ਭਾਰਤੀ ਰੇਲਵੇ ਵੱਲੋਂ ਆਪਣੀਆਂ ਟ੍ਰੇਨਾਂ 'ਚ ਨਾਸ਼ਤੇ/ਲੰਚ ਤੇ ਡਿਨਰ ਦੀਆਂ ਕੀਮਤਾਂ 'ਚ ਬਦਲਾਅ, ਇੱਥੇ ਚੈੱਕ ਕਰੋ
ਨਵੀਂ ਦਿੱਲੀ, 19 ਜੁਲਾਈ: ਪ੍ਰੀਮੀਅਮ ਟ੍ਰੇਨਾਂ 'ਤੇ ਸਵੇਰ ਦਾ ਨਾਸ਼ਤਾ, ਦੁਪਹਿਰ ਦਾ ਖਾਣਾ ਅਤੇ ਰਾਤ ਦੇ ਭੋਜਨ ਦਾ ਆਰਡਰ ਕਰਨ 'ਤੇ ਉਨ੍ਹਾਂ ਯਾਤਰੀਆਂ ਨੂੰ 50 ਰੁਪਏ ਹੋਰ ਖਰਚਣੇ ਪੈਣਗੇ, ਜਿਨ੍ਹਾਂ ਨੇ ਰੇਲ ਟਿਕਟਾਂ ਬੁੱਕ ਕਰਦੇ ਸਮੇਂ ਪਹਿਲਾਂ ਤੋਂ ਖਾਣਾ ਬੁੱਕ ਨਹੀਂ ਕੀਤਾ ਸੀ।
ਨਵੇਂ ਕੇਟਰਿੰਗ ਚਾਰਜ ਸ਼ਤਾਬਦੀ ਐਕਸਪ੍ਰੈਸ, ਰਾਜਧਾਨੀ ਐਕਸਪ੍ਰੈਸ, ਵੰਦੇ ਭਾਰਤ ਐਕਸਪ੍ਰੈਸ, ਤੇਜਸ ਐਕਸਪ੍ਰੈਸ, ਸ਼ਤਾਬਦੀ ਐਕਸਪ੍ਰੈਸ ਅਤੇ ਦੁਰੰਤੋ ਐਕਸਪ੍ਰੈਸ ਸਮੇਤ ਸਾਰੀਆਂ ਪ੍ਰੀਮੀਅਮ ਟ੍ਰੇਨਾਂ 'ਤੇ ਲਾਗੂ ਹੋਣਗੇ।
ਇੰਡੀਅਨ ਰੇਲਵੇ ਕੈਟਰਿੰਗ ਐਂਡ ਟੂਰਿਜ਼ਮ ਕਾਰਪੋਰੇਸ਼ਨ (IRCTC) ਨੂੰ ਨੋਟੀਫਿਕੇਸ਼ਨ ਜਾਰੀ ਕਰਦੇ ਹੋਏ, ਭਾਰਤੀ ਰੇਲਵੇ ਬੋਰਡ ਨੇ ਸਪੱਸ਼ਟ ਤੌਰ 'ਤੇ ਕਿਹਾ ਕਿ ਜਿਨ੍ਹਾਂ ਯਾਤਰੀਆਂ ਨੇ ਰੇਲਗੱਡੀ 'ਤੇ ਖਾਣੇ ਦਾ ਆਰਡਰ ਕੀਤਾ ਪਰ ਪਹਿਲਾਂ ਤੋਂ ਖਾਣੇ ਦੀ ਪ੍ਰੀ-ਬੁਕਿੰਗ ਨਹੀਂ ਕੀਤੀ, ਉਨ੍ਹਾਂ ਤੋਂ ₹50 ਦਾ ਵਾਧੂ ਚਾਰਜ ਲਿਆ ਜਾਵੇਗਾ।
ਦੂਜੇ ਪਾਸੇ ਈਆਰਸੀਟੀਸੀ ਨੇ ਕਿਹਾ ਕਿ ਉਹ ਟਿਕਟਾਂ ਦੀ ਬੁਕਿੰਗ ਸਮੇਂ ਕੇਟਰਿੰਗ ਸੇਵਾਵਾਂ ਦੀ ਚੋਣ ਨਾ ਕਰਨ ਵਾਲੇ ਯਾਤਰੀਆਂ ਤੋਂ ਚਾਹ ਅਤੇ ਕੌਫੀ 'ਤੇ ਸਰਵਿਸ ਚਾਰਜ ਜਾਂ ਸੁਵਿਧਾ ਫੀਸ ਨਾ ਲਈ ਜਾਵੇ। ਜਾਨੀ ਚਾਹ ਅਤੇ ਕੌਫੀ ਆਮ ਦਰ 'ਤੇ ਹੀ ਉਪਲਬਧ ਰਹੇ ਗਈ ਚਾਹੇ ਤੁਸੀਂ ਇਨ੍ਹਾਂ ਦੀ ਪ੍ਰੀ-ਬੁਕਿੰਗ ਨਾ ਵੀ ਕੀਤੀ ਹੋਵੇ।
