤ ਦਰਜ ਕਰਕੇ ਇਤਿਹਾਸ ਰਚ ਦਿੱਤਾ ਹੈ। ਰਾਵਲਪਿੰਡੀ ਵਿੱਚ ਖੇਡੇ ਗਏ ਦੂਜੇ ਮੈਚ ਵਿੱਚ ਮੇਜ਼ਬਾਨ ਪਾਕਿਸਤਾਨ ਨੇ 185 ਦੌੜਾਂ ਦਾ ਟੀਚਾ ਰੱਖਿਆ ਸੀ। ਬੰਗਲਾਦੇਸ਼ ਨੇ ਮੈਚ ਦੇ ਆਖਰੀ ਦਿਨ 4 ਵਿਕਟਾਂ ਗੁਆ ਕੇ ਇਹ ਪ੍ਰਾਪਤੀ ਕੀਤੀ। ਪਹਿਲਾ ਮੈਚ 10 ਵਿਕਟਾਂ ਨਾਲ ਜਿੱਤਣ ਵਾਲੀ ਟੀਮ ਨੇ ਨਾ ਸਿਰਫ਼ ਪਾਕਿਸਤਾਨ ਨੂੰ ਪਹਿਲੀ ਵਾਰ ਕਿਸੇ ਟੈਸਟ ਮੈਚ ਵਿੱਚ ਹਰਾਇਆ ਸਗੋਂ ਦੂਜਾ ਮੈਚ ਜਿੱਤ ਕੇ ਕਲੀਨ ਸਵੀਪ ਵੀ ਕੀਤਾ।

ਪਾਕਿਸਤਾਨ ਖਿਲਾਫ ਰਾਵਲਪਿੰਡੀ ਟੈਸਟ ਦੇ ਆਖਰੀ ਦਿਨ ਬੰਗਲਾਦੇਸ਼ ਨੂੰ 143 ਦੌੜਾਂ ਦੀ ਲੋੜ ਸੀ। ਚੌਥੇ ਦਿਨ ਜਦੋਂ ਖੇਡ ਰੋਕੀ ਗਈ ਤਾਂ ਮਹਿਮਾਨ ਟੀਮ ਨੇ ਬਿਨਾਂ ਕੋਈ ਵਿਕਟ ਗੁਆਏ 42 ਦੌੜਾਂ ਬਣਾ ਲਈਆਂ ਸਨ। ਪਾਕਿਸਤਾਨ ਦੀ ਦੂਜੀ ਪਾਰੀ ਬੰਗਲਾਦੇਸ਼ ਦੇ ਹਸਨ ਮਹਿਮੂਦ ਦੀਆਂ 5 ਵਿਕਟਾਂ ਅਤੇ ਨਾਹਿਦ ਰਾਣਾ ਦੀਆਂ 4 ਵਿਕਟਾਂ ਦੇ ਨੁਕਸਾਨ ਨਾਲ ਸਿਰਫ਼ 172 ਦੌੜਾਂ 'ਤੇ ਸਿਮਟ ਗਈ। ਮੇਹਦੀ ਹਸਨ ਮਿਰਾਜ ਨੇ ਪਹਿਲੀ ਪਾਰੀ 'ਚ 5 ਵਿਕਟਾਂ ਲਈਆਂ। ਪਹਿਲੀ ਪਾਰੀ 'ਚ 26 ਦੌੜਾਂ 'ਤੇ 6 ਵਿਕਟਾਂ ਡਿੱਗਣ ਤੋਂ ਬਾਅਦ ਬੰਗਲਾਦੇਸ਼ ਨੇ ਲਿਟਨ ਦਾਸ ਦੇ ਸੈਂਕੜੇ ਅਤੇ ਮੇਹਦੀ ਹਸਨ ਮਿਰਾਜ਼ ਦੀਆਂ 78 ਦੌੜਾਂ ਦੇ ਦਮ 'ਤੇ 262 ਦੌੜਾਂ ਬਣਾਈਆਂ ਸਨ।

ਪਾਕਿਸਤਾਨ ਦੀਆਂ ਉਮੀਦਾਂ ਨੂੰ ਵੱਡਾ ਝਟਕਾ

ਪਾਕਿਸਤਾਨ ਨੂੰ ਰਾਵਲਪਿੰਡੀ 'ਚ ਖੇਡੇ ਗਏ ਦੋਵੇਂ ਟੈਸਟ ਮੈਚਾਂ 'ਚ ਬੰਗਲਾਦੇਸ਼ ਤੋਂ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਦੂਜੇ ਮੈਚ ਦੀ ਪਹਿਲੀ ਪਾਰੀ ਵਿੱਚ ਮੇਜ਼ਬਾਨ ਟੀਮ ਨੇ 274 ਦੌੜਾਂ ਬਣਾਈਆਂ ਸਨ। ਬੰਗਲਾਦੇਸ਼ ਨੇ 262 ਦੌੜਾਂ ਬਣਾਈਆਂ ਅਤੇ ਫਿਰ ਪਾਕਿਸਤਾਨ ਨੂੰ ਦੂਜੀ ਪਾਰੀ ਵਿਚ 172 ਦੌੜਾਂ 'ਤੇ ਆਊਟ ਕਰ ਦਿੱਤਾ।

Bangladesh Makes History????????????
First-ever test series win against Pakistan. Bangladesh 2- Pakistan 0. ????#BCB #Cricket #BDCricket #Bangladesh #PAKvBAN #WTC25 pic.twitter.com/x1AxqilxCh — Bangladesh Cricket (@BCBtigers) September 3, 2024

ਬੰਗਲਾਦੇਸ਼ ਨੇ ਪਾਕਿਸਤਾਨ ਨੂੰ ਹਰਾ ਕੇ ਰਚਿਆ ਇਤਿਹਾਸ

ਟੈਸਟ ਇਤਿਹਾਸ 'ਚ ਪਹਿਲੀ ਵਾਰ ਬੰਗਲਾਦੇਸ਼ ਨੇ ਪਾਕਿਸਤਾਨ ਖਿਲਾਫ ਸੀਰੀਜ਼ ਜਿੱਤੀ ਹੈ। ਇਸ ਤੋਂ ਪਹਿਲਾਂ ਬੰਗਲਾਦੇਸ਼ ਨੇ ਪਹਿਲਾ ਮੈਚ 10 ਵਿਕਟਾਂ ਨਾਲ ਜਿੱਤ ਕੇ ਪਾਕਿਸਤਾਨ ਨੂੰ ਪਹਿਲੀ ਵਾਰ ਕਿਸੇ ਟੈਸਟ ਮੈਚ ਵਿੱਚ ਹਰਾਉਣ ਦਾ ਕਾਰਨਾਮਾ ਕੀਤਾ ਸੀ। ਹੁਣ ਦੂਜਾ ਮੈਚ ਵੀ ਜਿੱਤ ਕੇ ਇਸ ਟੀਮ ਨੇ ਕਲੀਨ ਸਵੀਪ ਕਰਕੇ ਇਤਿਹਾਸ ਰਚ ਦਿੱਤਾ ਹੈ।

- PTC NEWS

Join Whatsapp Channel