ਅਮਿਤਾਭ ਬੱਚਨ ਦੇ ਪ੍ਰਸ਼ੰਸਕਾਂ ਲਈ ਖੁਸ਼ਖ਼ਬਰੀ, ਇਸ ਦਿਨ ਆ ਰਹੀ ਹੈ ਫ਼ਿਲਮ 'Jhund'
ਮੁੰਬਈ : ਬਾਲੀਵੁੱਡ ਦੇ ਬਿੱਗ ਬੀ (Big B) ਅਤੇ ਮੈਗਾਸਟਾਰ ਅਮਿਤਾਭ ਬੱਚਨ (Amitabh Bachchan) ਜੋ ਸਭ ਦੇ ਪਸੰਦੀਦਾ ਅਦਾਕਾਰ ਹਨ। ਉਨ੍ਹਾਂ ਦੀਆਂ ਫ਼ਿਲਮਾਂ ਦਾ ਇੰਤਜ਼ਾਰ ਪ੍ਰਸ਼ੰਸਕਾਂ ਨੂੰ ਬੜੀ ਬੇਸਵਰੀ ਨਾਲ ਰਹਿੰਦਾ ਹੈ। ਇਸ ਦੇ ਨਾਲ ਹੀ ਅਮਿਤਾਭ ਬੱਚਨ ਮੋਸਟ ਅਵੇਟਿਡ ਫਿਲਮ 'Jhund' ਜਿਸ ਦਾ ਨੂੰ ਪ੍ਰਸ਼ੰਸਕ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਹਨ। ਕੋਰੋਨਾ ਦੇ ਕਾਰਨ ਫਿਲਮਾਂ ਦੀ ਰਿਲੀਜ਼ ਨੂੰ ਅੱਗੇ ਵਧਾਇਆ ਜਾ ਰਿਹਾ ਸੀ ਪਰ ਬਿੱਗ ਬੀ ਦੇ ਪ੍ਰਸ਼ੰਸਕਾਂ ਲਈ ਖੁਸ਼ਖਬਰੀ ਹੈ ਕਿ ਫਿਲਮ 'Jhund' ਦੀ ਨਵੀਂ ਰਿਲੀਜ਼ ਡੇਟ ਦਾ ਖੁਲਾਸਾ ਹੋ ਗਿਆ ਹੈ। ਫਿਲਮ Jhund ਕਿਸੇ OTT ਪਲੇਟਫਾਰਮ 'ਤੇ ਨਹੀਂ ਬਲਕਿ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ। ਅਮਿਤਾਭ ਬੱਚਨ ਨੇ ਖੁਦ ਟਵੀਟ ਕਰਕੇ ਪ੍ਰਸ਼ੰਸਕਾਂ ਨੂੰ ਇਸ ਦੀ ਜਾਣਕਾਰੀ ਦਿੱਤੀ।
ਇਹ ਫਿਲਮ ਹੁਣ 4 ਮਾਰਚ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ। ਅਮਿਤਾਭ ਬੱਚਨ ਨੇ ਆਪਣੇ ਟਵੀਟ 'ਚ ਕਿਹਾ, " 'T 4178 - ਇਸ ਟੋਲੀ ਨਾਲ ਮੁਕਾਬਲਾ ਕਰਨ ਲਈ ਤਿਆਰ ਹੋ ਜਾਓ, ਸਾਡੀ ਟੀਮ ਆ ਰਹੀ ਹੈ #Jhund ਤੁਹਾਡੇ ਨੇੜੇ ਦੇ ਸਿਨੇਮਾਘਰਾਂ ਵਿੱਚ 4 ਮਾਰਚ 2022 ਨੂੰ ਰਿਲੀਜ਼ ਹੋ ਰਹੀ ਹੈ।'
ਫਿਲਮ ਦੇ ਪੋਸਟਰ ਵਿੱਚ ਅਮਿਤਾਭ ਬੱਚਨ ਟਰੈਕ ਸੂਟ ਵਿੱਚ ਨਜ਼ਰ ਆ ਰਹੇ ਹਨ। ਉਸ ਦੇ ਹੱਥ ਵਿਚ ਫੁੱਟਬਾਲ ਹੈ। ਪੋਸਟਰ ਦੇ ਇੱਕ ਪਾਸੇ ਲਿਖਿਆ ਹੈ- ‘ਝੁੰਡ ਨਹੀਂ ਟੀਮ ਕਹੀਏ।’ ਅਮਿਤਾਭ ਬੱਚਨ ਨੇ ਵੀ ਇਹ ਜਾਣਕਾਰੀ ਆਪਣੇ Instagram ਪਰਿਵਾਰ ਦੇ ਸਾਹਮਣੇ ਰੱਖੀ।