Refrigerator In Winter : ਸਰਦੀਆਂ ਵਿੱਚ ਫਰਿੱਜ ਨੂੰ ਕਿੰਨੇ ਨੰਬਰ ’ਤੇ ਚਲਾਉਣਾ ਚਾਹੀਦਾ ਹੈ ? ਨਹੀਂ ਤਾਂ ਹੋਵੇਗਾ ਨੁਕਸਾਨ !
Refrigerator In Winter : ਜਿਵੇਂ ਤੁਸੀਂ ਜਾਣਦੇ ਹੋ ਕਿ ਸਰਦੀਆਂ ਦਾ ਮੌਸਮ ਆਉਣ ਵਾਲਾ ਹੈ, ਦੀਵਾਲੀ ਤੋਂ ਬਾਅਦ ਮੌਸਮ ਠੰਡਾ ਹੋਣਾ ਸ਼ੁਰੂ ਹੋ ਜਾਵੇਗਾ। ਹੁਣ ਲੋਕਾਂ ਨੂੰ ਸਵੇਰੇ-ਸ਼ਾਮ ਦੀ ਠੰਢਕ ਮਹਿਸੂਸ ਹੋਣ ਲੱਗੀ ਹੈ। ਜਿਸ ਕਾਰਨ ਕਈ ਲੋਕਾਂ ਨੇ ਫਰਿੱਜ 'ਚ ਰੱਖੀਆਂ ਚੀਜ਼ਾਂ ਦੀ ਵਰਤੋਂ ਕਰਨੀ ਬੰਦ ਕਰ ਦਿੱਤੀ ਹੈ।
ਇਸ ਲਈ, ਅਸੀਂ ਤੁਹਾਡੇ ਲਈ ਇਸ ਬਾਰੇ ਜਾਣਕਾਰੀ ਲੈ ਕੇ ਆਏ ਹਾਂ ਕਿ ਸਰਦੀਆਂ ਦੇ ਮੌਸਮ 'ਚ ਫਰਿੱਜ ਦਾ ਤਾਪਮਾਨ ਕਿੰਨ੍ਹਾ ਹੋਣਾ ਚਾਹੀਦਾ ਹੈ। ਜੇਕਰ ਤੁਸੀਂ ਫਰਿੱਜ ਨੂੰ ਉੱਚੇ ਤਾਪਮਾਨ ਨਾਲ ਚਲਾਉਂਦੇ ਹੋ ਅਤੇ ਉਸ 'ਚ ਰੱਖੀ ਵਸਤੂਆਂ ਦੀ ਵਰਤੋਂ ਕਰਦੇ ਹੋ ਤਾਂ ਤੁਸੀਂ ਬੀਮਾਰ ਹੋ ਸਕਦੇ ਹੋ। ਨਾਲ ਹੀ ਜੇਕਰ ਫਰਿੱਜ ਨੂੰ ਘਟ ਤਾਪਮਾਨ 'ਤੇ ਚਲਾਉਂਦੇ ਹੋ ਤਾਂ ਹਰੀਆਂ ਸਬਜ਼ੀਆਂ ਅਤੇ ਪਕਾਇਆ ਹੋਇਆ ਭੋਜਨ ਖਰਾਬ ਹੋ ਸਕਦਾ ਹੈ। ਤਾਂ ਆਓ ਜਾਣਦੇ ਹਾਂ ਸਰਦੀਆਂ 'ਚ ਫਰਿੱਜ ਦਾ ਤਾਪਮਾਨ ਕਿੰਨ੍ਹਾ ਹੋਣਾ ਚਾਹੀਦਾ ਹੈ?