ਆਓ ਹੁਣ ਨਰਾਜ਼ ਮਾਰਦੇ ਹਾਂ ਜੇਕਰ ਤੁਸੀਂ ਆਪਣੀ ਯਾਤਰਾ ਦੇ ਸਮੇਂ ਖਾਣੇ ਦੀ ਪ੍ਰੀ-ਬੁਕਿੰਗ ਨਹੀਂ ਕੀਤੀ ਤਾਂ ਤੁਹਾਨੂੰ ਕਿੰਨੇ ਪੈਸੇ ਖਰਚਣੇ ਪੈਣਗੇ:
ਰਾਜਧਾਨੀ, ਦੁਰੰਤੋ, ਅਤੇ ਸ਼ਤਾਬਦੀ ਐਕਸਪ੍ਰੈਸ (1A ਜਾਂ EC ਕਲਾਸ) ਲਈ
- ਯਾਤਰੀਆਂ ਨੂੰ ਨਾਸ਼ਤੇ ਅਤੇ ਸ਼ਾਮ ਦੇ ਸਨੈਕਸ ਲਈ ₹140 ਦੀ ਬਜਾਏ ₹190 ਦੇਣੇ ਪੈਣਗੇ, ਜੇਕਰ ਤੁਸੀਂ ਟਿਕਟ ਬੁਕਿੰਗ ਦੇ ਸਮੇਂ ਭੋਜਨ ਦੀ ਚੋਣ ਨਹੀਂ ਕੀਤੀ ਹੈ
- ਦੁਪਹਿਰ ਦੇ ਖਾਣੇ ਅਤੇ ਰਾਤ ਦੇ ਖਾਣੇ ਲਈ ਯਾਤਰੀਆਂ ਨੂੰ 240 ਰੁਪਏ ਦੀ ਬਜਾਏ 290 ਰੁਪਏ ਖਰਚ ਕਰਨੇ ਪੈਣਗੇ
ਰਾਜਧਾਨੀ, ਦੁਰੰਤੋ, ਅਤੇ ਸ਼ਤਾਬਦੀ ਐਕਸਪ੍ਰੈਸ (2AC/3A/CC)
- 2AC/3A/CC ਵਿੱਚ ਯਾਤਰਾ ਕਰਨ ਵਾਲੇ ਯਾਤਰੀਆਂ ਨੂੰ ਸਵੇਰ ਦੇ ਨਾਸ਼ਤੇ ਲਈ ₹105 ਦੀ ਬਜਾਏ ₹155 ਦਾ ਭੁਗਤਾਨ ਕਰਨਾ ਹੋਵੇਗਾ
- ਸ਼ਾਮ ਦੇ ਸਨੈਕਸ ਲਈ ₹90 ਦੀ ਬਜਾਏ ₹140 ਦੇਣੇ ਪੈਣਗੇ
- ਦੁਪਹਿਰ ਦੇ ਖਾਣੇ ਅਤੇ ਰਾਤ ਦੇ ਖਾਣੇ ਲਈ ₹185 ਦੀ ਬਜਾਏ ₹235 ਲਗਣਗੇ
ਵੰਦੇ ਭਾਰਤ: ਨਾਸ਼ਤਾ, ਦੁਪਹਿਰ ਦਾ ਖਾਣਾ, ਰਾਤ ਦੇ ਖਾਣੇ ਦੀਆਂ ਦਰਾਂ
- ਨਾਸ਼ਤੇ ਲਈ ₹155 ਦੀ ਬਜਾਏ ₹205
- ਸ਼ਾਮ ਦੇ ਸਨੈਕ ਲਈ, ₹105 ਦੀ ਬਜਾਏ ₹155
- ਦੁਪਹਿਰ ਦੇ ਖਾਣੇ ਅਤੇ ਰਾਤ ਦੇ ਖਾਣੇ ਲਈ ₹244 ਦੀ ਬਜਾਏ ₹294
ਰੇਲਵੇ ਬੋਰਡ ਨੇ ਪ੍ਰੀਮੀਅਮ ਟ੍ਰੇਨਾਂ ਲਈ ਚਾਹ, ਨਾਸ਼ਤਾ, ਦੁਪਹਿਰ ਦੇ ਖਾਣੇ ਅਤੇ ਰਾਤ ਦੇ ਖਾਣੇ ਦੇ ਖਰਚੇ ਨਿਰਧਾਰਤ ਕੀਤੇ ਹਨ। ਯਾਤਰੀਆਂ ਨੂੰ ਧਿਆਨ ਦੇਣਾ ਚਾਹੀਦਾ ਹੈ ਕਿ ਕੀਮਤਾਂ ਵਿੱਚ ਵਸਤੂਆਂ ਅਤੇ ਸੇਵਾ ਟੈਕਸ ਸ਼ਾਮਲ ਹਨ, ਮਤਲਬ ਕਿ ਕੋਈ ਵਾਧੂ ਖਰਚੇ ਨਹੀਂ ਹੋਣਗੇ।
-PTC News