ਬਿੱਗ ਬੀ (Big B) ਦੀ ਇਸ ਪੋਸਟ 'ਤੇ ਕਈ ਲੋਕਾਂ ਦੀਆਂ ਪ੍ਰਤੀਕਿਰਿਆਵਾਂ ਆਉਣ ਲੱਗੀਆਂ ਹਨ। ਪ੍ਰਸ਼ੰਸਕਾਂ ਤੋਂ ਇਲਾਵਾ, ਅਮਿਤਾਭ ਬੱਚਨ ਦੀ ਪੋਤੀ ਨਵਿਆ ਨਵੇਲੀ ਨੰਦਾ ਨੇ ਵੀ ਆਪਣੇ ਨਾਨੇ ਦੀ ਪੋਸਟ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਨਵਿਆ ਨੇ ਲਿਖਿਆ- ਵਾਹ। ਤਾਂ ਉਥੇ ਹੀ ਅਮਿਤਾਭ ਬੱਚਨ ਦੀ ਬੇਟੀ ਸ਼ਵੇਤਾ ਬੱਚਨ ਨੇ ਵੀ ਇਸ ਪੋਸਟ 'ਤੇ ਪ੍ਰਤੀਕਿਰਿਆ ਦਿੱਤੀ।T 4178 - Iss toli se muqaabla karne ke liye raho taiyaar! Humari team aa rahi hai ⚽? #Jhund releasing on 4th Mar 2022 in cinemas near you.@Nagrajmanjule #BhushanKumar #KrishanKumar #RaajHiremath #SavitaRajHiremath @AjayAtulOnline @TSeries @tandavfilms @aatpaat @ZeeStudios_ pic.twitter.com/EtNUZJFA1c — Amitabh Bachchan (@SrBachchan) February 2, 2022
ਬੇਟੇ ਅਭਿਸ਼ੇਕ ਬੱਚਨ ਨੇ ਅਮਿਤਾਭ ਦੀ ਪੋਸਟ 'ਤੇ ਥੰਬਸ ਅੱਪ ਕੀਤਾ, ਉਥੇ ਹੀ ਬਾਕੀ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਕੁਮੈਂਟ ਸੈਕਸ਼ਨ 'ਚ ਵੀ ਦੇਖਣ ਨੂੰ ਮਿਲਿਆ। ਦੱਸ ਦੇਈਏ ਫਿਲਮ Jhund ਦਾ ਨਿਰਦੇਸ਼ਨ ਫਿਲਮ 'ਸੈਰਾਟ' ਦੇ ਨਿਰਦੇਸ਼ਕ ਨਾਗਰਾਜ ਮੰਜੁਲੇ ਨੇ ਕੀਤਾ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਨਾਗਰਾਜ ਅਤੇ ਅਮਿਤਾਭ ਬੱਚਨ ਇਕੱਠੇ ਕੰਮ ਕਰ ਰਹੇ ਹਨ।
ਇਥੇ ਪੜ੍ਹੋ ਹੋਰ ਖ਼ਬਰਾਂ: ਮੂੰਗਫਲੀ ਵੇਚਣ ਵਾਲੇ ਦਾ ਗਾਇਆ ਗੀਤ 'ਕੱਚਾ ਬਦਾਮ' ਇੰਸਟਾਗ੍ਰਾਮ 'ਤੇ ਬਣਿਆ TRENDING
-PTC News 
