Amazon Layoffs: ਇਸ ਸਮੇਂ ਭਾਰਤ 'ਚ ਨੌਕਰੀਆਂ ਦੀ ਵੱਡੀ ਘਾਟ ਹੈ। ਇਸ ਤੋਂ ਇਲਾਵਾ ਦੂਜੇ ਪਾਸੇ ਇੱਥੇ ਕੰਪਨੀਆਂ ਲੋਕਾਂ ਨੂੰ ਨੌਕਰੀ ਤੋਂ ਕੱਢ ਰਹੀਆਂ ਹਨ। ਦਿੱਗਜ਼ ਈ-ਕਾਮਰਸ ਕੰਪਨੀ Amazon ਭਾਰਤ 'ਚ ਕੰਮ ਕਰਨ ਵਾਲੇ ਲੋਕਾਂ ਨੂੰ ਨੌਕਰੀ ਤੋਂ ਕੱਢ ਰਹੀ ਹੈ। ਦੱਸ ਦਈਏ ਕਿ ਕੰਪਨੀ ਦੇਸ਼ 'ਚ ਲਗਭਗ 500 ਕਰਮਚਾਰੀਆਂ ਦੀ ਛਾਂਟੀ ਦੀ ਪ੍ਰਕਿਰਿਆ 'ਚ ਲੱਗੀ ਹੋਈ ਹੈ। ਮਾਰਚ ਦੇ ਅੰਤ 'ਚ Amazon ਦੇ ਸੀਈਓ ਐਂਡੀ ਜੈਸੀ ਵੱਲੋਂ ਇਸਦੀ ਘੋਸ਼ਣਾ ਕੀਤੀ ਗਈ ਸੀ, ਜਿਸ ਨਾਲ ਦੁਨੀਆ ਭਰ 'ਚ ਇਸ ਕੰਪਨੀ ਦੇ 9000 ਕਰਮਚਾਰੀ ਪ੍ਰਭਾਵਿਤ ਹੋਏ ਸਨ।Amazon 18 ਹਜ਼ਾਰ ਕਰਮਚਾਰੀਆਂ ਨੂੰ ਕੱਢੇਗਾਕੋਚੀ ਅਤੇ ਲਖਨਊ 'ਚ ਵਿਕਰੇਤਾ ਆਨਬੋਰਡਿੰਗ ਫੰਕਸ਼ਨ ਨੂੰ ਬੰਦ ਕਰ ਦਿੱਤਾ ਗਿਆ ਹੈ। ਹਾਲਾਂਕਿ Amazon ਦੇ ਸੂਤਰਾਂ ਨੇ ਇਸ 'ਤੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਹੈ। ਐਮਾਜ਼ਾਨ ਹਾਲ ਹੀ ਦੇ ਮਹੀਨਿਆਂ ਵਿੱਚ ਦੂਜੀ ਵਾਰ ਕਰਮਚਾਰੀਆਂ ਦੀ ਛਾਂਟੀ ਕਰ ਰਿਹਾ ਹੈ। ਇਸ ਸਾਲ ਦੀ ਸ਼ੁਰੂਆਤ 'ਚ ਕੰਪਨੀ ਨੇ ਕਿਹਾ ਸੀ ਕਿ ਕਰੀਬ 18,000 ਕਰਮਚਾਰੀਆਂ ਦੀ ਛਾਂਟੀ ਕੀਤੀ ਜਾਵੇਗੀ। ਨਵੰਬਰ 2022 'ਚ ਇਹ ਰਿਪੋਰਟ ਆਈ ਸੀ ਕਿ ਐਮਾਜ਼ਾਨ ਆਪਣੀ ਗਲੋਬਲ ਯੋਜਨਾ ਦੇ ਤਹਿਤ ਭਾਰਤ ਵਿੱਚੋਂ ਬਹੁਤ ਸਾਰੀਆਂ ਨੌਕਰੀਆਂ ਨੂੰ ਖ਼ਤਮ ਕਰ ਦੇਵੇਗਾ।Amazon ਨੇ ਭਾਰਤ 'ਚ ਆਪਣੇ ਕਈ ਕਾਰੋਬਾਰ ਕਰ ਦਿੱਤੇ ਬੰਦ Amazon ਅਜੇ ਵੀ ਕੰਪਨੀ 'ਚ ਵਧ ਰਿਹਾ ਹੈ. ਇਸਦੇ ਸਭ ਤੋਂ ਵੱਡੇ ਵਿਕਰੇਤਾਵਾਂ ਵਿੱਚੋਂ ਇੱਕ, Appario, ਭਾਰਤ ਵਿੱਚ ਨਿਯਮਾਂ ਦੀ ਪਾਲਣਾ ਕਰਨ ਲਈ ਇੱਕ ਨਵੇਂ ਵਿਕਰੇਤਾ ਨੂੰ ਵਸਤੂਆਂ ਦਾ ਤਬਾਦਲਾ ਕਰ ਰਿਹਾ ਹੈ। ਪਿਛਲੇ ਸਾਲ ਐਮਾਜ਼ਾਨ ਨੇ ਭਾਰਤ ਵਿੱਚ ਫੂਡ, ਡਿਲੀਵਰੀ, ਐਡਟੈਕ ਅਤੇ ਹੋਲਸੇਲ ਡਿਸਟ੍ਰੀਬਿਊਸ਼ਨ ਸਮੇਤ ਕਈ ਕਾਰੋਬਾਰਾਂ ਨੂੰ ਬੰਦ ਕਰ ਦਿੱਤਾ ਸੀ।ਐਮਾਜ਼ਾਨ 'ਚ ਛਾਂਟੀ ਜਾਰੀਦੱਸ ਦਈਏ ਕਿ ਬੀਤੀ ਜਨਵਰੀ 'ਚ ਕੰਪਨੀ ਨੇ ਗੁਰੂਗ੍ਰਾਮ, ਬੈਂਗਲੁਰੂ ਸਮੇਤ ਆਪਣੇ ਕਈ ਦਫਤਰਾਂ 'ਚ ਕਰਮਚਾਰੀਆਂ ਨੂੰ ਕੱਢ ਦਿੱਤਾ ਸੀ। ਜ਼ਿਆਦਾਤਰ ਛਾਂਟੀ ਘਾਟੇ 'ਚ ਚੱਲ ਰਹੇ ਵਿਭਾਗਾਂ ਤੋਂ ਕੀਤੀ ਗਈ ਸੀ। ਆਰਥਿਕ ਮੰਦੀ ਕਾਰਨ ਜ਼ਿਆਦਾਤਰ ਆਈਟੀ ਕੰਪਨੀਆਂ 'ਚ ਹਲਚਲ ਮਚ ਗਈ ਹੈ। ਗਲੋਬਲ ਮੰਦੀ ਦੇ ਡਰ ਕਾਰਨ ਕਈ ਹੋਰ ਕੰਪਨੀਆਂ ਵੀ ਆਪਣੇ ਕਰਮਚਾਰੀਆਂ ਦੀ ਛਾਂਟੀ ਕਰਨ 'ਚ ਲੱਗੀਆਂ ਹੋਈਆਂ ਹਨ।
