ਸਰਕਸ ਦੇਖਣ ਦੇ ਹੋ ਸ਼ੌਂਕੀਨ 'ਤੇ ਹੋ ਜਾਓ ਤਿਆਰ! ਚੰਡੀਗੜ੍ਹ 'ਚ 4 ਸਾਲ ਬਾਅਦ ਲੱਗਣ ਜਾ ਰਹੀ ਹੈ ਸਰਕਸ
ਚੰਡੀਗੜ੍ਹ: ਦੇਸ਼ ਦੇ ਸਭ ਤੋਂ ਪੁਰਾਣੇ ਸਰਕਸਾਂ ਵਿੱਚੋਂ ਇੱਕ "ਗ੍ਰੇਟ ਜੈਮਿਨੀ ਸਰਕਸ" ਅੱਜ ਤੋਂ ਪ੍ਰਦਰਸ਼ਨੀ ਮੈਦਾਨ, ਸੈਕਟਰ 34, ਚੰਡੀਗੜ੍ਹ ਵਿਖੇ ਸ਼ੁਰੂ ਹੋਣ ਜਾ ਰਿਹਾ ਹੈ। ਤਿਉਹਾਰਾਂ ਦੇ ਇਸ ਸੀਜ਼ਨ ਵਿੱਚ, ਟ੍ਰਾਈਸਿਟੀ ਦੇ ਲੋਕਾਂ ਲਈ ਵੀਕੈਂਡ ਲਈ ਫਿਲਮਾਂ ਕਰਨ ਨਾਲੋਂ ਸਰਕਸ ਇੱਕ ਵਧੀਆ ਵਿਕਲਪ ਹੋ ਸਕਦਾ ਹੈ। ਇਸ ਵਾਰ 4 ਸਾਲਾਂ ਬਾਅਦ ਸਰਕਸ ਸ਼ਹਿਰ ਵਿੱਚ ਸ਼ੁਰੂ ਹੋ ਰਿਹਾ ਹੈ। ਇਸ ਸਰਕਸ ਵਿੱਚ ਕੀਨੀਆ ਦੇ ਕਲਾਕਾਰ ਵੀ ਪ੍ਰਦਰਸ਼ਨ ਕਰਨਗੇ। ਇਸ ਦੇ ਨਾਲ ਹੀ ਮੌਤ ਦੇ ਖੂਹ ਦਾ ਅਦਭੁਤ ਕਾਰਨਾਮਾ ਵੀ ਪੇਸ਼ ਕੀਤਾ ਜਾਵੇਗਾ। ਇਹ ਸਰਕਸ 26 ਅਕਤੂਬਰ ਤੱਕ ਚੱਲੇਗਾ। ਇਸ ਦਾ ਉਦਘਾਟਨ ਚੰਡੀਗੜ੍ਹ ਦੀ ਮੇਅਰ ਸਰਬਜੀਤ ਕੌਰ ਕਰਨਗੇ।
ਸਰਕਸ ਵਿੱਚ ਰੋਜ਼ਾਨਾ ਤਿੰਨ ਸ਼ੋਅ ਹੋਣਗੇ। ਪਹਿਲਾ ਸ਼ੋਅ ਦੁਪਹਿਰ 1 ਵਜੇ, ਦੂਜਾ ਸ਼ਾਮ 4 ਵਜੇ ਅਤੇ ਤੀਜਾ ਸ਼ੋਅ ਸ਼ਾਮ 7.30 ਵਜੇ ਹੋਵੇਗਾ। ਸ਼ੋਅ ਦੀਆਂ ਟਿਕਟਾਂ ਕ੍ਰਮਵਾਰ 100, 200 ਅਤੇ 300 ਰੁਪਏ ਰੱਖੀਆਂ ਗਈਆਂ ਹਨ। ਤਿੰਨ ਸਾਲ ਤੋਂ ਵੱਧ ਉਮਰ ਦੇ ਬੱਚਿਆਂ ਲਈ ਟਿਕਟਾਂ ਲਾਜ਼ਮੀ ਕਰ ਦਿੱਤੀਆਂ ਗਈਆਂ ਹਨ। ਇੱਕ ਸ਼ੋਅ ਵਿੱਚ ਜਿਮਨਾਸਟਿਕ ਸਮੇਤ ਲਗਭਗ 26 ਈਵੈਂਟ ਹੋਣਗੇ। ਸਾਢੇ ਤਿੰਨ ਫੁੱਟ ਦੇ ਬੌਣੇ ਮੁਰੂਗਨ ਅਤੇ ਉਸ ਦਾ ਸਾਥੀ ਮਹੇਸ਼ ਸਰਕਸ ਵਿੱਚ ਆਪਣੇ ਖਾਸ ਕਰਤੱਬ ਨਾਲ ਲੋਕਾਂ ਨੂੰ ਲੁਭਾਉਣ ਵਿੱਚ ਕੋਈ ਕਸਰ ਨਹੀਂ ਛੱਡਣਗੇ।
ਇਹ ਵੀ ਪੜ੍ਹੋ: ਗੁਰਬਤ ਭਰੀ ਜੀਅ ਰਹੀ ਜ਼ਿੰਦਗੀ 'ਚ ਬਜ਼ੁਰਗ ਔਰਤ ਨੇ ਨਾ ਹਾਰੀ ਹਿੰਮਤ, ਸਬਜ਼ੀਆਂ ਵੇਚ ਕੇ ਕਰ ਰਹੀ ਗੁਜ਼ਾਰਾ
ਕਈ ਸਾਲਾਂ ਬਾਅਦ ਸ਼ਹਿਰ ਵਿੱਚ ਸਰਕਸ ਦਾ ਆਯੋਜਨ ਕੀਤਾ ਜਾਵੇਗਾ। ਦੇਸ਼ ਦੇ ਮਸ਼ਹੂਰ ਸਰਕਸ ਵਿੱਚੋਂ ਇੱਕ ਏਸ਼ੀਆਡ ਸਰਕਸ 4 ਸਾਲਾਂ ਬਾਅਦ ਇੱਕ ਵਾਰ ਫਿਰ ਸ਼ਹਿਰ ਦੀ ਸ਼ਾਨ ਬਣਨ ਜਾ ਰਿਹਾ ਹੈ। ਇਸ ਵਿੱਚ ਕਲਾਕਾਰ ਆਪਣੀ ਅਦਾਕਾਰੀ ਨਾਲ ਲਾਜਵਾਬ ਕਾਰਨਾਮੇ ਦਿਖਾ ਕੇ ਲੋਕਾਂ ਨੂੰ ਆਪਣੇ ਵੱਲ ਖਿੱਚਣਗੇ। ਇਸ ਤੋਂ ਇਲਾਵਾ ਬਹਾਦਰ ਕਲਾਕਾਰ ਗੱਡੀ ਨੂੰ ਮੌਤ ਦੇ ਖੂਹ ਵਿੱਚ ਸੁੱਟ ਕੇ ਲੋਕਾਂ ਦੇ ਦਿਲਾਂ ਦੀ ਧੜਕਣ ਤੇਜ਼ ਕਰਨਗੇ।
-PTC News