ਫਰਿੱਜ ਦਾ ਤਾਪਮਾਨ ਸੈੱਟ ਕਰਨ ਦੇ ਫਾਇਦੇ :
ਮਾਹਿਰਾਂ ਮੁਤਾਬਕ ਸਰਦੀਆਂ 'ਚ ਫਰਿੱਜ ਨੂੰ ਸਹੀ ਤਾਪਮਾਨ 'ਤੇ ਸੈੱਟ ਕਰਨਾ ਜ਼ਰੂਰੀ ਹੁੰਦਾ ਹੈ, ਤਾਂ ਜੋ ਭੋਜਨ ਤਾਜ਼ਾ ਰਹੇ ਅਤੇ ਬਿਜਲੀ ਦੀ ਬਰਬਾਦੀ ਨਾ ਹੋਵੇ। ਅਜਿਹੇ 'ਚ ਜੇਕਰ ਤਾਪਮਾਨ ਸਹੀ ਢੰਗ ਨਾਲ ਬਰਕਰਾਰ ਨਹੀਂ ਰੱਖਿਆ ਜਾਂਦਾ ਹੈ, ਤਾਂ ਭੋਜਨ ਖਰਾਬ ਹੋ ਸਕਦਾ ਹੈ ਅਤੇ ਬਿਜਲੀ ਦੀ ਬੇਲੋੜੀ ਵਰਤੋਂ ਹੋ ਸਕਦੀ ਹੈ।
ਤਾਪਮਾਨ ਸਹੀ ਨਾ ਹੋਣ 'ਤੇ ਸਮੱਸਿਆਵਾਂ :
ਜੇਕਰ ਫਰਿੱਜ ਦਾ ਤਾਪਮਾਨ ਬਹੁਤ ਘੱਟ ਹੋਵੇ ਤਾਂ ਸਬਜ਼ੀਆਂ ਅਤੇ ਫਲ ਠੰਡੇ ਕਾਰਨ ਖਰਾਬ ਹੋ ਸਕਦੇ ਹਨ। ਨਾਲ ਹੀ ਬੇਲੋੜੀ ਬਿਜਲੀ ਦੀ ਖਪਤ ਵੀ ਵਧ ਸਕਦੀ ਹੈ। ਅਜਿਹੇ 'ਚ ਜੇਕਰ ਤਾਪਮਾਨ ਬਹੁਤ ਜ਼ਿਆਦਾ ਹੋ ਜਾਂਦਾ ਹੈ, ਤਾਂ ਭੋਜਨ ਠੀਕ ਤਰ੍ਹਾਂ ਠੰਡਾ ਨਹੀਂ ਹੋਵੇਗਾ ਅਤੇ ਜਲਦੀ ਖਰਾਬ ਹੋ ਸਕਦਾ ਹੈ। ਇਹ ਸਿਹਤ ਲਈ ਵੀ ਹਾਨੀਕਾਰਕ ਹੋ ਸਕਦਾ ਹੈ, ਖਾਸ ਕਰਕੇ ਡੇਅਰੀ ਅਤੇ ਮੀਟ ਉਤਪਾਦਾਂ ਦੇ ਮਾਮਲੇ 'ਚ।
ਸਰਦੀਆਂ 'ਚ ਫਰਿੱਜ ਦਾ ਤਾਪਮਾਨ :
ਸਰਦੀਆਂ 'ਚ ਫਰਿੱਜ ਦਾ ਤਾਪਮਾਨ 2°C ਤੋਂ 5°C (35°F ਤੋਂ 41°F) ਦੇ ਵਿਚਕਾਰ ਰੱਖਣਾ ਸਭ ਤੋਂ ਵਧੀਆ ਹੁੰਦਾ ਹੈ। ਇਹ ਤਾਪਮਾਨ ਭੋਜਨ ਨੂੰ ਸੁਰੱਖਿਅਤ ਰੱਖਣ ਲਈ ਕਾਫੀ ਠੰਡਾ ਹੁੰਦਾ ਹੈ, ਅਤੇ ਬਾਹਰੀ ਠੰਡ ਕਾਰਨ ਸਰਦੀਆਂ 'ਚ ਇਸਨੂੰ ਘੱਟ ਕਰਨ ਦੀ ਲੋੜ ਨਹੀਂ ਹੁੰਦੀ ਹੈ।
ਇਹ ਵੀ ਪੜ੍ਹੋ : Gold Price : ਸੋਨਾ ਖਰੀਦਣ ਤੋਂ ਪਹਿਲਾਂ ਜਾਣ ਲਓ ਰੇਟ, ਅਕਤੂਬਰ 'ਚ ਇੰਨਾ ਮਹਿੰਗਾ ਹੋਇਆ ਸੋਨਾ
- PTC NEWS
