Mumbai Drugs Case: ਆਰਿਅਨ ਖਾਨ ਕੇਸ ‘ਚ ਗਵਾਹ ਕੇਪੀ ਗੋਸਾਵੀ ਗ੍ਰਿਫਤਾਰ
Aryan Khan Drugs Case: ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖਾਨ ਦੇ ਬੇਟੇ ਆਰਿਅਨ ਨੇ ਕਰੂਜ਼ ਡ੍ਰਗਸ ਕੇਸ ‘ਚ ਗਵਾਹ ਕੇਪੀ ਗੋਸਾਵੀ ਨੂੰ ਪੁਣੇ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਹੈ। ਦੱਸ ਦੇਈਏ ਕਿ ਕੇਪੀ ਗੋਸਾਵੀ ਪਿਛਲੇ ਕਈ ਦਿਨਾਂ ਤੋਂ ਫਰਾਰ ਚੱਲ ਰਿਹਾ ਸੀ। ਮਿਲੀ ਜਾਣਕਾਰੀ ਦੇ ਮੁਤਾਬਿਕ ਕੇਪੀ ਗੋਸਾਵੀ ਦੀ ਗ੍ਰਿਫਤਾਰੀ ਮਹਾਰਾਸ਼ਟਰ ਦੇ ਪੁਣੇ ਤੋਂ ਹੋਈ ਹੈ।
ਗੋਸਾਵੀ ‘ਤੇ ਪੁਣੇ ‘ਚ ਧੋਖਾਧੜੀ ਦਾ ਕੇਸ ਵੀ ਦਰਜ ਹੈ। ਗ੍ਰਿਫ਼ਤਾਰੀ ਤੋਂ ਬਾਅਦ ਪੁਣੇ ਪੁਲਿਸ ਨੇ ਕਿਹਾ ਹੈ ਕਿ ਗੋਸਾਵੀ ਨੇ ਸਰੰਡਰ ਨਹੀਂ ਕੀਤਾ। ਅਸੀਂ ਆਪਣੀ ਇੰਟੈਲੀਜੈਂਸੀ ਦੇ ਆਧਾਰ ‘ਤੇ ਉਸ ਨੂੰ ਗ੍ਰਿਫ਼ਤਾਰੀ ਕੀਤਾ ਹੈ।
ਪੁਣੇ ਦੇ ਫਰਾਸਖਾਨਾ ਥਾਣੇ 'ਚ ਕਿਰਨ ਗੋਸਾਵੀ ਦੇ ਖਿਲਾਫ ਧੋਖਾਧੜੀ ਦਾ ਮਾਮਲਾ ਦਰਜ ਹੈ। ਇਹ 2018 ਦਾ ਮਾਮਲਾ ਹੈ। ਉਸ ਦੇ ਖਿਲਾਫ ਲੁੱਕ ਆਊਟ ਨੋਟਿਸ ਵੀ ਜਾਰੀ ਕੀਤਾ ਗਿਆ ਸੀ। ਉਹ ਕਈ ਦਿਨਾਂ ਤੋਂ ਫਰਾਰ ਸੀ। ਗੋਸਾਵੀ ਨੂੰ ਫੜਨ ਲਈ ਪੁਣੇ ਪੁਲਿਸ ਦੀਆਂ ਦੋ ਟੀਮਾਂ ਵੀ ਯੂ.ਪੀ.ਗਈਆਂ ਸੀ। ਪੁਲਸ ਮੁਤਾਬਕ 2018 'ਚ ਕਿਰਨ ਗੋਸਾਵੀ ਅਤੇ ਸ਼ੇਰਬਾਨੋ ਕੁਰੈਸ਼ੀ ਨੇ ਪੁਣੇ ਦੇ ਚਿਨਮਯ ਦੇਸ਼ਮੁਖ ਨਾਂ ਦੇ ਨੌਜਵਾਨ ਨੂੰ ਮਲੇਸ਼ੀਆ 'ਚ ਨੌਕਰੀ ਦਿਵਾਉਣ ਦਾ ਲਾਲਚ ਦਿੱਤਾ ਸੀ।
ਇਸ ਬਹਾਨੇ ਉਸ ਨੇ ਨੌਜਵਾਨਾਂ ਤੋਂ 3 ਲੱਖ ਰੁਪਏ ਠੱਗ ਲਏ। ਇਸ ਮਾਮਲੇ 'ਚ ਪੁਣੇ ਪੁਲਸ ਪਹਿਲਾਂ ਹੀ ਮੁੰਬਈ ਤੋਂ ਸ਼ੇਰਬਾਨੋ ਕੁਰੈਸ਼ੀ ਨੂੰ ਗ੍ਰਿਫਤਾਰ ਕਰ ਚੁੱਕੀ ਹੈ ਅਤੇ ਹੁਣ ਗੋਸਾਵੀ ਨੂੰ ਵੀ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
-PTC News
